India vs South Africa, Live Cricket Score: 2ನೇ ಇನ್ನಿಂಗ್ಸ್​ನಲ್ಲೂ ಕುಸಿದ ಹರಿಣಗಳು; 5 ವಿಕೆಟ್ ಪತನ

ಬೆಂಗಳೂರು (ಅ. 21): ರಾಂಚಿಯ ಜೆಎಸ್​​ಸಿಎ ಕ್ರೀಡಾಂಗಣದಲ್ಲಿ ಸಾಗುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಅಂತಿಮ ಮೂರನೇ ಟೆಸ್ಟ್​ ಪಂದ್ಯದಲ್ಲಿ ಟೀಂ ಇಂಡಿಯಾ ಬೌಲಿಂಗ್​ನಲ್ಲೂ ಅದ್ಭುತ ಪ್ರದರ್ಶನ ತೋರಿದೆ. ಆಫ್ರಿಕಾವನ್ನು ಮೊದಲ ಇನ್ನಿಂಗ್ಸ್​ನಲ್ಲಿ 162 ರನ್​ಗಳಿಗೆ ಆಲೌಟ್ ಮಾಡಿ ಫಾಲೋಆನ್ ಹೇರಿದೆ. ಭಾರತ 335 ರನ್​ಗಳ ಮುನ್ನಡೆ ಸಾಧಿಸಿದೆ.

ಸದ್ಯ 2ನೇ ಇನ್ನಿಂಗ್ಸ್​ ಆರಂಭಿಸಿರುವ ಆಫ್ರಿಕಾ 50 ರನ್​ಗೂ ಮೊದಲೆ 5 ವಿಕೆಟ್ ಕಳೆದುಕೊಂಡಿದೆ. ಕ್ವಿಂಟನ್ ಡಿಕಾಕ್(5) ಹಾಗೂ ಜುಬಾಯ್ರ್​​ ಹಂಜಾ(0) ಕ್ಲೀನ್ ಬೌಲ್ಡ್​ ಆದರೆ, ನಾಯಕ ಫಾಪ್ ಡುಪ್ಲೆಸಿಸ್ 4 ರನ್ ಗಳಿಸಿ ನಿರ್ಗಮಿಸಿದರು. ತೆಂಬಾ ಬವುಮಾ ಸೊನ್ನೆ ಸೊತ್ತಿದರು. ಕ್ಲಾಸೆನ್ ಆಟ 5 ರನ್​ಗೆ ಅಂತ್ಯವಾಯಿತು.

2ನೇ ಇನ್ನಿಂಗ್ಸ್​ನಲ್ಲಿ ಭಾರತ ಪರ ಮೊಹಮ್ಮದ್ ಶಮಿ 3 ವಿಕೆಟ್ ಕಿತ್ತಿದ್ದರೆ, ಉಮೇಶ್ ಯಾದವ್ 2 ವಿಕೆಟ್ ಪಡೆದಿದ್ದಾರೆ.

ನಿನ್ನೆ ಎರಡನೇ ದಿನದಾಟದ ಅಂತ್ಯಕ್ಕೆ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ 9 ರನ್​ಗೆ 2 ವಿಕೆಟ್ ಕಳೆದುಕೊಂಡಿದ್ದ ಆಫ್ರಿಕಾ ಇಂದು ಕೂಡ ಬೇಗನೆ ವಿಕೆಟ್ ಕಳೆದುಕೊಂಡಿತು. ಯಾವೊಬ್ಬ ಬ್ಯಾಟ್ಸ್​ಮನ್​ ಕ್ರೀಸ್​ ಕಚ್ಚಿ ಆಡಲಿಲ್ಲ.

ಇಂದು ಮೂರನೇ ದಿನದಾಟ ಆರಂಭಿಸಿದ ಹರಿಣಗಳಿಗೆ ಭಾರತೀಯ ಬೌಲರ್​ಗಳು ಆರಂಭದಲ್ಲೇ ಆಘಾತ ನೀಡಿದರು. ನಾಯಕ ಫಾಪ್ ಡುಪ್ಲೆಸಿಸ್​ನನ್ನ 1 ರನ್ ಗಳಿಸಿರುವಾಗ ಬೌಲ್ಡ್​ ಮಾಡುವಲ್ಲಿ ಉಮೇಶ್ ಯಾದವ್ ಯಶಸ್ವಿಯಾರು.

ಆದರೆ, ಈ ಸಂದರ್ಭ ಒಂದಾದ ತೆಂಬಾ ಬವುಮಾ ಹಾಗೂ ಜುಬಾಯ್ರ್​​ ಹಂಜಾ ತಂಡಕ್ಕೆ ಆಸರೆಯಾಗಿ ನಿಂತರು. ಎಚ್ಚರಿಕೆಯಿಂದ ಆಟ ಪ್ರದರ್ಶಿಸಿದ ಈ ಜೋಡಿ ಪೈಕಿ ಹಂಜಾ ಆಕರ್ಷಕ ಅರ್ಧಶತಕ ಬಾರಿಸಿ ಮಿಂಚಿದರು.

ಧೋನಿ ಸ್ಥಾನ ತುಂಬಲು ನಾನು ರೆಡಿ ಎಂದ ಟೀಂ ಇಂಡಿಯಾದ ಅವಕಾಶ ವಂಚಿತ ಆಟಗಾರ

91 ರನ್​ಗಳ ಜೊತೆಯಾಟ ಆಡಿದ ಇವರಿಬ್ಬರು ತಂಡದ ಮೊತ್ತವನ್ನು 100ರ ಗಡಿ ದಾಟಿಸಿದರು. ಈ ಸಂದರ್ಭ ಬೌಲಿಂಗ್​ಗೆ ಬಂದ ಜಡೇಜಾ 62 ರನ್ ಬಾರಿಸಿದ್ದ ಹಂಜಾರನ್ನು ಕ್ಲೀನ್ ಬೌಲ್ಡ್​ ಮಾಡಿ ಬ್ರೇಕ್ ನೀಡಿದರು.

 

That moment when you pick up your first Test wicket.

Shahbaz Nadeem, welcome to Test cricket 👏👏 pic.twitter.com/nk43i8o1Ee

— BCCI (@BCCI) October 21, 2019

ಇದರ ಬೆನ್ನಲ್ಲೆ 32 ರನ್ ಗಳಿಸಿದ್ದ ತೆಂಬಾ ಬವುಮಾರನ್ನು ಶಹ್ಬಾದ್ ನದೀಂ ಸ್ಟಂಪ್​​​ಔಟ್ ಬಲೆಗೆ ಬೀಳಿಸಿದು. ಈ ಮೂಲಕ ಟೆಸ್ಟ್​ ಕ್ರಿಕೆಟ್​ನಲ್ಲಿ ನದೀಂ ಚೊಚ್ಚಲ ವಿಕೆಟ್ ಪಡೆದರು.  ಹೆನ್ರಿಚ್ ಕ್ಲಾಸೆನ್ ಬಂದ ಬೆನ್ನಲ್ಲೆ 6 ರನ್​ ಗಳಿಸಿ ನಿರ್ಗಮಿಸಿದರು. ಡೇನ್ ಪಿಡ್ಟ್​ 4 ಹಾಗೂ ರಬಾಡ ಸೊನ್ನೆ ಸುತ್ತಿದರು.

ಅಂತಿಮವಾಗಿ ಆಫ್ರಿಕಾ 56.2 ಓವರ್​ನಲ್ಲಿ 162 ರನ್​ಗೆ ಸರ್ವಪತನ ಕಂಡಿತು. ಭಾರತ ಪರ ಉಮೇಶ್ ಯಾದವ್ 3 ವಿಕೆಟ್ ಕಿತ್ತರೆ, ಮೊಹಮ್ಮದ್ ಶಮಿ, ನದೀಂ ಹಾಗೂ ಜಡೇಜಾ ತಲಾ 2 ವಿಕೆಟ್ ಪಡೆದರು.

ಇದಕ್ಕೂ ಮೊದಲು ಭಾರತ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ರೋಹಿತ್ ಶರ್ಮಾ ದ್ವಿಶತಕ, ರಹಾನೆ ಶತಕ ಹಾಗೂ ಜಡೇಜಾ ಅರ್ಧಶತಕದ ನೆರವಿನಿಂದ 9 ವಿಕೆಟ್ ಕಳೆದುಕೊಂಡು 497 ರನ್ ಗಳಿಸಿರುವಾಗ ಡಿಕ್ಲೇರ್ ಮಾಡಿಕೊಂಡಿತ್ತು. ನಿನ್ನೆ ಎರಡನೇ ದಿನದಾಟದ ಅಂತ್ಯಕ್ಕೆ ಆಫ್ರಿಕಾ 2 ವಿಕೆಟ್ ಕಳೆದುಕೊಂಡು 9 ರನ್ ಕಲೆಹಾಕಿತ್ತು.