IPL Mini Auction 2023: RCB ತಂಡಕ್ಕೆ ಎಂಟ್ರಿ ಕೊಡಲಿದ್ದಾರೆ ಮತ್ತೊರ್ವ ಕನ್ನಡಿಗ? ಈ ಮೂವರು ಆಟಗಾರರ ಮೇಲೆ ಕಣ್ಣು

ಐಪಿಎಲ್ 2022ರ (Indian Premier League) ಆವೃತ್ತಿಯಲ್ಲಿ ಫಾಫ್ ಡು ಪ್ಲೆಸ್ಸಿಸ್ ನಾಯಕತ್ವದಲ್ಲಿ ಆರ್​ಸಿಬಿ (Royal Challengers Bangalore) ತಂಡ ಉತ್ತಮ ಪ್ರದರ್ಶನ ನೀಡಿದ್ದರೂ ಕೂಡ ಕಪ್​ ಗೆಲ್ಲುವಲ್ಲಿ ವಿಫಲವಾಗಿತ್ತು. ಟೂರ್ನಿಯಲ್ಲಿ ಪ್ಲೇ ಆಫ್​ ಹಂತದಲ್ಲಿ ಹೊರ ನಡೆದಿದ್ದ ಆರ್​ಸಿಬಿ, ಮೂರನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿತ್ತು. ಐಪಿಎಲ್ 2023ರ ಆವೃತ್ತಿಗಾಗಿ ಹಿಂದಿನ ಕೋರ್​ ಟೀಮ್​​​ಅನ್ನೇ ಉಳಿಸಿಕೊಂಡಿರುವ ಆರ್​​ಸಿಬಿ ಮ್ಯಾನೇಜ್​ಮೆಂಟ್, ಕೇವಲ ಐವರು ಆಟಗಾರರನ್ನು ಮಾತ್ರ ತಂಡದಿಂದ ಕೈಬಿಟ್ಟಿತ್ತು. ಪರಿಣಾಮ 2023ರ ಮಿನಿ ಹರಾಜು ಪ್ರಕ್ರಿಯೆಲ್ಲಿ ಆರ್​ಸಿಬಿ ಕೇವಲ 8.75 ಕೋಟಿ ರೂಪಾಯಿ ಮೊತ್ತವನ್ನು ಮಾತ್ರ ಹೊಂದಿದೆ. ಈ ಹಣದೊಂದಿಗೆ ಆರ್​​ಟಿಬಿ ದೇಶೀಯ ಆಟಗಾರರನ್ನೇ ಖರೀದಿ ಮಾಡಲು ಟಾರ್ಗೆಟ್​ ಮಾಡಿದೆಯಂತೆ. ಅದರಲ್ಲೂ ಈ ಮೂವರು ಆರಂಭಿಕ ಆಟಗಾರರ ಮೇಲೆ ಆರ್​​ಸಿಬಿ ಫ್ರಾಂಚೈಸಿ ಕಣ್ಣಿಟ್ಟಿದೆಯಂತೆ.

ಮಯಾಂಕ್ ಅಗರ್ವಾಲ್

ಬೆಂಗಳೂರು ಲೋಕಲ್ ಪ್ಲೇಯರ್, ಪಂಜಾಬ್ ತಂಡದ ಮಾಜಿ ಕ್ಯಾಪ್ಟನ್ ಮಯಾಂಕ್ ಅಗರ್ವಾಲ್​ರನ್ನು ಖರೀದಿ ಮಾಡಲು ಆರ್​ಸಿಬಿ ಆಸಕ್ತಿ ಹೊಂದಿದೆಯಂತೆ. ಮಯಾಂಕ್​​ರನ್ನು ಖರೀದಿ ಮಾಡುವುದರಿಂದ ತಂಡಕ್ಕೆ ಸ್ಥಳೀಯ ಆಟಗಾರ ತಂಡ ಸೇರಿದಂತಾಗುತ್ತದೆ ಎಂದು ಮ್ಯಾನೇಜ್​ಮೆಂಟ್​ ಭಾವಿಸುತಿದೆಯಂತೆ.

ವಿಶೇಷ ಎಂದರೇ, ಮಯಾಂಕ್, ಸ್ಪಿನ್​ ಬೌಲಿಂಗ್​ ವಿರುದ್ಧ ಸಮರ್ಥವಾಗಿ ಬ್ಯಾಟ್ ಮಾಡಬಲ್ಲರು. ಆದರೆ ಮಯಾಂಕ್ ಆರ್​​ಸಿಬಿ ಬ್ಯಾಟಿಂಗ್​​​ ಅರ್ಡರ್​ಗೆ ಹೊಂದಾಣಿಕೆ ಆಗಬೇಕಿದೆ. ಕೊಹ್ಲಿ, ಡುಪ್ಲೆಸಿಸ್, ಅನುಜ್ ರಾವತ್ ಆಟಗಾರರೊಂದಿಗೆ ಆರ್​ಸಿಬಿ ಟಾಪ್​ ಬ್ಯಾಟಿಂಗ್ ಅರ್ಡರ್ ಬಲಿಷ್ಠವಾಗಿದೆ. ಇಂತಹ ಸಮಯದಲ್ಲಿ ಮಯಾಂಕ್​​ರನ್ನು ಆರ್​ಸಿಬಿ ತಂಡಕ್ಕೆ ಸೇರಿಸಿಕೊಳ್ಳುವುದರಲ್ಲಿ ಯಾವುದೇ ಪ್ರಯೋಜನವಿಲ್ಲ ಎಂದು ಕ್ರಿಕೆಟ್ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಅಲ್ಲದೇ ಆರ್​​ಸಿಬಿ ತನ್ನ ಬಲಹೀನತೆಯನ್ನು ನಿವಾರಿಸಿಕೊಳ್ಳುವತ್ತ ಗಮನಹರಿಸಬೇಕಿದೆ ಎಂದು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: IND vs BAN: ಟೀಂ ಇಂಡಿಯಾ ಸೋಲಿಗೆ ಆ ಇಬ್ಬರು ಮಾಡಿದ ತಪ್ಪೇ ಕಾರಣ, ಕಾರ್ತಿಕ್​ ಶಾಕಿಂಗ್​ ಹೇಳಿಕೆ

ಮಯಾಂಕ್ ಅರ್ಗವಾಲ್

ನಿಕೋಲಸ್ ಪೂರನ್

ವೆಸ್ಟ್​ ಇಂಡೀಸ್ ತಂಡದ ಆಟಗಾರ ನಿಕೋಲಸ್ ಪೂರನ್ ಅವರನ್ನು ಖರೀದಿ ಮಾಡಲು ಆರ್​ಸಿಬಿ ಮುಂದಾಗುವ ಸಾಧ್ಯತೆಗಳು ಹೆಚ್ಚಿದೆ. ಸ್ಪಿನ್​​ ಬೌಲಿಂಗ್​ ವಿರುದ್ಧ ಬಿರುಸಿನ ಆಟ ಪ್ರದರ್ಶಿಸುವ ಪೊರನ್​, ಎಡಗೈ ಬ್ಯಾಟರ್​ ಆಗಿರೋದು ಇಲ್ಲಿ ಪ್ಲಾಸ್​ ಆಗಲಿದೆಯಂತೆ. ಏಕೆಂದರೆ ಟಾಪ್​ 5 ಬ್ಯಾಟಿಂಗ್ ಅರ್ಡರ್​​ನಲ್ಲಿ ಪೊರನ್​​ರಂತಹ ಕ್ವಾಲಿಟಿ ಬ್ಯಾಟರ್​​ ಆರ್​​​ಸಿಬಿ ತಂಡದಲ್ಲಿ ಇಲ್ಲದಿರೋದರಿಂದ ಆತನನ್ನು ಖರೀದಿ ಮಾಡಲು ಮುಂದಾಗಬಹುದು.

ನಿಕೋಲಸ್ ಪೂರನ್

ಆದರೆ ಆರ್​ಸಿಬಿ ಬಳಿ ಇರೋ ಬಜೆಟ್​ನಲ್ಲಿ ಪೂರನ್​​ರನ್ನು ಖರೀದಿ ಮಾಡೋದು ಕಷ್ಟಸಾಧ್ಯ. ಕಳೆದ ವರ್ಷ ಹರಾಜಿನಲ್ಲಿ ಪೂರನ್ 10 ಕೋಟಿ ರೂಪಾಯಿಗೆ ಪಡೆದುಕೊಂಡಿದ್ದರು. ಈ ಬಾರಿ 5 ಕೋಟಿ ರೂಪಾಯಿ ಆದರೂ ಪಡೆದುಕೊಳ್ಳುವ ಅವಕಾಶವಿದೆ. ಅಲ್ಲದೇ ಆರ್​ಸಿಬಿ ತಂಡದಲ್ಲಿ ವಿದೇಶಿ ಆಟಗಾರರ ಪಟ್ಟಿಯಲ್ಲಿ ಡುಪ್ಲೆಸಿಸ್, ಮ್ಯಾಕ್ಸ್​​ವೆಲ್​, ವಾನಿಂದು ಹರಸಂಗ, ಜೋಶ್ ಹೆಜಲ್​ವುಡ್ ರೊಂದಿಗೆ ನಾಲ್ಕು ಸ್ಥಾನಗಳು ಬರ್ತಿಯಾಗಿದೆ.

ಇದನ್ನೂ ಓದಿ: IND vs BAN ODI: ಟಾಸ್​ ಗೆದ್ದ ಬಾಂಗ್ಲಾದೇಶ, ಟೀಂ ಇಂಡಿಯಾ ಪ್ಲೇಯಿಂಗ್​ 11ನಲ್ಲಿ ಬದಲಾವಣೆ

ಕೈಲ್ ಜೇಮೀಸನ್

ನ್ಯೂಜಿಲೆಂಡ್​ ಆಲ್​ರೌಂಡರ್ ಕೈಲ್ ಜೇಮೀಸನ್ ಅವರನ್ನು ಮತ್ತೊಮ್ಮೆ ಖರೀದಿ ಪ್ರಯತ್ನವನ್ನು ಆರ್​​ಸಿಬಿ ಮಾಡಬಹುದು. 2021ರ ಐಪಿಎಲ್​ ಹರಾಜು ಪ್ರತಿಕ್ರಿಯೆಯಲ್ಲಿ ಜೇಮೀಸನ್​​​​ ಖರೀದಿಗೆ 14 ಕೋಟಿ ರೂಪಾಯಿ ನೀಡಿ ಕೈ ಸುಟ್ಟುಕೊಂಡಿದ್ದ ಆರ್​ಸಿಬಿ, ಈ ಬಾರಿ ಕಡಿಮೆ ಮೊತ್ತಕ್ಕೆ ಖರೀದಿ ಮಾಡೋ ಸಾಧ್ಯತೆ ಇದೆ.

ಕೈಲ್ ಜೇಮೀಸನ್

ಆರ್​ಸಿಬಿ ಟೀಂ ಡೈರೆಕ್ಟರ್ ಮೈಕ್ ಹೆಸ್ಸನ್ ನ್ಯೂಜಿಲೆಂಡ್​​​ ಅವರೇ ಆಗಿರುವುದರಿಂದ, ಆ ದೇಶದ ಆಟಗಾರನ ಖರೀದಿಗೆ ಮನಸ್ಸು ಮಾಡಬಹುದು. ಅಲ್ಲದೇ ಆರ್​​ಸಿಬಿ ತಂಡದಲ್ಲಿ ಪಂದ್ಯ ಗೆಲ್ಲಿಸಿಕೊಡುವಂತಹ ಆಲ್​ರೌಂಡರ್​ ಕೊರತೆ ಇದ್ದು, ಆ ಸ್ಥಾನಕ್ಕೆ ಜೇಮೀಸನ್​ ಉತ್ತಮ ಎಂದು ಮ್ಯಾನೇಜ್​​​ಮೆಂಟ್ ಭಾವಿಸುತ್ತಿದೆ. ಮುಂಬೈ ತಂಡಕ್ಕೆ ನೀಡಿರೋ ಜೇಸನ್ ಬೆಹ್ರೆನ್ಡಾರ್ಫ್ ಅವರ ಸ್ಥಾನಕ್ಕೆ ಸೂಕ್ತ ಎನ್ನಲಾಗುತ್ತಿದೆ. ಆದರೆ ಟಿ20 ಮಾದರಿ ಕ್ರಿಕೆಟ್​​ನಲ್ಲಿ ಜೇಮೀಸನ್​​​ಗೆ ಉತ್ತಮ ರೆಕಾರ್ಡ್​​​ ಇಲ್ಲದಿರೋದು ಮೈನಸ್​ ಪಾಯಿಂಟ್ ಆಗಿದ್ದು, ಬ್ಯಾಕ್ ಅಪ್ ಆಟಗಾರನಾಗಿ ಆದರು ಜೇಮೀಸನ್​​ರನ್ನು ಖರೀದಿ ಮಾಡಬಹುದಾಗಿದೆ.