IND vs WI: ಇದೀಗ ಅಧಿಕೃತ; ವಿಂಡೀಸ್ ವಿರುದ್ಧದ ಟಿ-20 ಸರಣಿಯಿಂದ ಶಿಖರ್ ಧವನ್ ಔಟ್!

ಶಿಖದರ್ ಧವನ್ ಸೈಯದ್ ಮುಷ್ತಾಕ್ ಅಲಿ ಟಿ-20 ಟೂರ್ನಿ ವೇಳೆ ರನ್​ ಕದಿಯುವಾಗ ಡೈವ್ ಹೊಡೆದಿದ್ದು, ಸಣ್ಣ ಮರದ ತುಂಡು ಮಂಡಿಯ ಭಾಗಕ್ಕೆ ತಾಗಿ ಭಾರಿ ಪ್ರಮಾಣ ರಕ್ತ ಸೋರಿದೆ. ಪೆವಿಲಿಯನ್ ಸೇರುತ್ತಲೇ ಧವನ್ ಆಸ್ಪತ್ರೆಗೆ ತೆರಳಿದ್ದರು. ಸದ್ಯ ಇದರಿಂದ ಗುಣಮುಖರಾಗಲು ಕೆಲ ದಿನಗಳ ವಿಶ್ರಾಂತಿ ಬೇಕಾಗಿದೆಯಂತೆ.

Vinay Bhat | news18-kannada
Updated:November 27, 2019, 12:41 PM IST
IND vs WI: ಇದೀಗ ಅಧಿಕೃತ; ವಿಂಡೀಸ್ ವಿರುದ್ಧದ ಟಿ-20 ಸರಣಿಯಿಂದ ಶಿಖರ್ ಧವನ್ ಔಟ್!
ಧವನ್ ಜಾಗದಲ್ಲಿ ಅಬ್ಬರಿಸಲು ಕೆ. ಎಲ್ ರಾಹುಲ್, ಮಯಾಂಕ್ ಅಗರ್ವಾಲ್, ಪೃಥ್ವಿ ಶಾ, ಶುಭ್ಮನ್ ಗಿಲ್ ಹೀಗೆ ಪ್ರಮುಖ ಆಟಗಾರರೇ ಕಾದುಕುಳಿತಿದ್ದರೆ.
  • Share this:
ಬೆಂಗಳೂರು (ನ. 27): ಅಂದುಕೊಂಡಂತೆ ವೆಸ್ಟ್​ ಇಂಡೀಸ್ ವಿರುದ್ಧದ ಟಿ-20 ಸರಣಿಯಿಂದ ಶಿಖರ್ ಧವನ್​ ಅವರನ್ನು ಕೈಬಿಡಲಾಗಿದೆ. ಇವರ ಬದಲು ವಿಕೆಟ್ ಕೀಪರ್- ಬ್ಯಾಟ್ಸ್​ಮನ್​ ಸಂಜು ಸ್ಯಾಮ್ಸನ್​ಗೆ ಅವಕಾಶ ಕಲ್ಪಿಸಲಾಗಿದೆ. ಈ ಬಗ್ಗೆ ಬಿಸಿಸಿಐ ಅಧಿಕೃತವಾಗಿ ತಿಳಿಸಿದೆ.

ಮೊಣಕಾಲು ನೋವಿನಿಂದ ಬಳಲುತ್ತಿರುವ ಧವನ್ ಸದ್ಯ ಸಾಗುತ್ತಿರುವ ಸೈಯದ್ ಮುಷ್ತಾಕ್ ಅಲಿ ಟಿ-20 ಟೂರ್ನಿಯಿಂದಲೂ ಹೊರ ನಡೆದಿದ್ದರು. ಬಿಸಿಸಿಐ ವೈದ್ಯಾಧಿಕಾರಿಗಳು ಧವನ್​ರನ್ನು ಪರೀಕ್ಷೆ ನಡೆಸಿದ್ದು, ಇನ್ನೊಂದಿಷ್ಟು ದಿನ ವಿಶ್ರಾಂತಿಯ ಅಗತ್ಯವಿದೆ ಎಂದು ತಿಳಿಸಿದ್ದಾರೆ.

 



MS Dhoni: ಟಿ-20 ವಿಶ್ವಕಪ್​ಗೆ ಧೋನಿ ಬೇಕೋ- ಬೇಡವೋ?; ಕೋಚ್ ರವಿಶಾಸ್ತ್ರಿ ಹೇಳಿದ್ದೇನು ಗೊತ್ತಾ?

ಇದಕ್ಕೂ ಮುನ್ನ ಸ್ಯಾಮ್ಸನ್ ಅವರು ವಿಂಡೀಸ್ ಸರಣಿಗೆ ಆಯ್ಕೆಯಾಗದೆ ಇರುವುದುಕ್ಕೆ ಕ್ರೀಡಾ ವಲಯದಿಂದಲೇ ಆಯ್ಕೆ ಸಮಿತಿ ವಿರುದ್ಧ ಟೀಕೆಗಳು ಕೇಳಿಬಂದಿದ್ದವು. ಸದ್ಯ ಬಿಸಿಸಿಐ ಆಯ್ಕೆ ಸಮಿತಿ ಧವನ್ ಬದಲು ಸ್ಯಾಮ್ಸನ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.

India vs West Indies: Shikhar Dhawan a doubtful starter for West Indies T20Is Chance to Sanju Samson
ಸಂಜು ಸ್ಯಾಮ್ಸನ್


ಶಿಖದರ್ ಧವನ್ ಸೈಯದ್ ಮುಷ್ತಾಕ್ ಅಲಿ ಟಿ-20 ಟೂರ್ನಿ ವೇಳೆ ರನ್​ ಕದಿಯುವಾಗ  ಡೈವ್ ಹೊಡೆದಿದ್ದು, ಸಣ್ಣ ಮರದ ತುಂಡು ಮಂಡಿಯ ಭಾಗಕ್ಕೆ ತಾಗಿ ಭಾರಿ ಪ್ರಮಾಣ ರಕ್ತ ಸೋರಿದೆ. ಪೆವಿಲಿಯನ್ ಸೇರುತ್ತಲೇ ಧವನ್ ಆಸ್ಪತ್ರೆಗೆ ತೆರಳಿದ್ದರು. ಸದ್ಯ ಇದರಿಂದ ಗುಣಮುಖರಾಗಲು ಕೆಲ ದಿನಗಳ ವಿಶ್ರಾಂತಿ ಬೇಕಾಗಿದೆಯಂತೆ.

ಕಳೆದ ಬಾಂಗ್ಲಾದೇಶ ವಿರುದ್ಧದ ಟಿ-20 ಸರಣಿಯಲ್ಲಿ ಅವಕಾಶ​ ಪಡೆದುಕೊಂಡರೂ ಸ್ಯಾಮ್ಸನ್​ ಆಡುವ 11ರ ಬಳಗದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಮೂರು ಪಂದ್ಯಗಳಲ್ಲೂ ಬೆಂಚ್​ ಕಾದಿದ್ದ ಇವರು​ ವೆಸ್ಟ್​ ಇಂಡೀಸ್ ವಿರುದ್ಧದ ಸರಣಿ ಮೂಲಕ ಕಣಕ್ಕಿಳಿಯಲಿದ್ದಾರೆ ಬಹತೇಕ ಖಚಿತವಾಗಿದೆ.

ಏಕದಿನ ಸರಣಿಯಿಂದ ಗೇಲ್ ಔಟ್:

ಭಾರತ ವಿರುದ್ಧದ ಏಕದಿನ ಸರಣಿಯಿಂದ ವೆಸ್ಟ್​ ಇಂಡೀಸ್​ನ ಸ್ಫೋಟಕ ಆಟಗಾರ ಕ್ರಿಸ್ ಗೇಲ್ ಹೊರಗುಳಿದಿದ್ದಾರೆ. ಈ ಬಗ್ಗೆ ಮಾತನಾಡಿರುವ ಗೇಲ್, "ಆಯ್ಕೆಗಾರರು ನಾನು ಭಾರತ ಪ್ರವಾಸಕ್ಕೆ ತೆರಳಬೇಕು ಎಂದು ಬಯಸುತ್ತಿದ್ದಾರೆ. ಆದರೆ ನಾನು ಭಾರತದ ವಿರುದ್ಧ ಆಡುತ್ತಿಲ್ಲ. ಕ್ರಿಕೆಟ್​ನಿಂದ ಕೊಂಚ ವಿರಾಮ ತೆಗೆದುಕೊಂಡು 2020ರಲ್ಲಿ ನಡೆಯಲಿರುವ ಏಕದಿನ ಹಾಗೂ ಟಿ20 ಗಳ ಪಂದ್ಯಗಳತ್ತ ಗಮನಹರಿಸಬೇಕಿದೆ" ಎಂದು ಹೇಳಿದ್ದಾರೆ. ಜೊತೆಗೆ ಬಿಗ್ ಬ್ಯಾಷ್​ ಲೀಗ್​ ಹಾಗೂ ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್​ನಲ್ಲೂ ಆಡಲ್ಲ ಎಂದು ಗೇಲ್ ಹೇಳಿದ್ದಾರೆ.

Happy Birthday Suresh Raina: 33ನೇ ವಸಂತಕ್ಕೆ ಕಾಲಿಟ್ಟ ಚಿನ್ನ ತಲ ಸುರೇಶ್ ರೈನಾ

ವೆಸ್ಟ್​ ಇಂಡೀಸ್ ಸರಣಿಗೆ ಈ ಹಿಂದೆ ಬಿಸಿಸಿಐ ಪ್ರಕಟಿಸಿರುವ ಭಾರತ ತಂಡ:

ಟಿ-20 ಪಂದ್ಯ: ವಿರಾಟ್‌ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ (ಉಪನಾಯಕ), ಕೆ.ಎಲ್ ರಾಹುಲ್‌, ರಿಷಭ್‌ ಪಂತ್‌, ಯಜುವೇಂದ್ರ ಚಹಲ್‌, ಕುಲ್ದೀಪ್‌ ಯಾದವ್‌, ದೀಪಕ್‌ ಚಹರ್‌, ಮನೀಶ್‌ ಪಾಂಡೆ, ಶ್ರೇಯಸ್‌ ಅಯ್ಯರ್‌, ಶಿವಂ ದುಬೇ, ರವೀಂದ್ರ ಜಡೇಜಾ, ವಾಷಿಂಗ್ಟನ್‌ ಸುಂದರ್‌, ಭುವನೇಶ್ವರ್‌ ಕುಮಾರ್‌, ಮೊಹಮ್ಮದ್‌ ಶಮಿ, ಸಂಜು ಸ್ಯಾಮ್ಸನ್.

First published: November 27, 2019, 12:41 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading