ಆಫ್ರಿಕಾ ನೆಲದಲ್ಲಿ ಭಾರತ ಅಂಡರ್-19 ಹುಡುಗರ ಭರ್ಜರಿ ಆಟ; ಸರಣಿ ಗೆದ್ದು ಬೀಗಿದ ಭಾರತೀಯ ಕಿರಿಯರು!

ದಕ್ಷಿಣ ಆಫ್ರಿಕಾ ಪ್ರವಾಸ ಬೆಳೆಸಿದ್ದ ಭಾರತ ಅಂಡರ್-19 ತಂಡ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ದ. ಆಫ್ರಿಕಾ ಅಂಡರ್-19 ವಿರುದ್ಧ ಸರಣಿ ವಶಪಡಿಸಿಕೊಂಡಿದೆ. ನಿನ್ನೆ ನಡೆದ ಅಂತಿಮ ಪಂದ್ಯದಲ್ಲಿ ಸೋಲುಂಡಿತಾದರು, ಮೊದಲೆರಡು ಪಂದ್ಯ ಗೆದ್ದ ಪರಿಣಾಮ 2-1 ಅಂತರದಿಂದ ಸರಣಿ ಗೆದ್ದು ಬೀಗಿದೆ.

ಮೊದಲ ಪಂದ್ಯದಲ್ಲಿ ಭಾರತ 9 ವಿಕೆಟ್​ಗಳ ಹಾಗೂ ಎರಡನೇ ಪಂದ್ಯದಲ್ಲಿ 8 ವಿಕೆಟ್​ಗಳ ಜಯ ಸಾಧಿಸಿತ್ತು. ಆದರೆ, ವೈಟ್​ವಾಶ್ ಮಾಡುವಲ್ಲಿ ಎಡವಿತು.

ಈಸ್ಟ್​ ಲಂಡನ್​ನಲ್ಲಿ ನಡೆದ ಅಂತಿಮ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಭಾರತ ಸಂಪೂರ್ಣ ವೈಫಲ್ಯ ಅನುಭವಿಸಿತು. ಕಳೆದ ಪಂದ್ಯದಲ್ಲಿ ಮಿಂಚಿದ್ದ ಯಶಸ್ವಿ ಜೈಸ್ವಾಲ್(16) ಆರಂಭದಲ್ಲೇ ಔಟ್ ಆದರೆ, ನಾಯಕ ಪ್ರಿಯಾಂ ಗಾರ್ಗ್​​ 76 ಎಸೆತಗಳಲ್ಲಿ 52 ರನ್ ಗಳಿಸಿದರು.

ಬಿಗ್​​ಬ್ಯಾಷ್​ ಪಂದ್ಯ ಆರಂಭಕ್ಕೂ ಮುನ್ನ ಬೆಂಕಿ ಅವಘಡ; ಗ್ಲೆನ್ ಮ್ಯಾಕ್ಸ್​ವೆಲ್​ ಮಾಡಿದ್ದೇನು ನೋಡಿ

 

READ: India U19 suffer a loss in the third one-day against South Africa U19 but clinch the three-match series 2-1. 🏆

Report 📰 here: https://t.co/0FHHyVcWb2 pic.twitter.com/YuR2DWuHJ2

— BCCI (@BCCI) December 31, 2019

ತಿಲಕ್ ವರ್ಮಾ 25 ಹಾಗೂ ಧ್ರುವ್ ಜೂರೆಲ್ 22 ರನ್ ಗಳಿಸಿದ್ದು ಗರಿಷ್ಠ ಸ್ಕೋರ್ ಆಗಿತ್ತು. ಭಾರತ 50 ಓವರ್​ನಲ್ಲಿ 8 ವಿಕೆಟ್ ನಷ್ಟಕ್ಕೆ 192 ರನ್ ಗಳಿಸಿತಷ್ಟೆ. ಆಫ್ರಿಕಾ ಪರ ಅಚಿಲ್ ಕ್ಲೋಟ್ ಹಾಗೂ ಫೆಕೊ ಮೊಲೆಟ್​ಸೇಲ್ ತಲಾ 2 ವಿಕೆಟ್ ಪಡೆದರು.

193 ರನ್​ಗಳ ಸುಲಭ ಟಾರ್ಗೆಟ್ ಬೆನ್ನಟ್ಟಿದ ಆಫ್ರಿಕಾ ಅಂಡರ್-19 ತಂಡ ನಾಯಕನ ಭರ್ಜರಿ ಆಟದ ನೆರವಿನಿಂದ ಗೆಲುವು ಸಾಧಿಸಿತು. ಆರಂಭದಲ್ಲಿ ಎಡವಿತಾದರು ನಾಯಕ ಜೊನಥನ್ ಬರ್ಡ್​ 151 ಎಸೆತಗಳಲ್ಲಿ ಅಜೇಯ 88 ರನ್ ಗಳಿಸಿ ಗೆಲುವು ತಂದಿಟ್ಟರು.

ಮಗಳು ಸಮೈರಾ ಮೊದಲ ವರ್ಷದ ಹುಟ್ಟು ಹಬ್ಬಕ್ಕೆ ವಿಶೇಷವಾಗಿ ಶುಭಕೋರಿದ ರೋಹಿತ್ ಶರ್ಮಾ!

ಆಫ್ರಿಕಾ ಅಂಡರ್-19 ತಂಡ 48.2 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 193 ರನ್ ಬಾರಿಸಿ 5 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು. ಭಾರತ ಪರ ಯಶಸ್ವಿ ಜೈಸ್ವಾಲ್ 2 ವಿಕೆಟ್ ಕಿತ್ತು ಮಿಂಚಿದರು.