IND vs WI: ಸಾಹ-ಅಶ್ವಿನ್ ಆಡಿದರೆ ಯಾವ ಆಟಗಾರ ಹೊರಕ್ಕೆ?; ಇಲ್ಲಿದೆ ಟೀಂ ಇಂಡಿಯಾ ಸಂಭಾವ್ಯ XI

ಮಾಹಿತಿಯ ಪ್ರಕಾರ ಸಾಹಾ ಹಾಗೂ ಅಶ್ವಿನ್​ ಕಣಕ್ಕಿಳಿಯುವುದು ಪಕ್ಕ ಎಂದು ಹೇಳಲಾಗುತ್ತಿದೆ. ಅಶ್ವಿನ್ ಅವರು ಜಡೇಜಾ ಜೊತೆ ನೆಟ್​​ನಲ್ಲಿ ಭರ್ಜರಿ ಪ್ರ್ಯಾಕ್ಟೀಸ್​ನಲ್ಲಿ ತೊಡಗಿದ್ದಾರೆ.

ಟೀಂ ಇಂಡಿಯಾ

ಟೀಂ ಇಂಡಿಯಾ

  • Share this:
ಬೆಂಗಳೂರು (ಆ. 30): ಟೀಂ ಇಂಡಿಯಾ ಜಮೈಕಾದಲ್ಲಿಂದು ವೆಸ್ಟ್​ ಇಂಡೀಸ್ ವಿರುದ್ಧ ಎರಡನೇ ಟೆಸ್ಟ್​ ಪಂದ್ಯವನ್ನು ಆಡಲಿದೆ. ಉಭಯ ತಂಡಗಳಿಗೆ ಈ ಟೆಸ್ಟ್​ ಮುಖ್ಯವಾಗಿದ್ದು, ಭಾರತ ಗೆದ್ದರೆ ಸರಣಿ ಕ್ಲೀನ್ ಸ್ವೀಪ್ ಮಾಡಲಿದೆ. ಈಗಾಗಲೇ ಏಕದಿನ, ಟಿ-20 ಸರಣಿಯನ್ನು ಕೊಹ್ಲಿ ಪಡೆ ವೈಟ್​ವಾಶ್ ಮಾಡಿದೆ. ಹೀಗಿರುವಾಗ 2ನೇ ಟೆಸ್ಟ್​ಗೆ ಯಾವ ಆಟಗಾರರನ್ನು ಕಣಕ್ಕಿಳಿಸ ಬೇಕು ಎಂಬುದು ಕೊಹ್ಲಿಗೆ ತಲೆನೋವಾಗಿ ಪರಿಣಮಿಸಿದೆ.

ರಿಷಭ್ ಪಂತ್ ವೈಫಲ್ಯ ಅನುಭವಿಸಿದರೆ ವೃದ್ದಿಮಾನ್ ಸಾಹರನ್ನು ತಂಡಕ್ಕೆ ಸೇರಿಸಿಕೊಳ್ಳಬೇಕು ಎಂಬ ಕೂಗು ಕೇಳಿ ಬರುತ್ತಿದೆ. ಇತ್ತ ಅಶ್ವಿನ್​ರನ್ನು ಮೊದಲ ಟೆಸ್ಟ್​ನಿಂದ ಹೊರಗಿಟ್ಟಿದ್ದಕ್ಕೆ ಕೊಹ್ಲಿ ಹಾಗೂ ಮ್ಯಾನೇಜ್​ಮೆಂಟ್​ ಮೇಲೆ ಅನೇಕರು ಬೊಟ್ಟು ಮಾಡಿ ತೋರಿಸಿದ್ದಾರೆ. ಇದರ ಮಧ್ಯೆ ವಿರಾಟ್​ ಯಾವ ಆಟಗಾರರಿಗೆ ಕೊಕ್ ನೀಡಿ ಯಾರಿಗೆ ಸ್ಥಾನ ನೀಡುತ್ತಾರೆ ಎಂಬುದೆ ಕುತೂಹಲ.

ಮಾಹಿತಿಯ ಪ್ರಕಾರ ಸಾಹಾ ಹಾಗೂ ಅಶ್ವಿನ್​ ಕಣಕ್ಕಿಳಿಯುವುದು ಪಕ್ಕ ಎಂದು ಹೇಳಲಾಗುತ್ತಿದೆ. ಅಶ್ವಿನ್ ಅವರು ಜಡೇಜಾ ಜೊತೆ ನೆಟ್​​ನಲ್ಲಿ ಭರ್ಜರಿ ಪ್ರ್ಯಾಕ್ಟೀಸ್​ನಲ್ಲಿ ತೊಡಗಿದ್ದಾರೆ.

IND vs WI: ಇಂದಿನಿಂದ ಎರಡನೇ ಟೆಸ್ಟ್​​; ಸರಣಿ ಕ್ಲೀನ್ ಸ್ವೀಪ್ ಕನಸಿನಲ್ಲಿ ಟೀಂ ಇಂಡಿಯಾ!

 



ಜೊತೆಗೆ ಸಾಹ ಕೂಡ ಬ್ಯಾಟಿಂಗ್ -ವಿಕೆಟ್ ಕೀಪಿಂಗ್ ಅಭ್ಯಾಸದಲ್ಲಿ ಬೆವರು ಹರಿಸುತ್ತಿದ್ದಾರೆ.

 



ಯಾರ ಜಾಗದಲ್ಲಿ ಅಶ್ವಿನ್-ಸಾಹ ಸ್ಥಾನ ಪಡೆಯುತ್ತಾರೆ ಎಂಬುದನ್ನು ನೋಡುವುದಾದರೆ, ವಿಕೆಟ್ ಕೀಪಿಂಗ್ ಜೊತೆಗೆ ಬ್ಯಾಟಿಂಗ್​ನಲ್ಲೂ ಎಡವುತ್ತಿರುವ ರಿಷಭ್ ಪಂತ್​ರನ್ನು ಕೈಬಿಟ್ಟು ಸಾಹ ಆಡಬಹುದು. ಇತ್ತ ಅಶ್ವಿನ್ ಮೊಹಮ್ಮದ್ ಶಮಿ ಬದಲು ಕಣಕ್ಕಿಳಿಯುವ ಅಂದಾಜಿದೆ.

ಒಟ್ಟಾರೆ ನಾಯಕನಾಗಿ ಕೊಹ್ಲಿಗೂ ಈ ಪಂದ್ಯ ಪ್ರಮುಖವಾಗಿದ್ದು, ಭಾರತ ಬಲಿಷ್ಠ ತಂಡವನ್ನೆ ಆಡಿಸುವ ಅಂದಾಜಿನಲ್ಲಿದ್ದಾರೆ. ಪಂದ್ಯ ಸಂಜೆ 7 ಗಂಟೆಗೆ ಆರಂಭವಾಗಲಿದೆ.

2ನೇ ಟೆಸ್ಟ್​ಗೆ ಭಾರತ ಸಂಭಾವ್ಯ ತಂಡ: ಮಯಾಂಕ್ ಅಗರ್ವಾಲ್, ಕೆ ಎಲ್ ರಾಹುಲ್, ಚೇತೇಶ್ವರ್ ಪೂಜಾರ, ವಿರಾಟ್ ಕೊಹ್ಲಿ (ನಾಯಕ), ಅಜಿಂಕ್ಯ ರಹಾನೆ, ಹನುಮಾ ವಿಹಾರಿ, ವೃದ್ದಿಮಾನ್ ಸಾಹ (ವಿಕೆಟ್ ಕೀಪರ್), ರವೀಂದ್ರ ಜಡೇಜಾ, ಆರ್. ಅಶ್ವಿನ್, ಇಶಾಂತ್ ಶರ್ಮಾ, ಜಸ್​ಪ್ರೀತ್ ಬುಮ್ರಾ.

ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್​ಸ್ಕ್ರೈಬ್​ ಮಾಡಲು ಇಲ್ಲಿ ಕ್ಲಿಕ್​ ಮಾಡಿ

First published: