HOME » NEWS » Sports » CRICKET IPL 2021 STATE WISE PLAYERS LIST ZP

IPL 2021: ಐಪಿಎಲ್ ತಂಡಗಳಲ್ಲಿರುವ ರಾಜ್ಯವಾರು ಆಟಗಾರರ ಅಂಕಿ ಅಂಶ ಇಲ್ಲಿದೆ

ಜಾರ್ಖಂಡ್ ಮೂಲದ 6, ಪಶ್ಚಿಮ ಬಂಗಾಳದ 5 ಹಾಗೂ ಬರೋಡಾ 4 ಆಟಗಾರರು ಐಪಿಎಲ್ ತಂಡಗಳಲ್ಲಿ ಸ್ಥಾನ ಪಡೆದಿದ್ದಾರೆ. ಇನ್ನು ಗುಜರಾತ್​ನ 4, ಮಹರಾಷ್ಟ್ರದ 3 ಹಾಗೂ ಸೌರಾಷ್ಟ್ರವನ್ನು ಪ್ರತಿನಿಧಿಸುವ 4 ಆಟಗಾರರು ಐಪಿಎಲ್ ಆಡಲಿದ್ದಾರೆ.

news18-kannada
Updated:February 23, 2021, 10:13 PM IST
IPL 2021: ಐಪಿಎಲ್ ತಂಡಗಳಲ್ಲಿರುವ ರಾಜ್ಯವಾರು ಆಟಗಾರರ ಅಂಕಿ ಅಂಶ ಇಲ್ಲಿದೆ
ಸಾಂದರ್ಭಿಕ ಚಿತ್ರ
  • Share this:
ಐಪಿಎಲ್​ 2021ರ ಹರಾಜು ಪ್ರಕ್ರಿಯೆ ಮುಗಿದಿದ್ದು, ಎಲ್ಲಾ ತಂಡಗಳೂ ಕೂಡ ಘೋಷಣೆಯಾಗಿದೆ. ಈ ಹರಾಜಿನಲ್ಲಿ 8 ತಂಡಗಳು ಒಟ್ಟು 57 ಆಟಗಾರರನ್ನು ಖರೀದಿಸಿದೆ. ಇದರಲ್ಲಿ 4 ಕನ್ನಡಿಗರೂ ಕೂಡ ಒಳಗೊಂಡಿದ್ದಾರೆ. ಇನ್ನೂ ಒಟ್ಟಾರೆ ಐಪಿಎಲ್​ ತಂಡಗಳಲ್ಲಿ ಒಟ್ಟು 11 ಕನ್ನಡಿಗರಿದ್ದಾರೆ. ಹಾಗಿದ್ರೆ ಈ ಬಾರಿ ಹರಾಜಿನಲ್ಲಿ ಬಿಕರಿಯಾದ ಕರ್ನಾಟಕದ ಆಟಗಾರರು ಯಾರು ಎಂದು ನೋಡೋಣ.

* ಕೃಷ್ಣಪ್ಪ ಗೌತಮ್: ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಈ ಬಾರಿ ಕರ್ನಾಟಕದ ಆಲ್​ರೌಂಡರ್ ಕೃಷ್ಣಪ್ಪ ಗೌತಮ್​ರನ್ನು 9.25 ಕೋಟಿ ರೂ. ನೀಡಿ ಖರೀದಿಸಿದೆ.

* ಕೆಸಿ ಕಾರ್ಯಪ್ಪ: ಕರ್ನಾಟಕದ ಸ್ಪಿನ್ನರ್ ಕೆಸಿ ಕಾರ್ಯಪ್ಪರನ್ನು ರಾಜಸ್ಥಾನ್ ರಾಯಲ್ಸ್ 20 ಲಕ್ಷ ರೂ. ನೀಡಿ ಖರೀದಿಸಿದೆ.

* ಜಗದೀಶ್ ಸುಚಿತ್: ಕಳೆದ ಸೀಸನ್​​ನಲ್ಲಿ ಪಂಜಾಬ್ ಪರ ಆಡಿದ್ದ ಸುಚಿತ್ ಈ ಬಾರಿ 30 ಲಕ್ಷಕ್ಕೆ ಸನ್ ರೈಸರ್ಸ್ ಹೈದರಾಬಾದ್ ಪಾಲಾಗಿದ್ದಾರೆ.

* ಕರುಣ್ ನಾಯರ್: ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು 50 ಲಕ್ಷ ರೂ. ನೀಡಿ ಕರುಣ್ ನಾಯರ್​ನ್ನು ಖರೀದಿಸಿದೆ.

ಈ ನಾಲ್ವರನ್ನು ಒಳಗೊಂಡಂತೆ ಕರ್ನಾಟಕದ ಒಟ್ಟು 11 ಆಟಗಾರರು ಈ ಬಾರಿಯ ಐಪಿಎಲ್ ತಂಡಗಳಲ್ಲಿದ್ದಾರೆ. ರಾಜ್ಯವಾರು ಆಟಗಾರರ ಅಂಕಿ ಅಂಶಗಳನ್ನು ಗಮನಿಸಿದರೆ ಹರ್ಯಾಣದ 5 ಆಟಗಾರರಿದ್ದಾರೆ. ಹಾಗೆಯೇ ಕೇರಳ 8 ಆಟಗಾರರು ಐಪಿಎಲ್ ಆಡಲಿದ್ದಾರೆ.

ಇನ್ನು ತಮಿಳುನಾಡಿನ 13 ಹಾಗೂ ಉತ್ತರಪ್ರದೇಶದ 11 ಆಟಗಾರರು ಐಪಿಎಲ್ ತಂಡಗಳಲ್ಲಿದ್ದಾರೆ. ದೆಹಲಿ ರಾಜ್ಯವನ್ನು ಪ್ರತಿನಿಧಿಸುವ 9 ಆಟಗಾರರು, ರಾಜಸ್ಥಾನ್​ನ 7 ಆಟಗಾರರು ಹಾಗೂ ಮುಂಬೈಯನ್ನು ಪ್ರತಿನಿಧಿಸುವ 12 ಆಟಗಾರರು ಐಪಿಎಲ್​ ತಂಡಗಳಲ್ಲಿದ್ದಾರೆ.

ಹಾಗೆಯೇ ಜಾರ್ಖಂಡ್ ಮೂಲದ 6, ಪಶ್ಚಿಮ ಬಂಗಾಳದ 5 ಹಾಗೂ ಬರೋಡಾ 4 ಆಟಗಾರರು ಐಪಿಎಲ್ ತಂಡಗಳಲ್ಲಿ ಸ್ಥಾನ ಪಡೆದಿದ್ದಾರೆ. ಇನ್ನು ಗುಜರಾತ್​ನ 4, ಮಹರಾಷ್ಟ್ರದ 3 ಹಾಗೂ ಸೌರಾಷ್ಟ್ರವನ್ನು ಪ್ರತಿನಿಧಿಸುವ 4 ಆಟಗಾರರು ಐಪಿಎಲ್ ಆಡಲಿದ್ದಾರೆ. ಅದೇ ರೀತಿ ಮಧ್ಯಪ್ರದೇಶದ 3 ಆಟಗಾರರು, ಆಂಧ್ರಪ್ರದೇಶ 4 ಕ್ರಿಕೆಟಿಗರು ಹಾಗೂ ಕರ್ನಾಟಕದ 11 ಆಟಗಾರರು ಐಪಿಎಲ್​ನ ವಿವಿಧ ತಂಡಗಳಲ್ಲಿದ್ದಾರೆ.
Published by: zahir
First published: February 23, 2021, 10:13 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories