HOME » NEWS » Sports » CRICKET INDIA VS NEW ZEALAND ROHIT STUNNING CATCH GUPTILL GRABS A STUNNER TO DISMISS KOHLI VB

NZ vs IND: ಬೌಂಡರಿ ಲೈನ್ ಬಳಿ ರೋಹಿತ್​ ರೋಚಕ ಕ್ಯಾಚ್; ಗಪ್ಟಿಲ್ ಸೇಡು ತೀರಿಸಿಕೊಂಡಿದ್ದು ಹೇಗೆ ಗೊತ್ತಾ?

India vs New Zealand: ವಿರಾಟ್ ಕೊಹ್ಲಿ 32 ಎಸೆತಗಳಲ್ಲಿ 45 ರನ್ ಬಾರಿಸಿದರು. ಶ್ರೇಯಸ್ ಐಯರ್ 29 ಎಸೆತಗಳಲ್ಲಿ ಅಜೇಯ 58 ಹಾಗೂ ಕೆ ಎಲ್ ರಾಹುಲ್ 27 ಎಸೆತಗಳಲ್ಲಿ 56 ರನ್ ಚಚ್ಚಿದರು. ಭಾರತ ಇನ್ನೊಂದು ಓವರ್ ಬಾಕಿ ಇರುವಂತೆಯೆ 6 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು.

news18-kannada
Updated:January 24, 2020, 4:55 PM IST
NZ vs IND: ಬೌಂಡರಿ ಲೈನ್ ಬಳಿ ರೋಹಿತ್​ ರೋಚಕ ಕ್ಯಾಚ್; ಗಪ್ಟಿಲ್ ಸೇಡು ತೀರಿಸಿಕೊಂಡಿದ್ದು ಹೇಗೆ ಗೊತ್ತಾ?
ರೋಹಿತ್ ಶರ್ಮಾ ಹಾಗೂ ಮಾರ್ಟಿನ್ ಗಪ್ಟಿಲ್ ಹಿಡಿದ ಕ್ಯಾಚ್.
  • Share this:
ಆಕ್ಲೆಂಡ್ (ಜ. 24): ಇಲ್ಲಿನ ಈಡನ್ ಪಾರ್ಕ್​ನಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ದದ ಮೊದಲ ಟಿ-20 ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಗೆಲುವು ಸಾಧಿಸಿತು. ಕೆ ಎಲ್ ರಾಹುಲ್ ಹಾಗೂ ಶ್ರೇಯಸ್ ಐಯರ್ ಸ್ಫೋಟಕ ಅರ್ಧಶತಕದ ನೆರವಿನಿಂದ 7 ವಿಕೆಟ್​ಗಳ ಜಯ ಸಾಧಿಸಿದ ಕೊಹ್ಲಿ ಪಡೆ ಐದು ಟಿ-20 ಸರಣಿಯಲ್ಲಿ 1-0 ಮುನ್ನಡೆ ಪಡೆದಿದೆ.

ಟಾಸ್ ಸೋತು ಬ್ಯಾಟಿಂಗ್​ಗೆ ಇಳಿದ ನ್ಯೂಜಿಲೆಂಡ್ ಸ್ಫೋಟಕ ಆರಂಭ ಪಡೆದುಕೊಂಡಿತು. ಓಪನರ್​ಗಳಾದ ಮಾರ್ಟಿನ್ ಗಪ್ಟಿಲ್ ಹಾಗೂ ಕಾಲಿನ್ ಮನ್ರೊ ಬೌಂಡರಿ- ಸಿಕ್ಸರ್​ಗಳ ಮಳೆ ಸುರಿಸಿದರು. ಇವರ ಹೊಡಿಬಡಿ ಆಟಕ್ಕೆ ಬ್ರೇಕ್ ಹಾಕಿದ್ದು ರೋಹಿರ್ ಶರ್ಮಾ ಹಿಡಿದ ಆ ಒಂದು ಕ್ಯಾಚ್.

India vs New Zealand: Rohit Sharma’s stunning catch at boundary ropes leaves Auckland crowd in awe - WATCH
ರೋಹಿತ್ ಶರ್ಮಾ ಹಿಡಿದ ಅದ್ಭುತ ಕ್ಯಾಚ್.


8ನೇ ಓವರ್​​ ಬೌಲಿಂಗ್ ಮಾಡಲು ಬಂದ ಶಿವಂ ದುಬೆ ತಮ್ಮ ಐದನೇ ಎಸೆತವನ್ನು ಶಾರ್ಟ್​ ಬಾಲ್ ಆಗಿ ಎಸೆತದರು. ಬ್ಯಾಟಿಂಗ್ ಮಾಡುತ್ತಿದ್ದ ಮಾರ್ಟಿನ್ ಗಪ್ಟಿಲ್ ಚೆಂಡನ್ನು ಸಿಕ್ಸ್​ಗೆಂದು ಅಟ್ಟಿದರು. ಇನ್ನೇನು ಚೆಂಡು ಬೌಂಡರಿ ಗೆರೆ ದಾಟುತ್ತೆ ಎಂಬುವ ಹೊತ್ತಗೆ ರೋಹಿತ್ ಶರ್ಮಾ ಹಾರಿ ಅತ್ಯುತ್ತಮವಾಗಿ ಚೆಂಡನ್ನು ಹಿಡಿದರು.

 



India vs New Zealand: ಆಕ್ಲೆಂಡ್​ನಲ್ಲಿ ಅಬ್ಬರಿಸಿದ ರಾಹುಲ್-ಐಯರ್; ಕೊಹ್ಲಿ ಪಡೆ ಭರ್ಜರಿ ಶುಭಾರಂಭ

ಈ ಮೂಲಕ ಗಪ್ಟಿಲ್ 19 ಎಸೆತಗಳಲ್ಲಿ 30 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಳ್ಳುವಂತೆ ಮಾಡಿದರು. ನ್ಯೂಜಿಲೆಂಡ್ ಅಂತಿಮವಾಗಿ 20 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 203 ರನ್ ಕಲೆಹಾಕಿತು.

204 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿದ ಭಾರತ ಆರಂಭದಲ್ಲೇ ರೋಹಿತ್ ಶರ್ಮಾ ವಿಕೆಟ್ ಕಳೆದುಕೊಂಡಿತು. ಬಳಿಕ ಕೆ ಎಲ್ ರಾಹುಲ್ ಹಾಗೂ ನಾಯಕ ವಿರಾಟ್ ಕೊಹ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿ ತಂಡದ ರನ್ ಗತಿಯನ್ನು ಏರಿಸಿದರು. ಕ್ಯಾಪ್ಟನ್ ಖಾತೆಯಿಂದ ಮತ್ತೊಂದು ಅಮೋಘ ಇನ್ನಿಂಗ್ಸ್​ ಮೂಡಿಬಂತು.

ಆದರೆ, ಕೊಹ್ಲಿ ಔಟ್ ಆಗಿದ್ದು ಮಾತ್ರ ಯಾರು ಊಹಿಸಲಾಗದ ರೀತಿಯಲ್ಲಿತ್ತು. 12ನೇ ಓವರ್​ನ ಟಿಕ್ನೆರ್ ಬೌಲಿಂಗ್​ನಲ್ಲಿ ಕೊಹ್ಲಿ ಚೆಂಡನ್ನು ಬೌಂಡರಿಗೆ ಅಟ್ಟಲು ಯತ್ನಿಸಿದರು. ಆದರೆ, ಚೆಂಡು ಗಾಳಿಯಲ್ಲಿ ಹಾರಿತು. ಈ ಸಂದರ್ಭ ಬೌಂಡರಿ ಲೈನ್ ಬಳಿಯಿಂದ ಓಡಿ ಬಂದ ಗಪ್ಟಿಲ್ ಡೈ ಬಿದ್ದು ರೋಚಕ ಕ್ಯಾಚ್ ಹಿಡಿದರು. ಈ ಮೂಲಕ ಮಾರ್ಟಿನ್ ಕೂಡ ಎದುರಾಳಿ ಆಟಗಾರನ ಅದ್ಭುತ ಕ್ಯಾಚ್ ಹಿಡಿದು ಸೇಡು ತೀರಿಸಿಕೊಂಡರು.

IND vs NZ: ಬಿಸಿಸಿಐ ವಿರುದ್ಧ ಅಸಮಾಧಾನ ಹೊರಹಾಕಿದ ಕೊಹ್ಲಿ; ಯಾಕೆ ಗೊತ್ತಾ..?

 



 

First published: January 24, 2020, 4:55 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories