Video Viral: ನೀರು ಕುಡಿಯಿರಿ ಎಂದ ರೊನಾಲ್ಡೊ; ಕೋಕಾಕೋಲಾ ಕಂಪನಿಗೆ 30 ಸಾವಿರ ಕೋಟಿ ನಷ್ಟ!

ಜನಪ್ರಿಯ ಪಾನೀಯ ಕಂಪನಿಯೊಂದು ಸ್ಟಾರ್​ ಆಟಗಾರನ ಮಾತಿನಿಂದಾಗಿ 30 ಕೋಟಿ ನಷ್ಟ ಅನುಭವಿಸಿದೆ ಎಂದರೆ ನಂಬುತ್ತೀರಾ?. ಹೌದು, ನಂಬಲೇಬೇಕು!. ಕ್ರಿಸ್ಚಿಯಾನೊ ರೊನಾಲ್ಡೊ ಅವರು ಯುರೋ ಕಪ್​ 2020 ವೇಳೆಯಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಭಾಗವಹಿಸಿದ್ದರು. ಈ ವೇಳೆ ಟೇಬಲ್​ ಮೇಲಿದ್ದ ಕೋಕಾಕೋಲಾ ಬಾಟಲಿ ಬದಿಗೆ ಸರಿಸಿ ಅಲ್ಲಿದ್ದ ನೀರು ಬಾಟಲಿಯನ್ನು ಕೈಯಲ್ಲಿ ಹಿಡಿದುಕೊಂಡು ಇದನ್ನು ಕುಡಿಯಿರಿ ಎಂದಿದ್ದಾರೆ. ಇದರಿಂದಾಗಿ ಕೋಕಾಕೋಲಾ  ಕಂಪನಿ 30 ಕೋಟಿ ನಷ್ಟವನ್ನು ಅನುಭವಿಸಿದೆ.

ಮಂಗಳವಾರದಂದು ಪೋರ್ಚುಗಲ್​ ಮತ್ತು ಹಂಗರಿ ತಂಡದ ನಡುವೆ ಪಂದ್ಯಾಟ ಏರ್ಪಡಿಸಲಾಗಿತ್ತು. ಪಂದ್ಯಕ್ಕೂ ಮುನ್ನ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ನೀರಿನ ಬಾಟಲಿಯನ್ನು ಕೈಯಲ್ಲಿ ಹಿಡಿದುಕೊಂಡು ಬಾಯಾರಿಕೆಯಾದರೆ ನೀರು ಕುಡಿಯರಿ. ಕಾರ್ಬೋನೇಟೆಡ್​ ಮಿಶ್ರಣದ ಡ್ರಿಂಗ್ಸ್​​ ಆರೋಗ್ಯಕ್ಕೆ​ ಒಳ್ಳೆಯದಲ್ಲ  ಎಂದು ಹೇಳಿದ್ದಾರೆ.

ರೊನಾಲ್ಡೊ ಹೇಳಿದ ಒಂದು ಮಾತಿಗೆ ಕೋಕಾಕೋಲಾ ಕಂಪನಿ ಶೇರ್​ ಮಾರುಕಟ್ಟೆ ದಿಢೀರ್​ ಕುಸಿದಿದೆ. ಬರೋಬ್ಬರಿ 2 ಬಿಲಿಯನ್​ ನಷ್ಟ ಅನುಭವಿಸಿದೆ.

Do NOT put Coca Cola in front of Cristiano Ronaldo 😠

This is absolutely brilliant 🤣 pic.twitter.com/bw9FYlTOI4

— Goal (@goal) June 15, 2021

ಫ್ರಾನ್ಸ್​ ಮೂಲಕ ಸ್ಟಾರ್​ ಆಟಗಾರ ಪೌಲ್​​ ಪೊಗ್ಬಾ ಕೂಡ ಪತ್ರಿಕಾಗೋಷ್ಠಿ ವೇಲೆ ಟೇಬಲ್​ ಮೇಲಿದ್ದಾ Heineken ಹೆಸರಿನ ಬೀರ್​ ಬಾಟಲಿಯನ್ನು ಬದಿಗೆ ಸರಿಸಿದ್ದಾರೆ. ಇದರಿಂದಾಗಿಗೂ ಈ ಬೀರ್​ ಕಂಪನಿಗೆ ನಷ್ಟ ಉಂಟಾಗಿದೆ.

ಸಾಕಷ್ಟು ಜನರು ಸೆಲೆಬ್ರಿಟಿಗಳು ಮತ್ತು ಅವರು ಅನುಸರಿಸುವ, ಪ್ರಚಾರ ಮಾಡುವ ಬ್ರಾಂಡ್​ಗಳ ಮೊರೆ ಹೋಗಿರುತ್ತಾರೆ. ಸೆಲೆಬ್ರಿಟಿ ಬಳಸಿದ ಬ್ರಾಂಡ್ ಬಳಸಲು ಮುಂದಾಗುತ್ತಾರೆ. ಕೋಕಾಕೋಲಾ ಕಂಪನಿ ಕೂಡ ಅಷ್ಟೇ ತನ್ನ ಪ್ರಚಾರಕ್ಕಾಗಿ, ಮಾರುಕಟ್ಟೆಯಲ್ಲಿ ಸ್ಥಾನ ಗಿಟ್ಟಿಸಲು ನಾನಾ ಸ್ಟಾರ್​ ಆಟಗಾರರನ್ನು, ಸೆಲೆಬ್ರಿಟಿಗಳನ್ನು ಬಳಸಿಕೊಂಡಿದೆ. ಇದೀಗ ಸ್ಟಾರ್​ ಆಟಗಾರನ ಒಂದೇ ಒಂದು ಮಾತಿನಿಂದಾಗಿ ಈ ಪಾನೀಯ ಕಂಪನಿಯ ಮಾರುಕಟ್ಟೆ ದಿಢೀರ್​ ಕುಸಿದಿದೆ.