Cricket Records- ಓವಲ್ ಪಂದ್ಯದಲ್ಲಿ ಬಂದ ಬುಮ್ರಾ, ಕೊಹ್ಲಿ, ರೋಹಿತ್ ದಾಖಲೆಗಳು

India vs England The Oval Test- ರೋಹಿತ್ ಶರ್ಮಾ ಟೆಸ್ಟ್ ಕ್ರಿಕೆಟ್​ನಲ್ಲಿ ಗಳಿಸಿದ ಎಲ್ಲಾ 8 ಶತಕಗಳೂ ಭಾರತಕ್ಕೆ ಗೆಲುವು ತಂದುಕೊಟ್ಟಿವೆ. ಇದು ವಿಶ್ವದಾಖಲೆಯಾಗಿದೆ. ಬುಮ್ರಾ ಅತಿ ಕಡಿಮೆ ಪಂದ್ಯಗಳಲ್ಲಿ 100 ವಿಕೆಟ್ ಪಡೆದ ಭಾರತೀಯ ಬೌಲರ್ ಎನಿಸಿದ್ದಾರೆ. ಇಂಥ ಕೆಲ ದಾಖಲೆಗಳು ಇಲ್ಲಿವೆ.

ಭಾರತ ಟೆಸ್ಟ್ ಕ್ರಿಕೆಟ್ ಆಟಗಾರರು

ಭಾರತ ಟೆಸ್ಟ್ ಕ್ರಿಕೆಟ್ ಆಟಗಾರರು

  • Cricketnext
  • Last Updated :
  • Share this:
    ಬೆಂಗಳೂರು: ಇಂಗ್ಲೆಂಡ್​ನಲ್ಲಿ ನಡೆಯುತ್ತಿರುವ 5 ಪಂದ್ಯಗಳ ಟೆಸ್ಟ್ ಸರಣಿಯ ನಾಲ್ಕನೇ ಪಂದ್ಯವನ್ನ ಭಾರತ ಗೆದ್ದಿದೆ. ಈ ಮೂಲಕ ಸರಣಿಯಲ್ಲಿ 2-1 ಮುನ್ನಡೆ ಪಡೆದಿದೆ. ನಿನ್ನೆ ಮುಕ್ತಾಯಗೊಂಡ ರೋಚಕ ಹಣಾಹಣಿಯಲ್ಲಿ ಭಾರತಕ್ಕೆ 157 ರನ್​ಗಳ ಭರ್ಜರಿ ಗೆಲುವು ಸಿಕ್ಕಿತು. ಬೌಲರ್​ಗಳಿಗೆ ಅಸಹಕಾರಿಯಾಗಿದ್ದ ಪಿಚ್​ನಲ್ಲೂ ಭಾರತದ ಬೌಲರ್​ಗಳು ಅದ್ಭುತ ಪ್ರದರ್ಶನ ನೀಡಿ ಇಂಗ್ಲೆಂಡ್ ಬ್ಯಾಟುಗಾರರನ್ನ ಆಲೌಟ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ರೋಹಿತ್ ಶರ್ಮಾ ಮತ್ತು ಶಾರ್ದೂಲ್ ಠಾಕೂರ್ ಈ ಪಂದ್ಯದ ಹೀರೋಗಳಾದರೂ ಬೌಲರ್​ಗಳ ಪಾತ್ರವೂ ನಿರ್ಣಾಯಕವೇ.

    ಪಂದ್ಯದ ಕೊನೆಯ ದಿನ ಹಲವು ದಾಖಲೆ, ಮೈಲಿಗಲ್ಲು ಮತ್ತು ಸಾಧನೆಗಳು ಬಂದಿವೆ. ಅಂಥ ಕೆಲವು ಇಲ್ಲಿವೆ:

    * ವಿದೇಶೀ ಪಿಚ್​ಗಳಲ್ಲಿ ಮೊದಲ ಇನ್ನಿಂಗ್ಸಲ್ಲಿ 200ಕ್ಕೂ ಕಡಿಮೆ ರನ್ ಗಳಿಸಿಯೂ ಭಾರತ ಟೆಸ್ಟ್ ಪಂದ್ಯ ಗೆದ್ದದ್ದು ಇದು ಎರಡನೇ ಬಾರಿ. 2018ರಲ್ಲಿ ಜೋಹಾನ್ಸ್​ಬರ್ಗ್​ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಮೊದಲ ಇನ್ನಿಂಗ್ಸಲ್ಲಿ 187 ರನ್ ಗಳಿಸಿದರೂ ಪಂದ್ಯ ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು.

    * ದಿ ಓವಲ್ ಮೈದಾನದಲ್ಲಿ ಭಾರತಕ್ಕೆ ಸಿಕ್ಕ ಎರಡನೇ ಟೆಸ್ಟ್ ಗೆಲುವು ಇದು. 1971ರಲ್ಲಿ ಇಲ್ಲಿ ಭಾರತ ಮೊದಲ ಬಾರಿಗೆ ರೋಚಕ ಗೆಲುವು ಸಾಧಿಸಿತ್ತು. ಒಟ್ಟು 14 ಪಂದ್ಯಗಳನ್ನ ಭಾರತ ಈ ಮೈದಾನದಲ್ಲಿ ಆಡಿದೆ.

    * ವಿರಾಟ್ ಕೊಹ್ಲಿ ನೇತೃತ್ವದಲ್ಲಿ ಇಂಗ್ಲೆಂಡ್ ನೆಲದಲ್ಲಿ ಭಾರತ ತಂಡಕ್ಕೆ ಸಿಕ್ಕ 3ನೇ ಟೆಸ್ಟ್ ಗೆಲುವು ಇದು. ಈ ಸಾಧನೆ ಮಾಡಿದ ಏಕೈಕ ಭಾರತೀಯ ಕ್ಯಾಪ್ಟನ್ ವಿರಾಟ್ ಕೊಹ್ಲಿ. ಕಪಿಲ್ ದೇವ್ ಅವರ ನಾಯಕತ್ವದಲ್ಲಿ 2 ಟೆಸ್ಟ್ ಪಂದ್ಯಗಳನ್ನ ಇಲ್ಲಿ ಭಾರತ ಗೆದ್ದಿದೆ.

    ಇದನ್ನೂ ಓದಿ: India Vs England Test: ಇಂಗ್ಲೆಂಡ್​ ವಿರುದ್ಧ ಭಾರತಕ್ಕೆ ಭರ್ಜರಿ ಗೆಲುವು: ಓವಲ್​ನಲ್ಲಿ 157 ರನ್​ಗಳ ಜಯ

    * ಇಂಗ್ಲೆಂಡ್ ನೆಲದಲ್ಲಿ ನಡೆದ ಟೆಸ್ಟ್ ಸರಣಿಯೊಂದರಲ್ಲಿ ಒಂದಕ್ಕಿಂತ ಹೆಚ್ಚು ಪಂದ್ಯಗಳನ್ನ ಭಾರತ ಗೆದ್ದಿದ್ದು ಇದು ಎರಡನೇ ಬಾರಿ. 1986ರಲ್ಲಿ ಭಾರತ 2-0ಯಿಂದ ಟೆಸ್ಟ್ ಸರಣಿ ಗೆದ್ದಿತ್ತು.

    * ಇಂಗ್ಲೆಂಡ್ ತಂಡ 99ಕ್ಕೂ ಹೆಚ್ಚು ರನ್​ಗಳ ಮೊದಲ ಇನ್ನಿಂಗ್ಸ್ ಲೀಡ್ ಪಡೆದೂ ಟೆಸ್ಟ್ ಪಂದ್ಯ ಸೋತಿದ್ದು ಇದು ಆರನೇ ಬಾರಿ. ತವರಿನ ನೆಲದಲ್ಲಿ ಇದು ಎರಡನೇ ಬಾರಿ ಮಾತ್ರ.

    * ಜಸ್​​ಪ್ರೀತ್ ಬುಮ್ರಾ ಅತೀ ಕಡಿಮೆ ಪಂದ್ಯಗಳಲ್ಲಿ 100 ವಿಕೆಟ್ ಪಡೆದ ಭಾರತೀಯ ಬೌಲರ್ ಎಂಬ ದಾಖಲೆಗೆ ಬಾಜನರಾಗಿದ್ದಾರೆ. ಇವರು 24 ಟೆಸ್ಟ್ ಪಮದ್ಯಗಳಲ್ಲಿ 100 ವಿಕೆಟ್ ಪಡೆದಿದ್ದಾರೆ. ಕಪಿಲ್ ದೇವ್ ಅವರು 100 ವಿಕೆಟ್ ಪಡೆಯಲು 25 ಪಂದ್ಯಗಳನ್ನ ಆಡಬೇಕಾಯಿತು.

    * ರೋಹಿತ್ ಶರ್ಮಾ ಟೆಸ್ಟ್ ಕ್ರಿಕೆಟ್​ನಲ್ಲಿ ಗಳಿಸಿದ್ದು 8 ಶತಕ. ಇವರು ಶತಕ ಗಳಿಸಿದ ಟೆಸ್ಟ್ ಪಂದ್ಯಗಳೆಲ್ಲದರಲ್ಲೂ ಭಾರತ ಗೆದ್ದಿದೆ. ವಿಶ್ವದ ಬೇರೆ ಯಾವ ಆಟಗಾರನಿಗೂ ಈ ಶ್ರೇಯಸ್ಸು ಸಿಕ್ಕಿಲ್ಲ.

    ಇದನ್ನೂ ಓದಿ: Ind vs Eng- ಕಳೆದ 54 ವರ್ಷದಲ್ಲೇ ದಾಖಲೆ; 350ಕ್ಕಿಂತ ಹೆಚ್ಚು ರನ್ ಟಾರ್ಗೆಟ್ ಕೊಟ್ಟಾಗೆಲ್ಲಾ ಭಾರತ ಸೋತಿದ್ದಿಲ್ಲ

    * ಓವಲ್ ಟೆಸ್ಟ್​ನಲ್ಲಿ ಭಾರತದ ಬೌಲರ್​ಗಳು ಇಂಗ್ಲೆಂಡ್ ತಂಡದ ಬ್ಯಾಟುಗಾರರನ್ನ ಒಂಬತ್ತು ಬಾರಿ ಬೌಲ್ಡ್ ಔಟ್ ಆಗಿದ್ಧಾರೆ. ಇದು ದಾಖಲೆಯೇ. ಇಂಗ್ಲೆಂಡ್ ತಂಡಕ್ಕೂ ಇದು ಎರಡನೇ ಗರಿಷ್ಠವಾಗಿದೆ. 1994ರಲ್ಲಿ ವೆಸ್ಟ್ ಇಂಡೀಸ್ ಪ್ರವಾಸದ ವೇಳೆ ಒಂದು ಪಂದ್ಯದಲ್ಲಿ ಇಂಗ್ಲೆಂಡ್ ಬ್ಯಾಟುಗಾರರು 10 ಬಾರಿ ಬೌಲ್ಡ್ ಔಟ್ ಆಗಿದ್ದರು.

    * ಈ ಟೆಸ್ಟ್ ಸರಣಿಯ ಮೂರೂ ಪಂದ್ಯಗಳಲ್ಲಿ ಗೆದ್ದ ತಂಡಗಳು ಟಾಸ್ ಸೋತಿದ್ದವು. ಇಂಗ್ಲೆಂಡ್ ನೆಲದಲ್ಲಿ ಟೆಸ್ಟ್ ಸರಣಿಯಲ್ಲಿ ಟಾಸ್ ಸೋತ ತಂಡಗಳು ಹೆಚ್ಚು ಗೆಲುವು ಪಡೆದ ದಾಖಲೆ ಸ್ಥಾಪನೆಯಾಗಿದೆ. ಈ ಸರಣಿಯಲ್ಲಿ ಭಾರತ ಲಂಡನ್​ ಲಾರ್ಡ್ಸ್ ಮತ್ತು ದಿ ಓವಲ್ ಮೈದಾನದಲ್ಲಿ ನಡೆದ ಪಂದ್ಯಗಳನ್ನ ಭಾರತ ಗೆದ್ದಿದೆ. ಲೀಡ್ಸ್​ನಲ್ಲಿ ಭಾರತ ಟಾಸ್ ಗೆದ್ದಿಯೂ ಪಂದ್ಯ ಸೋತಿತ್ತು.
    Published by:Vijayasarthy SN
    First published: