England vs West Indies: ತಂಡಕ್ಕೆ ಆಸರೆಯಾದ ಡೊಮಿನಿಕ್-ಸ್ಟೋಕ್ಸ್​; ಉತ್ತಮ ಮೊತ್ತದತ್ತ ಇಂಗ್ಲೆಂಡ್

England vs West Indies Second Test: ಡೊಮಿನಿಕ್​ ಸಿಬ್ಲಿ ಜೊತೆ ಸೇರಿಕೊಂಡ ನಾಯಕ ಜೋ ರೂಟ್​ ತಂಡವನ್ನು ಮೇಲುತ್ತುವ ಪ್ರಯತ್ನ ಮಾಡಿದರು. ಆದರೆ, ಇವರ ಜೊತೆಯಾಟ ಹೆಚ್ಚು ಸಮಯ ನಡೆಯಲಿಲ್ಲ.

ಇಂಗ್ಲೆಂಡ್ vs ವೆಸ್ಟ್​ ಇಂಡೀಸ್.

ಇಂಗ್ಲೆಂಡ್ vs ವೆಸ್ಟ್​ ಇಂಡೀಸ್.

  • Share this:
    ಮ್ಯಾಂಚೆಸ್ಟರ್: ಇಂಗ್ಲೆಂಡ್ ಹಾಗೂ ಪ್ರವಾಸಿ ವೆಸ್ಟ್​ ಇಂಡೀಸ್ ನಡುವೆ ಇಲ್ಲಿನ ಓಲ್ಡ್​ ಟ್ರಾಫರ್ಡ್​ ಕ್ರೀಡಾಂಗಣದಲ್ಲಿ ಎರಡನೇ ಟೆಸ್ಟ್​ ಕ್ರಿಕೆಟ್ ಪಂದ್ಯ ಆರಂಭವಾಗಿದ್ದು, ಆಂಗ್ಲರು ಮೊದಲ ದಿನದ ಗೌರವ ಸಂಪಾದಿಸಿದ್ದಾರೆ. ಮಳೆಯ ನಡುವೆಯೂ ನಡೆದ ಪಂದ್ಯದಲ್ಲಿ ಇಂಗ್ಲೆಂಡ್ ಮೊದಲ ದಿನದಾಟದ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 207 ರನ್ ಕಲೆಹಾಕಿದೆ. ಈ ಮೂಲಕ ರೂಟ್ ಪಡೆ ಉತ್ತಮ ಮೊತ್ತದತ್ತ ದಾಪುಗಾಲಿಡುತ್ತಿದೆ.

    ಮೊದಲಿಗೆ ಟಾಸ್ ಗೆದ್ದ ವೆಸ್ಟ್​ ಇಂಡೀಸ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಪಂದ್ಯ ಇನ್ನೇನು ಆರಂಭವಾಗಬೇಕು ಎಂಬುವಹೊತ್ತಿಗೆ ಮಳೆಸುರಿದ ಪರಿಣಾಮ ಸುಮಾರು ಒಂದೂವರೆ ಗಂಟೆ ತಡವಾಗಿ ಪ್ರಾರಂಭಿಸಲಾಯಿತು. ತಂಡದ ಮೊತ್ತ 29 ಆಗುವಷ್ಟರಲ್ಲೇ ಇಂಗ್ಲೆಂಡ್ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿತು. ರಾಸ್ಟನ್ ಚೇಸ್ ಬೌಲಿಂಗ್​ನಲ್ಲಿ ರಾರಿ ಬರ್ನ್ಸ್​​ 15 ರನ್ ಗಳಿಸಿ ಎಲ್​ಬಿ ಬಲೆಗೆ ಸಿಲುಕಿದರು.

    T20 ಕ್ರಿಕೆಟ್​ನಲ್ಲಿ ವಿಶ್ವ ದಾಖಲೆ ಬರೆದ ವಿಕೆಟ್ ಕೀಪರ್​ಗಳು ಯಾರು ಗೊತ್ತೇ?





    ನಂತರ ಕ್ರೀಸ್​ಗೆ ಬಂದ ಜಾಕ್​ ಕ್ರಾವ್ಲಿ ಕೂಡ ಖಾತೆ ತೆರೆಯದೆ ತಾವೆದುರಿಸಿದ ಮೊದಲ ಎಸೆತದಲ್ಲೇ ಔಟ್​ ಆಗಿದ್ದು ತಂಡಕ್ಕೆ ಆಘಾತ ನೀಡಿತು. ಈ ವೇಳೆ ಡೊಮಿನಿಕ್​ ಸಿಬ್ಲಿ ಜೊತೆ ಸೇರಿಕೊಂಡ ನಾಯಕ ಜೋ ರೂಟ್​ ತಂಡವನ್ನು ಮೇಲುತ್ತುವ ಪ್ರಯತ್ನ ಮಾಡಿದರು. ಆದರೆ, ಇವರ ಜೊತೆಯಾಟ ಹೆಚ್ಚು ಸಮಯ ನಡೆಯಲಿಲ್ಲ. ಮೂರನೇ ವಿಕೆಟ್​ಗೆ 52 ರನ್​ ಸೇರಿಸಿ ತಂಡಕ್ಕೆ ನೆರವಾದಈ ಜೋಡಿ ಪೈಕಿ ರೂಟ್​(23), ಅಲ್ಜಾರಿ ಜೋಸೆಫ್​ ಬೌಲಿಂಗ್​ನಲ್ಲಿ ವಿಂಡೀಸ್​ ನಾಯಕ ಜೇಸನ್​ ಹೋಲ್ಡರ್​ಗೆ ಕ್ಯಾಚ್​ ನೀಡಿ ನಿರ್ಗಮಿಸಿದರು.

    ಕೊರೋನಾ ನಿಯಮ ಉಲ್ಲಂಘನೆ: ತಂಡದಿಂದ ಜೋಫ್ರಾ ಆರ್ಚರ್ ಔಟ್..!

    ಈ ಸಂದರ್ಭ ಒಂದಾದ ಆಲ್​ರೌಂಡರ್​ ಬೆನ್​ ಸ್ಟೋಕ್ಸ್​ ಹಾಗೂ ಡೊಮಿನಿಕ್ ಎಚ್ಚರಿಕೆಯ ಆಟಕ್ಕೆ ಮುಂದಾದರು. ಸದ್ಯ ನಾಲ್ಕನೇ ವಿಕೆಟ್​ಗೆ 126 ರನ್​ ಸೇರಿಸಿ ಎರಡನೇ ದಿನಕ್ಕೆ ಬ್ಯಾಟಿಂಗ್​ ಕಾಯ್ದುಕೊಂಡಿದ್ದಾರೆ. ವಿಂಡೀಸ್​ ಪರ ಸ್ಪಿನ್ನರ್​ ರೋಸ್ಟನ್​ ಚೇಸ್ 2 ಹಾಗೂ ಅಲ್ಜಾರಿ ಜೋಸೆಫ್ ಒಂದು ವಿಕೆಟ್​ ಪಡೆದಿದ್ದಾರೆ. ಸ್ಟೋಕ್ಸ್​ 59 ಹಾಗೂ ಡೊಮಿನಿಕ್ 86 ರನ್ ಗಳಿಸಿ ಕ್ರೀಸ್​ನಲ್ಲಿದ್ದಾರೆ.

    ಮೂರು ಪಂದ್ಯಗಳ ಟೆಸ್ಟ್​ ಸರಣಿಯ ಮೊದಲ ಪಂದ್ಯ​ ಗೆದ್ದಿರುವ ಕೆರಿಬಿಯನ್ನರು ಸರಣಿ ಗೆಲುವಿನ ವಿಶ್ವಾಸದಲ್ಲಿದ್ದರೆ, ಆಂಗ್ಲರು ಈ ಪಂದ್ಯವನ್ನು ಗೆಲ್ಲಲೇಬೇಕಾದ ಒತ್ತಡದಲ್ಲಿದ್ದಾರೆ.
    Published by:Vinay Bhat
    First published: