ಜಡೇಜಾ ಬ್ಯಾಟ್ ಬೀಸಿದ ಪರಿ ನೋಡಿ ದಂಗಾಗಿ ಪ್ರತಿಕ್ರಿಯಿಸಿದ ಸಂಜಯ್ ಮಂಜ್ರೇಕರ್!

ವಿಶ್ವಕಪ್​ ಪಂದ್ಯಾವಳಿಯ ವೀಕ್ಷಕ ವಿವರಣೆಗಾರರಾಗಿರುವ ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್, ವಿಕೆಟ್​ ಕೀಪರ್​ ಎಂಎಸ್​ ಧೋನಿ ಹಾಗೂ ಆಲ್​ರೌಂಡರ್​​ ಜಡೇಜಾ ಅವರನ್ನು ತೆಗಳಿ ವಿವಾದಕ್ಕೀಡಾಗಿದ್ದರು. ಸೆಮಿ ಫೈನಲ್​ನಲ್ಲಿ ಜಡೇಜಾ ಪ್ರದರ್ಶನ ನೋಡಿ ಅವರು ದಂಗು ಬಡಿದಿದ್ದಾರೆ. ಜಡೇಜಾ ಅವರನ್ನು ಸಂಜಯ್​ ಹೊಗಳಿದ್ದಾರೆ ಕೂಡ. ಇದಕ್ಕೆ ಅವರನ್ನು ಸಖತ್​ ಟ್ರೋಲ್​ ಮಾಡಲಾಗಿದೆ.

ಜಡೇಜಾ ಆಟದ ಬಗ್ಗೆ ನೇರವಾಗಿ ವ್ಯಂಗ್ಯವಾಡಿದ್ದ ಸಂಜಯ್​, “ನಾನು ಸಣ್ಣ ಪುಟ್ಟ ಆಟಗಾರರ ಅಭಿಮಾನಿಯಲ್ಲ. ಟೆಸ್ಟ್ ಕ್ರಿಕೆಟ್​ನಲ್ಲಿ ಬೌಲರ್​ ಆಗಿ ಜಡೇಜ ಸೂಕ್ತ. ನಾನು ತಂಡದಲ್ಲಿ ಸ್ಪಿನ್ನರ್​ಗಳಿಗಿಂತ ಬ್ಯಾಟ್ಸ್​ಮನ್​ಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತೇನೆ, ಎಂದಿದ್ದರು.

ಇದಕ್ಕೆ ಉತ್ತರಿಸಿದ್ದ ಜಡೇಜಾ, “ನೀವು ಆಡಿದ ಪಂದ್ಯಗಳಿಗಿಂತ ಎರಡಪಟ್ಟು ಹೆಚ್ಚು ಮ್ಯಾಚ್​ಗಳನ್ನು ನಾನು ಆಡಿದ್ದೇನೆ. ಬೇರೆಯವರ ಪರಿಶ್ರಮ, ಪ್ರತಿಭೆ ಮತ್ತು ಸಾಧನೆಯನ್ನು ಗೌರವಿಸುವುದು ಕಲಿತುಕೊಳ್ಳಿ. ನಿಮ್ಮ ಶಬ್ಧಭೇದಿಯನ್ನು ಕೇಳಿ ಸಾಕಾಗಿದೆ,” ಎಂದು ಖಾರವಾಗಿ ಟ್ವೀಟರ್​ನಲ್ಲಿ ಬರೆದುಕೊಂಡಿದ್ದರು.

ಇದನ್ನೂ ಓದಿ: 4ನೇ ಬಾರಿ ಫೈನಲ್​ಗೇರುವ ಟೀಂ ಇಂಡಿಯಾ ಕನಸು ಭಗ್ನ

ಸೆಮಿ ಫೈನಲ್​ನಲ್ಲಿ ಯಾರೂ ಊಹಿಸದ ರೀತಿಯಲ್ಲಿ ಜಡೇಜಾ ಪ್ರದರ್ಶನ ನೀಡಿದ್ದರು. ಬೌಲಿಂಗ್​ನಲ್ಲಿ ಒಂದು ವಿಕೆಟ್​ ತೆಗೆದಿದ್ದಲ್ಲದೇ, ಕೊಹ್ಲಿ ಪಡೆ ಸೋಲುವ ಹಂತದಲ್ಲಿದ್ದಾಗ ಅದ್ಭುತವಾಗಿ ಬ್ಯಾಟ್​ ಬೀಸಿ ಭಾರತೀಯರಲ್ಲಿ ಒಂದು ಹೊಸ ಉತ್ಸಾಹ ಮೂಡಿಸಿದ್ದರು. ಜಡೇಜಾ ಇದ್ದರೆ ಟೀಂ ಇಂಡಿಯಾ ಗೆದ್ದು ಬಿಡುತ್ತದೇ ಎಂದು ಅನೇಕರು ಭಾವಿಸಿದ್ದರು. ಆದರೆ ಜಡೇಜಾ 77 ರನ್​ ಬಾರಿಸಿ ಔಟ್​ ಆಗಿದ್ದರು.

ಭಾರತ ತಂಡ ಸೋತ ಹೊರತಾಗಿಯೂ ಇಡೀ ದೇಶ ಜಡೇಜಾ ಅವರನ್ನು ಕೊಂಡಾಡಿದೆ. ಈ ಮೊದಲಿನಿಂದಲೂ ಟೀಕೀಸುತ್ತಲೇ ಬರುತ್ತಿದ್ದ ಸಂಜಯ್​ ಕೂಡ ಜಡೇಜಾ ಅವರನ್ನು ಹೊಗಳಿದ್ದಾರೆ. “ಜಡೇಜಾ ತುಂಬಾನೇ ಉತ್ತಮವಾಗಿ ಆಟವಾಡಿದ್ದೀರಿ,” ಎಂದು ಕಣ್ಣು ಮಿಟುಕಿಸುವ ಸ್ಮೈಲಿ ಹಾಕಿದ್ದಾರೆ.

Well played Jadeja! 😉

— Sanjay Manjrekar (@sanjaymanjrekar) July 10, 2019

ಸಾಕಷ್ಟು ಜನರು ಈ ಟ್ವೀಟ್​ ಅನ್ನು ಟ್ರೋಲ್​ ಮಾಡಿದ್ದಾರೆ. ಬೇರೆಯವರನ್ನು ಟೀಕಿಸುವ ಮೊದಲು ಯೋಚಿಸಬೇಕು ಎಂದು ಸಂಜಯ್​ಗೆ ಬುದ್ಧಿವಾದ ಹೇಳಿದ್ದಾರೆ.

ಇದನ್ನೂ ಓದಿ: ನಿಮ್ಮ ಶಬ್ದಬೇಧಿ ನಿಲ್ಲಿಸಿ, ಕೇಳಿ ಸಾಕಾಗಿದೆ: ಮಾಜಿ ಕ್ರಿಕೆಟಿಗನಿಗೆ ಜಡೇಜ ತಿರುಗೇಟು