CPL 2020 Semi Final: ಅಂಪೈರ್ ಔಟ್ ಕೊಟ್ಟಿದ್ದಕ್ಕೆ ತಾಳ್ಮೆ ಕಳೆದುಕೊಂಡ ರಸೆಲ್ ಮಾಡಿದ್ದೇನು ಗೊತ್ತೇ?: ವಿಡಿಯೋ ನೋಡಿ

ಕೆರಿಬಿಯನ್ನರ ನಾಡಿನಲ್ಲಿ ನಡೆಯುತ್ತಿರುವ 2020ನೇ ಸಾಲಿನ ಕೆರಿಬಿಯನ್ ಪ್ರೀಮಿಯರ್ ಲೀಗ್ ಟೂರ್ನಿ ಅಂತಿಮ ಹಂತಕ್ಕೆ ಬಂದು ತಲುಪಿದೆ. ನಿನ್ನೆ ನಡೆದ ಮೊದಲ ಸೆಮಿ ಫೈನಲ್ ಕಾದಾಟದಲ್ಲಿ ಜಮೈಕಾ ತಲೈವಾಸ್​​ ವಿರುದ್ಧ ಟ್ರಿಂಬಾಗೋ ನೈಟ್​ ರೈಡರ್ಸ್ ತಂಡ 9 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿ ಮೊದಲನೇ ತಂಡವಾಗಿ ಫೈನಲ್​ ಪ್ರವೇಶಿಸಿತು. ಎರಡನೇ ಸೆಮಿ ಫೈನಲ್ ಪಂದ್ಯದಲ್ಲಿ ಗಯಾನಾ ಅಮೇಜಾನ್ ವಾರಿಯರ್ಸ್​ ವಿರುದ್ಧ ಸೇಂಟ್ ಲೂಸಿಯಾ ಜೌಕ್ಸ್ ತಂಡ 10 ವಿಕೆಟ್​ಗಳ ಅಮೋಘ ಜಯದೊಂದಿಗೆ ಫೈನಲ್​ಗೆ ಲಗ್ಗೆಯಿಟ್ಟಿದೆ. ಈ ಮೂಲಕ ನಾಳೆ ಗುರುವಾರ ನಡೆಯಲಿರುವ ಅಂತಿಮ ಸುತ್ತಿನ ಪಂದ್ಯದಲ್ಲಿ ಟ್ರಿಂಬಾಗೋ ನೈಟ್​ ರೈಡರ್ಸ್ ಹಾಗೂ ಸೇಂಟ್ ಲೂಸಿಯಾ ಜೌಕ್ಸ್ ತಂಡ ಮುಖಾಮುಖಿ ಆಗಲಿದೆ.

ಇಡೀ ಟೂರ್ನಿಯಲ್ಲಿ ಒಂದೇ ಒಂದು ಸೋಲು ಕಾಣದ ಟ್ರಿಂಬಾಗೋ ನೈಟ್​ ರೈಡರ್ಸ್ ವಿರುದ್ಧ ಹೇಗಾದರು ಮಾಡಿ ಜಯ ಸಾಧಿಸಿಬೇಕೆಂದುಕೊಂಡಿದ್ದ ಜಮೈಕಾ ತಲೈವಾಸ್ ತಂಡಕ್ಕೆ ಭಾರೀ ಹಿನ್ನಡೆಯಾಯಿತು. ಬ್ಯಾಟಿಂಗ್- ಬೌಲಿಂಗ್ ಎರಡೂ ವಿಭಾಗದಲ್ಲಿ ತಂಡ ಕಳಪೆ ಪ್ರದರ್ಶನ ತೋರಿತು.

CPL 2020: ಅಂತಿಮ ಹಂತದಲ್ಲಿ ಕೆರಿಬಿಯನ್ ಪ್ರೀಮಿಯರ್ ಲೀಗ್: ನಾಳೆ ನೈಟ್​ ರೈಡರ್ಸ್-ಲೂಸಿಯಾ ಜೌಕ್ಸ್ ನಡುವೆ ಫೈನಲ್

ಅದರಲ್ಲೂ ತಂಡಕ್ಕೆ ಆಸರೆಯಾಗುತ್ತಿದ್ದ ಸ್ಫೋಟಕ ಬ್ಯಾಟ್ಸ್​ಮನ್​ ಆ್ಯಂಡ್ರೊ ರಸೆಲ್ ಕೂಡ ಬಹುಬೇಗನೆ ಕೇವಲ 2 ರನ್​ಗೆ ನಿರ್ಗಮಿಸಿದ್ದು ತಂಡಕ್ಕೆ ದೊಡ್ಡ ಹಿನ್ನಡೆಯಾಯಿತು. ಆದರೆ, ರಸೆಲ್ ಔಟ್ ಆಗಿದ್ದು ಅಷ್ಟೊಂದು ಸಮಾಧಾನಕರವಾಗಿರಲಿಲ್ಲ.

ಟಾಸ್ ಸೋತು ಬ್ಯಾಟಿಂಗ್​ಗೆ ಇಳಿದ ಜಮೈಕಾ ತಲೈವಾಸ್ ತಂಡ ಆರಂಭದಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಂಡಿತು. ಕೇವಲ 10 ರನ್ ಆಗುವ ಹೊತ್ತಿಗೆ ಬ್ಲಾಕ್​ವುಡ್ ಹಾಗೂ ಮುಜೀದ್ ಶೂನ್ಯಕ್ಕೆ ನಿರ್ಗಮಿಸಿದರೆ, ಗ್ಲೆನ್ ಪಿಲಿಪ್ಸ್ 2 ರನ್​ಗೆ ಔಟ್ ಆದರು.

ತಂಡದ ಮೊತ್ತ 63 ರನ್ ಆಗಿದ್ದಾಗ ಅದಾಗಲೇ 6 ವಿಕೆಟ್ ಕಳೆದುಕೊಂಡಿತು. ಈ ಸಂದರ್ಭ ಕ್ರೀಸ್​ಗೆ ಬಂದ ಆ್ಯಂಡ್ರೋ ರಸೆಲ್ ಮೇಲೆ ಹೆಚ್ಚಿನ ಜವಾಬ್ದಾರಿಯಿತ್ತು. ಆದರೆ, 2 ರನ್ ಗಳಿಸಿರುವಾಗ ಅಂಪೈರ್ ನೀಡಿದ ತಪ್ಪು ನಿರ್ಧಾರಕ್ಕೆ ರಸೆಲ್ ಪೆವಿಲಿಯನ್ ಸೇರಬೇಕಾಯಿತು.

pic.twitter.com/6P2KhNL6rL

— Rahul ® (@RahulSadhu009) September 8, 2020

ಸುನಿಲ್ ನರೈನ್ ಬೌಲಿಂಗ್​ನಲ್ಲಿ ರಸೆಲ್ ಎದುರುಬಂದು ಚೆಂಡನ್ನು ಸಿಕ್ಸ್​ಗೆ ಅಟ್ಟಲು ಯತ್ನಿಸಿದರು. ಆದರೆ, ಚೆಂದು ಸ್ಪಿನ್ ಆದ ಕಾರಣ ಪ್ಯಾಡ್​ಗೆ ಬಡಿದು ಕೀಪರ್ ಹಿಂದೆ ಹೋಯಿತು. ಅಲ್ಲೇ ಇದ್ದ ಡ್ವೇನ್ ಬ್ರಾವೋ ಚೆಂಡನ್ನು ಕ್ಯಾಚ್ ಹಿಡಿದರು. ಔಟ್​ಗಾಗಿ ಅಪಿಲ್ ಮಾಡಿದರು. ಸೂಕ್ಷ್ಮತೆಯನ್ನು ಗಮನಿಸದ ಅಂಪೈರ್ ಔಟ್ ಎಂದು ತೀರ್ಪು ನೀಡಿದರು.

CPL 2020: ಸಿಪಿಎಲ್​ನಲ್ಲಿ ಪ್ರವೀಣ್ ತಾಂಬೆಯ ಪರಾಕ್ರಮ: 48ನೇ ವಯಸ್ಸಿನಲ್ಲೂ ಡೈವ್ ಕ್ಯಾಚ್..!

ಕೆರಿಬಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಡಿಆರ್​ಎಸ್​ಗೆ ಇನ್ನೂ ಅನುಮತಿ ನೀಡಿಲ್ಲ. ಹೀಗಾಗಿ ರಸೆಲ್ ಕೊಂಚ ಹೊತ್ತು ಅಲ್ಲೆ ನಿಂತು ಅಂಪೈರ್ ಮುಖ ನೋಡಿ, ಸಿಟ್ಟುಗೊಂಡು ಬೇರೆ ದಾರಿಯಿಲ್ಲದೆ ಪೆವಿಲಿಯನ್ ಕಡೆ ಹೆಜ್ಜೆ ಹಾಕಬೇಕಾಯಿತು.