India vs Australia Live: ಠಾಕೂರ್-ಸಿರಾಜ್ ಮಾರಕ ದಾಳಿಗೆ ಆಸೀಸ್ ಆಲೌಟ್: ಭಾರತಕ್ಕೆ 328 ರನ್​ಗಳ ಟಾರ್ಗೆಟ್

ಬ್ರಿಸ್ಬೇನ್ (ಜ. 18): ಇಲ್ಲಿನ ಗಬ್ಬಾ ಕ್ರೀಡಾಂಗಣದಲ್ಲಿ ಸಾಗುತ್ತಿರುವ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಅಂತಿಮ ನಾಲ್ಕನೇ ಟೆಸ್ಟ್​ ಪಂದ್ಯ ಕುತೂಹಲ ಘಟ್ಟದತ್ತ ಸಾಗುತ್ತಿದೆ. 33 ರನ್​ಗಳ ಅಲ್ಪ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್​ನಲ್ಲಿ  ಕಾಂಗರೂ ಪಡೆ ಮೊಹಮ್ಮದ್ ಸಿರಾಜ್ ಹಾಗೂ ಶಾರ್ದೂಲ್ ಠಾಕೂರ್ ಬೌಲಿಂಗ್ ದಾಳಿಗೆ ತತ್ತರಿಸಿ 294 ರನ್​ಗೆ ಸರ್ವಪತನ ಕಂಡಿದೆ.  ಈ ಮೂಲಕ ಭಾರತಕ್ಕೆ ಗೆಲ್ಲಲು 328 ರನ್​ಗಳ ಟಾರ್ಗೆಟ್ ನೀಡಿದೆ.

ನಿನ್ನೆ ಮೂರನೇ ದಿನದಾಟದ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 21 ರನ್ ಗಳಿಸಿ ಮುನ್ನಡೆಯನ್ನು 54 ರನ್​ಗೆ ಹೆಚ್ಚಿಸಿಕೊಂಡಿದ್ದ ಆಸ್ಟ್ರೇಲಿಯಾ ಇಂದು ಆರಂಭದಲ್ಲೆ ಪ್ರಮುಖ ವಿಕೆಟ್ ಕಳೆದುಕೊಂಡಿತು. ಮಾರ್ಕಸ್​ ಹ್ಯಾರಿಸ್​ ಶಾರ್ದುಲ್​ ಠಾಕೂರ್​ ಓವರ್​ನಲ್ಲಿ ರಿಷಬ್​ ಪಂತ್​ಗೆ ಕ್ಯಾಚ್​ ಕೊಟ್ಟು 38 ರನ್​ ಗಳಿಸಿ ಪೆವಿಲಿಯನ್​ ಸೇರಿದರೆ, ಅದರ ಬೆನ್ನಲ್ಲೇ ಡೇವಿಡ್​ ವಾರ್ನರ್​ ಸಹ 48 ರನ್​ ಗಳಿಸಿ ಅರ್ಧಶತಕ ಹೊಸ್ತಿಲಿನಲ್ಲಿ ವಾಷಿಂಗ್ಟನ್​ ಸುಂದರ್​ಗೆ​ ವಿಕೆಟ್​ ಒಪ್ಪಿಸಿದರು.

Washington Sundar: ಭಾರತದ ಮಾನ ಕಾಪಾಡಿದ ಮಗನ ಬಗ್ಗೆ ಬೇಸರ ಹೊರಹಾಕಿದ ವಾಷಿಂಗ್ಟನ್ ಸುಂದರ್ ತಂದೆ

The umpires have called early Tea as there is a slight drizzle.

Australia lose three wickets in the second session of Day 4.

Scorecard - https://t.co/bSiJ4wEymL #AUSvIND pic.twitter.com/4pWD9d59ph— BCCI (@BCCI) January 18, 2021

ಇದಾದ ನಂತರ ಎಚ್ಚರಿಕೆಯ ಆಟವಾಡುತ್ತಿದ್ದ, ಮೊದಲ ಇನ್ನಿಂಗ್ಸ್​ನಲ್ಲಿ ಶತಕ ಸಿಡಿಸಿ ಅಬ್ಬರಿಸಿದ್ದ ಮಾರ್ನಾಸ್​ ಲಾಬುಶಾನ್​ 25 ರನ್​ಗೆ ಹಾಗೂಮ್ಯಾಥ್ಯೂ ವೇಡ್​(0) ಅವರ ವಿಕೆಟ್​ ಅನ್ನು ಮೊಹಮ್ಮದ್​ ಸಿರಾಜ್​ ಉರಳಿಸಿದರು.

ಈ ನಡುವೆ ಸ್ಟೀವ್ ಸ್ಮಿತ್ ಹಾಗೂ ಕಾಮೆರಾನ್ ಗ್ರೀನ್ ಕೊಂಚಹೊತ್ತು ತಂಡಕ್ಕೆ ಆಸರೆಯಾದರು. ಆದರೆ, ಅಪಾಯಕಾರಿ ಬ್ಯಾಟ್ಸ್​ಮನ್​ ಸ್ಮಿತ್ ಅವರನ್ನು ಅರ್ಧಶತಕ ಸಿಡಿಸಿದ ಬೆನ್ನಲ್ಲೆ ಪೆವಿಲಿಯನ್​ಗೆ ಅಟ್ಟುವಲ್ಲಿ ಸಿರಾಜ್ ಯಶಸ್ವಿಯಾದರು. ಸ್ಮಿತ್ 74 ಎಸೆತಗಳಲ್ಲಿ 55 ರನ್​ ಗಳಿಸಿ ನಿರ್ಗಮಿಸಿದರು. ಗ್ರೀನ್ ಕೂಡ 37 ರನ್​ಗೆ ಬ್ಯಾಟ್ ಕೆಳಗಿಟ್ಟರು.

Video: ವಿಶ್ವ ದಾಖಲೆ ನಿರ್ಮಿಸಿದರೂ ಸಂಭ್ರಮಿಸಲಿಲ್ಲ: ಆಟಗಾರ್ತಿಯ ಕಾಳಜಿಗೆ ನೆಟ್ಟಿಗರು ಫಿದಾ..!

ನಾಯಕ ಟಿಮ್ ಪೈನ್ ಆಟ 37 ಎಸೆತಗಳಲ್ಲಿ 27 ರನ್​ಗೆ ಅಂತ್ಯವಾಯಿತು. ಬಳಿಕ ಬಂದ ಬ್ಯಾಟ್ಸ್​​ಮನ್​ಗಳು ಹೆಚ್ಚುಹೊತ್ತು ಕ್ರೀಸ್​ನಲ್ಲಿ ನಿಲ್ಲಲಿಲ್ಲ. ಪ್ಯಾಟ್ ಕಮಿನ್ಸ್​ 51 ಎಸೆತಗಳಲ್ಲಿ 28 ರನ್ ಬಾರಿಸಿ ಅಜೇಯರಾಗಿ ಉಳಿದರು. ಆಸ್ಟ್ರೇಲಿಯಾ 75.5 ಓವರ್​ನಲ್ಲಿ 294 ರನ್​ಗೆ ಆಲೌಟ್ ಆಯಿತು.

ಭಾರತ ಪರ ಶಾರ್ದೂಲ್ ಠಾಕೂರ್ 5 ವಿಕೆಟ್ ಕಿತ್ತು ಮಿಂಚಿದರೆ, ಮೊಹಮ್ಮದ್ ಸಿರಾಜ್ 4 ವಿಕೆಟ್ ಪಡೆದರು. ವಾಷಿಂಗ್ಟನ್ ಸುಂದರ್ 1 ವಿಕೆಟ್ ಕಿತ್ತರು.

ಇದಕ್ಕೂ ಮುನ್ನ ನಿನ್ನೆ ಮೊದಲ ಇನ್ನಿಂಗ್ಸ್​​ನಲ್ಲಿ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಲ್ಲಿದ್ದ ಭಾರತಕ್ಕೆ ವಾಷಿಂಗ್ಟನ್ ಸುಂದರ್ ಹಾಗೂ ಶಾರ್ದೂಲ್ ಠಾಕೂರ್ ಬ್ಯಾಟಿಂಗ್​ನಲ್ಲಿ ಅದ್ಭುತ ನೆರವಾದರು. 186 ರನ್ ಗೆ 6ನೇ ವಿಕೆಟ್ ಪತನವಾದಾಗ ಒಂದಾದ ಈ ಜೋಡಿ ಶತಕದ ಜೊತೆಯಾಟವಾಡಿತು. ಈ ಮೂಲಕ 30 ವರ್ಷಗಳ ಹಿಂದಿನ ದಾಖಲೆಯನ್ನು ಅಳಿಸಿ ಹಾಕಿದರು.