HOME » NEWS » Sports » CRICKET DEVDUTT PADIKKAL LIKELY TO BE IN RCB PLAYING XI AGAINST SRH IN IPL 6TH GAME SNVS

RCB vs SRH - ಇಂದು ಆರ್​ಸಿಬಿ-ಹೈದರಾಬಾದ್ ಪಂದ್ಯ: ಯಾರ ಬದಲು ಆಡುತ್ತಾರೆ ದೇವದತ್ ಪಡಿಕ್ಕಲ್?

IPL 2021 - ಚೆನ್ನೈನಲ್ಲಿ ಸಂಜೆ 7:30ಕ್ಕೆ ಪ್ರಾರಂಭವಾಗಲಿರುವ ಐಪಿಎಲ್ ಆರನೇ ಪಂದ್ಯದಲ್ಲಿ ಬೆಂಗಳೂರು ಮತ್ತು ಹೈದರಾಬಾದ್ ಮುಖಾಮುಖಿಯಾಗಲಿವೆ. ದೇವದತ್ ಪಡಿಕ್ಕಲ್ ಅವರು ಆರ್​ಸಿಬಿ ಬ್ಯಾಟಿಂಗ್​ಗೆ ಇನ್ನಷ್ಟು ಶಕ್ತಿ ತುಂಬಲಿದ್ದಾರೆ.

cricketnext
Updated:April 14, 2021, 11:57 AM IST
RCB vs SRH - ಇಂದು ಆರ್​ಸಿಬಿ-ಹೈದರಾಬಾದ್ ಪಂದ್ಯ: ಯಾರ ಬದಲು ಆಡುತ್ತಾರೆ ದೇವದತ್ ಪಡಿಕ್ಕಲ್?
RCB
  • Cricketnext
  • Last Updated: April 14, 2021, 11:57 AM IST
  • Share this:
ಚೆನ್ನೈ(ಏ. 14): ಈ ಬಾರಿಯ ಐಪಿಎಲ್ ಸೀಸನ್​ನ ಟೂರ್ನಿ ರೋಚಕವಾಗಿರುವುದಕ್ಕೆ ಮೊದಲ ಐದು ಪಂದ್ಯಗಳೇ ನಿದರ್ಶನವಾಗಿವೆ. ಡಿಫೆಂಡಿಂಗ್ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ತಂಡವನ್ನ ಮೊದಲ ಪಂದ್ಯದಲ್ಲಿ ಸೋಲಿಸಿ ಗಮನ ಸೆಳೆದಿರುವ ಆರ್​ಸಿಬಿ ತಂಡ ಇದೀಗ ತನ್ನ ಎರಡನೇ ಪಂದ್ಯದಲ್ಲಿ ಹೈದರಾಬಾದ್ ಸನ್ ರೈಸರ್ಸ್ ತಂಡದ ಸವಾಲು ಎದುರಿಸಲಿದೆ. ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧ ಗೆಲುವಿನ ಹೊಸ್ತಿಲಿಗೆ ಹೋಗಿ ಎಡವಿದ ಹೈದರಾಬಾದ್ ತಂಡ ಈಗ ಗಾಯಗೊಂಡ ಹುಲಿಯಂತಾಗಿದೆ. ಹೊಸ ಹುರುಪಿನಲ್ಲಿರುವ ಆರ್​ಸಿಬಿ ಮತ್ತು ಗಾಯಗೊಂಡ ಹುಲಿಯಂತಿರುವ ಎಸ್​ಆರ್​ಎಚ್ ನಡುವೆ ಇಂದು ಚೆನ್ನೈನಲ್ಲಿ ನಡೆಯಿರುವ ಐಪಿಎಲ್​ನ ಆರನೇ ಪಂದ್ಯ ರೋಚಕವಾಗಿರುವುದರಲ್ಲಿ ಸಂಶಯವೇ ಇಲ್ಲ.

ಈ ಪಂದ್ಯದಲ್ಲಿ ಕರ್ನಾಟಕದ ಕ್ರಿಕೆಟ್ ಅಭಿಮಾನಿಗಳ ಕಣ್ಣು ಇಬ್ಬರು ಕನ್ನಡಿಗರ ಮೇಲೆ ನೆಟ್ಟಿರಲಿದೆ. ಸನ್​ರೈಸರ್ಸ್ ಹೈದರಾಬಾದ್ ತಂಡದ ಮನೀಶ್ ಪಾಂಡೆ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಅಜೇಯ 61 ರನ್ ಗಳಿಸಿದ್ದರು. ಕೊನೆಯವರೆಗೂ ಕ್ರೀಸ್​ನಲ್ಲಿದ್ದ ಅವರು ತಂಡವನ್ನು ಗೆಲುವಿನ ದಡ ಮುಟ್ಟಿಸಲು ವಿಫಲರಾಗಿ ನಿರಾಶೆ ಮೂಡಿಸಿದ್ದರು. ಆ ನಿರಾಸೆ ಹೋಗಲಾಡಿಸುವ ಅವಕಾಶ ಅವರಿಗೆ ಸಿಕ್ಕಿದೆ. ಇನ್ನು, ಹೈದರಾಬಾದ್ ತಂಡದ ನಾಯಕ ಡೇವಿಡ್ ವಾರ್ನರ್ ಮೊದಲ ಪಂದ್ಯದಲ್ಲಿ ಸಿಡಿಯಲಿಲ್ಲ. ಅವರಿಂದ ಭರ್ಜರಿ ಆಟ ಸಿಕ್ಕರೆ ಎಸ್​ಆರ್​ಎಚ್ ಬ್ಯಾಟಿಂಗ್​ಗೆ ಆನೆಬಲ ಬಂದಂತಾಗುತ್ತದೆ. ಭುವನೇಶ್ವರ್ ಕುಮಾರ್, ಟಿ ನಟರಾಜನ್, ರಷೀದ್ ಖಾನ್, ಮೊಹಮ್ಮದ್ ನಬಿ, ಸಂದೀಪ್ ಶರ್ಮಾ ಅವರಿರುವ ಹೈದರಾಬಾದ್ ಬೌಲಿಂಗ್ ಪಡೆ ಈ ಐಪಿಎಲ್​ನಲ್ಲಿ ಅತ್ಯಂತ ಪ್ರಬಲ ಬೌಲಿಂಗ್ ಪಡಗಳಲ್ಲಿ ಒಂದೆನೆಸಿದೆ.

ಇದನ್ನೂ ಓದಿ: IPL 2021, KKR vs MI: ಮುಂಬೈ ಬೌಲರುಗಳ ಪರಾಕ್ರಮ: ಕೆಕೆಆರ್​ಗೆ ಸೋಲು..!

ಆರ್​ಸಿಬಿ ತಂಡದಲ್ಲಿ ಇವತ್ತಿನ ಪಂದ್ಯಕ್ಕೆ ಒಂದು ಬದಲಾವಣೆ ಆಗುವ ನಿರೀಕ್ಷೆ ಇದೆ. ಕೋವಿಡ್ ಕಾರಣಕ್ಕೆ ಮೊದಲ ಪಂದ್ಯದಲ್ಲಿ ಆಡಲು ಸಾಧ್ಯವಾಗದಿದ್ದ ದೇವದತ್ ಪಡಿಕ್ಕಲ್ ಈ ಎರಡನೇ ಪಂದ್ಯದಲ್ಲಿ ತಂಡಕ್ಕೆ ಬಲ ನೀಡುವ ಸಾಧ್ಯತೆ ಇದೆ. ಆದರೆ, ಯಾರ ಬದಲು ಆಡುತ್ತಾರೆ ಎಂಬುದು ಪ್ರಶ್ನೆ. ರಜತ್ ಪಾಟೀದಾರ್ ಅಥವಾ ಶಹಬಾಜ್ ಅಹ್ಮದ್ ಅವರಲ್ಲೊಬ್ಬರು ತಂಡದಿಂದ ಹೊರಗುಳಿಯಬೇಕಾಗುತ್ತದೆ. ಆದರೆ, ಆರ್​ಸಿಬಿ ತಂಡದಲ್ಲಿ ಬೌಲರ್​ಗಳ ಸಂಖ್ಯೆ ಹೆಚ್ಚಿದ್ದು, ಶಹಬಾಜ್ ಅಹ್ಮದ್ ಅವರ ಬದಲು ದೇವದತ್ ಪಡಿಕ್ಕಲ್ ಆಡಬಹುದು ಎನ್ನಲಾಗುತ್ತಿದೆ.

ಆರ್​ಸಿಬಿ ತಂಡದ ಬ್ಯಾಟಿಂಗ್ ಎಂದಿನಂತೆ ವಿರಾಟ್ ಕೊಹ್ಲಿ ಮತ್ತು ಎಬಿ ಡೀವಿಲಿಯರ್ಸ್ ಅವರನ್ನ ಹೆಚ್ಚಾಗಿ ನೆಚ್ಚಿಕೊಂಡಿದೆ. ಈಗ ದೇವದತ್ ಪಡಿಕ್ಕಲ್ ಆಗಮಿಸಿ ಸಿಡಿದಲ್ಲಿ ಬೆಂಗಳೂರಿಗೆ ಪ್ಲಸ್ ಪಾಯಿಂಟ್. ಗ್ಲೆನ್ ಮ್ಯಾಕ್ಸ್​ವೆಲ್, ವಾಷಿಂಗ್ಟನ್ ಸುಂದರ್, ಡೇನಿಯಲ್ ಕ್ರಿಸ್ಟಿಯನ್ ಅವರೂ ಕೂಡ ಫಾರ್ಮ್ ಕಂಡುಕೊಂಡರೆ ಆರ್​ಸಿಬಿ ಬ್ಯಾಟಿಂಗ್ ಬಲಿಷ್ಠವಾಗಿರಲಿದೆ. ಮ್ಯಾಕ್ಸ್​ವೆಲ್ ಅವರೂ ಕೂಡ ಗೇಮ್ ಚೇಂಜರ್ ಆಗುವ ಸಾಮರ್ಥ್ಯ ಹೊಂದಿದ್ದಾರೆ.

ಬೆಂಗಳೂರು ತಂಡದ ಬೌಲಿಂಗ್ ಕೂಡ ಉತ್ತಮ ಸಾಮರ್ಥ್ಯದಿಂದ ಕೂಡಿದೆ. ಮೊಹಮ್ಮದ್ ಸಿರಾಜ್, ಯುಜವೇಂದ್ರ ಚಹಲ್, ಕೈಲೆ ಜೇಮಿಸನ್, ಹರ್ಷಲ್ ಪಟೇಲ್ ಅವರು ಆರ್​ಸಿಬಿಗೆ ಬಲ ಒದಗಿಸಿದ್ದಾರೆ. ಡೇನಿಯಲ್ ಕ್ರಿಸ್ಟಿಯನ್, ವಾಷಿಂಗ್ಟನ್ ಸುಂದರ್ ಕೂಡ ತಂಡದ ಬೌಲಿಂಗ್ ಆಯ್ಕೆಗಳಲ್ಲಿ ಇದ್ದಾರೆ.

ಈ ಐಪಿಎಲ್ ಋತುವಿನಲ್ಲಿ ಚೆನ್ನೈನಲ್ಲಿ ನಡೆಯುತ್ತಿರುವ ನಾಲ್ಕನೇ ಪಂದ್ಯ ಇದಾಗಿದ್ದು ರಾತ್ರಿ 7:30ಕ್ಕೆ ಪ್ರಾರಂಭವಾಗಲಿದೆ. ಈವರೆಗಿನ ಮೂರು ಪಂದ್ಯಗಳಲ್ಲಿ ಇಲ್ಲಿ ದಾಖಲಾದ ಗರಿಷ್ಠ ಸ್ಕೋರು 187 ರನ್ ಆಗಿದೆ.ಇದನ್ನೂ ಓದಿ: IPL 2021: SRH ಸೋಲಿಗೆ ಮನೀಷ್ ಪಾಂಡೆ ಬ್ಯಾಟಿಂಗ್ ಕಾರಣ ಎಂದ ಸೆಹ್ವಾಗ್..!

ಆಡಲಿರುವ ಸಂಭಾವ್ಯ ತಂಡಗಳು:

ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡ: ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ರಜತ್ ಪಾಟೀದಾರ್, ಗ್ಲೆನ್ ಮ್ಯಾಕ್ಸ್​​ವೆಲ್, ಎಬಿ ಡೀವಿಲಿಯರ್ಸ್, ಡೇನಿಯಲ್ ಕ್ರಿಸ್ಟಿಯನ್, ವಾಷಿಂಗ್ಟನ್ ಸುಂದರ್, ಕೈಲ್ ಜೇಮೀಸನ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಯುಜವೇಂದ್ರ ಚಹಲ್

ಹೈದರಾಬಾದ್ ಸನ್ ರೈಸರ್ಸ್ ತಂಡ: ಡೇವಿಡ್ ವಾರ್ನರ್, ವೃದ್ಧಿಮಾನ್ ಸಾಹಾ, ಮನೀಶ್ ಪಾಂಡೆ, ಜಾನಿ ಬೇರ್​ಸ್ಟೋ, ವಿಜಯ್ ಶಂಕರ್, ಮೊಹಮ್ಮದ್ ನಬಿ, ಅಬ್ದುಲ್ ಸಮದ್, ರಷೀದ್ ಖಾನ್, ಭುವನೇಶ್ವರ್ ಕುಮಾರ್, ಸಂದೀಪ್ ಶರ್ಮಾ, ಟಿ ನಟರಾಜನ್
Published by: Vijayasarthy SN
First published: April 14, 2021, 11:57 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories