HOME » NEWS » Sports » CRICKET IPL 2021 MUMBAI INDIANS LOSE THEIR CONSECUTIVE 9TH IPL SEASON OPENER SNVS

IPL 2021 - ಸತತ ಒಂಬತ್ತನೇ ವರ್ಷಕ್ಕೆ ಕಾಲಿಟ್ಟಿತು ಮುಂಬೈನ ‘ಮೊದಲ’ ಸೋಲಿನ ಪರಂಪರೆ

2014ರಿಂದ ಪ್ರಾರಂಭವಾಗಿ ಈ ವರ್ಷವೂ ಒಳಗೊಂಡಂತೆ ಸತತ 9 ಸೀಸನ್ನ ಐಪಿಎಲ್ ಟೂರ್ನಿಗಳಲ್ಲಿ ಮುಂಬೈ ಇಂಡಿಯನ್ಸ್ ತಂಡ ತನ್ನ ಮೊದಲ ಪಂದ್ಯವನ್ನ ಸೋಲುತ್ತಾ ಬಂದಿದೆ. ಈ ಹಂತದಲ್ಲಿ ಐದು ಬಾರಿ ಪ್ರಶಸ್ತಿಯನ್ನೂ ಜಯಿಸಿದೆ.

cricketnext
Updated:April 10, 2021, 11:02 AM IST
IPL 2021 - ಸತತ ಒಂಬತ್ತನೇ ವರ್ಷಕ್ಕೆ ಕಾಲಿಟ್ಟಿತು ಮುಂಬೈನ ‘ಮೊದಲ’ ಸೋಲಿನ ಪರಂಪರೆ
ಆರ್​ಸಿಬಿ ಮತ್ತು ಮುಂಬೈ ಇಂಡಿಯನ್ಸ್
  • Cricketnext
  • Last Updated: April 10, 2021, 11:02 AM IST
  • Share this:
ಬೆಂಗಳೂರು: ನಿನ್ನೆ ರಾತ್ರಿ ಚೆನ್ನೈನ ಚೇಪಾಕ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ಎದುರು ಮುಂಬೈ ಇಂಡಿಯನ್ಸ್ ಮಂಡಿಯೂರಿತು. ಹಲವು ಏರಿಳಿತಗಳನ್ನ ಕಂಡ ಈ ಪಂದ್ಯದಲ್ಲಿ ಆರ್​ಸಿಬಿ ರೋಚಕ ಹೋರಾಟ ತೋರಿ 2 ವಿಕೆಟ್​ಗಳಿಂದ ಜಯ ಗಳಿಸಿತು. ಆದರೆ, ಐದು ಬಾರಿ ಚಾಂಪಿಯನ್ ಆಗಿರುವ ಮುಂಬೈ ಇಂಡಿಯನ್ಸ್ ಈ ಸೋಲಿನಲ್ಲೂ ತನ್ನ ಒಂದು ವಿನೂತನ ದಾಖಲೆಯನ್ನ ಅಬಾಧಿತವಾಗಿ ಮುಂದುವರಿಸಿದೆ. ಕಳೆದ ಎಂಟು ಐಪಿಎಲ್ ಸೀಸನ್​ಗಳಿಂದ ಮುಂಬೈ ಇಂಡಿಯನ್ಸ್ ತಂಡ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲಿ ಸೋಲುತ್ತಾ ಬಂದಿದೆ. ಅದೀಗ ಒಂಬತ್ತನೇ ಸೀಸನ್​ನಲ್ಲೂ ಮುಂದುವರಿದಿದೆ.

2014ರಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಸೋತಿತ್ತು. ಅಲ್ಲಿಂದ ಮುಂಬೈನ ಮೊದಲ ಪಂದ್ಯದ ಸೋಲಿನ ಪರಂಪರೆ ಅಬಾಧಿತವಾಗಿ ಸಾಗುತ್ತಾ ಬಂದಿದೆ. ಇಲ್ಲಿ ಗಮನಿಸಬೇಕಾದ ಇನ್ನೊಂದು ಸಂಗತಿ ಎಂದರೆ ಮುಂಬೈ ಇಂಡಿಯನ್ಸ್ ಕಳೆದ ಎಂಟು ಸೀಸನ್​ನಲ್ಲಿ ಮೊದಲ ಪಂದ್ಯಗಳಲ್ಲಿ ಸೋಲಿನ ಹೊರತಾಗಿಯೂ ಐದು ಬಾರಿ ಟ್ರೋಫಿ ಎತ್ತಿಹಿಡಿದಿದೆ. ನಿನ್ನೆ ಆರ್​ಸಿಬಿ ಎದುರು ಪಂದ್ಯ ಸೋತ ಬಳಿಕ ಪಂದ್ಯೋತ್ತರ ಸಂವಾದದ ವೇಳೆ ಮಾತನಾಡುವಾಗ ರೋಹಿತ್ ಶರ್ಮಾ ಕೂಡ ಇದೇ ವಿಚಾರವನ್ನು ಪ್ರಸ್ತಾಪಿಸಿದರು. ಮೊದಲ ಪಂದ್ಯವನ್ನ ಗೆಲ್ಲುವುದಕ್ಕಿಂತ ಚಾಂಪಿಯನ್​ಶಿಪ್ ಗೆಲ್ಲುವುದು ಹೆಚ್ಚು ಮಹತ್ವದ್ದು ಎಂದು ಅವರು ಹೇಳಿದರು.

ಅವರ ಪ್ರಕಾರ ಟೂರ್ನಿಯಲ್ಲಿ ಪೂರ್ಣಪ್ರಮಾಣದಲ್ಲಿ ಆಟಗಾರರು ಕುದುರಿಕೊಳ್ಳಲು ಒಂದಷ್ಟು ಸಮಯ ಬೇಕು. ಹೀಗಾಗಿ, ಆರಂಭಿಕ ಪಂದ್ಯಗಳಲ್ಲಿ ಕೆಲ ಸೋಲು ಕಾಣುವುದು ಸಹಜ. ಮೇಲಾಗಿ ಈ ಟೂರ್ನಿಯಲ್ಲಿ ಆಡುತ್ತಿರುವ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಕೆಲ ಹೊಸಬರಿದ್ದಾರೆ. ಹಲವು ಆಟಗಾರರು ದೀರ್ಘ ಕಾಲದಿಂದ ಅಂತರರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿದ್ಧಾರೆ. ತಂಡದೊಳಗೆ ಇವರು ಪರಸ್ಪರ ಅರಿಯಲು ನಮಗೆ ಸಮಯಾವಕಾಶ ಕಡಿಮೆ ಇತ್ತು ಎಂದು ರೋಹಿತ್ ಶರ್ಮಾ ಅಭಿಪ್ರಾಯಪಟ್ಟರು.

ಇದನ್ನೂ ಓದಿ: IPL 2021MI vs RCB: ಹರ್ಷಲ್ ಪರಾಕ್ರಮ: ಎಬಿಡಿ ಅಬ್ಬರ: ಬಲಿಷ್ಠ ಮುಂಬೈಗೆ ಸೋಲುಣಿಸಿದ RCB

ನಿನ್ನೆಯ ಪಂದ್ಯದಲ್ಲಿ ಹರ್ಷಲ್ ಪಟೇಲ್ ಅವರ ಅಮೋಘ ಬೌಲಿಂಗ್ ಪ್ರದರ್ಶನ ಹಾಗೂ ಎಬಿ ಡೀವಿಲಿಯರ್ಸ್ ಅವರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನದ ಸಹಾಯದಿಂದ ಮುಂಬೈ ಇಂಡಿಯನ್ಸ್ ವಿರುದ್ಧ ಆರ್​ಸಿಬಿ ಗೆಲುವು ಸಾಧಿಸಿ ಬೀಗಿತ್ತು. ಮುಂಬೈ ಇಂಡಿಯನ್ಸ್ ಮೊದಲು ಬ್ಯಾಟ್ ಮಾಡಿ 159 ರನ್ ಗಳಿಸಿತು. ದೊಡ್ಡ ಮೊತ್ತ ಕಲೆಹಾಕುವ ಸನ್ನಾಹದಲ್ಲಿದ್ದ ಮುಂಬೈಗೆ ಮೂಗುದಾರ ಹಾಕಿದವರು ಹರ್ಷಲ್ ಪಟೇಲ್. ಇವರು ಮೊದಲ ಬಾರಿಗೆ 5 ವಿಕೆಟ್ ಪಡೆದು ದಾಖಲೆ ಬರೆದರು. ವೇಗಿ ಮೊಹಮ್ಮದ್ ಸಿರಾಜ್ ವಿಕೆಟ್ ಗಳಿಸದಿದ್ದರೂ ಕೇವಲ 22 ರನ್ನಿತ್ತು ಬ್ಯಾಟ್ಸ್​ಮನ್​ಗಳ ಮೇಲೆ ಒತ್ತಡ ತಂದರು.

ಇನ್ನು, ಗೆಲ್ಲಲು 160 ರನ್ ಗುರಿ ಹೊತ್ತ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇನ್ನೇನು ಗೆದ್ದೇ ಬಿಡುತ್ತದೆ ಎಂದು ಭಾವಿಸುವಷ್ಟರಲ್ಲಿ ಮಿಂಚಿನಂತೆ ವಿಕೆಟ್ ಕಳೆದುಕೊಂಡು ಸೋಲಿನ ಅಂಚಿಗೂ ಬಂದಿತ್ತು. ಆದರೆ, ಎಬಿ ಡೀವಿಲಿಯರ್ಸ್ ಎಂದಿನಂತೆ ಆರ್​ಸಿಬಿಗೆ ಮತ್ತೊಮ್ಮೆ ಆಪದ್ಬಾಂಧವ ಎನಿಸಿದರು. ಬಹುತೇಕ ಗೆಲುವಿನ ದಡದ ಬಳಿ ಬಂದು ರನ್ನೌಟ್ ಆದಾಗಲೂ ಆರ್​ಸಿಬಿ ಸೋಲಿನ ದವಡೆಯಲ್ಲೇ ಇತ್ತು. ಆದರೆ, ಅಂತಿಮವಾಗಿ ಹೇಗೋ ಈಜಿ ದಡ ಸೇರಿ ಬೆಂಗಳೂರಿಗರು ಸಂಭ್ರಮಿಸಿದರು.
Published by: Vijayasarthy SN
First published: April 10, 2021, 11:02 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories