India vs Australia: ಐತಿಹಾಸಿಕ ಜಯ ಸಾಧಿಸಿದ ಟೀಂ ಇಂಡಿಯಾಕ್ಕೆ ಬಿಸಿಸಿಐಯಿಂದ ಸಿಕ್ತು ಊಹಿಸಲಾಗದ ಗಿಫ್ಟ್

ಬೆಂಗಳೂರು (ಜ. 19): ಆಸ್ಟ್ರೇಲಿಯಾ ವಿರುದ್ಧ 36 ರನ್​ಗಳ ಅಧಪತನದ ಜೊತೆ ಹೀನಾಯ ಸೋಲಿನೊಂದಿಗೆ ಟೆಸ್ಟ್​ ಸರಣಿ ಆರಂಭಿಸಿದ ಭಾರತ ಕ್ರಿಕೆಟ್ ತಂಡ ಇಂದು ಬಾರ್ಡರ್ – ಗವಾಸ್ಕರ್ ಟ್ರೋಫಿಯನ್ನು ಎತ್ತಿ ಹಿಡಿದಿದೆ. ಮೊದಲ ಟೆಸ್ಟ್ ಪಂದ್ಯದಲ್ಲಿ ಹೀನಾಯವಾಗಿ ಸೋಲು ಕಂಡಿದ್ದ ಭಾರತ, ಎರಡನೇ ಟೆಸ್ಟ್​ನಲ್ಲಿ ಪುಟಿದೆದ್ದು ಪಂದ್ಯವನ್ನು ಗೆದ್ದುಕೊಂಡು ಸರಣಿ ಸಮಬಲ ಸಾಧಿಸಿತ್ತು. ಖಾಯಂ ನಾಯಕ ವಿರಾಟ್ ಕೊಹ್ಲಿ ಅನುಪಸ್ಥಿತಿ ಮಾತ್ರವಲ್ಲದೆ ಪ್ರಮುಖ ಸ್ಟಾರ್ ಆಟಗಾರರ ಇಂಜುರಿ ನಡುವೆ ಮೂರನೇ ಟೆಸ್ಟ್​ನಲ್ಲಿ ರಹಾನೆ ಪಡೆ ಉತ್ತಮ ಪ್ರದರ್ಶನ ತೋರಿ ಪಂದ್ಯವನ್ನು ಡ್ರಾ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.

ಕೊನೆಯ ಟೆಸ್ಟ್​ ವೇಳೆಗೆ ಟೀಂ ಇಂಡಿಯಾ ಆಟಗಾರರ ಗಾಯಗದ ಸಮಸ್ಯೆ ಅತಿರೇಕಕ್ಕೆ ಹೋಗಿತ್ತು. ಯಾವೊಬ್ಬ ಅನುಭವಿ ಬೌಲರ್ ತಂಡದಲ್ಲಿ ಇರಲಿಲ್ಲ. ಹೀಗಾಗಿ ತೀವ್ರ ಕುತೂಹಲ ಕೆರಳಿಸಿದ್ದ ನಾಲ್ಕನೇ ಟೆಸ್ಟ್​ನಲ್ಲಿ ಭಾರತ ಜಯ ಸಾಧಿಸುವುದು ಕಷ್ಟ. ಆದ್ರೆ ಕನಿಷ್ಠ ಡ್ರಾ ಆದರೂ ಮಾಡಲಿ ಎಂಬುದು ಅಭಿಮಾನಿಗಳ ಆಸೆಯಾಗಿತ್ತು.

India vs Australia: ಐತಿಹಾಸಿಕ ಜಯ: ರೋಚಕ ಪಂದ್ಯದಲ್ಲಿ ಭಾರತಕ್ಕೆ ಗೆಲುವು ತಂದುಕೊಟ್ಟ ಪಂತ್

ಅಂತಿಮ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಕಾಂಗರೂ ಪಡೆ ಮುನ್ನಡೆ ಸಾಧಿಸಿತ್ತು. ಆದರೆ, ಎರಡನೇ ಇನ್ನಿಂಗ್ಸ್​ನಲ್ಲಿ ಯಾರೂ ಊಹಿಸಲಾಗದ ರೀತಿಯಲ್ಲಿ ಭಾರತ ಕಮ್​ಬ್ಯಾಕ್​ ಮಾಡಿತು. ಅನಾನುಭವಿ ಬೌಲರ್​​ಗಳು ಅಮೋಘ ಪ್ರದರ್ಶನ ನೀಡಿದರೆ, ಕೆಟ್ಟ ಹೊಡೆತಗಳಿಂದಲೇ ಔಟ್ ಆಗಿ ಟ್ರೋಲ್ ಆಗುತ್ತಿದ್ದ ರಿಷಭ್ ಪಂತ್ ಗೆಲುವಿನ ರುವಾರಿ ಎನಿಸಿಕೊಂಡರು. ಶುಭ್ಮನ್ ಗಿಲ್ ಹಾಗೂ ಚೇತೇಶ್ವರ್ ಪೂಜಾರ ಕೂಡುಗೆ ಕೂಡ ಮರೆಯುವಂತಿಲ್ಲ.

ಹೀಗೆ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ 2-1 ಅಂತರದಲ್ಲಿ ಗೆದ್ದು ಇತಿಹಾಸ ಸೃಷ್ಟಿಸಿದ ಭಾರತಕ್ಕೆ ಬಿಸಿಸಿಐ ದೊಡ್ಡ ಸರ್​ಪ್ರೈಸ್ ಒಂದನ್ನು ನೀಡಿದೆ. ಅದೇನೆಂದರೆ ಆಸ್ಟ್ರೇಲಿಯಾ ಟೆಸ್ಟ್​ ಸರಣಿಯಲ್ಲಿ ಭಾಗವಹಿಸಿದ ಭಾರತೀಯ ತಂಡಕ್ಕೆ ಬರೋಬ್ಬರಿ 5 ಕೋಟಿ ರೂ. ಬೋನಸ್ ನೀಡಲಾಗುವುದು ಎಂದು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ತಿಳಿಸಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿರು ಗಂಗೂಲಿ, "ಇದೊಂದು ಅವಿಸ್ಮರಣೀಯ ಗೆಲುವು. ಆಸ್ಟ್ರೇಲಿಯಾ ದೇಶಕ್ಕೆ ಪ್ರವಾಸ ಬೆಳೆಸಿ ಈರೀತಿ ಟೆಸ್ಟ್​ ಸರಣಿ ಗೆದ್ದಿರುವುದು ನಿಜಕ್ಕೂ ಅದ್ಭುತ. ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಈ ಗೆಲುವು ಎಂದೆಂದಿಗೂ ನೆನಪಿನಲ್ಲಿ ಇರುತ್ತದೆ. ಇದೇ ಖುಷಿಯಲ್ಲಿ ತಂಡಕ್ಕೆ ಬಿಸಿಸಿಐ 5 ಕೋಟಿ ರೂ. ಬೋನಸ್ ನೀಡುತ್ತಿದೆ" ಎಂದು ಹೇಳಿದ್ದಾರೆ.

Just a remarkable win...To go to Australia and win a test series in this way ..will be remembered in the history of indian cricket forever ..Bcci announces a 5 cr bonus for the team ..The value of this win is beyond any number ..well done to every member of the touring party..

— Sourav Ganguly (@SGanguly99) January 19, 2021

ಭಾರತ ಸರಣಿ ಜಯಗಳಿಸಿದ್ದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್​ ಮಾಡಿ ಅಭಿನಂದನೆ ಹೇಳಿದ್ದಾರೆ. ಸಚಿನ್​ ತೆಂಡೂಲ್ಕರ್​, ಶಿಖರ್​ ಧವನ್​ ಸೇರಿದಂತೆ ಅನೇಕ ಕ್ರಿಕೆಟ್ ದಿಗ್ಗಜರು ಕೂಡ ಟ್ವೀಟ್​ ಮಾಡಿ ಟೀಂ ಇಂಡಿಯಾ ಸಾಧನೆಯನ್ನು ಹಾಡಿಹೊಗಳಿದ್ದಾರೆ.

Rishabh Pant: ಧೋನಿಯ ಮತ್ತೊಂದು ದಾಖಲೆ ಮುರಿದ ರಿಷಭ್ ಪಂತ್: ಟೆಸ್ಟ್​ನಲ್ಲಿ ನೂತನ ಸಾಧನೆ

We are all overjoyed at the success of the Indian Cricket Team in Australia. Their remarkable energy and passion was visible throughout. So was their stellar intent, remarkable grit and determination. Congratulations to the team! Best wishes for your future endeavours.

— Narendra Modi (@narendramodi) January 19, 2021

ಪ್ರಧಾನಿ ನರೇಂದ್ರ ಮೋದಿ ಅವರು, "ಆಸ್ಟ್ರೇಲಿಯಾದಲ್ಲಿ ಭಾರತ ಕ್ರಿಕೆಟ್​​ ತಂಡದ ಯಶಸ್ಸಿನಿಂದ ನಮಗೆಲ್ಲಾ ಬಹಳ ಸಂತೋಷವಾಗಿದೆ. ಸರಣಿಯುದ್ದಕ್ಕೂ ಆಟಗಾರರ ಗಮನಾರ್ಹ ಶಕ್ತಿ ಮತ್ತು ಉತ್ಸಾಹ, ಗುರಿ ಹಾಗೂ ದೃಢ ಸಂಕಲ್ಪ ಕಾಣುತ್ತಿತ್ತು. ಭಾರತ ತಂಡಕ್ಕೆ ಅಭಿನಂದನೆಗಳು, ಅವರ ಮುಂದಿನ ಎಲ್ಲಾ ಪಂದ್ಯಗಳಲ್ಲೂ ಒಳ್ಳೆಯದಾಗಲಿ" ಎಂದು ಮೋದಿ ಹಾರೈಸಿದ್ದಾರೆ.