ಸಚಿನ್​ ತೆಂಡೂಲ್ಕರ್​ ಪಾಲಿಗೆ ವಿಲನ್ ಆದ ಆ ಅಂಪೈರ್​​​​ ಯಾರು ಗೊತ್ತಾ?

ಸಚಿನ್ ತೆಂಡೂಲ್ಕರ್​​​​ ಕ್ರಿಕೆಟ್ ಲೋಕದ ಬ್ಯಾಟಿಂಗ್ ಅದ್ಭುತ. ತನ್ನ ಆಕರ್ಷಕ ಬ್ಯಾಟಿಂಗ್ ಮತ್ತು ಮೈದಾನದಲ್ಲಿನ ನಡವಳಿಕೆಯಿಂದ ಎಲ್ಲರಿಗೂ ಮಾದರಿಯಾಗಿದ್ದರು. ಹೀಗಾಗಿ, ಸಚಿನ್​​​  ಕ್ರಿಕೆಟ್ ದೇವರು ಎಂದು ಗುರುತಿಸಿಕೊಂಡರು. ಎದುರಾಳಿಯ ವೇಗದ ಬೌನ್ಸರ್​​ಗಳನ್ನು ಅಷ್ಟೇ ವೇಗದಿಂದ ದಂಡಿಸುತ್ತಿದ್ದ ಸಚಿನ್ ಈಗ ಐಸಿಸಿ ಮಾಡಿರುವ ಟ್ವೀಟ್ ಬೌನ್ಸ್​ಗೆ ಸರಿಯಾಗಿ ಹುಕ್ ಬಾರಿಸಿದ್ದಾರೆ.

ಟೆಸ್ಟ್​ ಕ್ರಿಕೆಟ್​ ಮತ್ತು ಏಕದಿನ ಕ್ರಿಕೆಟ್​ನಲ್ಲಿ ದಾಖಲೆ ಮೇಲೆ ದಾಖಲೆ ಬರೆದಿರೋ ಸಚಿನ್​ ತೆಂಡೂಲ್ಕರ್​, ಅಂತರಾಷ್ಟ್ರೀಯ ಕ್ರಿಕೆಟ್​​ನಲ್ಲಿ ಅತಿ ಹೆಚ್ಚು ರನ್​​ಗಳಿಸಿರೋ ಬ್ಯಾಟ್ಸ್​​ಮನ್, ಶತಕಗಳ ಶತಕ ಬಾರಿಸಿರೋ ಏಕೈಕ ಕ್ರಿಕೆಟಿಗ​. ಅಲ್ಲದೇ, ಒನ್​ಡೇ ಕ್ರಿಕೆಟ್​ನಲ್ಲಿ ದ್ವಿಶತಕ​ ದಾಖಲಿಸಬಹುದು ಅಂತಾ ತೋರಿಸಿಕೊಟ್ಟಿದ್ದರು

ಇದನ್ನೂ ಓದಿ: ಕುಂದಗೋಳ, ಚಿಂಚೋಳಿ ಬಹಿರಂಗ ಪ್ರಚಾರಕ್ಕೆ ತೆರೆ; ನಾಳೆಯಿಂದ ಮನೆ ಮನೆ ಪ್ರಚಾರ

ಸಚಿನ್ ಇತ್ತೀಚೆಗಷ್ಟೇ ತಮ್ಮ ಹಳೆಯ ಸವಿ ನೆನಪುಗಳನ್ನು ತಮ್ಮ ಟ್ವಿಟ್ಟರ್​ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಶಿವಾಜಿ ಪಾರ್ಕ್​ನಲ್ಲಿ ವಿನೋದ್ ಕಾಂಬ್ಳಿಗೆ ಬೌಲಿಂಗ್ ಮಾಡುವ ವಿಡಿಯೋವೊಂದನ್ನು ಟ್ವೀಟ್ಟರ್​​​ನಲ್ಲಿ ಟ್ವಿಟ್​ ಮಾಡಿದ್ದರು. ವಿನೋದ್ ಕಾಂಬ್ಳಿ ಜೊತೆಗೆ ನೆಟ್ಸ್ ನಲ್ಲಿ ಸಮಯ ಕಳೆಯಲು ಯಾವಾಗಲೂ ಖುಷಿ ಕೊಡುತ್ತದೆ. ಬಾಲ್ಯದಲ್ಲಿ ನಾನು ಮತ್ತು ವಿನೋದ್ ಶಿವಾಜಿ ಪಾರ್ಕ್​ನಲ್ಲಿ ಅಭ್ಯಾಸ ನಡೆಸುತ್ತಿದ್ದ ನೆನಪುಗಳು ಮರುಕಳಿಸಿದವು ಎಂದು ಟ್ವೀಟ್ ಮಾಡಿದ್ದರು.

ಸಾಮಾಜಿಕ ಜಾಲತಾಣದಲ್ಲಿ ಸಚಿನ್ ಅವರ ಟ್ವೀಟ್​ ಸದ್ದು ಮಾಡುತ್ತಿದ್ದಂತೆ, ಐಸಿಸಿ ಸಚಿನ್​ ಅವರ ಕಾಲೆಳೆಯೋಕೆ ಶುರು ಮಾಡಿದೆ.  ಸಚಿನ್ ಟ್ವೀಟ್ ಗೆ ಕಾಮೆಂಟ್ ಮಾಡಿದ್ದ ಐಸಿಸಿ, ಸಚಿನ್ ಬೌಲ್ ಮಾಡುವ ಫೋಟೊದೊಂದಿಗೆ ಅಂಪೈರ್​​ ಸ್ಟೀವ್ ಬಕ್ನರ್ ನೋ ಬಾಲ್ ನೀಡುವ ಫೋಟೋ ಹಾಕಿ 'ನಿಮ್ಮ ಕಾಲನ್ನು ನೋಡಿಕೊಳ್ಳಿ ಎಂದು ಟ್ವೀಟ್ ಮಾಡಿದೆ.

ಸಚಿನ್​​ ಪಾಲಿಗೆ ವಿಲನ್ ಆಗಿದ್ದ ಅಂಪೈರ್ಸ್​

ಸಚಿನ್​ ಬ್ಯಾಟಿಂಗ್ ವೇಳೆ ಅದೆಷ್ಟೋ ಅಂಪೈರ್ಸ್​ ಸಚಿನ್ ಔಟ್​ ಅಲ್ಲದಿದ್ರೂ ಔಟ್ ಎಂದು ತೀರ್ಪು ನೀಡಿ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ಹೀಗೆ ಸಚಿನ್​ಗೆ ಅಂಪೈರ್​ಗಳೇ ವಿಲನ್ ಆಗಿದ್ದರು. ಅದರಲ್ಲೂ ಸ್ಟೀವ್ ಬಕ್ನರ್ ಅಂತೂ ಸಚಿನ್​​​​ಗೆ ವಿಲನ್​​ ಆಗಿದ್ದರು. ಸಚಿನ್​​ ವಿರುದ್ಧ ಅನೇಕ ತಪ್ಪು ನಿರ್ಣಯಗಳನ್ನು ನೀಡಿದ್ದಾರೆ. ಸಚಿನ್​ ವಿರುದ್ಧ ಅನೇಕ ತಪ್ಪು ತೀರ್ಪುಗಳನ್ನ ಕ್ರಿಕೆಟ್ ಲೋಕ ಕಂಡಿದೆ. ಹೀಗಾಗಿ ಸಚಿನ್​ ಗೆರೆದಾಟಿ ಬೌಲ್ ಮಾಡಿದ ಫೋಟೋವನ್ನು ಐಸಿಸಿ ಹೈಲೈಟ್​ ಮಾಡಿ, ಸಚಿನ್ ಅವರ ಕಾಲೆಳೆದಿದೆ.

ಐಸಿಸಿಗೆ ತಕ್ಕ ತಿರುಗೇಟು ನೀಡಿದ ಮಾಸ್ಟರ್​

ಐಸಿಸಿಯ ಟ್ವೀಟ್​ಗೆ ಸಖತ್​ ಆಗಿ ಉತ್ತರ ಕೊಟ್ಟ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್​ ಐಸಿಸಿಯ ಈ ಬೌನ್ಸರ್ ಗೆ ಸರಿಯಾಗೇ ಉತ್ತರ ನೀಡಿದ್ದಾರೆ. ಐಸಿಸಿಗೆ ಉತ್ತರ ನೀಡಿದ ಸಚಿನ್​, ಕನಿಷ್ಠ ಪಕ್ಷ ಈ ಸಲ ನಾನು ಬ್ಯಾಟಿಂಗ್ ಮಾಡುತ್ತಿಲ್ಲ, ಬೌಲಿಂಗ್ ಮಾಡುತ್ತಿದ್ದೇನೆ. ಅಂಪೈರ್ಸ್​ ತೀರ್ಮಾನವೇ ಅಂತಿಮ ಎಂದು ಮರು ಟ್ವೀಟ್ ಮಾಡಿದ್ದಾರೆ. ಈ ಮೊದಲು ಸಚಿನ್ ಬ್ಯಾಟಿಂಗ್ ಮಾಡುತ್ತಿದ್ದ ಸಮಯದಲ್ಲಿ ಅನೇಕ ಬಾರಿ ಸ್ಟೀವ್ ಬಕ್ನರ್ ನೀಡಿದ್ದ ತಪ್ಪು ತೀರ್ಪಿಗೆ ಔಟಾಗಿದ್ದರು. ಹೀಗಾಗಿ ಸಚಿನ್​ ಅಂಪೈರ್ಸ್​ ತೀರ್ಪು ಗೌರವಿಸುತ್ತೇನೆ ಎಂದು ಹೇಳುತ್ತಲೇ, ಸ್ವೀವ್ ಬಕ್ನರ್​​ರನ್ನು ಟ್ರೋಲ್ ಮಾಡುತ್ತಾ ಐಸಿಸಿಗೆ ತಕ್ಕ ತಿರುಗೇಟು ನೀಡಿದ್ದಾರೆ. ಇದೀಗ ಸಚಿನ್​​​ ಅವರ  ಟ್ವೀಟ್ ಈಗ ಸಖತ್ ವೈರಲ್ ಆಗಿದೆ.

 

Felt great to be back in the nets with @vinodkambli349 during the @tendulkarmga lunch break!
It sure took us back to our childhood days at Shivaji Park... 🏏

Very few people know that Vinod & I have always been in the same team and never played against each other. #TMGA pic.twitter.com/DzlOm12SKa

— Sachin Tendulkar (@sachin_rt) May 11, 2019

Watch your front foot, @sachin_rt 😜 pic.twitter.com/eZ4N8mKGME

— ICC (@ICC) May 12, 2019

'ನಿಮ್ಮ ನ್ಯೂಸ್ 18 ಕನ್ನಡವನ್ನು ಶೇರ್​​ಚಾಟ್ ನಲ್ಲೂ ಹಿಂಬಾಲಿಸಿ'