ಭಾರತ -ಆಸ್ಟ್ರೇಲಿಯಾ ಅಭ್ಯಾಸ ಪಂದ್ಯದಲ್ಲಿ ಮೋಸದಾಟ?: ಗಿಲ್ ಔಟಾದ ವಿಡಿಯೋ ನೋಡಿ

ಈ ಸಂದರ್ಭ 65 ರನ್ ಗಳಿಸಿರುವಾಗ ಲೆಗ್ ಸ್ಪಿನ್ನರ್ ಮಿಚೆಲ್ ಸ್ವೆಪೋಸ್ನ್ ಬೌಲಿಂಗ್​ನಲ್ಲಿ ಶುಭ್ಮನ್ ಗಿಲ್ ಔಟ್ ಆದರು. ಆದರೆ, ಗಿಲ್ ಹೇಗೆ ಔಟ್ ಆದರು ಎಂಬುವುದೆ ಕುತೂಹಲ.

Shubman Gill

Shubman Gill

  • Share this:
    ಆಸ್ಟ್ರೇಲಿಯಾ ಎ ವಿರುದ್ಧ ಸಿಡ್ನಿ ಕ್ರಿಕೆಟ್ ಗ್ರೌಂಡ್​ನಲ್ಲಿ ನಡೆಯುತ್ತಿರುವ ಎರಡನೇ ಅಭ್ಯಾಸ ಪಂದ್ಯದಲ್ಲಿ ಭಾರತ ಭರ್ಜರಿ ಪ್ರದರ್ಶನ ತೋರುತ್ತಿದೆ. ಮೊದಲ ಅಭ್ಯಾಸ ಪಂದ್ಯದಲ್ಲಿ ಬ್ಯಾಟಿಂಗ್​ನಲ್ಲಿ ವೈಫಲ್ಯ ಅನುಭವಿಸಿದ್ದ ರಹಾನೆ ಪಡೆ ಎರಡನೇ ಪಂದ್ಯದಲ್ಲಿ ಭರ್ಜರಿ ಕಮ್​ಬ್ಯಾಕ್ ಮಾಡಿತು. ರಿಷಭ್ ಪಂತ್ ಹಾಗೂ ಹನುಮಾ ವಿಹಾರಿ ಶತಕದ ಜೊತೆ ಶುಭ್ಮನ್ ಗಿಲ್, ಅಗರ್ವಾಲ್ ಅರ್ಧಶತಕದ ನೆರವಿನಿಂದ ಆಸೀಸ್​ಗೆ ಗೆಲ್ಲಲು ಟೀಂ ಇಂಡಿಯಾ 473 ರನ್​​ಗಳ ಬೃಹತ್ ಟಾರ್ಗೆಟ್ ನೀಡಿದೆ. ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಎ ಪ್ರಮುಖ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ.

    ಈ ನಡುವೆ ಎರಡನೇ ಇನ್ನಿಂಗ್ಸ್​ನಲ್ಲಿ ಆಕರ್ಷಕ ಅರ್ಧಶತಕ ಸಿಡಿಸಿ ತಂಡಕ್ಕೆ ಆಸರೆಯಾಗಿದ್ದ ಶುಭ್ಮನ್ ಗಿಲ್ ಔಟ್ ಆದ ರೀತಿ ಚರ್ಚೆಗೆ ಗ್ರಾಸವಾಗಿದೆ. ಅನುಮಾನಾಸ್ಪದ ತೀರ್ಪಿಗೆ ಬ್ಯಾಟ್ ಕೆಳಗಿಟ್ಟು ಗಿನ್ ನಿರ್ಗಮಿಸಿದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿವೆ.

    India vs Australia A: ಬೌಂಡರಿ-ಸಿಕ್ಸರ್ ಚಚ್ಚಿ ಆಸೀಸ್ ಬೌಲರ್​ಗಳ ಬೆಂಡೆತ್ತಿದ ರಿಷಭ್ ಪಂತ್: ಸ್ಫೋಟಕ ಶತಕದ ವಿಡಿಯೋ ಇಲ್ಲಿದೆ

    ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ನಲ್ಲಿ ಮಯಾಂಕ್ ಜೊತೆ ಓಪನರ್ ಆಗಿ ಕಣಕ್ಕಿಳಿಯಲು ಪೃಥ್ವಿ ಶಾ ಹಾಗೂ ಶುಭ್ಮನ್ ಗಿಲ್ ನಡುವೆ ಸ್ಪರ್ಧೆ ಏರ್ಪಟ್ಟಿದೆ. ಎರಡನೇ ಅಭ್ಯಾಸ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಗಿಲ್ ತಮಗೆ ಸಿಕ್ಕ ಅವಕಾಶವನ್ನು ಸರಿಯಾಗಿ ಉಪಯೋಗಿಸಿಕೊಳ್ಳಲಿಲ್ಲ. ಆದರೆ, 2ನೇ ಇನ್ನಿಂಗ್ಸ್​ನಲ್ಲಿ ಅರ್ಧಶತಕ ಬಾರಿಸಿ ಉತ್ತಮವಾಗಿ ಬ್ಯಾಟ್ ಬೀಸುತ್ತಿದ್ದರು.

    ಈ ಸಂದರ್ಭ 65 ರನ್ ಗಳಿಸಿರುವಾಗ ಲೆಗ್ ಸ್ಪಿನ್ನರ್ ಮಿಚೆಲ್ ಸ್ವೆಪೋಸ್ನ್ ಬೌಲಿಂಗ್​ನಲ್ಲಿ ಗಿಲ್ ಔಟ್ ಆದರು. ಆದರೆ, ಗಿಲ್ ಹೇಗೆ ಔಟ್ ಆದರು ಎಂಬುವುದೆ ಕುತೂಹಲ. ಚೆಂಡು ಗಿಲ್ ಅವರ ಪ್ಯಾಡ್​ಗೆ ತಗುಲಿ ಸ್ಲಿಪ್​ನಲ್ಲಿದ್ದ ಸಿಯಾನ್ ಅಬಾಟ್ ಕೈ ಸೇರಿತು. ಚೆಂಡು ಅಬಾಟ್ ಕೈ ಸೇರುವ ಮುನ್ನ ಎಲ್​ಬಿಗೆ ಮನವಿ ಮಾಡಿದರು. ಚೆಂಡು ವಿಕೆಟ್​ಗಿಂತ ಸಾಕಷ್ಟು ಮೇಲಿದ್ದ ಕಾರಣ ಅಂಪೈರ್ ಔಟ್ ಕೊಡಲಿಲ್ಲ. ಇದರ ಬೆನ್ನಲ್ಲೆ ಕ್ಯಾಚ್ ಹಿಡಿದ ಕಾರಣ ಔಟ್ ಎಂದು ತೀರ್ಮಾನಿಸಿ ಆಸೀಸ್ ಆಟಗಾರರು ಸಂಭ್ರಮದಲ್ಲಿ ತೊಡಗಿದರು.





    ಇಲ್ಲಿ ಕ್ಯಾಚ್ ಹಿಡಿದಿದ್ದು ನಿಜವಾದರು ಚೆಂಡು ಬ್ಯಾಟ್​ಗೆ ತಗುಲಿದೆ ಎಂಬುದಕ್ಕೆ ಎಲ್ಲಿಯೂ ಸಾಕ್ಷ್ಯಾ ಇಲ್ಲ. ಇದನ್ನೇ ಆಕಾಶ್ ಚೋಪ್ರಾ ಕೂಡ ಟ್ವೀಟ್ ಮಾಡುವ ಮೂಲಕ ಅಸಮಾಧಾನ ಹೊರಹಾಕಿದ್ದಾರೆ. ಅಲ್ಲದೆ ಟ್ವಿಟ್ಟರ್​ನಲ್ಲಿ ಇದು ಮೋಸದಾಟ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತ ಪಡಿಸುತ್ತಿದ್ದಾರೆ. ಇದು ಅಭ್ಯಾಸ ಪಂದ್ಯವಾಗಿರುವುದರಿಂದ ಡಿಆರ್​ಎಸ್ ಅವಕಾಶ ಇಲ್ಲ. ರಿಪ್ಲೇ ನಲ್ಲೂ ಚೆಂಡು ಬ್ಯಾಟ್​​ಗೆ ತಗುಲಿರುವುದು ಕಂಡುಬಂದಿಲ್ಲ.

    Rohit Sharma: ಫಿಟ್​ನೆಸ್ ಟೆಸ್ಟ್​ನಲ್ಲಿ ಪಾಸ್, ಆದ್ರೆ ರೋಹಿತ್ ಶರ್ಮಾಗೆ ಎದುರಾಯಿತು ಮತ್ತೊಂದು ಸಂಕಷ್ಟ





    ಎರಡನೇ ಅಭ್ಯಾಸ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಭಾರತ ಶುಭ್ಮನ್ ಗಿಲ್ ಅವರ 43 ಹಾಗೂ ಜಸ್​ಪ್ರೀತ್ ಬುಮ್ರಾ ಅವರ ಅಜೇಯ 55 ರನ್​ಗಳ ನೆರವಿನಿಂದ 194 ರನ್​ ಗಳಿಸಿತ್ತು. ಇತ್ತ ಆಸ್ಟ್ರೇಲಿಯಾ ಎ ತನ್ನ ಮೊದಲ ಇನ್ನಿಂಗ್ಸ್​ನಲ್ಲಿ ಕೇವಲ 108 ರನ್​ಗೆ ಸರ್ವಪತನ ಕಂಡಿತು.

    ತನ್ನ ಎರಡನೇ ಇನ್ನಿಂಗ್ಸ್​ನಲ್ಲಿ ಭಾರತ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶಿಸಿತು. ಹನುಮಾ ವಿಹಾರಿ(ಅಜೇಯ 104), ರಿಷಭ್ ಪಂತ್(ಅಜೇಯ 103), ಶುಭ್ಮನ್ ಗಿಲ್(65) ಹಾಗೂ ಮಯಾಂಕ್ ಅಗರ್ವಾಲ್(61) ಆಟದ ನೆರವಿನಿಂಧ ಭಾರತ 386 ರನ್​ಗೆ ಡಿಕ್ಲೇರ್ ಘೋಷಿಸಿ ಆಸ್ಟ್ರೇಲಿಯಾ ಎ ತಂಡಕ್ಕೆ ಗೆಲ್ಲಲು 473 ರನ್​ಗಳ ಟಾರ್ಗೆಟ್ ನೀಡಿತು.
    Published by:Vinay Bhat
    First published: