INDIA VS AUSTRALIA LIVE: ಭಾರತ ಉತ್ತಮ ಪ್ರದರ್ಶನ, ಆಸ್ಟ್ರೇಲಿಯಾ ನಾಲ್ಕು ವಿಕೆಟ್​ ಪತನ

India Vs Australia Gabba Test 4th Day Live Score: ಮಾರ್ಕಸ್​ ಹ್ಯಾರಿಸ್​ ಶಾರ್ದುಲ್​ ಠಾಕೂರ್​ ಓವರ್​ನಲ್ಲಿ ರಿಷಬ್​ ಪಂತ್​ಗೆ ಕ್ಯಾಚ್​ ಕೊಟ್ಟು 38 ರನ್​ ಗಳಿಸಿ ಪೆವಿಲಿಯನ್​ ಸೇರಿದರು. ಅದರ ಬೆನ್ನಲ್ಲೇ ಡೇವಿಡ್​ ವಾರ್ನರ್​ ಸಹ 48 ರನ್​ ಗಳಿಸಿ ವಾಷಿಂಗ್ಟನ್​ ಸುಂದರ್​ಗೆ​ ವಿಕೆಟ್​ ಒಪ್ಪಿಸಿದರು. 

India vs Australia

India vs Australia

  • Share this:
    ಬ್ರಿಸ್ಬೇನ್​ನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ವಾಷಿಂಗ್ಟನ್ ಸುಂದರ್ ಹಾಗೂ ಶಾರ್ದೂಲ್ ಠಾಕೂರ್ ಹೊಸ ದಾಖಲೆ ಬರೆದಿದ್ದಾರೆ. ಚೊಚ್ಚಲ ಪಂದ್ಯವಾಡುತ್ತಿರುವ ಸುಂದರ್ ಹಾಗೂ ಶಾರ್ದೂಲ್ ತಲಾ 3 ವಿಕೆಟ್​ ಉರುಳಿಸಿ ಮಿಂಚಿದ್ದರು. ಬಳಿಕ ಬ್ಯಾಟಿಂಗ್​ನಲ್ಲೂ ಅರ್ಧಶತಕ ಬಾರಿಸಿ ಗಮನ ಸೆಳೆದರು. 186 ರನ್ ಗೆ 6ನೇ ವಿಕೆಟ್ ಪತನವಾದಾಗ ಒಂದಾದ ಈ ಜೋಡಿ ಶತಕದ ಜೊತೆಯಾಟವಾಡಿದರು. ಈ ಮೂಲಕ 30 ವರ್ಷಗಳ ಹಿಂದಿನ ದಾಖಲೆಯನ್ನು ಅಳಿಸಿ ಹಾಕಿದರು. ಇದೀಗ ನಾಲ್ಕನೇ ದಿನದ ಆರಂಭದಲ್ಲೇ ಠಾಕೂರ್​ - ಸುಂದರ್ ಜೋಡಿ ಬೌಲಿಂಗ್​ನಲ್ಲಿ ಜುಗಲ್​ಬಂದಿ ಆರಂಭಿಸಿದ್ದು, ಡೇವಿಡ್​ ವಾರ್ನರ್​ ಮತ್ತು ಮಾರ್ಕಸ್​ ಹ್ಯಾರಿಸ್​ ಅವರ ವಿಕೆಟ್​ ಪಡೆಯುವಲ್ಲಿ ಯಶಸ್ವಿಯಾಗಿದೆ. ಕೇವಲ 5 ರನ್​ ಅಂತರದಲ್ಲಿ ಆಸ್ಟ್ರೇಲಿಯಾ ಎರಡು ವಿಕೆಟ್​ ಕೈಚೆಲ್ಲಿದೆ. ಈ ಮೂಲಕ, ಪಂದ್ಯವನ್ನು Washington Sundar - Shardhul Thakur ರೋಚಕ ಘಟ್ಟಕ್ಕೆ ತೆಗೆದೊಯ್ಯುವ ಪ್ರಯತ್ನದಲ್ಲಿದ್ದಾರೆ.

    ಬ್ರಿಸ್ಬೇನ್ ಗಾಬ್ಬಾ ಮೈದಾನದಲ್ಲಿ 1991ರಲ್ಲಿ ಕಪಿಲ್ ದೇವ್ ಮತ್ತು ಮನೋಜ್ ಪ್ರಭಾಕರ್ 58 ರನ್​ ಜೊತೆಯಾಟವಾಡಿರುವುದು 7ನೇ ವಿಕೆಟ್​ ಅತ್ಯುತ್ತಮ ಜೊತೆಯಾಟವಾಗಿತ್ತು. ಆದರೆ ಸುಂದರ್ ಹಾಗೂ ಶಾರ್ದೂಲ್ ಜೋಡಿ 59 ರನ್​ ಗಳಿಸುವುದರೊಂದಿಗೆ 3 ದಶಕಗಳ ಹಿಂದಿನ ದಾಖಲೆಯನ್ನು ಮುರಿದರು. ಈ ಮೂಲಕ ಗಬ್ಬಾ ಮೈದಾನದಲ್ಲಿ 7ನೇ ವಿಕೆಟ್​ ಅತೀ ಹೆಚ್ಚು ರನ್ ಜೊತೆಯಾಟವಾಡಿದ ಜೋಡಿ ಎಂಬ ಹಿರಿಮೆಗೆ ಶಾರ್ದೂಲ್-ಸುಂದರ್ ಪಾತ್ರರಾಗಿದ್ದಾರೆ.



    ಇನ್ನು ವಾಷಿಂಗ್ಟನ್ ಸುಂದರ್ (62) ಮತ್ತು ಶಾರ್ದೂಲ್ ಠಾಕೂರ್ (67) ಅವರ ಅರ್ಧಶತಕಗಳ ಸಹಾಯದಿಂದ ಭಾರತ ತಂಡ ಬ್ರಿಸ್ಬೇನ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಮೊದಲ ಇನ್ನಿಂಗ್ಸಲ್ಲಿ 336 ರನ್ ಗಳಿಸಿತು. ಆಸ್ಟ್ರೇಲಿಯಾದ 369 ರನ್​ಗಳ ಮೊದಲ ಇನ್ನಿಂಗ್ಸ್​ಗೆ ಪ್ರತಿಯಾಗಿ ಭಾರತ 33 ರನ್​ಗಳ ಹಿನ್ನಡೆ ಅನುಭವಿಸಿತು. ಎರಡನೇ ಇನ್ನಿಂಗ್ಸ್ ಪ್ರಾರಂಭಿಸಿದ ಆಸ್ಟ್ರೇಲಿಯಾ 3ನೇ ದಿನಾಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 21 ರನ್ ಗಳಿಸಿ ಮುನ್ನಡೆಯನ್ನು 54 ರನ್​ಗೆ ಹೆಚ್ಚಿಸಿಕೊಂಡು ತುಸು ಮೇಲುಗೈ ಸ್ಥಿತಿಯಲ್ಲಿತ್ತು.

    ಇದನ್ನೂ ಓದಿ: Ind vs Aus: ಚೊಚ್ಚಲ ಪಂದ್ಯದಲ್ಲೇ 30 ವರ್ಷಗಳ ಹಿಂದಿನ ದಾಖಲೆ ಅಳಿಸಿ ಹಾಕಿದ ಸುಂದರ್-ಶಾರ್ದೂಲ್..!

    ನಾಲ್ಕನೇ ದಿನ ವಿಕೆಟ್​ ನಷ್ಟವಿಲ್ಲದೇ ಆಟ ಆರಂಭಿಸಿದ ಆಸ್ಟ್ರೇಲಿಯಾ ಉತ್ತಮ ಗತಿಯಲ್ಲಿ ರನ್​ ಗಳಿಸುತ್ತಿತ್ತು. ಆದರೆ ಮಾರ್ಕಸ್​ ಹ್ಯಾರಿಸ್​ ಶಾರ್ದುಲ್​ ಠಾಕೂರ್​ ಓವರ್​ನಲ್ಲಿ ರಿಷಬ್​ ಪಂತ್​ಗೆ ಕ್ಯಾಚ್​ ಕೊಟ್ಟು 38 ರನ್​ ಗಳಿಸಿ ಪೆವಿಲಿಯನ್​ ಸೇರಿದರು. ಅದರ ಬೆನ್ನಲ್ಲೇ ಡೇವಿಡ್​ ವಾರ್ನರ್​ ಸಹ 48 ರನ್​ ಗಳಿಸಿ ಅರ್ಧಶತಕ ಹೊಸ್ತಿಲಿನಲ್ಲಿ ವಾಷಿಂಗ್ಟನ್​ ಸುಂದರ್​ಗೆ​ ವಿಕೆಟ್​ ಒಪ್ಪಿಸಿದರು.







    ಇದಾದ ನಂತರ ಎಚ್ಚರಿಕೆಯ ಆಟವಾಡುತ್ತಿದ್ದ ಮಾರ್ನಾಸ್​ ಲಾಬುಶಾನ್​ ಮತ್ತು ಕೆಮರೂನ್​ ಮ್ಯಾಥ್ಯೂ ವೇಡ್​ ಅವರ ವಿಕೆಟ್​ ಅನ್ನು ಮೊಹಮದ್​ ಸಿರಾಜ್​ ಉರಳಿಸಿದರು.

    ಈಗಿನ ಸ್ಕೋರ್​: ಆಸ್ಟ್ರೇಲಿಯಾ 144/4

    ಸ್ಟೀವ್​ ಸ್ಮಿತ್​: 24

    ಕೆಮರೂನ್​ ಗ್ರೀನ್​: 3
    Published by:Sharath Sharma Kalagaru
    First published: