KL Rahul: ಓಪನರ್ ಬ್ಯಾಟ್ಸ್‌ಮನ್‌ಗೆ ಅದೃಷ್ಟವೇ ಮುಳುವಾಯಿತೇ?
ಕೆ ಎಲ್ ರಾಹುಲ್
ರಾಹುಲ್ ಅವರ ನೀರಸ ಪ್ರದರ್ಶನಗಳು ಬಿಸಿಸಿಐ ಮತ್ತು ಟೀಮ್ ಮ್ಯಾನೇಜ್‌ಮೆಂಟ್‌ಗೆ ಕೆಲವೊಂದು ಪ್ರಶ್ನೆಗಳನ್ನು ಹುಟ್ಟುಹಾಕಿವೆ. ರಾಹುಲ್ ಮನಸ್ಸಿನಲ್ಲಿ ಕೂಡ ಇದೇ ಪ್ರಶ್ನೆಗಳನ್ನು ಕಾಡುವಂತೆ ಮಾಡಿದೆ ಎಂದರೆ ಅತಿಶಯೋಕ್ತಿಯಲ್ಲ.
- Trending Desk
- 4-MIN READ
- Last Updated :
ಸಂಬಂಧಿತ ವಿಡಿಯೋದೆಹಲಿ: ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಗವಾಸ್ಕರ್ ಟೆಸ್ಟ್‌ನಲ್ಲಿ (Gavaskar Test) 115 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಭಾರತದ ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ಕೆಎಲ್ ರಾಹುಲ್ (KL Rahul) ಮತ್ತು ರೋಹಿತ್ ಶರ್ಮಾ (Rohit Sharma) ಮೊದಲ ಓವರ್‌ನಲ್ಲಿ ಆರು ರನ್‌ಗಳನ್ನು ಕಲೆಹಾಕಿದ್ದಾರೆ. ಈ ಮೂಲಕ ಧನಾತ್ಮಕ ಪ್ರಾರಂಭವನ್ನು ಮಾಡುವಲ್ಲಿ ಸಮರ್ಥರಾಗಿದ್ದಾರೆ.
ಎರಡನೇ ಓವರ್‌ನಲ್ಲಿ ನಾಥನ್ ಲಿಯಾನ್ ಬೌಲಿಂಗ್ ನಡೆಸಿದ್ದು ವಿಕೆಟ್ ಕೀಳುವ ಲೆಕ್ಕಾಚಾರದಲ್ಲಿ ಚೆಂಡುಗಳನ್ನು ಬ್ಯಾಟರ್ಗಳತ್ತ ಎಸೆಯುತ್ತಿದ್ದರು. ಬ್ಯಾಟಿಂಗ್ ಭಾಗದಲ್ಲಿ ರಾಹುಲ್ ಲೆಗ್ ಸೈಡ್‌ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಾ ನಾಥನ್ ದಾಳಿಗೆ ಪ್ರತ್ಯುತ್ತರಿಸಲು ತಯಾರಿ ನಡೆಸಿದ್ದರು. ಆದರೆ ದುರಾದೃಷ್ಟವೆಂಬಂತೆ ಚೆಂಡು ಬ್ಯಾಟ್ಸ್‌ಮನ್‌ನ ಫಾರ್ವರ್ಡ್ ಶಾರ್ಟ್ ಲೆಗ್‌ನ ಮೊಣಕಾಲಿಗೆ ಬಡಿಯುತ್ತದೆ ಹಾಗೂ ವಿಕೆಟ್ ಕೀಪರ್ ಅಲೆಕ್ಸ್ ಕ್ಯಾರಿಯತ್ತ ದೌಡಾಯಿಸುತ್ತದೆ. ಹೀಗೆ ರಾಹುಲ್ ಒಂದು ರನ್ ಗಳಿಸಿ ಸೋತು ಪೆವಿಲಿಯನ್‌ನತ್ತ ಸಾಗಿದ್ದರು.
ಕೆಎಲ್ ರಾಹುಲ್ ಅದೃಷ್ಟ ಕೈಹಿಡಿಯುತ್ತಿಲ್ಲವೇ?
ರಾಹುಲ್‌ರನ್ನು ಟೆಸ್ಟ್‌ನಲ್ಲಿ ಎರಡನೇ ಬಾರಿ ಹಾಗೂ ಕ್ರಿಕೆಟ್ ವೃತ್ತಿಜೀವನದಲ್ಲಿ ಆರನೇ ಬಾರಿ ಲಿಯಾನ್ ಔಟ್ ಮಾಡಿದ್ದಾರೆ. ಆಸ್ಟ್ರೇಲಿಯನ್ ಆಫ್ ಸ್ಪಿನ್ನರ್‌ನಿಂದ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಔಟ್ ಆದ ಆಟಗಾರ ಎಂಬ ಹಣೆಪಟ್ಟಿ ರಾಹುಲ್‌ಗಿದೆ.
ಪಂದ್ಯದಲ್ಲಿ ಅನೇಕ ಬಾರಿ ಔಟಾಗುತ್ತಿರುವ ರಾಹುಲ್ ಆಟದಲ್ಲಿ ಕೊನೆಯವರೆಗೂ ನಿಲ್ಲಲು ಹೆಚ್ಚು ಶ್ರಮಪಡುತ್ತಿದ್ದಾರೆ. ಅವರ ಅದೃಷ್ಟ ಇದಕ್ಕೆ ಸಾಥ್ ನೀಡುತ್ತಿಲ್ಲ ಎಂಬುದು ಸ್ಪಷ್ಟವಾಗಿದೆ. ಸೀಮಿತ ಓವರ್‌ಗಳ ಪಂದ್ಯಗಳಲ್ಲಿ ಸ್ವಲ್ಪ ಸಮಯದವರೆಗೆ ರಾಹುಲ್ ತಮ್ಮ ಹಾಜರಾತಿಯನ್ನು ಖಾತ್ರಿಪಡಿಸುತ್ತಾರೆ. ಏಕೆಂದರೆ ಉಳಿದ ಟೂರ್ನ್‌ಮೆಂಟ್‌ಗಳಲ್ಲಿ ಅವರು ಕಲೆಹಾಕಿರುವ ಸ್ಕೋರ್‌ಗಳ ಸಂಖ್ಯೆಯಿಂದ ಸೀಮಿತ ಓವರ್‌ಗಷ್ಟೇ ರಾಹುಲ್ ಸೂಕ್ತ ಆಟಗಾರರೇ ಎಂಬುದು ಪ್ರಶ್ನೆಯಾಗಿದೆ.
ರಾಹುಲ್ ಉತ್ತಮ ಕಳಪೆ ಪ್ರದರ್ಶನಗಳು
ರಾಹುಲ್ ಅವರ 47 ಪಂದ್ಯಗಳ ವೃತ್ತಿಜೀವನವನ್ನೇ ಹೋಲಿಸಿದಾಗ ಮೊದಲರ್ಧಲ್ಲಿ ಅವರೊಬ್ಬ ಉತ್ತಮ ಸ್ಫೋಟಕ ಬ್ಯಾಟ್ಸ್‌ಮನ್ ಎಂಬುದು ತಿಳಿದುಬಂದಿದ್ದರೂ ನಂತರದಲ್ಲಿ ನಿರರ್ಥಕ ಆಟಗಾರರಾಗಿ ಹೇಗೆ ಅವನತಿಯನ್ನು ಕಂಡುಕೊಂಡರು ಎಂಬುದನ್ನು ವಿವರಿಸುತ್ತದೆ. ರಾಹುಲ್ ತಮ್ಮ ಮೊದಲ 10 ಟೆಸ್ಟ್‌ಗಳಲ್ಲಿ ಪ್ರದರ್ಶನದ 30 ರ ಸರಾಸರಿಯನ್ನು ಹೊಂದಿದ್ದರು.
ಏರಿಳಿಯುತ್ತಿರುವ ರಾಹುಲ್ ಪ್ರದರ್ಶನ ಸಾಮರ್ಥ್ಯ
ರಾಹುಲ್ ಅವರ 15 ನೇ ಟೆಸ್ಟ್‌ನಲ್ಲಿ ಸರಾಸರಿ ಪ್ರದರ್ಶನ ಸಾಮರ್ಥ್ಯವನ್ನು ಲೆಕ್ಕಹಾಕಲಾಯಿತು. 19 ನೇ ಟೆಸ್ಟ್‌ನಲ್ಲಿ ಈ ಪ್ರದರ್ಶನ 46.27% ದಷ್ಟಿತ್ತು. ಏರಿಳಿತವನ್ನು ತೋರಿಸುತ್ತಲೇ ಬಂದಿರುವ ರಾಹುಲ್ ಪ್ರದರ್ಶನ ಅವರ 24 ನೇ ಟೆಸ್ಟ್‌ವರೆಗೆ ಸರಾಸರಿ ರನ್ ದರ 40% ಕ್ಕಿಂತ ಹೆಚ್ಚು ಉಳಿಯಲು ಕಾರಣವಾಗಿದೆ.
ಆಗಸ್ಟ್ 2018 ರಲ್ಲಿ ಇಂಗ್ಲೆಂಡ್‌ನಲ್ಲಿ ನಡೆದ ಸರಣಿಯಲ್ಲಿನ ಐದು ಪಂದ್ಯಗಳಲ್ಲಿ ಒಂದು ಶತಕ ದಾಖಲಿಸಿದ ರಾಹುಲ್ ಗ್ರಾಫ್ 38.53% ಕ್ಕೆ ಇಳಿಯಿತು. ಒಂದು ರೀತಿಯ ಭರವಸೆಯನ್ನು ಹುಟ್ಟುಹಾಕಿತು. ಕೊನೆಯ ಪಂದ್ಯದಲ್ಲಿ ಅವರು ಗಳಿಸಿದ ಶತಕವು ಅವರ ಪ್ರದರ್ಶನದ ಮಟ್ಟವನ್ನು 30 ರ ಮಧ್ಯಭಾಗಕ್ಕೆ ಇಳಿಯದಂತೆ ಮಾಡಿತು.
ಬಹುಶಃ ಅಂದಿನಿಂದ ರಾಹುಲ್ ತಮ್ಮ ಬ್ಯಾಟಿಂಗ್ ಪ್ರದರ್ಶನದ ಮೇಲೆ ನಿಯಂತ್ರಣ ಕಳೆದುಕೊಂಡರು. ಕುಸಿಯುತ್ತಾ ಬಂದಿರುವ ಅವರ ಗ್ರಾಫ್ ಕುಸಿದು ಬಿದ್ದಿದೆ ಹಾಗೂ ಮೇಲೇಳಲು ಸಾಧ್ಯವಿಲ್ಲದಷ್ಟು ಮಟ್ಟಿಗೆ ತಳವೂರಿದೆ.
ರಾಹುಲ್ ಕಳಪೆ ಪ್ರದರ್ಶನ
ಮುಂದಿನ 18 ಟೆಸ್ಟ್‌ಗಳಲ್ಲಿ ಕೇವಲ ಎರಡು ಶತಕಗಳು ಮತ್ತು ಎರಡು ಅರ್ಧಶತಕಗಳೊಂದಿಗೆ, ಅವರ ಬ್ಯಾಟಿಂಗ್ ಸರಾಸರಿಯು 47 ಟೆಸ್ಟ್‌ಗಳ ನಂತರ 33.44% ಕ್ಕೆ ಇಳಿದಿದೆ. ರಾಹುಲ್‌ರ ಇತ್ತೀಚಿನ ಕ್ರಿಕೆಟ್ ಪಂದ್ಯಗಳತ್ತ ಗಮನಹರಿಸುವುದಾದರೆ ರಾಹುಲ್ ಅವರ ಕೊನೆಯ ಶತಕವು ಡಿಸೆಂಬರ್ 2021 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ (123) ದಾಖಲಾಗಿದೆ.
ಎರಡು ಇನ್ನಿಂಗ್ಸ್‌ಗಳ ನಂತರ, ಅವರು ಜೋಹಾನ್ಸ್‌ಬರ್ಗ್‌ನಲ್ಲಿ ಅರ್ಧಶತಕ (50) ಬಾರಿಸಿದರು. ಅವರ ಮುಂದಿನ 10 ಇನ್ನಿಂಗ್ಸ್‌ಗಳಲ್ಲಿ ಅವರ ಸರಾಸರಿಯು 12.5 ಆಗಿದ್ದು, ಗರಿಷ್ಠ ಸ್ಕೋರ್ 23 ಆಗಿದೆ.
ಇದನ್ನೂ ಓದಿ: WPL 2023: ಮಹಿಳಾ ದಿನಾಚರಣೆಗೆ ಗುಡ್ ನ್ಯೂಸ್ ಕೊಟ್ಟ ಬಿಸಿಸಿಐ, ಪ್ರತಿಯೊಬ್ಬರಿಗೂ ಉಚಿತ ಟಿಕೆಟ್ ಘೋಷಣೆ
ರಾಹುಲ್ ಅವರ ನೀರಸ ಪ್ರದರ್ಶನಗಳು ಬಿಸಿಸಿಐ ಮತ್ತು ಟೀಮ್ ಮ್ಯಾನೇಜ್‌ಮೆಂಟ್‌ಗೆ ಕೆಲವೊಂದು ಪ್ರಶ್ನೆಗಳನ್ನು ಹುಟ್ಟುಹಾಕಿವೆ. ರಾಹುಲ್ ಮನಸ್ಸಿನಲ್ಲಿ ಕೂಡ ಇದೇ ಪ್ರಶ್ನೆಗಳನ್ನು ಕಾಡುವಂತೆ ಮಾಡಿದೆ ಎಂದರೆ ಅತಿಶಯೋಕ್ತಿಯಲ್ಲ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
ಸುದ್ದಿ 18ಕನ್ನಡ ಟ್ರೆಂಡಿಂಗ್
PAN Card ಹೊಂದಿರುವ ಮಹಿಳೆಯರಿಗೆ ಸಿಗ್ತಿದೆ 10 ಸಾವಿರ ರೂಪಾಯಿ, ಕೇಂದ್ರ ಕೊಟ್ಟ ಸ್ಪಷ್ಟನೆ ಇದು!
PAN-Aadhaar Link: ಈ ಜನರಿಗೆ ಪ್ಯಾನ್-ಆಧಾರ್ ಲಿಂಕ್ ಕಡ್ಡಾಯವಲ್ಲ!
ವಿದ್ಯಾರ್ಥಿಗಳೇ ಗಮನಿಸಿ, ಪರೀಕ್ಷೆ ಮುಂದೂಡಲಾಗಿದೆ
Gajakesari Yoga: ಇನ್ನೆರಡೇ ದಿನ ಸಾಕು ಇವ್ರ ಲೈಫಲ್ಲಿ ದೊಡ್ಡ ಬದಲಾವಣೆ!
ಸೂರ್ಯದೇವನ ಈ ಅಪರೂಪದ ಹೆಸರನ್ನು ನಿಮ್ಮ ಮಕ್ಕಳಿಗೆ ಇಡಿ, ಅವರ ಭವಿಷ್ಯವೂ ಪ್ರಕಾಶಿಸುತ್ತದೆ!
ಮೊನ್ನೆ 3 ಸಾವಿರ, ಇಂದು ಮತ್ತೆ 500 ರೂಪಾಯಿ ಇಳಿಕೆ! ಮುಂದಿನ ತಿಂಗಳು ಮತ್ತಷ್ಟು ಕಡಿಮೆಯಾಗುತ್ತೆ ಚಿನ್ನ!
ಬಂಗಾರ-ಬೆಳ್ಳಿ ಓಟಕ್ಕೆ ಬಿತ್ತು ಬ್ರೇಕ್: ಬೆಂಗಳೂರಲ್ಲಿ ಭಾರೀ ಇಳಿಕೆ ಕಂಡ ಚಿನ್ನದ ಬೆಲೆ!
ಬೆಂಗಳೂರು-ಮೈಸೂರು ಪ್ರಯಾಣಕ್ಕೆ ಎಕ್ಸ್ಪ್ರೆಸ್ವೇ ಒಂದೇ ಅಲ್ಲ, ಈ ಮಾರ್ಗವೂ ಇದೆ!