India vs Sri Lanka: ಮ್ಯಾಥ್ಯೂಸ್ ಶತಕ: ಟೀಂ ಇಂಡಿಯಾಗೆ ಸಾಧಾರಣ ಸವಾಲಿತ್ತ ಲಂಕಾ

ICC World cup 2019: ಹಾಗೆಯೇ ಟೀಂ ಇಂಡಿಯಾ ಆರಂಭಿಕರಾಗಿ ಪ್ರಸ್ತುತ ಟೂರ್ನಿಯಲ್ಲಿ ರೋಹಿತ್ ಶರ್ಮಾ ಜೊತೆ ಕೆಎಲ್ ರಾಹುಲ್ ಇನಿಂಗ್ಸ್ ಆರಂಭಿಸುತ್ತಿದ್ದಾರೆ. ಆದರೆ ತಂಡದ ಮಧ್ಯಮ ಕ್ರಮಾಂಕ ದುರ್ಬಲವಾಗಿದ್ದು, 4ನೇ ಕ್ರಮಾಂಕದಲ್ಲಿ ಬಲಿಷ್ಠ ಆಟಗಾರನನ್ನು ಕಣಕ್ಕಿಳಿಸಲು ಕೊಹ್ಲಿ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ.

zahir | news18
Updated:July 6, 2019, 7:27 PM IST
India vs Sri Lanka: ಮ್ಯಾಥ್ಯೂಸ್ ಶತಕ: ಟೀಂ ಇಂಡಿಯಾಗೆ ಸಾಧಾರಣ ಸವಾಲಿತ್ತ ಲಂಕಾ
.
  • News18
  • Last Updated: July 6, 2019, 7:27 PM IST
  • Share this:
ವಿಶ್ವಕಪ್ ಟೂರ್ನಿಯ ಲೀಗ್ ಹಂತದ ಕೊನೆಯ ಪಂದ್ಯದಲ್ಲಿ ಭಾರತದ ವಿರುದ್ಧ ಶ್ರೀಲಂಕಾ 264 ರನ್​ ಪೇರಿಸಿದೆ. ಅನುಭವಿ ಆಟಗಾರ ಅಂಜೆಲೊ ಮ್ಯಾಥ್ಯೂಸ್ ಅವರ ಆಕರ್ಷಕ ಶತಕದ ನೆರವಿನಿಂದ ಲಂಕಾ ಸ್ಪರ್ಧಾತ್ಮಕ ಮೊತ್ತ ದಾಖಲಿಸುವಂತಾಯಿತು.

ಇದಕ್ಕೂ ಮುನ್ನ ಟಾಸ್ ಗೆದ್ದ ಲಂಕಾ ನಾಯಕ ಕರುಣಾರತ್ನೆ ಬ್ಯಾಟಿಂಗ್ ಆಯ್ದುಕೊಂಡರು. ಆದರೆ ಬುಮ್ರಾ ನೀಡಿದ ಶಾಕ್​ನಿಂದ ಲಂಕಾ ಆರಂಭಿಕ ಆಘಾತಕ್ಕೊಳಗಾಯಿತು. ಆರಂಭಿಕನಾಗಿ ಕಣಕ್ಕಿಳಿದ ಕರುಣಾರತ್ನೆ(10) 3ನೇ ಓವರ್​ಗೆ ಇನಿಂಗ್ಸ್ ಕೊನೆಗೊಳಿಸಿದರು.

ಇನ್ನು ಆರಂಭದಲ್ಲೇ ಸ್ಪೋಟಕ ಆಟಕ್ಕೆ ಒತ್ತು ನೀಡಿದ್ದ ಕುಶಾಲ ಪೆರೆರಾ 3 ಭರ್ಜರಿ ಬೌಂಡರಿಗಳೊಂದಿಗೆ 18 ರನ್​ಗಳಿಸಿದ ಧೋನಿಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಈ ಮೂಲಕ ಬುಮ್ರಾ ಭಾರತಕ್ಕೆ 2ನೇ ಯಶಸ್ಸು ತಂದುಕೊಟ್ಟರು. ಇನ್ನು ಕುಶಾಲ ಮೆಂಡೀಸ್(3) ರವೀಂದ್ರ ಜಡೇಜ ಅವರ ಸ್ಪಿನ್​ ಎಸೆತವನ್ನು ಗುರುತಿಸಲು ಎಡವಿ ಸ್ಟಂಪ್ ಆಗುವ ಆಗಿ ಪೆವಿಲಿಯನ್​ಗೆ ಹೆಜ್ಜೆ ಹಾಕಿದರು. 12ನೇ ಓವರ್​ ಎಸೆದ ಹಾರ್ದಿಕ್ ಪಾಂಡ್ಯರ ಬೌನ್ಸರ್​ಗೆ ಬೆದರಿದ ಅವಿಷ್ಕಾ ಫೆರ್ನಾಂಡೊ(20) ಸಹ ಧೋನಿಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು.



55ಕ್ಕೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ ಲಂಕಾಗೆ ಈ ಹಂತದಲ್ಲಿ ಆಸರೆಯಾಗಿದ್ದು ತಿರಿಮನ್ನೆ ಹಾಗೂ ಅಂಜೆಲೊ ಮ್ಯಾಥ್ಯೂಸ್. ರಕ್ಷಣಾತ್ಮಕ ಆಟದ ನಿಧಾನಗತಿಯಲ್ಲಿ ರನ್​ ಪೇರಿಸುತ್ತಾ ಹೋದ ಈ ಜೋಡಿ  5ನೇ ವಿಕೆಟ್​ಗೆ ನೂರು ರನ್​ಗಳ ಭರ್ಜರಿ ಜೊತೆಯಾಟ ಆಡಿದರು. ಇದರ ನಡುವೆ ಮ್ಯಾಥ್ಯೂಸ್ ಆಕರ್ಷಕ ಅರ್ಧಶತಕ ಪೂರೈಸಿದರು.

ಹಾಗೆಯೇ 68 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಲಹಿರು ತಿರಿಮನ್ನೆ ತಂಡದ ಮೊತ್ತ 179 ಆಗಿದ್ದಾಗ ಭರ್ಜರಿ ಹೊಡೆತಕ್ಕೆ ಮುಂದಾಗಿ ಕುಲ್​ದೀಪ್ ಯಾದವ್​ಗೆ ವಿಕೆಟ್ ಒಪ್ಪಿಸಿದರು. ಆದರೆ ಇನ್ನೊಂದೆಡೆ ಗಟ್ಟಿಯಾಗಿ ನೆಲೆಯೂರಿದ್ದ ಮ್ಯಾಥ್ಯೂಸ್ ಭಾರತದ ಬೌಲರುಗಳ ಮೇಲೆ ಮುಗಿಬಿದ್ದರು. ಪರಿಣಾಮ 115 ಎಸೆತಗಳಲ್ಲಿ ಶತಕ ಸಿಡಿಸಿ ರನ್​ ವೇಗವನ್ನು ಹೆಚ್ಚಿಸಿದರು. ಈ ಸೆಂಚುರಿ ಆಟದಲ್ಲಿ 10 ಭರ್ಜರಿ ಬೌಂಡರಿ ಹಾಗೂ 2 ಅಮೋಘ ಸಿಕ್ಸರ್​ಗಳು ಮ್ಯಾಥ್ಯೂಸ್ ಬ್ಯಾಟ್​ನಿಂದ ಸಿಡಿಯಿತು.

ಇನ್ನು ನಿರ್ಣಾಯಕ ಓವರ್​ಗಳಲ್ಲಿ ರನ್ ಗತಿ ಏರಿಸಲು ಮುಂದಾದ ಮ್ಯಾಥ್ಯೂಸ್(115) ಬುಮ್ರಾ ಎಸೆತದಲ್ಲಿ ರೋಹಿತ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದರು. ಇನ್ನು ಕೊನೆಯ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ಮಾಡಿದ ಧನಂಜಯ್ ಡಿಸಿಲ್ವಾ 29 ರನ್​ಗಳಿಸುವುದರೊಂದಿಗೆ ತಂಡದ ಮೊತ್ತವನ್ನು 7 ವಿಕೆಟ್ ನಷ್ಟಕ್ಕೆ 264ಕ್ಕೆ ತಂದು ನಿಲ್ಲಿಸಿದರು.

ಭಾರತದ ಪರ ಮಾರಕ ದಾಳಿ ಸಂಘಟಿಸಿದ ಜಸ್​ಪ್ರೀತ್ ಬುಮ್ರಾ ಲಂಕಾ ತಂಡದ ಪ್ರಮುಖ 3 ವಿಕೆಟ್​ಗಳನ್ನು ಉರುಳಿಸಿ ಯಶಸ್ವಿ ಬೌಲರು ಎನಿಸಿಕೊಂಡರು.

ವಿದಾಯದ ಪಂದ್ಯ:

ಈ ಪಂದ್ಯವು ವೇಗಿ ಲಿಸಿತ್ ಮಾಲಿಂಗ ಅವರ ಕೊನೆಯ ಏಕದಿನವಾಗಿರಲಿದ್ದು, ಟೀಂ ಇಂಡಿಯಾ ವಿರುದ್ಧ ಜಯ ಸಾಧಿಸುವ ಮೂಲಕ ತಮ್ಮ ತಂಡದ ಆಟಗಾರನಿಗೆ ಅವಿಸ್ಮರಣೀಯ ಬೀಳ್ಕೊಡುಗೆ ನೀಡಲು ಶ್ರೀಲಂಕಾ ಟೀಂ ಯೋಜನೆ ರೂಪಿಸಿದೆ.

ಇನ್ನು ಈಗಾಗಲೇ ಸೆಮಿಫೈನಲ್​ ಸ್ಥಾನವನ್ನು ಗಟ್ಟಿಯಾಗಿರಿಸಿರುವ ವಿರಾಟ್ ಕೊಹ್ಲಿ ಪಡೆ ಅಗ್ರಸ್ಥಾನವನ್ನು ಅಲಂಕರಿಸುವ ಮೂಲಕ ಸೆಮೀಸ್​ನಲ್ಲಿ ಕಿವೀಸ್​ ಅನ್ನು ಎದುರು ನೋಡಲಿದೆ. ಭಾರತ 8 ಪಂದ್ಯಗಳ ಪೈಕಿ 6 ಪಂದ್ಯ ಗೆದ್ದು ಒಂದು ಪಂದ್ಯ ಸೋತಿದ್ದು, ಮತ್ತೊಂದು ಪಂದ್ಯ ಮಳೆಯಿಂದ ರದ್ದಾಗಿದೆ. ಹಾಗಾಗಿ ಇಂದಿನ ಪಂದ್ಯ ಗೆದ್ದರೆ ಭಾರತ ಅಂಕಪಟ್ಟಿಯಲ್ಲಿ 15 ಪಾಯಿಂಟ್​ ಗಳಿಸಿದಂತಾಗುತ್ತದೆ. ಸದ್ಯ ಆಸ್ಟ್ರೇಲಿಯಾ ರ್ಯಾಂಕಿಂಗ್​ನಲ್ಲಿ 14 ಅಂಕ ಗಳಿಸಿ ಮೊದಲ ಸ್ಥಾನದಲ್ಲಿದೆ.

ಇಂದೇ ನಡೆಯುತ್ತಿರುವ ಮತ್ತೊಂದು ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ಮುಖಾಮುಖಿಯಾಗುತ್ತಿದ್ದು, ಇಲ್ಲಿ ಹರಿಣರು ಗೆದ್ದರೆ ಸೆಮಿ ಫೈನಲ್​ನಲ್ಲಿ ಭಾರತದ ಎದುರಾಳಿಯಾಗಿ ನ್ಯೂಜಿಲೆಂಡ್ ಕಣಕ್ಕಿಳಿಯುವ ಸಾಧ್ಯತೆ ಹೆಚ್ಚಿದೆ.

ಹಾಗೆಯೇ ಇಂದಿನ ಮ್ಯಾಚ್​ನಲ್ಲಿ ಟೀಂ ಇಂಡಿಯಾದಲ್ಲಿ ಎರಡು ಬದಲಾವಣೆ ಮಾಡಲಾಗಿದ್ದು, ಚಹಾಲ್ ಬದಲಿಗೆ ಕುಲ್ದೀಪ್ ಯಾದವ್​ಗೆ ಸ್ಥಾನ ನೀಡಲಾಗಿದೆ. ಹಾಗೆಯೇ ಮೊಹಮ್ಮದ್ ಶಮಿಗೆ ವಿಶ್ರಾಂತಿ ನೀಡಲಾಗಿದ್ದು, ಅವರ ಸ್ಥಾನಕ್ಕೆ ರವೀಂದ್ರ ಜಡೇಜ ಅವರನ್ನು ಆಯ್ಕೆ ಮಾಡಲಾಗಿದೆ. ಈ ಹಿಂದೆ ಕನ್ನಡಿಗ ಮಾಯಾಂಕ್​ ಅಗರ್​ವಾಲ್​ಗೆ ಸ್ಥಾನ ಸಿಗಲಿದೆ ಎನ್ನಲಾಗಿತ್ತಾದರೂ, ಬ್ಯಾಟಿಂಗ್ ಕ್ರಮಾಂಕದಲ್ಲಿ ಅಗ್ನಿ ಪರೀಕ್ಷೆ ಮಾಡಲು ಕೊಹ್ಲಿ ಆಸಕ್ತಿವಹಿಸಿಲ್ಲ ಎಂದು ತಿಳಿದು ಬಂದಿದೆ.

ಕನ್ನಡಿಗ ಮಯಾಂಕ್ ಅಗರ್​ವಾಲ್​ಗೆ ಅವಕಾಶ ಸಿಗಲಿದ್ದು, ಈ ಮೂಲಕ ಟೀಂ ಇಂಡಿಯಾದ ಮಧ್ಯಮ ಕ್ರಮಾಂಕವನ್ನು ಬಲಿಷ್ಠಗೊಳಿಸಲು ಕೊಹ್ಲಿ ಯೋಜನೆ ಹಾಕಿಕೊಂಡಿದ್ದಾರೆ. ಕಳೆದ ಪಂದ್ಯದಲ್ಲಿ ದಿನೇಶ್ ಕಾರ್ತಿಕ್ ಅವರಿಗೆ ಅವಕಾಶ ನೀಡಲಾಗಿದ್ದು, ಆದರೆ 4ನೇ ಕ್ರಮಾಂಕದಲ್ಲಿ ಕಾರ್ತಿಕ್ ವಿಫಲರಾಗಿದ್ದರು. ಹೀಗಾಗಿ ಮಯಾಂಕ್​ಗೆ ಅವಕಾಶವೊಂದು ನೀಡುವ ಸಾಧ್ಯತೆಯಿದೆ ಎನ್ನಲಾಗಿತ್ತು.

ಈ ಹಿಂದೆ ಭಾರತ ಎ ತಂಡದ ಇಂಗ್ಲೆಂಡ್​ ಸರಣಿಯಲ್ಲಿ ನಾಲ್ಕು ಇನಿಂಗ್ಸ್​ನಲ್ಲಿ ಮಯಾಂಕ್ ಬ್ಯಾಟ್​ನಿಂದ ಹರಿದು ಬಂದಿರುವುದು 287 ರನ್​ಗಳು. ಹಾಗೆಯೇ ಲೈಸ್ಟರ್​ಶೈರ್ ಎದುರು 151 ರನ್​ಗಳ ಭರ್ಜರಿ ಇನಿಂಗ್ಸ್​ ಆಡಿದ್ದರು. ಈ ಪಂದ್ಯವು ಜುಲೈ ಮತ್ತು ಆಗಸ್ಟ್​ ಅವಧಿಯಲ್ಲಿ ನಡೆದಿರುವುದು ಕೂಡ ಮಯಾಂಕ್​ಗೆ ಅದೃಷ್ಟ ಬಾಗಿಲು ತೆರೆಯಲಿದೆ ಎಂದೇ ಹೇಳಲಾಗಿತ್ತು.

ಏಕೆಂದರೆ ಇಂಗ್ಲೆಂಡ್​ನ ಹವಾಮಾನಕ್ಕೆ ಹೊಂದಿಕೊಳ್ಳಲು ಇದು ಕನ್ನಡಿಗನಿಗೆ ನೆರವಾಗಲಿದೆ ಎಂಬುದನ್ನು ಮ್ಯಾನೇಜ್​ಮೆಂಟ್ ಗಣನೆಗೆ ತೆಗೆದುಕೊಂಡಿದೆ. ಈ ಎಲ್ಲಾ ಅಂಶಗಳನ್ನು ಪರಿಗಣಿಸಿ ಮಯಾಂಕ್ ಅಗರ್​ವಾಲ್​ಗೆ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ನೀಡಬಹುದು. ಈ ಮೂಲಕ ಸೆಮೀಸ್ ಆರಂಭಕ್ಕೂ ಮುನ್ನ ಮಧ್ಯಮ ಕ್ರಮಾಂಕದ ಸಮಸ್ಯೆಗೆ ಪರಿಹಾರ ಕಾಣಲು ತಂಡದ ಮ್ಯಾನೇಜ್​ಮೆಂಟ್ ಯೋಜನೆ ಹಾಕಿಕೊಂಡಿದೆ ಹೇಳಲಾಗಿದೆ. ಆದರೆ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬದಲಾವಣೆ ಮಾಡಿಕೊಂಡರೆ ಮುಂದಿನ ಪಂದ್ಯದ ಮೇಲೆ ಪ್ರಭಾವ ಬೀರುವ ಸಾಧ್ಯತೆಯಿದೆ ಎಂದು ಟೀಂ ಮ್ಯಾನೇಜ್​ಮೆಂಟ್ ಬೌಲಿಂಗ್ ವಿಭಾಗದಲ್ಲಿ ಬದಲಾವಣೆ ಮಾಡಿಕೊಂಡಿದೆ.

ಭಾರತ:
ವಿರಾಟ್ ಕೊಹ್ಲಿ (ನಾಯಕ), ರೋಹಿತ್ ಶರ್ಮಾ, ಕೆ.ಎಲ್. ರಾಹುಲ್, ಮಹೇಂದ್ರಸಿಂಗ್ ಧೋನಿ (ವಿಕೆಟ್‌ಕೀಪರ್), ದಿನೇಶ್ ಕಾರ್ತಿಕ್, ರಿಷಭ್ ಪಂತ್, ಹಾರ್ದಿಕ್ ಪಾಂಡ್ಯ, ಜಸ್‌ಪ್ರೀತ್ ಬುಮ್ರಾ, ಭುವನೇಶ್ವರ್ ಕುಮಾರ್, ಕುಲದೀಪ್ ಯಾದವ್, ರವೀಂದ್ರ ಜಡೇಜ.

ಶ್ರೀಲಂಕಾ:
ದಿಮುತ್ ಕರುಣಾರತ್ನೆ (ನಾಯಕ), ಕುಶಾಲ ಮೆಂಡಿಸ್, ಲಸಿತ್ ಮಾಲಿಂಗ, ಧನಂಜಯ ಡಿಸಿಲ್ವಾ, ಕುಶಾಲ ಪೆರೆರಾ, ಲಾಹಿರು ತಿರಿಮನ್ನೆ, ಏಂಜೆಲೊ ಮ್ಯಾಥ್ಯೂಸ್, ಕಸುನ ರಜಿತಾ, ಇಸುರು ಉಡಾನ, ತಿಸಾರ ಪೆರೆರಾ, ಅವಿಷ್ಕಾ ಫರ್ನಾಂಡೊ
First published: July 6, 2019, 2:24 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading