HOME » NEWS » Sports » CRICKET INDIA VS SOUTH AFRICA IN CHINNASWAMI STADIUM WHY DID CAPTAIN VIRAT KOHLI CHOSE TO BAT FIRST AND WHAT IS THE CLARIFICATION HE DID HERE IT IS REVEALED VB

ಚೇಸಿಂಗ್ ಪಿಚ್​ನಲ್ಲಿ ಕೊಹ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಯಾಕೆ?; ನಾಯಕ ನೀಡಿದ ಸ್ಪಷ್ಟನೆ ಏನು ಗೊತ್ತಾ?

ಚೇಸಿಂಗ್ ಸ್ವರ್ಗದಲ್ಲಿ ಕೊಹ್ಲಿ ಬ್ಯಾಟಿಂಗ್ ಆಯ್ಕೆ ಮಾಡಿಕೊಳ್ಳಲು ಪ್ರಮುಖ ಕಾರಣವಿದೆ. ಇದಕ್ಕೆ ಸ್ಪಷ್ಟನೆಯನ್ನೂ ಕೊಹ್ಲಿ ನೀಡಿದ್ದಾರೆ.

Vinay Bhat | news18-kannada
Updated:September 22, 2019, 10:12 PM IST
ಚೇಸಿಂಗ್ ಪಿಚ್​ನಲ್ಲಿ ಕೊಹ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಯಾಕೆ?; ನಾಯಕ ನೀಡಿದ ಸ್ಪಷ್ಟನೆ ಏನು ಗೊತ್ತಾ?
5 Players who can outshine Virat Kohli in ODIs in 2020
  • Share this:
ಬೆಂಗಳೂರು (ಸೆ. 22): ಇಲ್ಲಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರನೇ ಟಿ-20 ಕದನದಲ್ಲಿ ಟೀಂ ಇಂಡಿಯಾ ಸಾಧಾರಣ ಮೊತ್ತ ಕಲೆಹಾಕಿದೆ. ಪ್ರಮುಖ ಬ್ಯಾಟ್ಸ್​ಮನ್​ಗಳೇ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿ 20 ಓವರ್​ಗೆ 9 ವಿಕೆಟ್ ಕಳೆದುಕೊಂಡು 134 ರನ್​ಗಳನ್ನಷ್ಟೆ ಕಲೆಹಾಕಿದೆ.

ಚಿನ್ನಸ್ವಾಮಿ ಕ್ರೀಡಾಂಗಣ ಚೇಸಿಂಗ್ ಪಿಚ್. ಹೆಚ್ಚಿನವರು ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಳ್ಳುವುದು ಸಾಮಾನ್ಯ. ಆದರೆ, ಅಚ್ಚರಿ ಎಂಬಂತೆ ಕೊಹ್ಲಿ ಟಾಸ್ ಗೆದ್ದರೂ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. 9 ಬ್ಯಾಟ್ಸ್​ಮನ್​ಗಳಿದ್ದರು ವೈಫಲ್ಯ ಅನುಭವಿಸಿದರು!

ಚೇಸಿಂಗ್ ಸ್ವರ್ಗದಲ್ಲಿ ಕೊಹ್ಲಿ ಬ್ಯಾಟಿಂಗ್ ಆಯ್ಕೆ ಮಾಡಿಕೊಳ್ಳಲು ಪ್ರಮುಖ ಕಾರಣವಿದೆ. ಇದಕ್ಕೆ ಸ್ಪಷ್ಟನೆಯನ್ನೂ ಕೊಹ್ಲಿ ನೀಡಿದ್ದಾರೆ.

India Vs South Africa Live Score: ಭಾರತೀಯ ಬ್ಯಾಟ್ಸ್​ಮನ್​ಗಳ ಕಳಪೆ ಆಟ; ಆಫ್ರಿಕಾಕ್ಕೆ 135 ಟಾರ್ಗೆಟ್

'ಈ ಪಿಚ್ ಚೇಸಿಂಗ್​ಗೆ ಹೇಳಿಮಾಡಿಸಿದ್ದು ಎಂಬುದು ತಿಳಿದಿದೆ. ಐಪಿಎಲ್​ನಲ್ಲಿ ಸಾಕಷ್ಟು ಬಾರಿ ಇದು ಸಾಭೀತಾಗಿರುವುದು ಕಂಡಿದ್ದೇವೆ. ಆದರೂ ಬ್ಯಾಟಿಂಗ್ ಆಯ್ಕೆ ಮಾಡಿಕೊಳ್ಳುತ್ತೇವೆ. ಮುಂಬರುವ ಐಸಿಸಿ ಟಿ-20 ವಿಶ್ವಕಪ್ ಅನ್ನು ಗಮನದಲ್ಲಿಟ್ಟುಕೊಂಡು ಕೆಲವು ಪ್ರಯೋಗಕ್ಕೆ ಮುಂದಾಗಿದ್ದೇವೆ. ನಾವು ಯಾವ ವಿಭಾಗದಲ್ಲಿ ದುರ್ಬಲ, ಯಾವುದರಲ್ಲಿ ಬಲ ಎಂಬುದು ಈಗಲೇ ಮನವರಿಕೆ ಮಾಡಿಕೊಳ್ಳಬೇಕು'

'ನಿಜಕ್ಕು ಚೇಸಿಂಗ್​ನಲ್ಲಿ ನಮ್ಮ ತಂಡ ಬಲಿಷ್ಠವಿದೆ. ಆದರೆ, ಈ ಬಾರಿ ಬ್ಯಾಟಿಂಗ್ ಮೊದಲು ಮಾಡಿ ಪ್ರಯೋಗ ನಡೆಸುತ್ತೇವೆ. ವಿಶ್ವಕಪ್​ನಲ್ಲಿ ನಮಗೆ ಯಾವ ಆಯ್ಕೆ ಸಿಗುತ್ತದೊ ಗೊತ್ತಿಲ್ಲ. ಮೊದಲಿಗೆ ಬ್ಯಾಟಿಂಗ್ ಸಿಕ್ಕರೆ ಬ್ಯಾಟಿಂಗ್​​ಗೆ, ಬೌಲಿಂಗ್ ಸಿಕ್ಕರೆ ಅದಕ್ಕೂ ಸಿದ್ಧವಿರಬೇಕು. ಇದಕ್ಕಾಗಿ ಕೆಲವು ಯೋಜನೆಗಳೊಂದಿಗೆ ಇಂದು ಕಣಕ್ಕಿಳಿಯುತ್ತಿದ್ದೇವೆ'' ಎಂದು ಕೊಹ್ಲಿ ಹೇಳಿದರು.

ಆದರೆ, ಅಂತಿಮ ಟಿ-20 ಪಂದ್ಯದಲ್ಲಿ ಭಾರತ ಸೋಲುಂಡಿತು. ನಾಯಕ ಕ್ವಿಂಟನ್ ಡಿಕಾಕ್ ಅರ್ಧಶತಕ ಹಾಗೂ ಬೌಲರ್​​ಗಳ ಸಂಘಟಿತ ಹೋರಾಟದ ಫಲವಾಗಿ 9 ವಿಕೆಟ್​ಗಳ ಜಯ ಸಾಧಿಸಿರುವ ದ. ಆಫ್ರಿಕಾ ತಂಡ ಸರಣಿ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು.
First published: September 22, 2019, 9:30 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading