IPL 2022, CSK vs MI Highlights: ಸುಲಿದ ಬಾಳೆಹಣ್ಣು ತಿಂದಷ್ಟೇ ಸುಲಭಕ್ಕೆ ಚೆನ್ನೈ ವಿರುದ್ಧ ಗೆದ್ದ ಮುಂಬೈ!

ಅತ್ಯಂತ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬ್ಯಾಟರ್​ಗಳು ಕೇವಲ 97 ರನ್​ಗಳಿಗೆ ಆಲ್ ಔಟ್ ಆಗಿ ನೂರು ರನ್​ಗಳನ್ನೂ ಗಳಿಸದೇ ಎರಡನೇ ಇನ್ನಿಂಗ್ಸ್​ಗೂ ಮುನ್ನವೇ ಬಹುತೇಕ ಚೆನ್ನೈ ಸೋಲೊಪ್ಪಿಕೊಂಡಿತು.

ಧೋನಿ- ರೋಹಿತ್

ಧೋನಿ- ರೋಹಿತ್

  • Share this:
    ಭಯಂಕರ ಕುತೂಹಲ ಹುಟ್ಟಿಸಿದ್ದಐಪಿಎಲ್ 2022 ರ (IPL 2022) ಇಂದಿನ  ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಮುಂಬೈ ಇಂಡಿಯನ್ಸ್ ಪಂದ್ಯದಲ್ಲಿ(MI vs CSK) ಧೋನಿ ನೇತೃತ್ವದ ಬಳಗ  ಸೋಲಿಗೆ ಶರಣಾಗಿದೆ. ಮುಂಬೈ ಇಂಡಿಯನ್ಸ್ ಸುಲಿದ ಬಾಳೆಹಣ್ಣು ತಿಂದಷ್ಟೇ ಸಲೀಸಾಗಿ ಗೆಲುವನ್ನು ತನ್ನದಾಗಿಸಿಕೊಂಡಿದೆ. ಅತ್ಯಂತ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬ್ಯಾಟರ್​ಗಳು ಕೇವಲ 97 ರನ್​ಗಳಿಗೆ ಆಲ್ ಔಟ್ ಆಗಿ ನೂರು ರನ್​ಗಳನ್ನೂ ಗಳಿಸದೇ ಎರಡನೇ ಇನ್ನಿಂಗ್ಸ್​ಗೂ ಮುನ್ನವೇ ಬಹುತೇಕ ಸೋಲೊಪ್ಪಿಕೊಂಡಿತು. ಮುಂಬೈ ಇಂಡಿಯನ್ಸ್ ಇನ್ನೂ 31 ಬೌಲ್​ಗಳು ಇರುವಾಗಲೇ  103 ರನ್​ ಗಳಿಸಿ 5 ವಿಕೆಟ್​ಗಳ ಅಂತರದಿಂದ ಅತ್ಯಂತ ಸಲೀಸಾಗಿ ಗೆಲುವಿನ (MI Won Against CSK) ನಗೆ ಬೀರಿತು.

    ಅಲ್ಲದೇ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ  ದುರಾದೃಷ್ಟವು ಸಹ ಎದುರಾಯಿತು. ವಾಂಖೆಡೆ ಕ್ರೀಡಾಂಗಣದಲ್ಲಿ ಪವರ್ ಕಟ್​ನಿಂದ ಡಿಆರ್​ಎಸ್ (Power Cut Isse DRS) ತೆಗೆದುಕೊಳ್ಳಲೂ ಆಗದೇ ತನ್ನ ಪ್ರಮುಖ ಎರಡು ಬ್ಯಾಟರ್​ಗಳು ಪೆವಿಲಿಯನ್​ಗೆ ಮರಳುವುದು ಕಂಡು ಚೆನ್ನೈ ಅಭಿಮಾನಿಗಳು ಬಲು ಬೇಸರಗೊಂಡರು. ಚೆನ್ನೈ ಪರ ನಾಯಕ ಧೋನಿ 33 ಬೌಲ್​ಗಳಲ್ಲಿ 36 ರನ್ ಗಳಿಸಿದ ಏಕಾಂಗಿ ಹೋರಾಟವೊಂದೇ ಸ್ಪರ್ಧೆ ನೀಡಿತು. ಮುಂಬೈ ಬೌಲರ್​ಗಳಾದ ಡೇನಿಯಲ್ ಸ್ಯಾಮ್ಸ್ 3 ವಿಕೆಟ್, ಕುಮಾರ್ ಕಾರ್ತಿಕೇಯ 2 ವಿಕೆಟ್ ಕಿತ್ತು ಮಿಂಚಿದರು.

    ಡಿಆರ್​ಎಸ್ ಎಂಬ ದುರಾದೃಷ್ಟ
    ಚೆನ್ನೈ ತಂಡದ ಆರಂಭಿಕ ಆಟಗಾರ ಡ್ವೇನ್ ಕಾನ್ವೇ ಮೊದಲ ಓವರ್‌ನಲ್ಲಿ ಎಲ್‌ಬಿಡಬ್ಲ್ಯೂ ಆದರು. ಅಂಪೈರ್ ಔಟ್ ಕೊಟ್ಟರು, ಡಿಆರ್​ಎಸ್ ತೆಗೆದುಕೊಳ್ಳಲು ಬಯಸಿದರೂ ಸ್ಟೇಡಿಯಂನಲ್ಲಿ ಕರೆಂಟ್ ಇರಲಿಲ್ಲ! ವಿದ್ಯುತ್ ಇಲ್ಲದಿರುವುದು ಡಿಆರ್‌ಎಸ್ (DRS) ಪಡೆಯಲು ಕಾನ್ವೆ ಅವರಿಗೆ ಅವಕಾಶ ಸಿಗಲೇ ಇಲ್ಲ! ಇದರೊಂದಿಗೆ ಹತಾಶೆಯಿಂದ ಡ್ವೇನ್ ಕಾನ್ವೇ ಪೆವಿಲಿಯನ್​ನತ್ತ ಹೊರಟರು.

    ಇದನ್ನೂ ಓದಿ: Rahul Dravid: ರಾಹುಲ್ ದ್ರಾವಿಡ್ ಸರಳತೆಗೆ ಇನ್ನೊಂದು ಸಾಕ್ಷಿ! ಪಕ್ಕದಲ್ಲಿ ಕೂತೋರಿಗೆ ಇವರೇ ಅವರಂತ ಗೊತ್ತೇ ಆಗಿಲ್ಲ!

    ರಾಬಿನ್ ಉತ್ತಪ್ಪ ಕ್ಯಾಚ್ ನೀಡಿ ಜಸ್​ಪ್ರೀತ್ ಬೂಮ್ರಾ ಎಲ್​ಬಿಡಬ್ಲ್ಯೂ ಆದರು. ಅವರಿಗೂ ಡಿಆರ್​ಎಸ್​ ತೆಗೆದುಕೊಳ್ಳಲು ಆಗಲಿಲ್ಲ. ಹೀಗೆ ಇಬ್ಬರು ಆಟಗಾರರು ಡಿಆರ್​ಎಸ್ ತೆಗೆದುಕೊಳ್ಳಲು ಆಗದೇ ಪೆವಿಲಿಯನ್​ಗೆ ನಿರ್ಗಮಿಸುವಂತಾಯಿತು. ಈ ಘಟನೆ ನೋಡಿದ ನೆಟ್ಟಿಗರು ಫುಲ್ ಟ್ರೋಲ್ ಮಾಡುತ್ತಿದ್ದಾರೆ.

    ಮುಂಬೈ ಇಂಡಿಯನ್ಸ್ ತಂಡದ ಭರ್ಜರಿ ಬೌಲಿಂಗ್​ನಿಂದ ಚೆನ್ನೈ ಸೂಪರ್ ಕಿಂಗ್ಸ್ 16 ಓವರ್​ಗಳಲ್ಲಿ ಕೇವಲ 97 ರನ್​ಗಳಿಗೆ ಆಲ್ ಔಟ್ ಆಗಿದೆ. ಅಚ್ಚರಿಯ ಹಲವು ಕ್ಷಣಗಳಿಗೆ ಮುಂಬೈ ಇಂಡಿಯನ್ಸ್ vs ಚೆನ್ನೈ ಸೂಪರ್ ಕಿಂಗ್ಸ್ ಪಂದ್ಯ ಸಾಕ್ಷಿಯಾಗಿತ್ತು.

    ಇದನ್ನೂ ಓದಿ: Worlds Richest Athlete: ಇವರೇ ವಿಶ್ವದ ಶ್ರೀಮಂತ ಅಥ್ಲೀಟ್‌ಗಳು, ಭಾರತದಲ್ಲಿ ಕೊಹ್ಲಿ ಒಬ್ಬರೇ ಕಿಂಗ್

    ಚೆನ್ನೈ ಪ್ಲೇ ಆಫ್​ಗೆ ಹೋಗಲ್ವಾ?
    ಚೆನ್ನೈ ಸೂಪರ್ ಕಿಂಗ್ಸ್​ಗೆ ಈ ಪಂದ್ಯ ಅತ್ಯಂತ ನಿರ್ಣಾಯಕ ಪಂದ್ಯವಾಗಿತ್ತು. ಪ್ಲೇ ಆಫ್ ಪ್ರವೇಶಿಸಲು ಚೆನ್ನೈ ಈ ಪಂದ್ಯದಲ್ಲಿ ಗೆಲ್ಲಲೇಬೇಕಿತ್ತು. ಆದರೆ ಇಂತಹ ನಿರ್ಣಾಯಕ ಪಂದ್ಯದಲ್ಲೇ ಚೆನ್ನೈ ಸೂಪರ್ ಕಿಂಗ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧ ಸೋಲೊಪ್ಪಿಕೊಂಡಂತಾಗಿದೆ. ಈಮೂಲಕ ಐಪಿಎಲ್ 2022ರಲ್ಲಿ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಪ್ಲೇ ಆಫ್ ಕನಸು ಇಲ್ಲಿಗೆ ಮುಗಿದಂತಾಗಿದೆ. ಯಾವುದೇ ರೀತಿಯಲ್ಲೂ ಹೋರಾಟವನ್ನೇ ನಡೆಸದೇ ಚೆನ್ನೈ ಸೂಪರ್ ಕಿಂಗ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧ ಸೋತು ಪ್ಲೇ ಆಫ್ ಪ್ರವೇಶುವ ಅವಕಾಶವನ್ನು ಕಳೆದುಕೊಂಡಿದೆ.
    Published by:guruganesh bhat
    First published: