HOME » NEWS » Sports » CRICKET INDIA VS AUSTRALIA 2ND ODI TEAM INDIA SHREYAS IYERS BULLET THROW SENDS DAVID WARNER PAVILION VB

India vs Australia: ಶ್ರೇಯಸ್ ಅಯ್ಯರ್ ಬುಲೆಟ್ ಥ್ರೋ, ವಾರ್ನರ್ ಕ್ಲೀನ್ ಔಟ್: ಇಲ್ಲಿದೆ ರೋಚಕ ವಿಡಿಯೋ

ಓಡಿ ಬಂದು ಚೆಂಡನ್ನು ಕೈಗೆತ್ತಿಕೊಂಡ ಶ್ರೇಯಸ್ ಅಯ್ಯರ್ ನೇರವಾಗಿ ನಾನ್​ ಸ್ಟ್ರೈಕರ್ ವಿಕೆಟ್​ ಕಡೆ ಚೆಂಡನ್ನು ಎಸೆದು ಕೂದಳೆಯಲ್ಲಿ ವಾರ್ನರ್ ಔಟ್ ಆದರು. ಸದ್ಯ ಈ ರೋಚಕ ರನೌಟ್ ವಿಡಿಯೋ ವೈರಲ್ ಆಗುತ್ತಿದೆ.

news18-kannada
Updated:November 29, 2020, 3:00 PM IST
India vs Australia: ಶ್ರೇಯಸ್ ಅಯ್ಯರ್ ಬುಲೆಟ್ ಥ್ರೋ, ವಾರ್ನರ್ ಕ್ಲೀನ್ ಔಟ್: ಇಲ್ಲಿದೆ ರೋಚಕ ವಿಡಿಯೋ
Shreyas Iyer Run out
  • Share this:
ಸಿಡ್ನಿ ಕ್ರಿಕೆಟ್ ಗ್ರೌಂಡ್​ನಲ್ಲಿ ನಡೆಯುತ್ತಿರುವ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಣ ಎರಡನೇ ಏಕದಿನ ಪಂದ್ಯ ರೋಚಕ ಘಟ್ಟದತ್ತ ಸಾಗುತ್ತಿದೆ. ಮೊದಲ ಬ್ಯಾಟ್ ಮಾಡಿರುವ ಆಸ್ಟ್ರೇಲಿಯಾ 50 ಓವರ್​ಗಳಲ್ಲಿ ಬರೋಬ್ಬರಿ 389 ರನ್ ಕಲೆಹಾಕಿದೆ. ಸ್ಟೀವ್ ಸ್ಮಿತ್ ಅಬ್ಬರದ ಶತಕ ಸಿಡಿಸಿದರೆ, ಫಿಂಚ್, ಡೇವಿಡ್ ವಾರ್ನರ್, ಮ್ಯಾಕ್ಸ್​ವೆಲ್ ಹಾಗೂ ಮಾರ್ನಸ್‌ ಲಾಬುಶೇನ್ ಅವರ ಅರ್ಧಶತಕದ ನೆರವಿನಿಂದ ಕಾಂಗರೂ ಪಡೆ ಬೃಹತ್ ಮೊತ್ತ ಪೇರಿಸಿದೆ. ಭಾರತಕ್ಕಿದು ಮಾಡು ಇಲ್ಲವೇ ಮಡಿ ಪಂದ್ಯವಾಗಿದ್ದು ಗೆಲ್ಲಲೇ ಬೇಕಾದ ಒತ್ತಡದಲ್ಲಿದೆ.

ಈ ನಡುವೆ ಶ್ರೇಯಸ್ ಅಯ್ಯರ್ ಬುಲುಟ್​ನಂತೆ ಚೆಂಡನ್ನು ಥ್ರೋ ಮಾಡಿ ಡೇವಿಡ್ ವಾರ್ನರ್​ರನ್ನು ರನೌಟ್ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ರವೀಂದ್ರ ಜಡೇಜಾ ಬೌಲಿಂಗ್​ನಲ್ಲಿ ಸ್ಟ್ರೈಕ್​ನಲ್ಲಿದ್ದ ಸ್ಟೀವ್ ಸ್ಮಿತ್ ಲಾಂಗ್​ಆಫ್ ಕಡೆ ಚೆಂಡನ್ನು ಅಟ್ಟಿದರು. ಸ್ಮಿತ್ ಒಂದು ರನ್​ಗೆಂದು ಓಡಿದರು.

India vs Australia 2nd ODI Live

ಆದರೆ, ವಾರ್ನರ್ ಎರಡು ರನ್ ಕಲೆಹಾಕಲೆಂದು ಬಿರುಸಾಗಿ ಓಡಿದರು. ಅದು ಯಶಸ್ವಿ ಆಗಲಿಲ್ಲ. ಓಡಿ ಬಂದು ಚೆಂಡನ್ನು ಕೈಗೆತ್ತಿಕೊಂಡ ಶ್ರೇಯಸ್ ಅಯ್ಯರ್ ನೇರವಾಗಿ ನಾನ್​ ಸ್ಟ್ರೈಕರ್ ವಿಕೆಟ್​ ಕಡೆ ಚೆಂಡನ್ನು ಎಸೆದು ಕೂದಳೆಯಲ್ಲಿ ವಾರ್ನರ್ ಔಟ್ ಆದರು. ಸದ್ಯ ಈ ರೋಚಕ ರನೌಟ್ ವಿಡಿಯೋ ವೈರಲ್ ಆಗುತ್ತಿದೆ.





77 ಎಸೆತಗಳಲ್ಲಿ 7 ಫೋರ್, 3 ಸಿಕ್ಸರ್ ಸಿಡಿಸಿ 83 ರನ್​ ಗಳಿಸಿದ್ದ ವಾರ್ನರ್ ಪೆವಿಲಿಯನ್ ಕಡೆ ಹೆಜ್ಜೆಹಾಕಬೇಕಾಯಿತು.

ಆದರೆ, ವಾರ್ನರ್ ನಿರ್ಗಮನದ ಬಳಿಕ ಆಸ್ಟ್ರೇಲಿಯಾ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿತು. ಸ್ಟೀವ್ ಸ್ಮಿತ್ ಹಾಗೂ ಮಾರ್ನಸ್‌ ಲಾಬುಶೇನ್ ಮತ್ತೊಂದು ಅಮೋಘ ಇನ್ನಿಂಗ್ಸ್​ ಕಟ್ಟಿದರು. ಸ್ಮಿತ್ ತಮ್ಮ ಹಳೇಯ ಫಾರ್ಮ್​ ಮುಂದುವರೆಸಿ ಮನಮೋಹಕ ಹೊಡೆತಗಳ ಮೂಲಕ ಗಮನ ಸೆಳೆದರು. ಸತತ ಎರಡನೇ ಶತಕವನ್ನೂ ಪೂರೈಸಿದರು.

ಭಾರತೀಯ ಬೌಲರ್​ಗಳ ಬೆವರಿಳಿಸಿದ ಸ್ಮಿತ್-ಮಾರ್ನಸ್ ಜೋಡಿ 136 ರನ್​ಗಳ ಕಾಣಿಕೆ ನೀಡಿದರು. ಸ್ಮಿತ್ 64 ಎಸೆತಗಳಲ್ಲಿ 14 ಬೌಂಡರಿ, 2 ಸಿಕ್ಸರ್ ಬಾರಿಸಿ 104 ರನ್ ಚಚ್ಚಿದರು.  ಬಳಿಕ ಅಂತಿಮ ಹಂತದಲ್ಲಿ ಗ್ಲೆನ್ ಮ್ಯಾಕ್ಸ್​ವೆಲ್ ಜೊತೆಗೂಡಿ ಸ್ಫೋಟಕ ಆಟವಾಡಿದ ಮಾರ್ನಸ್ ಅರ್ಧಶತಕ ಸಿಡಿಸಿ ತಂಡದ ಮೊತ್ತವನ್ನು 370ರ ಗಡಿ ದಾಟಿಸಿದರು. ಮಾರ್ನಸ್ 61 ಎಸೆತಗಳಲ್ಲಿ 5 ಬೌಂಡರಿ ಬಾರಿಸಿ 70 ರನ್ ಗಳಿಸಿದರೆ, ಮ್ಯಾಕ್ಸ್​ವೆಲ್ ಕೇವಲ 29 ಎಸೆತಗಳಲ್ಲಿ 4 ಬೌಂಡರಿ, 4 ಸಿಕ್ಸರ್ ಸಿಡಿಸಿ ಅಜೇಯ 63 ರನ್ ಚಚ್ಚಿದರು.

ಆಸ್ಟ್ರೇಲಿಯಾ 50 ಓವರ್​ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 389 ರನ್ ಗಳಿಸಿತು.
Published by: Vinay Bhat
First published: November 29, 2020, 3:00 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading