Chris Gayle: ಕೇವಲ 22 ಬಾಲ್​ಗಳಲ್ಲಿ ಅಜೇಯ 84 ರನ್: ಅಬ್ಬರಿಸಿ ಬೊಬ್ಬಿರಿದ ಕ್ರಿಸ್ ಗೇಲ್ ವಿಡಿಯೋ ಇಲ್ಲಿದೆ

ಬೆಂಗಳೂರು (ಫೆ. 04): ಅಬುಧಾಬಿಯಲ್ಲಿ ಸಾಗುತ್ತಿರುವ ಟಿ-10 ಲೀಗ್ ಸಾಕಷ್ಟು ರೋಚಕತೆ ಸೃಷ್ಟಿಸುತ್ತಿದೆ. ಬ್ಯಾಟ್ಸ್​ಮನ್​ಗಳ ಆರ್ಭಟ ಊಹೆಗೂ ಸಿಲುಕದಂತಿದೆ. ನಿನ್ನೆ ನಡೆದ ಮರಾಠಾ ಅರೇಬಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಟೀಂ ಅಬುಧಾಬಿ ವೆಸ್ಟ್​ ಇಂಡೀಸ್ ದಾಂಡಿಗ ಕ್ರಿಸ್ ಗೇಲ್ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 9 ವಿಕೆಟ್​ಗಳ ಭರ್ಜರಿ ಗೆಲುವು ಸಾಧಿಸಿತು. ಮನಬಂದಂತೆ ಬ್ಯಾಟ್ ಬೀಸಿದ ಗೇಲ್ ಕೇವಲ 22 ಎಸೆತಗಳಲ್ಲಿ 84 ರನ್ ಚಚ್ಚಿ ದಾಖಲೆ ಬರೆದರು ಎಂಬುದು ವಿಶೇಷ.

ಟಾಸ್ ಸೋತು ಬ್ಯಾಟಿಂಗ್​ಗೆ ಇಳಿದ ಮರಾಠಾ ತಂಡ ನಿಗದಿತ 10 ಓವರ್​ಗಳಲ್ಲಿ4 ವಿಕೆಟ್ ಕಳೆದುಕೊಂಡು 97 ರನ್ ಸಿಡಿಸಿತು. ಅಲಿಶಾನ್ ಶರಫ್ 33 ರನ್ ಹಾಗೂ ಹಫೀಜ್ 20 ರನ್ ಬಾರಿಸಿದರು. ಇತ್ತ ಟಾರ್ಗೆಟ್ ಬೆನ್ನಟ್ಟಿದ ಟೀಂ ಅಬುಧಾಬಿ ಪರ ಆರಂಭಿಕನಾಗಿ ಕಣಕ್ಕಿಳಿದ ಕ್ರಿಸ್ ಗೇಲ್ ಮೊದಲ ಓವರ್​ನಿಂದಲೇ ಅಬ್ಬರಿಸಲು ಶುರುಮಾಡಿದರು.

Video: ಚೆಂಡು ಬೌಂಡರಿ ಲೈನ್ ಕಡೆ ಹೋಗುತ್ತಿದ್ದರೆ, ಫೀಲ್ಡರ್ ಜೆರ್ಸಿ ಬದಲಿಸುತ್ತಿದ್ದ..!

UNIVERSE BOSS HAS LANDED 🌩

8️⃣4️⃣ Runs
2️⃣2️⃣ Balls
9️⃣ Sixes

Incredible, @henrygayle 🙌#AbuDhabiT10 pic.twitter.com/pLMiuJLAp6

— T10 League (@T10League) February 3, 2021

2.2 ಓವರ್ ಹೊತ್ತಿಗೆ ಟೀಂ ಅಬಿಧಾಬಿ 47 ರನ್ ಗಳಿಸಿ 1 ವಿಕೆಟ್ ಕಳೆದುಕೊಂಡಿತು. ಆದರೂ ಗೇಲ್ ಆರ್ಭಟ ನಂತರವೂ ಮುಂದುವರಿಯಿತು. ಚೆಂಡನ್ನು ಬೌಂಡರಿ-ಸಿಕ್ಸರ್​ಗೆ ಅಟ್ಟಿದ ಗೇಲ್ ಬೌಲರ್​ಗಳ ಬೆವರಿಳಿಸಿ ಬಿಟ್ಟರು. ಹೀಗೆ ಕೇವಲ 5.3 ಓವರ್​​ನಲ್ಲೇ ಅಬುಧಾಬಿ 100 ರನ್ ಸಿಡಿಸಿ ಅಮೋಘ ಗೆಲುವು ಸಾಧಿಸಿತು.



ಕ್ರಿಸ್ ಗೇಲ್ ಕೇವಲ 22 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 9 ಅಮೋಘ ಸಿಕ್ಸರ್​ನೊಂದಿಗೆ ಅಜೇಯ 84 ರನ್ ಗಳಿಸಿದರು. ಅಲ್ಲದೆ ಕೇವಲ 12 ಎಸೆತಗಳಲ್ಲಿ 50 ರನ್ ಬಾರಿಸುವ ಮೂಲಕ ತನ್ನ ಹೆಸರಿನಲ್ಲೇ ಇರುವ ಅತೀ ವೇಗ ಅರ್ಧ ಶತಕ ದಾಖಲೆಯನ್ನು ಸರಿದೂಗಿಸಿಕೊಂಡರು.