Rajesh DuggumaneRajesh Duggumane
|
news18 Updated:July 10, 2019, 2:00 PM IST
ಸಾಂದರ್ಭಿಕ ಚಿತ್ರ
- News18
- Last Updated:
July 10, 2019, 2:00 PM IST
ಮಂಗಳವಾರ ನಡೆದ ಭಾರತ-ನ್ಯೂಜಿಲೆಂಡ್ ಪಂದ್ಯಕ್ಕೆ ಮಳೆಯ ಅಡ್ಡಿ ಉಂಟಾಗಿದ್ದರಿಂದ ಪಂದ್ಯವನ್ನು ಬುಧವಾರಕ್ಕೆ ಮುಂದೂಡಲಾಗಿದೆ. ಇಂದು ಭಾರತೀಯ ಕಾಲಮಾನ 3 ಗಂಟೆಗೆ ಪಂದ್ಯ ಆರಂಭಗೊಳ್ಳಲಿದೆ. ಈ ಮಧ್ಯೆ ಡಕ್ವರ್ತ್ ನಿಯಮ ಅನ್ವಯ ಮಾಡಿದರೆ ಹುಷಾರ್ ಎನ್ನುವ ಎಚ್ಚರಿಕೆಯನ್ನೂ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ನೀಡಿದ್ದಾರೆ.
ಟಾಸ್ ಗೆದ್ದ ನ್ಯೂಜಿಲೆಂಡ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತ್ತು. ನ್ಯೂಜಿಲೆಂಡ್ 46.1 ಓವರ್ಗೆ ಕೇವಲ 211ರನ್ ಕಲೆ ಹಾಕಿತ್ತು. ಈ ವೇಳೆ ಮಳೆ ಸುರಿದ ಕಾರಣ ಪಂದ್ಯವನ್ನು ಸ್ಥಗಿತಗೊಳಿಸಲಾಗಿತ್ತು. ಕೆಲ ಕಾಲ ಸುರಿದ ಮಳೆ ನಿಂತಿತ್ತು. ಈ ವೇಳೆ ಡಕ್ವರ್ತ್ ಲೂಯಿಸ್ ನಿಯಮ ಅನ್ವಯ ಮಾಡುವ ನಿರ್ಧಾರಕ್ಕೆ ಬರಲಾಗಿತ್ತು.
ಭಾರತ V/S ನ್ಯೂಜಿಲ್ಯಾಂಡ್
ಡಿಎಲ್ಎಸ್ ನಿಯಮದ ಪ್ರಕಾರ ನ್ಯೂಜಿಲೆಂಡ್ನ ಪ್ರಸ್ತುತ ಸ್ಕೋರ್, ರನ್ರೇಟ್ ಮತ್ತು ಭಾರತದ ಓವರ್ಗಳನ್ನು ಪರಿಗಣನೆಗೆ ತೆಗೆದು ನಿರ್ದಿಷ್ಟ ಗುರಿಯನ್ನು ಟೀಂ ಇಂಡಿಯಾಗೆ ನೀಡಲಾಗುತ್ತದೆ. ತಜ್ಞರ ಅಂಕಿ ಅಂಶಗಳ ಪ್ರಕಾರ ಇಲ್ಲಿ ಪಂದ್ಯ ಮುಂದುವರೆದಿದ್ದರೆ ನ್ಯೂಜಿಲೆಂಡ್ನ ರನ್ರೇಟ್ ಅನುಸಾರ ಭಾರತಕ್ಕೆ 46 ಓವರುಗಳಲ್ಲಿ 237 ರನ್ಗಳ ಗುರಿ ನೀಡಲಾಗುತ್ತಿತ್ತು. ಇನ್ನು ಓವರುಗಳನ್ನು ಕಡಿತಗೊಳಿಸಿದರೆ 40 ಓವರ್ಗಳಲ್ಲಿ ಭಾರತ 223 ರನ್ಗಳ ಗುರಿ ಪಡೆಯುತ್ತಿತ್ತು. ಹಾಗೆಯೇ 35 ಓವರ್ಗಳಲ್ಲಾದರೆ 209 ರನ್ಗಳ ಟಾರ್ಗೆಟ್ ನೀಡಲಾಗುತ್ತಿತ್ತು.
ಇದನ್ನೂ ಓದಿ: ಭಾರತ-ನ್ಯೂಜಿಲೆಂಡ್ ಸೆಮಿಗೆ ಮಳೆ ಅಡ್ಡಿ: ಪಂದ್ಯ ಬುಧವಾರಕ್ಕೆ ಮುಂದೂಡಿಕೆ
ಇನ್ನು ತಡವಾಗಿದ್ದರೆ ಪಂದ್ಯವನ್ನು 30 ಓವರುಗಳಿಗೆ ಸೀಮಿತಗೊಳಿಸಿ, ಭಾರತಕ್ಕೆ 192 ರನ್ಗಳ ಟಾರ್ಗೆಟ್ ನೀಡಲಾಗುತ್ತಿತ್ತು. ಇನ್ನು 25 ಓವರುಗಳಿಗೆ ಪಂದ್ಯವನ್ನು ಇಳಿಸಿದರೆ 172 ರನ್ಗಳ ಗುರಿ ಟೀಂ ಇಂಡಿಯಾ ಮುಂದಿಡಲಾಗುತ್ತಿತ್ತು. ಹಾಗೆಯೇ ಪಂದ್ಯವು ಮತ್ತಷ್ಟು ತಡವಾದರೆ ಪಂದ್ಯವನ್ನು 20 ಓವರುಗಳಿಗೆ ಸೀಮಿತಗೊಳಿಸಲಾಗುತ್ತಿತ್ತು. ಈ ವೇಳೆ ಭಾರತಕ್ಕೆ 120 ಎಸೆತಗಳಲ್ಲಿ 148 ರನ್ಗಳ ಹೊಡೆಯಬೇಕಿತ್ತು.
ಇದು ಅನೇಕರನ್ನು ಕೆರಳಿಸಿದೆ. ನ್ಯೂಜಿಲೆಂಡ್ ತಂಡವನ್ನು ಭಾರತ ಕಡಿಮೆ ರನ್ಗಳಿಗೆ ಕಟ್ಟಿ ಹಾಕಿದೆ. ಹೀಗಿರುವಾಗ ಭಾರತವೇಕೆ ಹೆಚ್ಚಿನ ರನ್ ಹೊಡೆಯಬೇಕು ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರೆ. ಇನ್ನೂ ಕೆಲವರು ಈ ವಿಚಾರವನ್ನು ಟ್ರೋಲ್ ಮಾಡಿದ್ದಾರೆ. ಕೊನೆಗೆ ಮಳೆ ನಿಲ್ಲದ ಕಾರಣ, ಇಂದಿಗೆ ಪಂದ್ಯವನ್ನು ಮುಂದೂಡಲಾಗಿದೆ. ಈ ವೇಳೆ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ.
ಇದನ್ನೂ ಓದಿ: ಭಾರತ-ನ್ಯೂಜಿಲೆಂಡ್ ಸೆಮಿ ಫೈನಲ್ಗೆ ವರುಣನ ಅಡ್ಡಿ: ಮುಂದೇನು?
First published:
July 10, 2019, 10:24 AM IST
