French Open 2019: ಫೆಡರರ್​ಗೆ ಸೋಲುಣಿಸಿ 12ನೇ ಬಾರಿ ಫೈನಲ್ ಪ್ರವೇಶಿಸಿದ ನಡಾಲ್

ಬೆಂಗಳೂರು (ಜೂ. 07): ಫ್ರೆಂಚ್ ಓಪನ್​ನ ಸೆಮಿ ಫೈನಲ್ ಕದನದಲ್ಲಿ ಮಣ್ಣಿನ ಅಂಕಣದ ದೊರೆ ರಾಫೆಲ್​ ನಡಾಲ್ ಅವರು ರೋಜರ್​ ಫೆಡರರ್​ಗೆ ಸೋಲಿನ ರುಚಿ ತೋರಿಸಿದ್ದಾರೆ.

ರೋಲ್ಯಾಂಡ್ ಗ್ಯಾರಸ್‌ನಲ್ಲಿ ನಡೆದ ಪುರುಷ ಸಿಂಗಲ್ಸ್ ವಿಭಾಗದ ಕದನದಲ್ಲಿ 17 ಗ್ರ್ಯಾಂಡ್​ಸ್ಲಾಮ್​ ವಿಜೇತ ಸ್ಪೇನ್​ನ ರಾಫೆಲ್​ ನಡಾಲ್​ ಅವರು 20 ಗ್ರ್ಯಾಂಡ್​ಸ್ಲಾಮ್ ಪ್ರಶಸ್ತಿ ಪಡೆದಿರುವ ರೋಜರ್​ ಫೆಡರರ್ ವಿರುದ್ಧ ಸೆಮಿಫೈನಲ್​ನಲ್ಲಿ ಸೆಣಸಾಡಿ 6-3, 6-4, 6-2 ಅಂತರದ ಸೆಟ್​ಗಳಿಂದ ಗೆದ್ದು ಬೀಗಿದ್ದಾರೆ. ಈ ಮೂಲಕ ಫ್ರೆಂಚ್ ಓಪನ್​ನಲ್ಲಿ 12ನೇ ಬಾರಿ ಫೈನಲ್​​ ಪ್ರವೇಶಿಸಿದ ಸಾಧನೆ ಮಾಡಿದ್ದಾರೆ.

 

22 not out!@RafaelNadal secures a 6-3 6-4 6-2 win over rival Federer, and his 22nd match win in a row at Roland-Garros…

🎾 https://t.co/nKZ3xJ2F6o#RG19 pic.twitter.com/zIMYOPkEWN

— Roland-Garros (@rolandgarros) June 7, 2019

ಇದನ್ನೂ ಓದಿ: India vs Australia: ಪ್ರ್ಯಾಕ್ಟೀಸ್ ಬಿಟ್ಟು ಮೈದಾನದಿಂದ ಹೊರ ನಡೆದ ಟೀಂ ಇಂಡಿಯಾ ಆಟಗಾರರು

2009ರಲ್ಲಿ ಫೆಡರರ್ ಚೊಚ್ಚಲ ಹಾಗೂ ತನ್ನ ಕೊನೆಯ ಫ್ರೆಂಚ್ ಓಪನ್ ಪ್ರಶಸ್ತಿ ಗೆದ್ದಿದ್ದರು. ಅಲ್ಲದೆ ಗ್ರ್ಯಾನ್ ಸ್ಲಾಮ್ ಇತಿಹಾಸದಲ್ಲೇ ಸೆಮಿಫೈನಲ್ ಪ್ರವೇಶಿಸಿದ ಅತಿ ಹಿರಿಯ ಆಟಗಾರ ಆಗಿದ್ದರು. ಆದರೆ ಸೆಮೀಸ್​ನಲ್ಲಿ ಮುಗ್ಗರಿಸಿದ ಫೆಡರರ್ ಕೂಟದಿಂದಲೇ ಹೊರ ಬಿದ್ದಿದ್ದಾರೆ.

ನಡಾಲ್ ಅವರು​ ಜಪಾನ್​ನ ನಿಶಿಕೋರಿ ವಿರುದ್ಧ 6-1,6-1 ಸೆಟ್​ಗಳಲ್ಲಿ ಗೆದ್ದು ಸೆಮಿಫೈನಲ್​ಗೆ ಪ್ರವೇಶ ಪಡೆದಿದ್ದರು. ಇತ್ತ ಫೆಡರರ್​ ಅದೇ ದೇಶದ ವಾವ್ರಿಂಕಾ ವಿರುದ್ಧ 7-6(4), 4-6, 7-5(5),6-4 ಸೆಟ್​ಗಳಿಂದ ಮಣಿಸಿ ಸೆಮಿಫೈನಲ್​ಗೆ ಲಗ್ಗೆಯಿಟ್ಟಿದ್ದರು.

 

Just listen to this standing ovation from the French fans 👏👏

🎥: @Eurosport_UK | @rogerfederer | #RG19pic.twitter.com/kjXRtEvm1A

— ATP Tour (@ATP_Tour) June 7, 2019