Yuzvendra Chahal: ತನ್ನದೇ ಹೀನಾಯ ದಾಖಲೆ ಮುರಿದು ಗಮನ ಸೆಳೆದ ಚಹಾಲ್..!

2019 ರಲ್ಲಿ ಇಂಗ್ಲೆಂಡ್ ವಿರುದ್ಧ 10 ಓವರ್​ನಲ್ಲಿ 1 ವಿಕೆಟ್ ಪಡೆದು 88 ರನ್ ನೀಡಿದ್ದರು. ಆಸ್ಟ್ರೇಲಿಯಾ ವಿರುದ್ಧ 1 ರನ್ ಹೆಚ್ಚು ನೀಡುವ ಮೂಲಕ ಕಳಪೆ ದಾಖಲೆಯನ್ನು ನವೀಕರಿಸಿದ್ದಾರೆ.

Yuzvendra Chahal

Yuzvendra Chahal

  • Share this:
    ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾ 66 ರನ್​ಗಳಿಂದ ಹೀನಾಯವಾಗಿ ಸೋತಿದೆ. ಈ ಸೋಲಿಗೆ ಪ್ರಮುಖ ಕಾರಣ ಭಾರತದ ಕಳಪೆ ಬೌಲಿಂಗ್. ಅದರಲ್ಲೂ ತಂಡದ ಪ್ರಮುಖ ಸ್ಪಿನ್ನರ್ ಯಜುವೇಂದ್ರ ಚಹಾಲ್ ಅವರ ಹೀನಾಯ ಪ್ರದರ್ಶನ. ಹೌದು, ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ ನಾಯಕ ಆರೋನ್ ಫಿಂಚ್ ಹಾಗೂ ಡೇವಿಡ್ ವಾರ್ನರ್ ಮೊದಲ ವಿಕೆಟ್​ಗೆ 156 ರನ್​ಗಳ ಭರ್ಜರಿ ಜೊತೆಯಾಟವಾಡಿದ್ದರು.

    ಒಂದೆಡೆ ಬೌಲರುಗಳು ವಿಕೆಟ್​ಗಾಗಿ ಪರದಾಡುತ್ತಿದ್ದರೆ, ಮತ್ತೊಂದೆಡೆ ಆಸೀಸ್ ಬ್ಯಾಟ್ಸ್​ಮನ್​ಗಳಿಂದ ದಂಡಿಸಿಕೊಳ್ಳುತ್ತಿದ್ದರು. ಟೀಮ್ ಇಂಡಿಯಾ ಪರ ಮೊಹಮ್ಮದ್ ಶಮಿ ಬಿಟ್ಟರೆ ಉಳಿದೆಲ್ಲಾ ಬೌಲರುಗಳು ದುಬಾರಿ ಎನಿಸಿಕೊಂಡರು. ಪರಿಣಾಮ ಆಸ್ಟ್ರೇಲಿಯಾ 6 ವಿಕೆಟ್ ನಷ್ಟಕ್ಕೆ 374 ರನ್ ಕಲೆಹಾಕಿತು. ಇತ್ತ 10 ಓವರ್ ಬೌಲಿಂಗ್ ಮಾಡಿದ್ದ ಚಹಾಲ್ ಒಂದು ವಿಕೆಟ್ ಉರುಳಿಸಿದ್ದರು. ಆದರೆ ಬಿಟ್ಟು ಕೊಟ್ಟಿದ್ದು ಬರೋಬ್ಬರಿ 89 ರನ್​ಗಳು. ಈ ಮೂಲಕ ಏಕದಿನ ಕ್ರಿಕೆಟ್​ನಲ್ಲಿ ಅತೀ ಹೆಚ್ಚು ರನ್ ನೀಡಿದ ಭಾರತೀಯ ಬೌಲರ್ ಎಂಬ ಹೀನಾಯ ದಾಖಲೆಯನ್ನು ಚಹಾಲ್ ತಮ್ಮಲ್ಲೇ ಉಳಿಸಿಕೊಂಡರು.

    ಈ ಕೆಟ್ಟ ದಾಖಲೆ ಈ ಹಿಂದೆ ಚಹಾಲ್ ಅವರ ಹೆಸರಿನಲ್ಲಿಯೇ ಇತ್ತು. 2019 ರಲ್ಲಿ ಇಂಗ್ಲೆಂಡ್ ವಿರುದ್ಧ 10 ಓವರ್​ನಲ್ಲಿ 1 ವಿಕೆಟ್ ಪಡೆದು 88 ರನ್ ನೀಡಿದ್ದರು. ಆಸ್ಟ್ರೇಲಿಯಾ ವಿರುದ್ಧ 1 ರನ್ ಹೆಚ್ಚು ನೀಡುವ ಮೂಲಕ ಕಳಪೆ ದಾಖಲೆಯನ್ನು ನವೀಕರಿಸಿದ್ದಾರೆ.

    ಏಕದಿನ ಕ್ರಿಕೆಟ್​ನ ಭಾರತೀಯ ದುಬಾರಿ ಸ್ಪಿನ್ನರ್​ಗಳ ಪಟ್ಟಿ ಹೀಗಿದೆ:

    ಯಜುವೇಂದ್ರ ಚಹಾಲ್- 2020 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ 10 ಓವರ್‌ಗಳಲ್ಲಿ 89/1

    ಯಜುವೇಂದ್ರ ಚಹಾಲ್ - 2019 ರಲ್ಲಿ ಇಂಗ್ಲೆಂಡ್ ವಿರುದ್ಧ 10 ಓವರ್‌ಗಳಲ್ಲಿ 88/1

    ಪಿಯೂಷ್ ಚಾವ್ಲಾ - 2008 ರಲ್ಲಿ ಪಾಕಿಸ್ತಾನ ವಿರುದ್ಧ 10 ಓವರ್‌ಗಳಲ್ಲಿ 85/0

    ಕುಲದೀಪ್ ಯಾದವ್ - 2020 ರಲ್ಲಿ ನ್ಯೂಜಿಲೆಂಡ್ ವಿರುದ್ಧ 10 ಓವರ್‌ಗಳಲ್ಲಿ 84/2

    ರವೀಂದ್ರ ಜಡೇಜಾ - 2014 ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 9 ಓವರ್‌ಗಳಲ್ಲಿ 80/2

    ಏಕದಿನ ಕ್ರಿಕೆಟ್​ನ ಭಾರತೀಯ ದುಬಾರಿ ವೇಗಿಗಳ ಪಟ್ಟಿ ಹೀಗಿದೆ:

    ಭುವನೇಶ್ವರ್ ಕುಮಾರ್ - 2015 ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 10 ಓವರ್‌ಗಳಲ್ಲಿ 106/1

    ಆರ್ ವಿನಯ್ ಕುಮಾರ್ - 2013 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ 9 ಓವರ್‌ಗಳಲ್ಲಿ 102/1

    ಭುವನೇಶ್ವರ್ ಕುಮಾರ್ - 2017 ರಲ್ಲಿ ನ್ಯೂಜಿಲೆಂಡ್ ವಿರುದ್ಧ 10 ಓವರ್‌ಗಳಲ್ಲಿ 92/1

    ಜಹೀರ್ ಖಾನ್ - 2009 ರಲ್ಲಿ ಶ್ರೀಲಂಕಾ ವಿರುದ್ಧ 10 ಓವರ್‌ಗಳಲ್ಲಿ 88/0

    ಜಾವಗಲ್ ಶ್ರೀನಾಥ್ - 2003 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ 10 ಓವರ್‌ಗಳಲ್ಲಿ 87/0





    ಇದನ್ನೂ ಓದಿ: ರಾಹುಲ್‌, ಪಂತ್, ಸಂಜು, ಸಾಹ ಇವರಲ್ಲಿ ಇಬ್ಬರು ಬೆಸ್ಟ್‌ ಕೀಪರ್‌ಗಳನ್ನು ಹೆಸರಿಸಿದ ಗಂಗೂಲಿ..!
    Published by:zahir
    First published: