IPL 2022 DC vs RR, Jos Buttler: ರೊಚ್ಚಿಗೆದ್ದ ಬಟ್ಲರ್, 3ನೇ ಸೆಂಚುರಿಲಿ ಸಿಕ್ಸ್, ಫೋರ್​ಗಳ ಲೆಕ್ಕ ಇಡೋದೇ ಕಷ್ಟ!

ದೇವದತ್ ಪಡಿಕ್ಕಲ್ (54 ರನ್) ಜೋಸ್ ಬಟ್ಲರ್ ಜೊತೆಗೂಡಿ ಮೊದಲ ವಿಕೆಟ್‌ಗೆ 155 ರನ್ ಸೇರಿಸಿದರು. ಬಟ್ಲರ್ ಅವರ ವಿಕೆಟ್ (116) ನಂತರ ನಾಯಕ ಸಂಜು ಸ್ಯಾಮ್ಸನ್ ಇನ್ನಿಂಗ್ಸ್‌ಗೆ ಬಲಿಷ್ಠ ಫಿನಿಶ್ ನೀಡಿದರು.

ಜೋಸ್ ಬಟ್ಲರ್

ಜೋಸ್ ಬಟ್ಲರ್

  • Share this:
    ಜೋಸ್ ಬಟ್ಲರ್ ಅವರ ಬ್ಯಾಟ್​ನಿಂದ ಐಪಿಎಲ್ 2022ರಲ್ಲಿ ಮತ್ತೊಂದು ಸ್ಫೋಟಕ ಸೆಂಚುರಿ ಸಿಡಿದಿದೆ. ಈಮೂಲಕ ಅವರು ಈ ಐಪಿಎಲ್​ನಲ್ಲಿ ಮೂರನೇ (IPL 2022) ಶತಕವನ್ನು ಬಾರಿಸಿದಂತಾಗಿದೆ. ಅವರು ಡೆಲ್ಲಿ ಕ್ಯಾಪಿಟಲ್ಸ್​  ಬೌಲರ್‌ಗಳ ಮೇಲೆ ಭರ್ಜರಿ ಸ್ಟ್ರೋಕ್ ಆಟದ (Jos Buttler 3rd Century) ಮೂಲಕ 20 ಓವರ್‌ಗಳಲ್ಲಿ ರಾಜಸ್ಥಾನ್ ರಾಯಲ್ಸ್ (IPL 2022 DC vs RR) ಕೇವಲ 2 ವಿಕೆಟ್ ನಷ್ಟಕ್ಕೆ ಭರ್ಜರಿಯಾಗಿ  222  ರನ್ ಕಲೆಹಾಕಲು ಸಹಾಯ ಮಾಡಿದರು. ಜೋಸ್ ಬಟ್ಲರ್ ತಮ್ಮ ಸ್ಫೋಟಕ ಇನ್ನಿಂಗ್ಸ್‌ನಲ್ಲಿ 9 ಸಿಕ್ಸರ್ ಮತ್ತು 9 ಬೌಂಡರಿಗಳನ್ನು ಬಾರಿಸಿದರು.

    ದೇವದತ್ ಪಡಿಕ್ಕಲ್ (54 ರನ್) ಜೋಸ್ ಬಟ್ಲರ್ ಜೊತೆಗೂಡಿ ಮೊದಲ ವಿಕೆಟ್‌ಗೆ 155 ರನ್ ಸೇರಿಸಿದರು. ಬಟ್ಲರ್ ಅವರ ವಿಕೆಟ್ (116) ನಂತರ ನಾಯಕ ಸಂಜು ಸ್ಯಾಮ್ಸನ್ ಇನ್ನಿಂಗ್ಸ್‌ಗೆ ಬಲಿಷ್ಠ ಫಿನಿಶ್ ನೀಡಿದರು.

    ಮತ್ತೂ ಮುನ್ನುಗ್ಗುವ ಉಮೇದಿಯಲ್ಲಿ ರಾಜಸ್ಥಾನ ರಾಯಲ್ಸ್
    ರಾಜಸ್ಥಾನ ರಾಯಲ್ಸ್   ಪ್ರಸ್ತುತ ಪಾಯಿಂಟ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿತ್ತು. ಮತ್ತೊಂದು ನಿರ್ಣಾಯಕ ಗೆಲುವನ್ನು ಪಡೆಯುವ ರೀತಿಯಲ್ಲಿ ರಾಜಸ್ಥಾನ ಬ್ಯಾಟ್ ಮಾಡಿ ಭರ್ಜರಿ ಮೊತ್ತ ಕಲೆಹಾಕಿದೆ. ಭರ್ಜರಿ ಬ್ಯಾಟಿಂಗ್​ನಿಂದ ಪಾಯಿಂಟ್ ಪಟ್ಟಿಯಲ್ಲಿ ಮೇಲೆ ಜಿಗಿಯುವ ಹುಕಿಯಲ್ಲಿ  ರಾಜಸ್ಥಾನ ಇದೆ.

    ಈ ಐಪಿಎಲ್ ಸೀಸನ್​ನ ಗರಿಷ್ಠ ಮೊತ್ತ
    ರಾಜಸ್ಥಾನ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಗಳಿಸಿದ 222 ರನ್​ಗಳು ಈ ಐಪಿಎಲ್ ಋತುವಿನಲ್ಲಿ ಗಳಿಸಿದ ಗರಿಷ್ಠ ಮೊತ್ತವಾಗಿದೆ.

    ರಾಜಸ್ಥಾನ ರಾಯಲ್ಸ್ ಡೆಲ್ಲಿ ಕ್ಯಾಪಿಟಲ್ಸ್ ಅನ್ನು 15 ರನ್‌ಗಳಿಂದ ಸೋಲಿಸಿತು. ಕೊನೆಯ ಎರಡು ಓವರ್‌ಗಳಲ್ಲಿ 36 ರನ್‌ಗಳ ಅಗತ್ಯವಿದ್ದಾಗ, ವೇಗಿ ಪ್ರಸಿದ್ಧ್ ಕೃಷ್ಣ ಒಂದು ವಿಕೆಟ್ ಮೇಡನ್ ಬೌಲ್ ಮಾಡಿದರು. ರೋವ್ಮೆನ್ ಪೊವಲ್ ಹ್ಯಾಟ್ರಿಕ್ ಸಿಕ್ಸರ್​ ಬಾರಿಸಿದರೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಗೆಲುವಿನಿಂದ 15 ರನ್​ಗಳಿಂದ ವಂಚಿತವಾಯಿತು. ಆದರೆ ರಾಜಸ್ಥಾನ ರಾಯಲ್ಸ್ ತನ್ನ ಪರಿಶ್ರಮಕ್ಕೆ ತಕ್ಕಂತೆ ಭರ್ಜರಿ ಜಯವನ್ನೇ ಗಳಿಸಿತು.

    ಇದನ್ನೂ ಓದಿ:Arun Lal 2nd Marriage: ಮೊದಲ ಹೆಂಡತಿ ಒಪ್ಪಿಗೆ ಮೇರೆಗೆ 2ನೇ ಮದುವೆ ಆಗ್ತಿದ್ದಾರೆ ಮಾಜಿ ಕ್ರಿಕೆಟಿಗ!

    ಗೆಲುವಿಗೆ 223 ರನ್‌ಗಳ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಆರಂಭಿಕರಾದ ಪೃಥ್ವಿ ಶಾ ಮತ್ತು ಡೇವಿಡ್ ವಾರ್ನರ್ ಉತ್ತಮ ಆರಂಭ ನೀಡಿದರು. ಮುಂದಿನ ಹಂತದಲ್ಲಿ ನಾಯಕ ರಿಷಬ್ ಪಂತ್ 44 ರನ್‌ಗಳಿಗೆ ನಿರ್ಗಮಿಸುವ ಮೂಲಕ ಡಿಸಿ ಭರವಸೆಗೆ ಮತ್ತೆ ದೊಡ್ಡ ಹೊಡೆತ ಬಿದ್ದಿತು.

    ಈ ಹಿಂದೆ ಎರಡು ಸೆಂಚುರಿ ಮೂಲಕ ದಾಖಲೆ ಮಾಡಿದ್ದ ಬಟ್ಲರ್
    ಬಟ್ಲರ್ ಅವರು ಐಪಿಎಲ್ 2022ರಲ್ಲೆ ಈ ಹಿಂದಿನ ಪಂದ್ಯಗಳಲ್ಲಿ ಎರಡು ಸೆಂಚುರಿ ಗಳಿಸಿದ್ದರು. ಒಂದು ಸೆಂಚುರಿಯಲ್ಲಿ ಗಳಿಸಿದ 103 ರನ್​ ಒಂಬತ್ತು ಬೌಂಡರಿಗಳು ಮತ್ತು ಐದು ಸಿಕ್ಸರ್‌ಗಳಿಂದ ಕೂಡಿತ್ತು.  ಆ ಸೆಂಚುರಿ ಮೂಲಕ ಅವರು ದಂತಕಥೆ ಎಬಿ ಡಿವಿಲಿಯರ್ಸ್ ಅವರ ದಾಖಲೆಯನ್ನು ಸರಿಗಟ್ಟಿದ್ದರು.

    ಇದನ್ನೂ ಓದಿ: Athiya Shetty KL Rahul: ಆತಿಯಾ ಶೆಟ್ಟಿ- ಕೆ.ಎಲ್.ರಾಹುಲ್ ಮನೆ ಬಾಡಿಗೆ ಕೇಳಿದ್ರೆ ಅಬ್ಬಬ್ಬಾ ಅನಿಸುತ್ತೆ!

    ಬಟ್ಲರ್ ಐಪಿಎಲ್ ಇತಿಹಾಸದಲ್ಲಿ ಮೂರನೇ ಅತಿ ಹೆಚ್ಚು ಶತಕಗಳೊಂದಿಗೆ ಸಾಗರೋತ್ತರ ಬ್ಯಾಟರ್ ಆಗಲು ಎಬಿ ಡಿವಿಲಿಯರ್ಸ್​ ಅವರ ಸಾಲಿಗೆ ಸೇರಿದ್ದರು.. ಯೂನಿವರ್ಸ್ ಬಾಸ್ ಕ್ರಿಸ್ ಗೇಲ್ ಐಪಿಎಲ್‌ನಲ್ಲಿ ಅದ್ಭುತ ಆರು ಶತಕಗಳೊಂದಿಗೆ ಗಣ್ಯರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.
    Published by:guruganesh bhat
    First published: