ಐರ್ಲೆಂಡ್‌ ವಿರುದ್ಧ ಟೆಸ್ಟ್ ಪಂದ್ಯ; ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ಕೇವಲ 100 ರನ್ ಗೂ ಮುನ್ನವೇ ಆಲೌಟ್

2019ರ ವಿಶ್ವ ಚಾಂಪಿಯನ್​ ಪಟ್ಟ ಮುಡಿಗೇರಿಸಿಕೊಂಡ ಇಂಗ್ಲೆಂಡ್​ ತಂಡ ಐರ್ಲೆಂಡ್​ ವಿರುದ್ಧದ ಟೆಸ್ಟ್​ ಪಂದ್ಯದಲ್ಲಿ 85 ರನ್​ಗಳಿಗೆ ಆಲ್​ ಔಟ್​ ಆಗಿದೆ. ಲಂಡನ್​ನ ಲಾಡ್ಸ್​ ಮೈದಾನದಲ್ಲಿ ನಡೆಯುತ್ತಿರುವ ಟೆಸ್ಟ್​ ಪಂದ್ಯದಲ್ಲಿ ಆಂಗ್ಲರು 23.4 ಓವರ್​ಗಳಿಗೆ ವಿಕೆಟ್​ ಒಪ್ಪಿಸುವ ಮೂಲಕ ಹೀನಾಯ ಪ್ರದರ್ಶನ ತೋರಿಸಿದ್ದಾರೆ.

ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡ ಇಂಗ್ಲೆಂಡ್​ ಕೇವಲ 23.4 ಓವರ್​ಗಳಿಗೆ 85 ರನ್​ಗಳಿಸುವ ಮೂಲಕ ವಿಕೆಟ್​ ಒಪ್ಪಿಸಿದ್ದಾರೆ. ಇಂಗ್ಲೆಂಡ್​ ಪರ ಇನ್ನಿಂಗ್ಸ್​ ಆರಂಭಿಸಿದ ರೋನಿ ಬನ್ರ್ಸ್​6, ಜೇಸನ್​ ರಾಯ್​​ 5 ರನ್​ ಗಳಿಗೆ ವಿಕೆಟ್​ ಒಪ್ಪಿಸುವ ಮೂಲಕ ಕಳಪೆ ಪ್ರದರ್ಶನ ನೀಡಿದ್ದಾರೆ. ನಂತರ ಬಂದ ಜೋ ಡೆನ್ಸಿ 23 ರನ್​ಗಳಿಸಿ ಔಟಾದರೆ, ನಾಯಕ ರೂಟ್​ 2 ರನ್​​ಗೆ ಸೀಮಿತವಾದರು. ಬೈಸ್ಟೋವ್​, ಮೊಯಿನ್​ ಅಲಿ, ಕ್ರಿಸ್​ ವೋಕ್ಸ್​ ಸೊನ್ನೆಗೆ ವಿಕೆಟ್​ ಒಪ್ಪಿಸಿದ್ದಾರೆ. ಆಲ್​ರೌಂಡರ್​ ಸ್ಯಾಮ್​ ಕರ್ರನ್​ 18, ಸ್ಟುವರ್ಟ್​ ಬ್ರಾಡ್ ​3, ಒಲ್ಲಿ ಸ್ಟೋನ್​ 19 ರನ್​ಗೆ ವಿಕೆಟ್​ ಒಪ್ಪಿಸಿದ್ದಾರೆ.

 

85 ALL OUT!

It's been a dreamlike morning for Ireland. Five wickets for the brilliant Murtagh, three for Adair and Rankin with two.

FOLLOW #ENGvIRE 👇 https://t.co/fyHbjx2IoF pic.twitter.com/qNVtXl40VX

— ICC (@ICC) July 24, 2019

ಇನ್ನು ಐರ್ಲೆಂಡ್​ ತಂಡ ಟೀಮ್​ ಮುಟರ್ಗ್ ಎಸೆತದಲ್ಲಿ ಇಂಗ್ಲೆಂಡ್​ ತಂಡಕ್ಕೆ 13 ರನ್​ ನೀಡಿ 5 ವಿಕೆಟ್​ಗಳಿಸಿಕೊಂಡರು. ಮಾರ್ಕ್​ ಅದೈರ್​ 32 ರನ್​ಗೆ 3 ವಿಕೆಟ್​​ ಹಾಗೂ ರಂಕಿನ್​ 2 ವಿಕೆಟ್​ ಕಬಳಿಸುವುದರ ಮೂಲಕ ಇಂಗ್ಲೆಂಡ್​ ತಂಡದ ಸರ್ವ ಪತನಕ್ಕೆ ಕಾರಣರಾದರು.