(VIDEO): ಒಂದೇ ಕೈಯಲ್ಲಿ ಸಿಕ್ಸರ್​ಗಳ ಸುರಿಮಳೆ: ಮುಂಬೈ ಇಂಡಿಯನ್ಸ್ ಆಟಗಾರನಿಂದ ಸ್ಫೋಟಕ ಬ್ಯಾಟಿಂಗ್

ವೆಸ್ಟ್​ ಇಂಡೀಸ್​ನಲ್ಲಿ ನಡೆಯುತ್ತಿರುವ ಕೆರಿಬಿಯನ್ ಪ್ರೀಮಿಯರ್ ಲೀಗ್ 8ನೇ ಆವೃತ್ತಿ ದಿನದಿಂದ ದಿನಕ್ಕೆ ರೋಚಕತೆ ಪಡೆಯುತ್ತಿದೆ. ಅದರಲ್ಲೂ ಟ್ರಿನ್‌ಬಾಗೊ ನೈಟ್ ರೈಡರ್ಸ್‌ ತಂಡದ ನಾಯಕ, ಐಪಿಎಲ್​ನ ಮುಂಬೈ ಇಂಡಿಯನ್ಸ್ ಆಲ್​ರೌಂಡರ್ ಕೀರೊನ್ ಪೊಲಾರ್ಡ್ ಬಾರ್ಬಡೋಸ್ ಟ್ರೈಡೆಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ಈ ಮೂಲಕ ಕೆರಿಬಿಯನ್ ಲೀಗ್ 9ನೇ ಪಂದ್ಯದಲ್ಲಿ ಟ್ರಿನ್‌ಬಾಗೊ ನೈಟ್ ರೈಡರ್ಸ್‌ 19 ರನ್​ಗಳ ರೋಚಕ ಗೆಲುವು ಸಾಧಿಸಿ ಸೋಲಿಲ್ಲದ ಸರದಾರನಂತೆ ಮೆರೆಯುತ್ತಿದೆ.

ಟಾಸ್ ಗೆದ್ದ ಬಾರ್ಬಡೋಸ್ ಟ್ರೈಡೆಂಟ್ಸ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಬ್ಯಾಟಿಂಗ್​ಗೆ ಇಳಿದ ಟ್ರಿನ್‌ಬಾಗೊ ತಂಡ ಬೇಗನೆ ಎಲ್. ಸಿಮಾನ್ಸ್(21) ಹಾಗೂ ಸುನೀಲ್ ನರೈನ್(8) ವಿಕಟ್ ಕಳೆದುಕೊಂಡಿತಾದರೂ, ಬಳಿಕ ಕಾಲಿನ್ ಮನ್ರೋ ಹಾಗೂ ಬ್ರಾವೋ ಅಬ್ಬರದ ಬ್ಯಾಟಿಂಗ್ ನಡೆಸಿದರು. ಮೈಚಳಿ ಬಿಟ್ಟು ಆಡಿದ ಈ ಜೋಡಿ ತಂಡದ ಮೊತ್ತವನ್ನು ಏರಿಸಿತು.

IPL 2020: ಐಪಿಎಲ್ ಆರಂಭಕ್ಕೂ ಮುನ್ನ ವಿರಾಟ್ ಕೊಹ್ಲಿಯಿಂದ ಆರ್​ಸಿಬಿ ಆಟಗಾರರಿಗೆ ಖಡಕ್ ಎಚ್ಚರಿಕೆ!

FURNITURE DESTROYED! Reifer strikes Narine departs. #CPL20 #TKRvBT #CricketPlayedLouder pic.twitter.com/sXCUjvtm22

— CPL T20 (@CPL) August 23, 2020

ಮುನ್ರೋ 20 ಎಸೆತಗಳಲ್ಲಿ 50 ರನ್ ಗಳಿಸಿ ಔಟ್ ಆದರು. ಅಂತಿಮ ಹಂತದಲ್ಲಿ ಕ್ರೀಸ್​ಗೆ ಬಂದ ನಾಯಕ ಕೀರೊನ್ ಪೊಲಾರ್ಡ್​ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಅದರಲ್ಲೂ 17ನೇ ಓವರ್​ನ ಕಿವೀಸ್​ ಸ್ಪಿನ್ನರ್​ ಬೌಲಿಂಗ್​ನಲ್ಲಿ ಮತ್ತು 18ನೇ ಓವರ್​ನಲ್ಲಿ ರೇಮಂಡ್​ ರೀಫೆರ್​ ಬೌಲಿಂಗ್​ನಲ್ಲಿ ಕೇವಲ ಒಂದೇ ಕೈಯಲ್ಲಿ ಚೆಂಡನ್ನು ಸಿಕ್ಸರ್​​ಗೆ ಅಟ್ಟಿ ಶಕ್ತಿ ಪ್ರದರ್ಶಿಸಿದರು.

ಪೊಲಾರ್ಡ್​ ಕೇವಲ 17 ಎಸೆತಗಳಲ್ಲಿ ಅಮೋಘ 4 ಸಿಕ್ಸರ್ ಹಾಗೂ ಒಂದು ಬೌಂಡರಿ ಸಿಡಿಸಿ ಅಜೇಯ 41 ರನ್ ಚಚ್ಚಿದರು. ಬ್ರಾವೋ 36 ಎಸೆತಗಳಲ್ಲಿ ಅಜೇಯ 54 ರನ್ ಬಾರಿಸಿದರು. ಅಂತಿಮವಾಗಿ ಟ್ರಿನ್‌ಬಾಗೊ ನೈಟ್ ರೈಡರ್ಸ್‌ ತಂಡ 20 ಓವರ್​ನಲ್ಲಿ 3 ವಿಕೆಟ್ ನಷ್ಟಕ್ಕೆ 185 ರನ್ ಕಲೆಹಾಕಿತು.

POWERFUL POLLY! @KieronPollard55 makes it look easy. #CPL20 #TKRvBT #CricketPlayedLouder pic.twitter.com/Hq9XQV58W8

— CPL T20 (@CPL) August 23, 2020

186 ರನ್​ಗಳ ಟಾರ್ಗೆಟ್ ಬೆನ್ನಟ್ಟಿದ ಬಾರ್ಬಡೋಸ್ ಟ್ರೈಡೆಂಟ್ಸ್ ತಂಡ ಭರ್ಜರಿ ಆರಂಭ ಪಡೆದುಕೊಂಡಿತಾದರು ಬಳಿಕ ದಿಢೀರ್ ಕುಸಿತ ಕಂಡಿತು. ಓಪನರ್​ಗಳಾದ ಜಾನ್ಸನ್ ಚಾರ್ಲೆಸ್ 52 ಹಾಗೂ ಶಾಹ್ ಹೋಪ್ 36 ರನ್ ಗಳಿಸಿದ್ದು ಬಿಟ್ಟರೆ ನಾಯಕ ಜೇಸನ್ ಹೋಲ್ಡರ್ ಅಜೇಯ 34 ರನ್ ಗಳಿಸಿದರಾದರೂ ತಂಡಕ್ಕೆ ಜಯ ತಂದುಕೊಡಲು ಸಾಧ್ಯವಾಗಲಿಲ್ಲ.

IPL 2020: ಕನ್ನಡಿಗರಿಂದ ಕೂಡಿರುವ ಪಂಜಾಬ್ ತಂಡಕ್ಕೆ ಕೊರೋನಾಘಾತ: ಸ್ಟಾರ್ ಆಟಗಾರ ಆಡೋದೆ ಡೌಟ್

ಬಾರ್ಬಡೋಸ್ ಟ್ರೈಡೆಂಟ್ಸ್ ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 166 ರನ್ ಗಳಿಸಲಷ್ಟೆ ಶಕ್ತವಾಗಿ ಸೋಲೊಪ್ಪಿಗೊಂಡಿತು. ಟ್ರಿನ್‌ಬಾಗೊ ನೈಟ್ ರೈಡರ್ಸ್‌ ತಂಡ 19 ರನ್​ಗಳ ಜಯ ಸಾಧಿಸಿತು.

ಟ್ರಿನ್‌ಬಾಗೊ ನೈಟ್ ರೈಡರ್ಸ್‌ ತಂಡ ಆಡಿದ ಮೂರು ಪಂದ್ಯಗಳಲ್ಲಿ ಮೂರನ್ನೂ ಗೆದ್ದು 6 ಅಂಕದೊಂದಿಗೆ ಅಗ್ರಸ್ಥಾನದಲ್ಲಿದೆ. ಲೂಸಿಯ ಜೌಕ್ಸ್​ ತಂಡ ನಾಲ್ಕು ಪಂದ್ಯಗಳಲ್ಲಿ ಮೂರನ್ನು ಗೆದ್ದು ಎರಡನೇ ಸ್ಥಾನದಲ್ಲಿದೆ.