HOME » NEWS » Sports » CRICKET HAPPY BIRTHDAY MANISH PANDEY TEAM INDIA RIGHT HAND BATSMAN WHO WAS ABOUT TO JOIN INDIAN ARMY VB

Happy Birthday Manish Pandey: ಆರ್ಮಿ ಸೇರಬೇಕಿದ್ದ ಮನೀಶ್ ಪಾಂಡೆ ಕ್ರಿಕೆಟರ್ ಆಗಿದ್ದು ಹೇಗೆ?; ಇಲ್ಲಿದೆ ರೋಚಕ ಮಾಹಿತಿ

ಮನೀಶ್ ಪಾಂಡೆ ಕ್ರಿಕೆಟ್ ಕಲಿಯುತ್ತಿದ್ದರೂ ಅವರಿಗೆ ಆರ್ಮಿ ಸೇರಬೇಕೆಂಬ ಆಸೆಯಿತ್ತಂತೆ. ಇವರ ತಂದೆ ಕೂಡ ಅದನ್ನೆ ಬಯಸಿದ್ದರು. ಆದರೆ, ಐಪಿಎಲ್ ಮೊದಲ ಸೀಸನ್​ನಲ್ಲೇ ಅದ್ಭುತ ಪ್ರದರ್ಶನ ನೀಡಿದ ಬಳಿಕ ಕ್ರಿಕೆಟ್​ನಲ್ಲಿ ಮುಂದುವರೆಯಲು ನಿರ್ಧರಿಸಿದರಂತೆ.

news18-kannada
Updated:September 10, 2020, 12:00 PM IST
Happy Birthday Manish Pandey: ಆರ್ಮಿ ಸೇರಬೇಕಿದ್ದ ಮನೀಶ್ ಪಾಂಡೆ ಕ್ರಿಕೆಟರ್ ಆಗಿದ್ದು ಹೇಗೆ?; ಇಲ್ಲಿದೆ ರೋಚಕ ಮಾಹಿತಿ
ಇನ್ನೂ ಟೀಂ ಇಂಡಿಯಾ ಮಧ್ಯಮ ಕ್ರಮಾಂಕ ಅಷ್ಟೊಂದು ಬಲಿಷ್ಠವಿರುವಂತೆ ಗೋಚರಿಸುತ್ತಿಲ್ಲ. ಶ್ರೇಯಸ್ ಅಯ್ಯರ್ ಮೂರು ಪಂದ್ಯಗಳಲ್ಲಿ ವಿಫಲರಾಗಿದ್ದಾರೆ. ಹೀಗಾಗಿ ಟಿ-20 ಯಲ್ಲಿ ಇವರ ಬದಲು ಮನೀಶ್ ಪಾಂಡೆಗೆ ಅವಕಾಶ ನೀಡುವ ಸಾಧ್ಯತೆ ಇದೆ.
  • Share this:
ಭಾರತ ಕ್ರಿಕೆಟ್ ತಂಡದ ಭರವಸೆಯ ಯುವ ಬ್ಯಾಟ್ಸ್‌ಮನ್ ಕರ್ನಾಟಕದ ಹೆಮ್ಮೆಯ ಮನೀಶ್ ಪಾಂಡೆ ಇಂದು 31ನೇ ವರ್ಷಕ್ಕೆ ಕಾಲಿರಿಸಿದ್ದಾರೆ. ನಾಲ್ಕು ವರ್ಷಗಳ ಹಿಂದೆ 2015ರಲ್ಲಿ ಜಿಂಬಾಬ್ವೆ ವಿರುದ್ಧ ಆಡುವ ಮೂಲಕ ಏಕದಿನ ಕ್ರಿಕೆಟ್‌ಗೆ ಕಾಲಿಟ್ಟಿ ಮನೀಶ್ ಪಾಂಡೆ ತಮ್ಮ ಕೆರಿಯರ್ ಹಲವಾರು ಏಳುಬೀಳುಗಳನ್ನು ಕಂಡಿದ್ದಾರೆ. ಆದರೆ, ಸತತ ಪರಿಶ್ರಮದಿಂದಾಗಿ ಕಳೆದ ವರ್ಷದಿಂದ ಟೀಂ ಇಂಡಿಯಾದ ಖಾಯಂ ಸದಸ್ಯನಾಗಿ ಮಿಂಚುತ್ತಿದ್ದಾರೆ. ಸೆಪ್ಟೆಂಬರ್ 10, 1989 ರಂದು ಜನಿಸಿದ ಮನೀಶ್, ಸದ್ಯ ಟೀಂ ಇಂಡಿಯಾದಲ್ಲಿ ಮಧ್ಯಮ ಕ್ರಮಾಂಕದ ಆಧಾರಸ್ತಂಭ. ಪಾಂಡೆ ಹುಟ್ಟುಹಬ್ಬದ ಪ್ರಯುಕ್ತ ಅವರ ಬಗ್ಗೆ ನಿಮಗೆ ತಿಳಿದಿರದ ಕೆಲ ಕುತೂಹಲಕಾರಿ ವಿಷಯಗಳು ಇಲ್ಲಿವೆ.

ಮನೀಶ್ ಪಾಂಡೆ ಹುಟ್ಟಿದ್ದು ಉತ್ತರಖಂಡ್​ನ ನೈನಿಟಲ್​ನಲ್ಲಿ. ಆದರೆ, ಪಾಂಡೆಗೆ 15 ವರ್ಷ ಇರುವಾಗ ಇವರ ಕುಟುಂಬ ಬೆಂಗಳೂರಿಗೆ ಬಂದು ನೆಲೆಸಿತು. ಪಾಂಡೆ ತಂದೆ ಭಾರತೀಯ ಆರ್ಮಿಯಲ್ಲಿ ಕೆಲಸ ಮಾಡುತ್ತಿದ್ದ ಕಾರಣ ಕೆಲ ವರ್ಷಗಳ ಬಳಿಕ ರಾಜಸ್ಥಾನಕ್ಕೆ ತೆರಳಿದರು. ಆದರೆ, ಪಾಂಡೆ ಕ್ರಿಕೆಟ್ ಕಲಿಯುವ ಆಸಕ್ತಿ ಹೊಂದಿದ್ದ ಕಾರಣ ಬೆಂಗಳೂರಿನಲ್ಲೆ ನೆಲೆ ಊರಿದರು.

Yuvraj Singh: ನಿವೃತ್ತಿ ಹಿಂಪಡೆದ ಯುವರಾಜ್ ಸಿಂಗ್: ಬಿಸಿಸಿಐಗೆ ಸಿಕ್ಸರ್ ಕಿಂಗ್ ಪತ್ರ





ಮನೀಶ್ ಪಾಂಡೆ ಕ್ರಿಕೆಟ್ ಕಲಿಯುತ್ತಿದ್ದರೂ ಅವರಿಗೆ ಆರ್ಮಿ ಸೇರಬೇಕೆಂಬ ಆಸೆಯಿತ್ತಂತೆ. ಇವರ ತಂದೆ ಕೂಡ ಅದನ್ನೆ ಬಯಸಿದ್ದರು. ಆದರೆ, ಐಪಿಎಲ್ ಮೊದಲ ಸೀಸನ್​ನಲ್ಲೇ ಅದ್ಭುತ ಪ್ರದರ್ಶನ ನೀಡಿದ ಬಳಿಕ ಕ್ರಿಕೆಟ್​ನಲ್ಲಿ ಮುಂದುವರೆಯಲು ನಿರ್ಧರಿಸಿದರಂತೆ.

ಪಾಂಡೆ ರಾಜ್ಯ ಮಟ್ಟದ ಟೂರ್ನಮೆಂಟ್​ನಲ್ಲಿ ಮೊದಲಿಗೆ ಮೈಸೂರು ಪರ ಆಡಿದರು. ಬಳಿಕ 2008ರ ಅಂಡರ್-19 ವಿಶ್ವಕಪ್​ನಲ್ಲಿ ಆಡಿದ್ದು ಇವರಿಗೆ ಸಾಕಷ್ಟು ಹೆಸರು ತಂದುಕೊಟ್ಟಿತು. ಐಪಿಎಲ್​ನಲ್ಲಿ ಶತಕ ಸಿಡಿಸಿದ ಮೊಟ್ಟ ಮೊದಲ ಭಾರತೀಯ ಆಟಗಾರ ಎಂಬ ದಾಖಲೆ ಪಾಂಡೆ ಹೆಸರಲ್ಲಿದೆ.

2009-10ರ ರಣಜಿ ಕ್ರಿಕೆಟ್​ನಲ್ಲಿ ಮಿಂಚಿದ್ದ ಪಾಂಡೆ 882 ರನ್ ಕಲೆಹಾಕಿದ್ದರು. ಇದರಲ್ಲಿ 4 ಶತಕ ಹಾಗೂ 5 ಅರ್ಧಶತಕ ಬಾರಿಸಿದ್ದರು. 2015 ರಲ್ಲಿ ಜಿಂಬಾಬ್ವೆ ವಿರುದ್ಧ ಆಡುವ ಮೂಲಕ ಪಾಂಡೆ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದರು. ಮೊದಲ ಪಂದ್ಯದಲ್ಲಿ 71 ರನ್ ಸಿಡಿಸಿ ಕೇದರ್ ಜಾಧವ್ ಜೊತೆ 144 ರನ್ಗಳ ಅಮೋಘ ಜೊತೆಯಾಟ ಆಡಿದರು.

Rohit Sharma: ಚಲಿಸುತ್ತಿದ್ದ ಬಸ್​ ಮೇಲೆ ಬಿತ್ತು ಚೆಂಡು: ರೋಹಿತ್ ಶರ್ಮಾ ಸಿಡಿಸಿದ ಈ ಸಿಕ್ಸ್​ ನೀವು ನೋಡಿದ್ರಾ?





ಪಾಂಡೆ ಕರ್ನಾಟಕ ಪ್ರೀಮಿಯರ್ ಲೀಗ್​ನಲ್ಲಿ ಮೈಸೂರು ವಾರಿಯರ್ಸ್ ತಂಡವನ್ನು ಮುನ್ನಡೆಸಿ 2014 ರಲ್ಲಿ ಟ್ರೋಫಿ ಗೆಲ್ಲಿಸಿ ಕೊಟ್ಟಿದ್ದಾರೆ. ಸದ್ಯ ಐಪಿಎಲ್​ನಲ್ಲಿ ಸನ್​ರೈಸರ್ಸ್​ ಹೈದರಾಬಾದ್ ತಂಡದ ಪ್ರಮುಖ ಬ್ಯಾಟ್ಸ್​ಮನ್​ ಆಗಿರುವ ಪಾಂಡೆ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ.

ಇನ್ನೂ ಕಳೆದ ವರ್ಷ ಮನೀಶ್ ಪಾಂಡೆ ತಮಿಳು ಚಿತ್ರರಂಗದ ನಟಿ, ಮಂಗಳೂರು ಬೆಡಗಿ ಆಶ್ರಿತಾ ಶೆಟ್ಟಿ ಅವರನ್ನು ವಿವಾಹವಾದರು.
Published by: Vinay Bhat
First published: September 10, 2020, 12:00 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories