VIDEO: ಅಂಪೈರ್ ವಿವಾದಾತ್ಮಕ ತೀರ್ಪು: ಔಟಾದ ಬಳಿಕ ಬ್ಯಾಟ್​ ಬೀಸಿ ಆಕ್ರೋಶ ವ್ಯಕ್ತಪಡಿಸಿದ ರಾಯ್..!

ವಿಶ್ವಕಪ್​ನ ಎರಡನೇ ಸೆಮಿ ಫೈನಲ್​ನಲ್ಲಿ ಬಲಿಷ್ಠ ಆಸ್ಟ್ರೇಲಿಯಾ ತಂಡವನ್ನು ಬಗ್ಗು ಬಡಿಯುವಲ್ಲಿ ಪ್ರಮುಖ ಪಾತ್ರವಹಿಸಿದ್ದು ಜೇಸನ್ ರಾಯ್. ಇಂಗ್ಲೆಂಡ್ ತಂಡದ ಆಕ್ರಮಣಕಾರಿ ಆರಂಭಿಕ ಆಸೀಸ್​ ಬೌಲರುಗಳನ್ನು ಮನಸೋ ಇಚ್ಛೆ ದಂಡಿಸಿದ್ದರು. ಇನ್ನೇನು ಪ್ರಮುಖ ಪಂದ್ಯದಲ್ಲಿ ಶತಕ ಸಿಡಿಸುವತ್ತ ದಾಪುಗಾಲಿಟ್ಟಿದ್ದರು.

5 ಭರ್ಜರಿ ಸಿಕ್ಸರ್​ ಹಾಗೂ 9 ಸೂಪರ್ ಫೋರ್​ಗಳಿಂದ 65 ಎಸೆತಗಳಲ್ಲಿ 85 ಬಾರಿಸಿದ್ದ ರಾಯ್​ ಅಂಪೈರ್​ ನೀಡಿದ ಕೆಟ್ಟ ತೀರ್ಪಿನಿಂದ ಶತಕ ವಂಚಿತರಾದರು. ಪ್ಯಾಟ್​ ಕಮ್ಮಿನ್ಸ್​ ಅವರ ಬೌನ್ಸರ್​​ ಎಸೆತವು ಲೆಗ್​ ಸೈಡ್​ ಮೂಲಕ ಕೀಪರ್​ ಕ್ಯಾರಿ ಕೈ ಸೇರಿತ್ತು.

ಈ ವೇಳೆ ಆಸೀಸ್ ಆಟಗಾರರು  ಬಲವಾದ ಮನವಿ ಸಲ್ಲಿಸಿದರು. ಈ ಮನವಿಯಿಂದ ಗೊಂದಲಕ್ಕೆ ಒಳಗಾದ ಅಂಪೈರ್ ಕುಮಾರ್ ಧರ್ಮಸೇನಾ ಮೊದಲು ಔಟ್​ ನೀಡಲು ಮುಂದಾಗಿರಲಿಲ್ಲ. ಆದರೆ ಇದಕ್ಕಿದ್ದಂತೆ ಕೈ ಮೇಲೆತ್ತುವ ಮೂಲಕ  ಔಟ್ ನೀಡಿದ್ದರು.

ಆದರೆ ಅಂಪೈರ್ ನೀಡಿದ ತೀರ್ಪಿನಿಂದ ರಾಯ್​ ಕುಪಿತಗೊಂಡಿದ್ದರು. ಈ ತೀರ್ಪಿನ ವಿರುದ್ಧ ಮೈದಾನದಲ್ಲಿ ಆಕ್ರೋಶ ವ್ಯಕ್ತಪಡಿಸಿದರು. ಹಾಗೆಯೇ ರಿಪ್ಲೇನಲ್ಲಿ ಸಹ ಚೆಂಡು ಬ್ಯಾಟ್​ನಿಂದ ಬಲುದೂರದಲ್ಲಿರುವುದು ಕಂಡು ಬಂತು. ಆದರೆ ಇಂಗ್ಲೆಂಡ್ ಬಳಿ ಡಿಆರ್‌ಎಸ್ ಆಯ್ಕೆಯು ಇಲ್ಲದಿದ್ದರಿಂದ ರಾಯ್ ಕ್ರೀಸ್ ತೊರೆಯುವುದು ಅನಿವಾರ್ಯವಾಯಿತು.

Pat Cummins and Mitchell Starc claimed the only wickets for Australia on a disappointing afternoon for the defending champs at Edgbaston.

See them here 👇#CmonAussie | #CWC19 pic.twitter.com/NvkxNODwiE

— ICC (@ICC) July 11, 2019

ಇದರಿಂದ ಅಂಪೈರ್ ಮೇಲೆ ಸಿಟ್ಟುಗೊಂಡ ಜೇಸನ್ ಕೋಪದಿಂದಲೇ ಗುನುಗುತ್ತಾ ಮೈದಾನವನ್ನು ತೊರೆದರು. ಅಲ್ಲದೆ ಪೆವಿಲಿಯನ್​ನಲ್ಲೂ ಬ್ಯಾಟ್​ ಮೂಲಕ ಆಕ್ರೋಶ ವ್ಯಕ್ತಪಡಿಸಿದರು. ಇದೀಗ ಅಂಪೈರ್ ತೀರ್ಪನ್ನು ಗೌರವಿಸದೇ ಮೈದಾನದಲ್ಲೇ ವಾದ ಮಾಡಿರುವ ರಾಯ್ ಮೇಲೆ ದಂಡ ವಿಧಿಸುವ ಸಾಧ್ಯತೆಯಿದೆ.

Jason Roy on his way to the dressing room after his controversial out. Watch till the end #ENGvAUS #CWC2019 #JasonRoy #1992MeinBhi pic.twitter.com/GHYkgMd2KF

— Raza Goraya (@MRazaGoraya) July 11, 2019