India vs South Africa: ಭಾರತ 2ನೇ ಇನ್ನಿಂಗ್ಸ್ 4 ವಿಕೆಟ್ ನಷ್ಟಕ್ಕೆ 323 ರನ್​ಗೆ ಡಿಕ್ಲೇರ್; ಆಫ್ರಿಕಾಗೆ ಗೆಲ್ಲಲು 395 ರನ್ ಗುರಿ

ಬೆಂಗಳೂರು (ಅ. 05): ವಿಶಾಖಪಟ್ಟಣಂನ ಡಾ. ವೈಎಸ್ ರಾಜಶೇಖರ ರೆಡ್ಡಿ ಕ್ರೀಡಾಂಗಣದಲ್ಲಿ ಸಾಗುತ್ತಿರುವ ಮೊದಲ ಟೆಸ್ಟ್​ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು 431 ರನ್​ಗಳಿಗೆ ಆಲೌಟ್ ಮಾಡಿದ ಭಾರತ ತನ್ನ 2ನೇ ಇನ್ನಿಂಗ್ಸನ್ನು 4 ವಿಕೆಟ್ ನಷ್ಟಕ್ಕೆ 323 ರನ್​ಗೆ ಡಿಕ್ಲೇರ್ ಮಾಡಿಕೊಂಡಿದೆ. ಈ ಮೂಲಕ ದಕ್ಷಿಣ ಆಫ್ರಿಕಾ ಗೆಲುವಿಗೆ 395 ರನ್ ಗುರಿ ನೀಡಿದೆ. ನಾಲ್ಕನೇ ದಿನಾಂತ್ಯಕ್ಕೆ ದಕ್ಷಿಣ ಆಫ್ರಿಕಾ 1 ವಿಕೆಟ್ ನಷ್ಟಕ್ಕೆ 11 ರನ್ ಗಳಿಸಿ ಸೋಲಿನ ಸುಳಿಗೆ ಸಿಲುಕಿದೆ.

71 ರನ್​ಗಳ ಮುನ್ನಡೆಯೊಂದಿಗೆ ತನ್ನ 2ನೇ ಇನ್ನಿಂಗ್ಸ್ ಆರಂಭಿಸಿದ ಭಾರತಕ್ಕೆ ರೋಹಿತ್ ಶರ್ಮಾ ಹಾಗೂ ಚೇತೆಶ್ವರ್ ಪೂಜಾರ(81) ಅಮೋಘ ಜೊತೆಯಾಟ ನೀಡಿದರು. ಈ ನಡುವೆ ಹಿಟ್​ಮ್ಯಾನ್ 2ನೇ ಇನ್ನಿಂಗ್ಸ್​ನಲ್ಲೂ ಆಕರ್ಷಕ ಶತಕ ಸಿಡಿಸಿ ಮಿಂಚಿದರು. 133 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 4 ಸಿಕ್ಸರ್ ಸಿಡಿಸಿ ರೋಹಿತ್ ಸೆಂಚುರಿ ಬಾರಿಸಿದರು.

ಆದರೆ, ಸೆಂಚುರಿ ಬಳಿಕ ಸ್ಫೋಟಕ ಆಟದ ಮೊರೆಹೋದ ರೋಹಿತ್ 127 ರನ್​ಗೆ ಔಟ್ ಆದರು. ಸದ್ಯ ಜಡೇಜಾ ಹಾಗೂ ವಿರಾಟ್ ಕೊಹ್ಲಿ ಜೊತೆಯಾಗಿದ್ದಾರೆ. 400ರತ್ತ ಭಾರತದ ಮುನ್ನಡೆ ಸಾಗುತ್ತಿದೆ.

2ನೇ ಇನ್ನಿಂಗ್ಸ್​ನ ಆರಂಭದಲ್ಲೇ ಆಘಾತ ಉಂಟಾಯಿತು. ಮೊದಲ ಇನ್ನಿಂಗ್ಸ್​ನಲ್ಲಿ ದ್ವಿಶತಕ ಸಿಡಿಸಿ ಮಿಂಚಿದ್ದ ಮಯಾಂಕ್ ಕೇವಲ 7 ರನ್​ಗೆ ಔಟ್ ಆದರು.

ಬಳಿಕ ರೋಹಿತ್ ಶರ್ಮಾ ಜೊತೆಯಾದ ಚೇತೇಶ್ವರ್ ಪೂಜಾರ ಉತ್ತಮ ಇನ್ನಿಂಗ್ಸ್​ ಕಟ್ಟಿದರು. ಪೂಜಾರ ಎಚ್ಚರಿಕೆಯ ಆಟಕ್ಕೆ ಮುಂದಾದರೆ, ರೋಹಿತ್ ಬೌಂಡರಿಗಳತ್ತ ಹೆಚ್ಚು ಗಮನ ಹರಿಸಿದರು. ಬರೋಬ್ಬರಿ 169 ರನ್​ಗಳ ಜೊತೆಯಾಟ ಇವರಿಬ್ಬರ ಖಾತೆಯಿಂದ ಮೂಡಿಬಂತು. ಆದರೆ, ಪೂಜಾರ 148 ಎಸೆತಗಳಲ್ಲಿ 13 ಬೌಂಡಿರಿ ಹಾಗೂ 2 ಸಿಕ್ಸರ್ ಬಾರಿಸಿ 81 ರನ್​ಗೆ ಔಟ್ ಆದರು.

ರವೀಂದ್ರ ಜಡೇಜಾ, ವಿರಾಟ್ ಕೊಹ್ಲಿ ಮತ್ತು ಅಜಿಂಕ್ಯ ರಹಾನೆ ಅವರು ಕ್ಷಿಪ್ರ ಗತಿಯಲ್ಲಿ ರನ್ ಗಳಿಸಿದ ಪರಿಣಾಮ ಭಾರತ ಕೇವಲ 67 ಓವರ್​ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 323 ರನ್ ಗಳಿಸಿ ಎರಡನೇ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು.

ಇದಕ್ಕೂ ಮೊದಲು ನಿನ್ನೆ 3ನೇ ದಿನದಾಟದ ಅಂತ್ಯಕ್ಕೆ ಆಫ್ರಿಕಾ 8 ವಿಕೆಟ್ ಕಳೆದುಕೊಂಡು 385 ರನ್ ಕಲೆಹಾಕಿತ್ತು. 117 ರನ್​ಗಳ ಹಿನ್ನಡೆಯಲ್ಲಿತ್ತು. ಮುಥುಸಾಮಿ(12) ಹಾಗೂ ಕೇಶವ್ ಮಹರಾಜ್(3) ಇಂದಿನ ಬ್ಯಾಟಿಂಗ್ ಕಾಯ್ದುಕೊಂಡಿದ್ದರು.

ನಾಲ್ಕನೇ ದಿನವಾದ ಇಂದು ಬ್ಯಾಟಿಂಗ್​ಗೆ ಇಳಿದ ಈ ಜೋಡಿ ಪೈಕಿ ಆರಂಭದಲ್ಲೇ ಅಶ್ವಿನ್ ಸ್ಪಿನ್ ಮೋಡಿಗೆ ಮಹರಾಜ್(9) ಪೆವಿಲಿಯನ್ ಸೇರಿಕೊಂಡರು. ಕೇವಲ 46 ರನ್ ಗಳಿಸುವಷ್ಟರಲ್ಲಿ ಎರಡೂ ವಿಕೆಟ್ ಕಳೆದುಕೊಂಡು ಸರ್ಪಪತನ ಕಂಡಿತು.

ಕಗಿಸೊ ರಬಾಡ 15 ರನ್​ಗೆ ಔಟ್ ಆಗುವ ಮೂಲಕ ಆಫ್ರಿಕಾ 431 ರನ್​ಗೆ ಆಲೌಟ್ ಆಯಿತು. ಮುಥುಸಾಮಿ ಅಜೇಯ 33 ರನ್ ಕಲೆಹಾಕಿದರು. ಭಾರತ 71 ರನ್​ಗಳ ಮುನ್ನಡೆಯಲ್ಲಿದೆ. ಭಾರತ ಪರ ಆರ್ ಅಶ್ವಿನ್ 7 ವಿಕೆಟ್ ಕಿತ್ತಿದ್ದರೆ, ಜಡೇಜಾ 2 ಹಾಗೂ ಇಶಾಂತ್ ಶರ್ಮಾ 1 ವಿಕೆಟ್ ಪಡೆದಿದ್ದಾರೆ.

ರೋಹಿತ್-ಧೋನಿ ದಾಖಲೆ ಹಿಂದಿಕ್ಕಿ ಭಾರತೀಯ ಕ್ರಿಕೆಟ್​​ನಲ್ಲಿ ಅಚ್ಚರಿಯ ಸಾಧನೆ ಮಾಡಿದ ಹರ್ಮನ್​​ಪ್ರೀತ್!

ನಿನ್ನೆ ಡೇನ್ ಎಲ್ಗರ್ ಹಾಗೂ ಕ್ವಿಂಟನ್ ಡಿಕಾಕ್ ಅದ್ಭುತ ಜೊತೆಯಾಟದ ನೆರವಿನಿಂದ ಆಫ್ರಿಕಾ 300ರ ಗಡಿ ದಾಟಲು ನೆರವಾಯಿತು. ಎಲ್ಗರ್ ಟೆಸ್ಟ್​ ಕ್ರಿಕೆಟ್​ನಲ್ಲಿ 13ನೇ ಶತಕ ಪೂರೈಸಿ 287 ಎಸೆತಗಳಲ್ಲಿ 18 ಬೌಂಡರಿ ಹಾಗೂ 4 ಸಿಕ್ಸರ್ ಸಿಡಿಸಿ 160 ರನ್ ಕಲೆಹಾಕಿದರು. ಡಿಕಾಕ್ 163 ಎಸೆತಗಳಲ್ಲಿ 111 ರನ್ ಬಾರಿಸಿದರು.

ಇದಕ್ಕೂ ಮೊದಲು ಟೀಂ ಇಂಡಿಯಾ ಪರ ಮಯಾಂಕ್ ಅಗರ್ವಾಲ್​ 215 ಹಾಗೂ ರೋಹಿತ್ ಶರ್ಮಾ 176 ರನ್​ಗಳ ಅಮೋಘ ಆಟದ ನೆರವಿನಿಂದ 7 ವಿಕೆಟ್ ಕಳೆದುಕೊಂಡು 502 ರನ್ ಬಾರಿಸಿ ಆಫ್ರಿಕನ್ನರಿಗೆ ಬ್ಯಾಟಿಂಗ್ ಮಾಡಲು ಅವಕಾಶ ಮಾಡಿಕೊಟ್ಟರು.

 

Who is ready for DAY 4 😎🇮🇳 #TeamIndia #INDvSA @Paytm pic.twitter.com/E7GkT0wyqc

— BCCI (@BCCI) October 5, 2019