ICC Test Rankings: ಕೊಹ್ಲಿ ಅಗ್ರಸ್ಥಾನ ಭದ್ರ; ಟಾಪ್ 10 ಒಳಗೆ ಕಾಲಿಟ್ಟ ಪಾಕ್ ಆಟಗಾರ!

ಲಾಬುಶೇನ್ ಅವರು ಡೇವಿಡ್ ವಾರ್ನರ್ ಅವರನ್ನು ಹಿಂದಿಕ್ಕಿದ್ದು, ಸ್ಮಿತ್ ಬಳಿಕ ಅತಿ ಹೆಚ್ಚು ಶ್ರೇಯಾಂಕ ಹೊಂದಿದೆ ಆಸೀಸ್​ನ ಎರಡನೇ ಆಟಗಾರ ಎಂಬ ಕೀರ್ತಿಗೆ ಲಾಬುಶೇನ್ ಪಾತ್ರರಾಗಿದ್ದಾರೆ.

ಬಾಬರ್ ಅಜಮ್- ವಿರಾಟ್ ಕೊಹ್ಲಿ

ಬಾಬರ್ ಅಜಮ್- ವಿರಾಟ್ ಕೊಹ್ಲಿ

  • Share this:
    ಬೆಂಗಳೂರು (ಡಿ. 16): ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ನೂತನ ಟೆಸ್ಟ್​ ರ‍್ಯಾಂಕಿಂಗ್‌ ಪಟ್ಟಿಯನ್ನು ಪ್ರಕಟಗೊಳಿಸಿದೆ. ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತಮ್ಮ ಅಗ್ರಸ್ಥಾನವನ್ನು ಮತ್ತಷ್ಟು ಭದ್ರ ಪಡಿಸಿಕೊಂಡಿದ್ದಾರೆ. ಇತ್ತ ಸ್ಟೀವ್ ಸ್ಮಿತ್ ಪಾಯಿಂಟ್​ನಲ್ಲಿ ಮತ್ತಷ್ಟು ಕುಸಿತ ಕಂಡಿದ್ದಾರೆ.

    ಇತ್ತೀಚೆಗೆ ಮುಕ್ತಾಯವಾದ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಕೊಹ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಎರಡನೇ ಡೇ ನೈಟ್ ಟೆಸ್ಟ್​ನಲ್ಲಿ 136 ರನ್ ಬಾರಿಸಿದ್ದರು. ಈ ಶತಕದ ಫಲವಾಗಿ ಕೊಹ್ಲಿ ಟೆಸ್ಟ್ ಶ್ರೇಯಾಂಕದಲ್ಲಿ ಏರಿಕೆ ಕಂಡಿದ್ದಾರೆ.

    ವಿರಾಟ್ ಕೊಹ್ಲಿ 928 ಅಂಕದೊಂದಿಗೆ ಮೊದಲ ಸ್ಥಾನದಲ್ಲಿದ್ದರೆ. ಸ್ಮಿತ್ 911 ಪಾಯಿಂಟ್​ನೊಂದಿಗೆ 2ನೇ ಸ್ಥಾನದಲ್ಲಿದ್ದಾರೆ. ಇನ್ನು ಚೇತೇಶ್ವರ ಪೂಜಾರ ಹಾಗೂ ಅಂಜಿಂಕ್ಯ ರಹಾನೆ ಕ್ರಮವಾಗಿ 4 ಮತ್ತು 6ನೇ ಸ್ಥಾನದಲ್ಲಿ ಮುಂದುವರಿದಿದ್ದಾರೆ.

    ಐಪಿಎಲ್ ಹರಾಜು ಎಷ್ಟು ಗಂಟೆಗೆ?, ಯಾವುದರಲ್ಲಿ ನೇರಪ್ರಸಾರ?; ಇಲ್ಲಿದೆ ಸಂಪೂರ್ಣ ಮಾಹಿತಿ

     



    ಆಸ್ಟ್ರೇಲಿಯಾದ ಮಾರ್ನಸ್ ಲಾಬುಶೇನ್ ಹಾಗೂ ಬಾಬರ್ ಅಜಮ್ ಶ್ರೇಯಾಂಕದಲ್ಲಿ ಮುನ್ನಡೆ ಸಾಧಿಸಿದ್ದಾರೆ. ಲಾಬುಶೇನ್ ಟೆಸ್ಟ್ ಶ್ರೇಯಾಂಕದಲ್ಲಿ 5ನೇ ಸ್ಥಾನ ಪಡೆದು ಜೀವನ ಶ್ರೇಷ್ಠ ಸಾಧನೆ ಮಾಡಿದ್ದಾರೆ. ಇವರ ಜೊತೆ ಪಾಕಿಸ್ತಾನದ ಬಾಬರ್ ಅಜಮ್ ಒಂಬತ್ತನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದ್ದಾರೆ.

    IPL 2020: ಹರಾಜಿನಲ್ಲಿ ವಿರಾಟ್ ಮೇಲೆ ಎಲ್ಲರ ಕಣ್ಣು; ಆದ್ರೆ ಕೊಹ್ಲಿ ಅಲ್ಲ; ಮತ್ಯಾರು?

    ಲಾಬುಶೇನ್ 2019ರಲ್ಲಿ 1000 ರನ್ ಗಳಿಸಿದ ಏಕೈಕ ಬ್ಯಾಟ್ಸ್​ಮನ್​​ ಎಂಬ ಶ್ರೇಯಕ್ಕೂ ಪಾತ್ರರಾಗಿದ್ದಾರೆ. ಅಲ್ಲದೆ ಡೇವಿಡ್ ವಾರ್ನರ್ ಅವರನ್ನು ಹಿಂದಿಕ್ಕಿದ್ದು, ಸ್ಮಿತ್ ಬಳಿಕ ಅತಿ ಹೆಚ್ಚು ಶ್ರೇಯಾಂಕ ಹೊಂದಿದೆ ಆಸೀಸ್​ನ ಎರಡನೇ ಆಟಗಾರ ಎಂಬ ಕೀರ್ತಿಗೆ ಲಾಬುಶೇನ್ ಪಾತ್ರರಾಗಿದ್ದಾರೆ.

    ಇನ್ನು ಬೌಲಿಂಗ್ ವಿಭಾಗದಲ್ಲಿ ಪ್ಯಾಟ್ ಕಮಿನ್ಸ್​​ 898 ಅಂಕದೊಂದಿಗೆ ಮೊದಲ ಸ್ಥಾನದಲ್ಲೇ ಇದ್ದರೆ, ದ. ಆಫ್ರಿಕಾದ ಕಗಿಸೊ ರಬಾಡ(839 ಅಂಕ) ಎರಡನೇ ಸ್ಥಾನದಲ್ಲಿದ್ದಾರೆ.

     



    ಆಸೀಸ್​ನ ನೈಲ್ ವಾಗ್ನರ್ 834 ಪಾಯಿಂಟ್​ನೊಂದಿಗೆ 3ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಮಿಚೆಲ್ ಸ್ಟಾರ್ಕ್​ ಕೂಡ 806 ಅಂಕಹೊಂದಿ 5ನೇ ಸ್ಥಾನಕ್ಕೇರಿದ್ದಾರೆ. 4ನೇ ಸ್ಥಾನದಲ್ಲಿ ವಿಂಡೀಸ್​ನ ಜೇಸನ್ ಹೋಲ್ಡರ್ ಇದ್ದಾರೆ. ಭಾರತದ ಜಸ್​ಪ್ರೀತ್​ ಬುಮ್ರಾ ಮಗದೊಂದು ಸ್ಥಾನ ಇಳಿಕೆ ಕಂಡು ಆರಕ್ಕೆ ತಲುಪಿದ್ದಾರೆ.

    Published by:Vinay Bhat
    First published: