• Home
  • »
  • News
  • »
  • sports
  • »
  • Harleen Deol catch: ಹರ್ಲೀನ್ ಕ್ಯಾಚ್​ಗೆ ನಿಬ್ಬೆರಗಾದ ಕ್ರಿಕೆಟ್ ಜಗತ್ತು..!

Harleen Deol catch: ಹರ್ಲೀನ್ ಕ್ಯಾಚ್​ಗೆ ನಿಬ್ಬೆರಗಾದ ಕ್ರಿಕೆಟ್ ಜಗತ್ತು..!

Harleen Deol

Harleen Deol

ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್‌ ಮಾಡಿದ ಇಂಗ್ಲೆಂಡ್ 20 ಓವರ್‌ಗೆ 7 ವಿಕೆಟ್ ನಷ್ಟದಲ್ಲಿ 177 ರನ್ ಗಳಿಸಿತ್ತು. ಭಾರತದ ಇನ್ನಿಂಗ್ಸ್‌ ವೇಳೆ ಮಳೆ ಬಂದಿದ್ದರಿಂದ ಭಾರತಕ್ಕೆ 8.4 ಓವರ್‌ಗೆ 73 ರನ್ ಗುರಿ ನೀಡಲಾಗಿತ್ತು.

  • Share this:

    ಪುರುಷ ಕ್ರಿಕೆಟ್​ನಲ್ಲಿ ಅದ್ಭುತ ಕ್ಯಾಚ್​ಗಳು ಮೂಡಿಬರುವುದು ಸರ್ವೆಸಾಮಾನ್ಯ. ಆದರೆ ಕೆಲವೊಮ್ಮೆ ಮಹಿಳಾ ಕ್ರಿಕೆಟರುಗಳು ಮೈದಾನದಲ್ಲಿ ಮಾಡುವ ಜಾದು ಇದೆಯಲ್ವಾ ಅದು ಎಲ್ಲರನ್ನು ನಿಬ್ಬೆರಗಾಗುವಂತೆ ಮಾಡುತ್ತೆ. ಅಂತಹದೊಂದು ಮ್ಯಾಜಿಕ್ ಮಾಡಿದ್ದಾರೆ ಟೀಮ್ ಇಂಡಿಯಾ ಆಟಗಾರ್ತಿ ಹರ್ಲೀನ್ ಡಿಯೋಲ್.


    ನಾರ್ಥಾಂಪ್ಟನ್‌ನ ಕೌಂಟಿ ಗ್ರೌಂಡ್‌ನಲ್ಲಿ ನಡೆದ ಭಾರತ-ಇಂಗ್ಲೆಂಡ್ ಮಹಿಳಾ ಟಿ20 ಪಂದ್ಯದಲ್ಲಿ ಹರ್ಲೀನ್ ಡಿಯೋಲ್ ಹಿಡಿದಿರುವ ಅತ್ಯಾಧ್ಭುತ ಕ್ಯಾಚ್ ಇದೀಗ ಹೊಸ ಸಂಚಲನ ಸೃಷ್ಟಿಸಿದೆ. ಪಂದ್ಯದ 18.5ನೇ ಓವರ್‌ನಲ್ಲಿ ಶಿಖಾ ಪಾಂಡೆ ಎಸೆತಕ್ಕೆ ಆಮಿ ಎಲ್ಲೆನ್ ಜೋನ್ಸ್ ಭರ್ಜರಿ ಹೊಡೆತ ಬಾರಿಸಿದ್ದರು. ಚೆಂಡೆ ಇನ್ನೇನು ಬೌಂಡರಿ ಲೈನ್ ದಾಟಿತು ಅನ್ನುವಷ್ಟರಲ್ಲಿ ಎಗರಿ ಬಾಲ್​ನ್ನು ಬಂಧಿಸುವಲ್ಲಿ ಹರ್ಲೀನ್ ಯಶಸ್ವಿಯಾಗಿದ್ದರು. ಆದರೆ, ಸಂಪೂರ್ಣವಾಗಿ ಬ್ಯಾಲೆನ್ಸ್ ಮಾಡಲು ಸಾಧ್ಯವಾಗಿಲ್ಲ. ನಿಯಂತ್ರಣ ತಪ್ಪಿ ಸಿಕ್ಸ್​ ಗೇರೆ ದಾಟುವ ಹೊತ್ತಿಗೆ ಚೆಂಡನ್ನು ಮತ್ತೆ ಮೈದಾನಕ್ಕೆ ಎಸೆದರು. ಅಷ್ಟೇ ವೇಗದಲ್ಲಿ ಇದೇವೇಳೆ ಬೌಂಡರಿ ಲೈನ್ ಹೊರಗಿನಿಂದ ಜಿಗಿದು ಸೂಪರ್ ಮ್ಯಾನ್​ನಂತೆ ಬಾಲ್ ಹಿಡಿದು ಹರ್ಲೀನ್ ಡಿಯೋಲ್ ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು.


    ಹರ್ಲೀನ್ ಡಿಯೋಲ್ ಹಿಡಿದಿರುವ ಈ ಅತ್ಯಾಧ್ಬುತ ಕ್ಯಾಚ್​ ಬಗ್ಗೆ ಇದೀಗ ಭಾರೀ ಮೆಚ್ಚುಗೆಗಳು ವ್ಯಕ್ತವಾಗುತ್ತಿದೆ. ಟೀಮ್ ಇಂಡಿಯಾ ಆಟಗಾರ್ತಿಯ ಫೀಲ್ಡಿಂಗ್​ನ್ನು ಇಂಗ್ಲೆಂಡ್ ಮಾಜಿ ನಾಯಕ ನಾಸಿರ್ ಹುಸೇನ್ ಹಾಡಿ ಹೊಗಳಿದ್ದಾರೆ. ನಾನು ನೋಡಿದ ಅತ್ಯಾಧ್ಭುತ ಕ್ಯಾಚ್ ಇದು ವಿವಿಎಸ್ ಲಕ್ಷ್ಮಣ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್ನು ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಅವರೇ ಹರ್ಲೀನ್ ಕ್ಯಾಚ್ ವಿಡಿಯೋವನ್ನು ತಮ್ಮ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ಅದ್ಭುತ ಕ್ಯಾಚ್ ಹರ್ಲೀನ್ ಡಿಯೋಲ್, ಖಂಡಿತವಾಗಿಯೂ ಇದು ಕ್ಯಾಚ್ ಆಫ್ ದಿ ಇಯರ್ ಎಂದು ಸಚಿನ್ ಹಾಡಿ ಹೊಗಳಿದ್ದಾರೆ.



    ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್‌ ಮಾಡಿದ ಇಂಗ್ಲೆಂಡ್ 20 ಓವರ್‌ಗೆ 7 ವಿಕೆಟ್ ನಷ್ಟದಲ್ಲಿ 177 ರನ್ ಗಳಿಸಿತ್ತು. ಭಾರತದ ಇನ್ನಿಂಗ್ಸ್‌ ವೇಳೆ ಮಳೆ ಬಂದಿದ್ದರಿಂದ ಭಾರತಕ್ಕೆ 8.4 ಓವರ್‌ಗೆ 73 ರನ್ ಗುರಿ ನೀಡಲಾಗಿತ್ತು. ಆದರೆ ಭಾರತ 8.4 ಓವರ್‌ಗೆ 3 ವಿಕೆಟ್ ಕಳೆದು 54 ರನ್ ಬಾರಿಸಿ 18 ರನ್‌ನಿಂದ ಪಂದ್ಯ ಸೋತಿದೆ. ಇದಾಗ್ಯೂ ಹರ್ಲೀನ್ ಡಿಯೋಲ್ ಹಿಡಿದ ಆ ಒಂದು ಅದ್ಭುತ ಕ್ಯಾಚ್ ಇಡೀ ಪಂದ್ಯದ ಹೈಲೇಟ್ ಆಯಿತು.


    (ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು.)

    Published by:zahir
    First published: