IND A vs SA A: ಮೂರನೇ ಏಕದಿನ; ಪಾಂಡೆ ಪಡೆಗೆ 208 ಟಾರ್ಗೆಟ್; ಭಾರತ ಎ ತಂಡಕ್ಕೆ ಆರಂಭಿಕ ಆಘಾತ

208 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿರುವ ಭಾರತ ಎ ಆರಂಭದಲ್ಲೇ ಆಘಾತ ಅನುಭವಿಸಿದೆ. 50 ರನ್ ಆಗುವ ಹೊತ್ತಿಗೆ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ.

Vinay Bhat | news18-kannada
Updated:September 2, 2019, 3:51 PM IST
IND A vs SA A: ಮೂರನೇ ಏಕದಿನ; ಪಾಂಡೆ ಪಡೆಗೆ 208 ಟಾರ್ಗೆಟ್; ಭಾರತ ಎ ತಂಡಕ್ಕೆ ಆರಂಭಿಕ ಆಘಾತ
ಮನೀಶ್ ಪಾಂಡೆ
Vinay Bhat | news18-kannada
Updated: September 2, 2019, 3:51 PM IST
ಬೆಂಗಳೂರು (ಸೆ. 02): ತಿರುವನಂತ ಪುರಂನಲ್ಲಿ ನಡೆಯುತ್ತಿರುವ ದಕ್ಷಿಣ ಆಫ್ರಿಕಾ ಎ ವಿರುದ್ಧದ ಮೂರನೇ ಅನಧಿಕೃತ ಏಕದಿನ ಪಂದ್ಯದಲ್ಲಿ ಭಾರತ ಎ ತಂಡ ಗೆಲುವಿಗಾಗಿ ಹೋರಾಟ ನಡೆಸುತ್ತಿದೆ.

ಮಳೆ ಬಂದ ಕಾರಣ 30 ಓವರ್​​ಗೆ ಪಂದ್ಯವನ್ನು ನಿಗದಿ ಪಡಿಸಲಾಯಿತು.

ಟಾಸ್ ಗೆದ್ದ ಬ್ಯಾಟಿಂಗ್​​ಗೆ ಇಳಿದ ಹರಿಣಗಳಿಗೆ ಆರಂಭದಲ್ಲೇ ದೀಪಕ್ ಚಹಾರ್ ಶಾಕ್ ನೀಡಿದರು. ರೀಜಾ ಹೆಂಡ್ರಿಕ್ಸ್​​​ರನ್ನು 9 ರನ್​ಗೆ ಪೆವಿಲಿಯನ್​ಗೆ ಅಟ್ಟಿದರು. ಬಳಿಕ ಮಲನ್ ಹಾಗೂ ಮ್ಯಾಥ್ಯೂ ಬ್ರೀಥ್ಕ್​ ತಂಡವನ್ನು ಆರಂಭಿಕ ಆಘಾತದಿಂದ ಪಾರು ಮಾಡಿದರು. ಮಲನ್ 37 ರನ್ ಗಳಿಸಿದರೆ, ಮ್ಯಾಥ್ಯೂ 36 ರನ್ ಬಾರಿಸಿದರು.

ಬಳಿಕ ಬಂದ ಬ್ಯಾಟ್ಸ್​ಮನ್​ಗಳ ಪೈಕಿ ನಾಯಕ ತೆಂಬ ಬವುಮಾ 27 ರನ್ ಕಲೆಹಾಕಿದರೆ, ಹೆನ್ರಿಚ್ ಕ್ಲಾಸೆನ್ 21 ಎಸೆತಗಳಲ್ಲಿ 4 ಸಿಕ್ಸ್​ ಸಿಡಿಸಿ 44 ರನ್ ಚಚ್ಚಿದರು. ಪರಿಣಾಮ ಆಫ್ರಿಕಾ ಎ ನಿಗದಿತ 30 ಓವರ್​​ಗೆ 207 ರನ್ ಗಳಿಸಿತು. ಭಾರತ ಪರ ದೀಪಕ್ ಚಹಾರ್ ಹಾಗೂ ಕ್ರುನಾಲ್ ಪಾಂಡ್ಯ ತಲಾ 2 ವಿಕೆಟ್ ಕಿತ್ತರೆ, ಶಾರ್ದೂಲ್ ಠಾಕೂರ್ ಹಾಗೂ ಚಹಾಲ್ ತಲಾ 1 ವಿಕೆಟ್ ಪಡೆದರು.

IND vs WI: ಧೋನಿಯ ಮತ್ತೊಂದು ಮಹತ್ವದ ದಾಖಲೆ ಮುರಿದ ಪಂತ್

ಸದ್ಯ 208 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿರುವ ಭಾರತ ಎ ಆರಂಭದಲ್ಲೇ ಆಘಾತ ಅನುಭವಿಸಿದೆ. 50 ರನ್ ಆಗುವ ಹೊತ್ತಿಗೆ ಪ್ರಮುಖ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ರುತುರಾಜ್ ಗಾಯಕ್ವಾಡ್ 1 ರನ್​ಗೆ ಔಟ್ ಆದರೆ, ರಿಕಿ ಭುಯ್ ಸೊನ್ನೆ ಸುತ್ತಿದರು. ಕಳೆದ ಪಂದ್ಯದಲ್ಲಿ ಮಿಂಚಿದ್ದ ಕ್ರುನಾಲ್ ಪಾಂಡ್ಯ ಆಟ 13 ರನ್​ಗೆ ಅಂತ್ಯವಾಯಿತು. ಸದ್ಯ ನಾಯಕ ಮನೀಶ್ ಪಾಂಡೆ ಹಾಗೂ ಕೀಪರ್ ಇಶಾನ್ ಕಿಶನ್ ಎಚ್ಚರಿಕೆಯಿಂದ ಬ್ಯಾಟ್ ಬೀಸುತ್ತಿದ್ದಾರೆ.

 
Loading...




ಐದು ಪಂದ್ಯಗಳ ಅನಧಿಕೃತ ಏಕದಿನ ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಮುನ್ನಡೆ ಸಾಧಿಸಿದೆ.
First published:September 2, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...