HOME » NEWS » Sports » CRICKET INDIA VS PAKISTAN WORLD CUP MATCH PAKISTAN PEOPLE ANGRY OVER THEIR OWN TEAM

IND vs PAK: ತಮ್ಮ ದೇಶದ ಅಭಿಮಾನಿಗಳಿಂದಲೇ ಛೀಮಾರಿ ಹಾಕಿಸಿಕೊಂಡ ಪಾಕ್ ಕ್ರಿಕೆಟ್​ ತಂಡ

ವಿಶ್ವಕಪ್​ ಸೋಲು ಪಾಕ್​ ಅಭಿಮಾನಿಗಳನ್ನು ಕೆರಳಿಸಿದೆ. ವಿಶ್ವಕಪ್​ನಲ್ಲಿ ಈ ಬಾರಿಯಾದರೂ ಗೆಲುವು ಕಾಣಬಹುದು ಎನ್ನುವ ಹುಮ್ಮಸ್ಸಿನಲ್ಲಿದ್ದ ಪಾಕಿಗರಿಗೆ ಇದು ನುಂಗಲಾರದ ತುತ್ತಾಗಿ ಪರಿಣಮಿಸಿತ್ತು. ಪಾಕ್​ ತಂಡದ ವಿರುದ್ಧ ಅವರ ದೇಶದ ಅಭಿಮಾನಿಗಳಿಗೇ ಛೀಮಾರಿ ಹಾಕಿದ್ದಾರೆ.

Rajesh Duggumane | news18
Updated:June 17, 2019, 11:44 AM IST
IND vs PAK: ತಮ್ಮ ದೇಶದ ಅಭಿಮಾನಿಗಳಿಂದಲೇ ಛೀಮಾರಿ ಹಾಕಿಸಿಕೊಂಡ ಪಾಕ್ ಕ್ರಿಕೆಟ್​ ತಂಡ
ಸರ್ಫರಾಜ್ ಅಹ್ಮದ್ (ಪಾಕಿಸ್ತಾನ ಕ್ರಿಕೆಟ್ ತಂಡದ ನಾಯಕ)
  • News18
  • Last Updated: June 17, 2019, 11:44 AM IST
  • Share this:
ಮ್ಯಾಂಚೆಸ್ಟರ್​​ನಲ್ಲಿ ನಡೆದ ವಿಶ್ವಕಪ್ ಕ್ರಿಕೆಟ್​ನ ಹೈ ವೋಲ್ಟೇಜ್ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಟೀಂ ಇಂಡಿಯಾ ಡಕ್ವರ್ತ್​​ ನಿಯಮದ ಅನ್ವಯ 89 ರನ್​ಗಳ ಭರ್ಜರಿ ಜಯ ಸಾಧಿಸಿದೆ. ಈ ಮೂಲಕ ವಿಶ್ವಕಪ್ ಇತಿಹಾಸದಲ್ಲಿ ​ಪಾಕ್ ವಿರುದ್ಧ ಅಜೇಯ ಗೆಲುವಿನ ಓಟ ಮುಂದುವರೆಸಿದೆ. ಇದು ಪಾಕ್​ ಅಭಿಮಾನಿಗಳಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸಿದೆ. ಈ ಬಗ್ಗೆ ತಮ್ಮ ತಂಡದ ವಿರುದ್ಧವೇ ಪಾಕಿಸ್ತಾನದವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಭಾರತ ನೀಡಿದ ಬರೋಬ್ಬರಿ 337ರನ್​ಗಳ ಬೃಹತ್​ ಟಾರ್ಗೆಟ್​ ಬೆನ್ನಟ್ಟಿದ್ದ  ಪಾಕಿಸ್ತಾನ ಆರಂಭದಲ್ಲೇ ಆಘಾತ ಅನುಭವಿಸಿತು. ವಿಜಯ್ ಶಂಕರ್ ಬೌಲಿಂಗ್​ನಲ್ಲಿ ಇಮಾಮ್ ಉಲ್ ಹಖ್(7) ಎಲ್​ಬಿ ಬಲೆಗೆ ಸಿಲುಕಿ ಮೊದಲಿಗರಾಗಿ ಪೆವಿಲಿಯನ್ ಸೇರಿಕೊಂಡರು. ಬಳಿಕ 2ನೇ ವಿಕೆಟ್​ಗೆ ಫಖರ್ ಜಮಾನ್ ಜೊತೆಯಾದ ಬಾಬರ್ ಅಜಂ ಉತ್ತಮ ಜೊತೆಯಾಟ ಆಡಿದರು. ಆರಂಭಿಕ ಆಘಾತದಿಂದ ತಂಡವನ್ನು ಪಾರು ಮಾಡಿದ ಈ ಜೋಡಿ 104 ರನ್​ಗಳ ಕಾಣಿಕೆ ನೀಡಿತು. ಪಾಕ್​ ಕ್ರೀಡಾಭಿಮಾನಿಗಳು ಗೆಲುವು ತಮ್ಮದೇ ಎಂದು ಕುಣಿದು ಕುಪ್ಪಳಿಸುತ್ತಿದ್ದರು.

ಆದರೆ, ಬಾಬರ್ ಅಜಂ ವಿಕೆಟ್​ ಬೀಳುತ್ತಿದ್ದಂತೆ ಪಂದ್ಯದ ಗತಿಯೇ ಬದಲಾಯಿತು. ನೋಡ ನೋಡುತ್ತಿದ್ದಂತೆ ಪಾಕ್ ಕುಸಿತದ ಹಾದಿ ಕಂಡಿತ್ತು. ಅಂತಿಮವಾಗಿ ಪಾಕ್ ನಿಗದಿತ 40 ಓವರ್​ಗೆ 6 ವಿಕೆಟ್ ಕಳೆದುಕೊಂಡು 212 ರನ್ ಗಳಿಸಿತು. ಮಳೆ ಬಂದ ಕಾರಣ ಡಕ್ವರ್ತ್​​ ನಿಯಮ ಅನ್ವಯ ಪ್ರಕಾರ ಭಾರತ 89ರನ್​ಗಳ  ಜಯಗಳಿಸಿದೆ ಎಂದು ಘೋಷಿಸಲಾಯಿತು.



ಇದು ಪಾಕ್​ ಅಭಿಮಾನಿಗಳನ್ನು ಕೆರಳಿಸಿದೆ. ವಿಶ್ವಕಪ್​ನಲ್ಲಿ ಈ ಬಾರಿಯಾದರೂ ಗೆಲುವು ಕಾಣಬಹುದು ಎನ್ನುವ ಹುಮ್ಮಸ್ಸಿನಲ್ಲಿದ್ದ ಪಾಕಿಗರಿಗೆ ಇದು ನುಂಗಲಾರದ ತುತ್ತಾಗಿ ಪರಿಣಮಿಸಿತ್ತು. ಪಾಕ್​ ತಂಡದ ವಿರುದ್ಧ ಅವರ ದೇಶದ ಅಭಿಮಾನಿಗಳೇ ಛೀಮಾರಿ ಹಾಕಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ಹೊರಹಾಕಿದ್ದಾರೆ. ಅಷ್ಟೇ ಅಲ್ಲ, ಅನೇಕರು ಟಿವಿ ಒಡೆದು ಹಾಕಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.
First published: June 17, 2019, 8:31 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories