IND vs WI: ಓಪನರ್​ಗಳ ಅಬ್ಬರ; ಕೊಹ್ಲಿ-ಜಡ್ಡು ಜೊತೆಯಾಟ; ಭಾರತಕ್ಕೆ ರೋಚಕ ಜಯದೊಂದಿಗೆ ಸರಣಿ ಕೈವಶ

4 ವಿಕೆಟ್​ಗಳ ಜಯದೊಂದಿಗೆ ಭಾರತ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 2-1 ಅಂತರದಿಂದ ವಶಪಡಿಸಿಕೊಂಡಿತು.

Vinay Bhat | news18-kannada
Updated:December 22, 2019, 9:47 PM IST
IND vs WI: ಓಪನರ್​ಗಳ ಅಬ್ಬರ; ಕೊಹ್ಲಿ-ಜಡ್ಡು ಜೊತೆಯಾಟ; ಭಾರತಕ್ಕೆ ರೋಚಕ ಜಯದೊಂದಿಗೆ ಸರಣಿ ಕೈವಶ
ಕೊಹ್ಲಿ ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್ನಲ್ಲಿ ಆಡಿದ 78 ಪಂದ್ಯಗಳಲ್ಲಿ 74 ಸಿಕ್ಸರ್ಗಳನ್ನು ಸಿಡಿಸಿದ್ದಾರೆ. ಇನ್ನು 8 ಸಿಕ್ಸ್ ಬಾರಿಸಿದರೆ T20I ಕ್ರಿಕೆಟ್ನಲ್ಲಿ 50ಕ್ಕೂ ಹೆಚ್ಚು ಸಿಕ್ಸರ್ ಸಿಡಿಸಿದ 2ನೇ ನಾಯಕ ಎಂಬ ದಾಖಲೆ ಬರೆಯಲಿದ್ದಾರೆ.
  • Share this:
ಕಟಕ್ (ಡಿ. 22): ಇಲ್ಲಿನ ಬಾರಬತಿ ಕ್ರೀಡಾಂಗಣದಲ್ಲಿ ನಡೆದ ವೆಸ್ಟ್​ ಇಂಡೀಸ್ ವಿರುದ್ಧದ ಅಂತಿಮ ಮೂರನೇ ಏಕದಿನ ಪಂದ್ಯದಲ್ಲಿ ಭಾರತ ರೋಚಕ ಜಯ ಸಾಧಿಸಿದೆ. ರೋಹಿತ್-ರಾಹುಲ್-ಕೊಹ್ಲಿ ಅರ್ಧಶತಕ ಹಾಗೂ ಜಡೇಜಾ ಅಜೇಯ 39 ರನ್​​ಗಳ ನೆರವಿನಿಂದ ಟೀಂ ಇಂಡಿಯಾ 4 ವಿಕೆಟ್​ಗಳ ಗೆಲುವು ಕಂಡು 2-1 ಅಂತರದಿಂದ ಸರಣಿ ವಶ ಪಡಿಸಿಕೊಂಡಿದೆ.

ವೆಸ್ಟ್​ ಇಂಡೀಸ್ ನೀಡಿದ್ದ 316 ರನ್​ಗಳ ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ಭಾರತ ಅತ್ಯುತ್ತಮ ಆರಂಭ ಪಡೆದುಕೊಂಡಿತು. ಆರಂಭದಿಂದಲೆ ಎಚ್ಚರಿಕೆಯ ಆಟವಾಡಿದ ರೋಹಿತ್ ಶರ್ಮಾ- ಕೆ ಎಲ್ ರಾಹುಲ್ ಆವೇಶಕ್ಕೆ ಒಳಗಾಗದೆ ವಿಕೆಟ್​ ಕಳೆದುಕೊಳ್ಳದಂತೆ ನೋಡಿಕೊಂಡಿತು.

 


ಇಬ್ಬರೂ ಅರ್ಧಶತಕ ಪೂರೈಸಿದರು. 122 ರನ್​ಗಳ ಅಮೋಘ ಕಾಣಿಕೆ ನೀಡಿದರು. ಚೆನ್ನಾಗಿಯೆ ಆಡುತ್ತಿದ್ದ ರೋಹಿತ್ ಬಿರುಸಿನ ಆಟದ ಮೊರೆಹೋಗಿ 63 ಎಸೆತಗಳಲ್ಲಿ 63 ರನ್ ಗಳಿಸಿ ಔಟ್ ಆದರು.

PAK vs SL: ದಶಕಗಳ ಬಳಿಕ ಟೆಸ್ಟ್​​ ಗೆಲುವಿನತ್ತ ಪಾಕಿಸ್ತಾನ; ಅಂತಿಮ ದಿನದತ್ತ ಎಲ್ಲರ ಚಿತ್ತ

ಬಳಿಕ ನಾಯಕ ವಿರಾಟ್ ಕೊಹ್ಲಿ ಜೊತೆಯಾದ ರಾಹುಲ್ ಹೆಚ್ಚುಹೊತ್ತು ಕ್ರೀಸ್​ನಲ್ಲಿ ಇರಲಿಲ್ಲ. 89 ಎಸೆತಗಳಲ್ಲಿ 8 ಬೌಂಡರಿ, 1 ಸಿಕ್ಸರ್ ಬಾರಿಸಿ 77 ರನ್ ಗಳಿಸಿದ್ದಾಗ ಔಟ್ ಆದರು. ಶ್ರೇಯಸ್ ಐಯರ್ ಕೂಡ ಬಂದ ಬೆನ್ನಲ್ಲೆ 7 ರನ್​ಗೆ ಸುಸ್ತಾದರು. ಪಂತ್ ಕೂಡ ಕೊಹ್ಲಿಗೆ ಸಾಥ್ ನೀಡದೆ 7 ರನ್​ಗೆ ಔಟ್ ಆದರೆ, ಕೇದರ್ ಜಾಧವ್ 9 ರನ್​ಗೆ ನಿರ್ಗಮಿಸಿದರು.

ಈ ಸಂಕಷ್ಟದ ಸಂದರ್ಭದಲ್ಲಿ ತಂಡಕ್ಕೆ ಆಸರೆಯಾಗಿದ್ದು ಕೊಹ್ಲಿ ಹಾಗೂ ರವೀಂದ್ರ ಜಡೇಜಾ. ಅದ್ಭುತ ಆಟ ಪ್ರದರ್ಶಿಸಿದ ಇವರಿಬ್ಬರು 58 ರನ್​ಗಳ ಜೊತೆಯಾಟ ಆಡಿ ತಂಡದ ಗೆಲುವಿನಲ್ಲಿ ಮುಖ್ಯ ಪಾತ್ರವಹಿಸಿದರು. ಅಂತಿಮ ಹಂತದಲ್ಲಿ ಕೊಹ್ಲಿ ಔಟ್ ಆದರಾದರು ಜಡೇಜಾ ಅವರು ಶಾರ್ದಲ್ ಠಾಕೂರ್ ಜೊತೆಗೂಡಿ ತಂಡವನ್ನು ಗೆಲುವಿನ ತಡ ಸೇರಿಸಿದರು.

ಕೊಹ್ಲಿ 81 ಎಸೆತಗಳಲ್ಲಿ 9 ಬೌಂಡರಿ ಬಾರಿಸಿ 85 ರನ್ ಗಳಿಸಿದರೆ, ಜಡೇಜಾ 31 ಎಸೆತಗಳಲ್ಲಿ 4 ಬೌಂಡರಿಯೊಂದಿಗೆ ಅಜೇಯ 39 ರನ್ ಹಾಗೂ ಠಾಕೂರ್ 6 ಎಸೆತಗಳಲ್ಲಿ ಅಜೇಯ 17 ಚಚ್ಚಿದರು.

ಭಾರತ 48.4 ಓವರ್​ನಲ್ಲಿ 6 ವಿಕೆಟ್ ನಷ್ಟಕ್ಕೆ 316 ರನ್ ಗಳಿಸಿ ಗೆಲುವಿನ ನಗೆ ಬೀರಿತು. ವೆಸ್ಟ್​ ಇಂಡೀಸ್ ಪರ ಕೀಮೊ ಪೌಲ್ 3 ವಿಕೆಟ್ ಪಡೆದರೆ, ಶೆಲ್ಡನ್ ಕಾಟ್ರೆಲ್, ಜೇಸನ್ ಹೋಲ್ಡರ್ ಹಾಗೂ ಅಲ್ಝರಿ ಜೋಸೆಫ್ ತಲಾ 1 ವಿಕೆಟ್ ಪಡೆದರು.

ಮುಂಬೈ ಇಂಡಿಯನ್ಸ್​ ಬ್ಯಾಟ್ಸ್​ಮನ್​ನ ಸ್ಫೋಟಕ ಆಟ; 94 ರನ್​ಗಳಲ್ಲಿ 11 ಸಿಕ್ಸರ್; ತೆಗೆದುಕೊಂಡ ಬಾಲ್ ಎಷ್ಟು?

4 ವಿಕೆಟ್​ಗಳ ಜಯದೊಂದಿಗೆ ಭಾರತ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ 2-1 ಅಂತರದಿಂದ ವಶಪಡಿಸಿಕೊಂಡಿತು.

ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟಿಂಗ್​ಗೆ ಉಳಿದ ವಿಂಡೀಸ್ ಉತ್ತಮ ಆರಂಭ ಪಡೆದುಕೊಳ್ಳುವಲ್ಲಿ ಎಡವಿತು. 57 ರನ್ ಆಗುವ ಹೊತ್ತಿಗೆ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿತು. ಎವಿನ್ ಲೆವಿಸ್ ಹಾಗೂ ಶಾಯ್ ಹೋಪ್ ಅರ್ಧಶತಕದ ಜೊತೆಯಾಟ ಆಡಿದರಷ್ಟೆ.

ಜಡೇಜಾ ಬೌಲಿಂಗ್​ನಲ್ಲಿ ಲೆವಿಸ್ 21 ರನ್​​ಗೆ ಔಟ್ ಆದರು. ಇದರ ಬೆನ್ನಲ್ಲೆ ಅರ್ಧಶತಕದ ಹೊಸ್ತಿಲಲ್ಲಿದ್ದ ಹೋಪ್ 42 ರನ್​ಗೆ​ ನಿರ್ಗಮಿಸಿದರು. ಬಳಿಕ ಶಿಮ್ರೋನ್ ಹೆಟ್ಮೇರ್ ಹಾಗೂ ರೋಸ್ಟನ್ ಚೇಸ್ ತಂಡವನ್ನು ಮೇಲೆತ್ತುವ ಪ್ರಯತ್ನ ನಡೆಸಿದರು. ಅದರಂತೆ ಈ ಜೋಡಿ 62 ರನ್​ಗಳ ಜೊತೆಯಾಟ ಆಡಿತು.

ಚೆನ್ನಾಗಿಯೆ ಆಡುತ್ತಿದ್ದ ಹೆಟ್ಮೇರ್ ಅವರು ಸೈನಿ ಎಸೆದ ಬೌನ್ಸರ್​​ಗೆ 37 ರನ್ ಗಳಿಸಿರುವಾಗ ಔಟ್ ಆದರು. ಈ ಮೂಲಕ ಏಕದಿನ ಕ್ರಿಕೆಟ್​ನಲ್ಲಿ ಸೈನಿ ಚೊಚ್ಚಲ ವಿಕೆಟ್ ಪಡೆದರು. ಇದರ ಬೆನ್ನಲ್ಲೆ 38 ರನ್ ಗಳಿಸಿದ್ದ ಚೇಸ್ ಅವರನ್ನೂ ಸೈನಿ ಬೌಲ್ಡ್​ ಮಾಡಿ ಪೆವಿಲಿಯನ್​ಗೆ ಅಟ್ಟಿದರು.

ಈ ಸಂದರ್ಭ ಒಂದಾದ ನಾಯಕ ಕೀರೊನ್ ಪೊಲಾರ್ಡ್​ ಹಾಗೂ ನಿಕೋಲಸ್ ಪೂರನ್ ಎಚ್ಚರಿತೆಯಿಂದ ಬ್ಯಾಟ್ ಬೀಸಿದರು. ನಿಧಾನಗತಿಯಲ್ಲಿ ತಂಡದ ರನ್ ಗತಿಯನ್ನು ಏರಿಸಿದ ಈ ಜೋಡಿ ಶತಕದ ಜೊತೆಯಟ ಆಡಿತು. ಇಬ್ಬರೂ ಅರ್ಧಶತಕ ಸಿಡಿಸಿ ಅಬ್ಬರಿಸಿದರು. ಭಾರತೀಯ ಬೌಲರ್​ಗಳನ್ನು ಕಾಡಿದ ಈ ಜೋಡಿ 135 ರನ್​ಗಳ ಕಾಣಿಕೆ ನೀಡಿತು.

IPL 2020: ಐಪಿಎಲ್​ ಆರಂಭಕ್ಕೂ ಮುನ್ನವೇ ಕೆಕೆಆರ್ ತಂಡದ ಆಟಗಾರನಿಗೆ ಗೇಟ್​ ಪಾಸ್?

ಅಂತಿಮವಾಗಿ ವೆಸ್ಟ್​ ಇಂಡೀಸ್ 50 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 315 ರನ್​ ಕಲೆಹಾಕಿತು. ಪೊಲಾರ್ಡ್​ 51 ಎಸೆತಗಳಲ್ಲಿ 3 ಬೌಂಡರಿ, 7 ಸಿಕ್ಸರ್ ಸಿಡಿಸಿ ಅಜೇಯ 74 ರನ್ ಗಳಿಸಿದರೆ, ಪೂರನ್ ಕೇವಲ 63 ಎಸೆತಗಳಲ್ಲಿ 10 ಬೌಂಡರಿ, 3 ಸಿಕ್ಸರ್ ಸಿಡಿಸಿ 89 ರನ್ ಚಚ್ಚಿದರು. ಭಾರತ ಪರ ನವ್​ದೀಪ್ ಸೈನಿ 2, ಮೊಹಮ್ಮದ್ ಶಮಿ, ಶಾರ್ದೂಲ್ ಠಾಕೂರ್ ಹಾಗೂ ರವೀಂದ್ರ ಜಡೇಜಾ ತಲಾ 1 ವಿಕೆಟ್ ಪಡೆದರು.
Published by: Vinay Bhat
First published: December 22, 2019, 9:42 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading