ಆಸ್ಟ್ರೇಲಿಯಾ ನೆಲದಲ್ಲಿ ಭಾರತ ಗೆದ್ದ ಏಕದಿನ ಪಂದ್ಯಗಳೆಷ್ಟು?; ಈ ಅಂಕಿ-ಅಂಶ ನೋಡಿದ್ರೆ ಅಚ್ಚರಿ ಪಡ್ತೀರಾ!

ನವೆಂಬರ್ 27ರಿಂದ ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಏಕದಿನ ಪಂದ್ಯ ಆರಂಭಗೊಳ್ಳಲಿದೆ. ಬೌಲಿಂಗ್​ ಹಾಗೂ ಬ್ಯಾಟಿಂಗ್​ ಎರಡರಲ್ಲೂ ಸ್ಟ್ರಾಂಗ್​ ಆಗಿರುವ ಟೀಂ ಇಂಡಿಯಾ ಆಸ್ಟ್ರೇಲಿಯಾ ತಂಡವನ್ನು ಸೋಲಿಸುವ ಹುಮ್ಮಸ್ಸಿನಲ್ಲಿದೆ. ಆದರೆ, ಆಸ್ಟ್ರೇಲಿಯಾ ನೆಲದಲ್ಲಿ ಟೀಂ ಇಂಡಿಯಾ ಗೆದ್ದಿದ್ದು ಮಾತ್ರ ಕೆಲವೇ ಕೆಲವು ಸೀರಿಸ್​ಗಳು! ಆ ಬಗ್ಗೆ ಇಲ್ಲಿದೆ ಮಾಹಿತಿ.

ಭಾರತ ಮೂರು ಏಕದಿನ, ಮೂರು ಟಿ20 ಹಾಗೂ ನಾಲ್ಕು ಟೆಸ್ಟ್​ ಪಂದ್ಯಗಳನ್ನು ಆಸ್ಟ್ರೇಲಿಯಾ ನೆಲ್ಲದಲ್ಲಿ ಆಡಲಿದೆ. ಏಕದಿನ ಹಾಗೂ ಟಿ20ಗೆ ವಿರಾಟ್​ ಕೋಹ್ಲಿ ನಾಯಕತ್ವ ವಹಿಸಿಕೊಳ್ಳಲಿದ್ದಾರೆ. ಒಂದು ಟೆಸ್ಟ್​ ಆಡಿದ ನಂತರದಲ್ಲಿ ಅವರು ಭಾರತಕ್ಕೆ ಮರಳಲಿದ್ದಾರೆ.

ಆಸ್ಟ್ರೇಲಿಯಾ ನೆಲದಲ್ಲಿ ಟೀಂ ಇಂಡಿಯಾ ಒಟ್ಟೂ 51 ಏಕದಿನ ಪಂದ್ಯಗಳನ್ನು ಆಡಿದೆ. ಈ ಪೈಕಿ ಭಾರತ ಗೆದ್ದಿದ್ದು ಕೇವಲ 13 ಮ್ಯಾಚ್​ ಎಂದರೆ ನೀವು ನಂಬಲೇ ಬೇಕು! ಇನ್ನು, ಆಸ್ಟ್ರೇಲಿಯಾ ನೆಲದಲ್ಲಿ ಭಾರತ ಗೆದ್ದ ಸರಣಿ ಕೇವಲ 3. 1984-85ರಲ್ಲಿ ನಡೆದ ಬೆನ್ಸನ್ ಮತ್ತು ಹೆಡ್ಜಸ್ ವಿಶ್ವ ಕ್ರಿಕೆಟ್​ ಚಾಂಪಿಯನ್‌ಶಿ ಪ್, ಕಾಮನ್​ವೆಲ್ತ್​ ಬ್ಯಾಂಕ್​ ಸೀರಿಸ್​ ಹಾಗೂ 2018-19 ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾ ಗೆದ್ದಿತ್ತು.

ಇನ್ನು, ಮೊದಲ ಏಕದಿನ ಪಂದ್ಯ ನಡೆಯಲಿರುವ ಸಿಡ್ನಿ ಕ್ರಿಕೆಟ್ ಗ್ರೌಂಡ್​ನಲ್ಲಿ ಭಾರತ ವಿರುದ್ಧ ಆಸ್ಟ್ರೇಲಿಯಾ ಪಾರುಪತ್ಯ ಸಾಧಿಸಿದೆ. ಆಡಿದ 17 ಪಂದ್ಯಗಳಲ್ಲಿ ಆಸ್ಟ್ರೇಲಿಯಾ 14ರಲ್ಲಿ ಗೆದ್ದರೆ ಟೀಂ ಇಂಡಿಯಾ ಎರಡರಲ್ಲಿ ಜಯ ಗಳಿಸಿದೆ. ಒಂದು ಪಂದ್ಯ ರದ್ದಾಗಿದೆ.