IND vs WI: ಇಂದಿನಿಂದ ಎರಡನೇ ಟೆಸ್ಟ್​​; ಸರಣಿ ಕ್ಲೀನ್ ಸ್ವೀಪ್ ಕನಸಿನಲ್ಲಿ ಟೀಂ ಇಂಡಿಯಾ!

ಭಾರತ ಉತ್ತಮ ಆರಂಭ ಪಡೆದುಕೊಳ್ಳುವಲ್ಲಿ ಪದೇಪದೇ ಎಡವುತ್ತಿದೆ. ಕನ್ನಡಿಗರಾದ ಮಯಾಂಕ್ ಅಗರ್ವಾಲ್ ಮೊದಲ ಟೆಸ್ಟ್​ನಲ್ಲಿ ಸಂಪೂರ್ಣ ವಿಫಲರಾಗಿದ್ದರು.

ಟೀಂ ಇಂಡಿಯಾ

ಟೀಂ ಇಂಡಿಯಾ

  • Share this:
ಬೆಂಗಳೂರು (ಆ. 30): ವೆಸ್ಟ್​ ಇಂಡೀಸ್ ಪ್ರವಾದಲ್ಲಿರುವ ಭಾರತ ಇಂದಿನಿಂದ ಅಂತಿಮ ಎರಡನೇ ಟೆಸ್ಟ್​ ಪಂದ್ಯವನ್ನು ಆಡಲಿದೆ. ಈಗಾಗಲೇ ಮೊದಲ ಟೆಸ್ಟ್​ ಗೆದ್ದಿರುವ ಕೊಹ್ಲಿ ಪಡೆ, ಈ ಪಂದ್ಯವನ್ನೂ ಗೆದ್ದು ಸರಣಿ ಕ್ಲೀನ್ ಸ್ವೀಪ್ ಮಾಡುವ ಯೋಜನೆ ಹಾಕಿಕೊಂಡಿದೆ.

ಟೀಂ ಇಂಡಿಯಾದಲ್ಲಿ ಬಹುತೇಕ ಕಳೆದ ಗೆಲುವಿನ ತಂಡದ ಆಟಗಾರರೇ 2ನೇ ಟೆಸ್ಟ್​ನಲ್ಲು ಇಳಿಯುವ ಅಂದಾಜಿನಲ್ಲಿದೆ. ಎಲ್ಲಾದರು ಬದಲಾವಣೆ ಆದಲ್ಲಿ ಆರ್. ಅಶ್ವಿನ್ ತಂಡ ಸೇರಿಕೊಳ್ಳಬಹುದು. ಹಾಗಾದಲ್ಲಿ ಯಾವ ಆಟಗಾರ ಹೊರಗುಳಿಯುತ್ತಾನೆ ಎಂಬುದು ಕುತೂಹಲ.

ಭಾರತ ಉತ್ತಮ ಆರಂಭ ಪಡೆದುಕೊಳ್ಳುವಲ್ಲಿ ಪದೇಪದೇ ಎಡವುತ್ತಿದೆ. ಕನ್ನಡಿಗರಾದ ಮಯಾಂಕ್ ಅಗರ್ವಾಲ್ ಮೊದಲ ಟೆಸ್ಟ್​ನಲ್ಲಿ ಸಂಪೂರ್ಣ ವಿಫಲರಾಗಿದ್ದರು. ಕೆ ಎಲ್ ರಾಹುಲ್ ಕೂಡ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಿಲ್ಲ. ಹೀಗಾಗಿ ಇವರಿಬ್ಬರ ಮೇಲೆ ಈಬಾರಿ ಹೆಚ್ಚಿನ ನಿರೀಕ್ಷೆಯಿದೆ. ಜೊತೆಗೆ ರಿಷಭ್ ಪಂತ್ ವೈಫಲ್ಯ ಅನುಭವಿಸುತ್ತಿದ್ದು, ವೃದ್ದಿಮಾನ್ ಸಾಹ ಅವಕಾಶ ಪಡೆದರೆ ಅಚ್ಚರಿ ಪಡಬೇಕಿಲ್ಲ.

MS Dhoni: ಮುಚ್ಚಿದ ಬಾಗಿಲು; ನಿವೃತ್ತಿ ಇಲ್ಲ ಎಂದರೂ ಧೋನಿಯನ್ನು ಕೈಬಿಟ್ಟ ಆಯ್ಕೆ ಸಮಿತಿ, ಯಾಕೆ..?

 



ಇನ್ನು ನಾಯಕ ವಿರಾಟ್ ಕೊಹ್ಲಿ ವಿನೂತನ ಸಾಧನೆಯತ್ತ ದಾಪುಗಾಲಿಡುತ್ತಿದ್ದಾರೆ. ವಿಂಡೀಸ್ ವಿರುದ್ಧದ 2ನೇ ಟೆಸ್ಟ್​ನಲ್ಲಿ ಜಯ ಸಾಧಿಸಿದರೆ ಭಾರತ ಪರ ಅತೀ ಹೆಚ್ಚು ಟೆಸ್ಟ್​ ಪಂದ್ಯ ಗೆದ್ದ ನಾಯಕ ಎಂಬ ಬಹುದೊಡ್ಡ ಸಾಧನೆ ಮಾಡಲಿದ್ದಾರೆ.

ಎಂ ಎಸ್ ಧೋನಿ 60 ಟೆಸ್ಟ್​ ಪಂದ್ಯಗಳಲ್ಲಿ 27 ಪಂದ್ಯ ಗೆದ್ದು ಮೊದಲ ಸ್ಥಾನದಲ್ಲಿ ಯಶಸ್ವಿ ಟೆಸ್ಟ್​​ ನಾಯಕನಾಗಿದ್ದಾರೆ. ಕೊಹ್ಲಿ ಕೂಡ ಇದೇ ಕ್ರಮಾಂಕದಲ್ಲಿದ್ದು, ಈ ಟೆಸ್ಟ್​ ಗೆದ್ದರೆ ಭಾರತದ ಶ್ರೇಷ್ಠ ಟೆಸ್ಟ್​ ನಾಯಕ ಎಂಬ ಪಟ್ಟ ಕೊಹ್ಲಿಗೆ ಸಿಗಲಿದೆ.

ಇತ್ತ ವೆಸ್ಟ್​ ಇಂಡೀಸ್ ಮಾನ ಉಳಿಕೊಳ್ಳಲಾದರು ಈ ಟೆಸ್ಟ್​ ಗೆಲ್ಲಬೇಕೆಂಬ ಪಣ ತೊಟ್ಟಿದೆ. ಮೊದಲ ಟೆಸ್ಟ್​ನಲ್ಲಿ ಬ್ಯಾಟಿಂಗ್​ನಲ್ಲಿ ಸಂಪೂರ್ಣ ವೈಫಲ್ಯ ಅನುಭವಿಸಿದ ಬ್ಯಾಟ್ಸ್​ಮನ್​ಗಳ ವಿರುದ್ಧ ನಾಯಕ ಜೇಸನ್ ಹೋಲ್ಡರ್ ಬೇಸರ ವ್ಯಕ್ತ ಪಡಿಸಿದ್ದರು. ಹೀಗಾಗಿ ಈ ಬಾರಿ ನಾಯಕನ ಭರವಸೆ ಪ್ರಮುಖ ಬ್ಯಾಟ್ಸ್​ಮನ್​ಗಳು ಉಳಿಸಿಕೊಳ್ಳಬೇಕಿದೆ.

ಪಂದ್ಯ ಆರಂಭ: ರಾತ್ರಿ 8 ಗಂಟೆಗೆ

ಸ್ಥಳ: ಸಬೀನಾ ಪಾರ್ಕ್​, ಜಮೈಕಾ

First published: