Chris Gayle: ಲಂಕಾ ವಿರುದ್ಧ ಸರಣಿಗೆ ಬಲಿಷ್ಠ ವಿಂಡೀಸ್ ತಂಡ ಪ್ರಕಟ: ಯುನಿವರ್ಸ್ ಬಾಸ್ ಈಸ್ ಬ್ಯಾಕ್

ಮಾರ್ಚ್​ 3ರಿಂದ ಶ್ರೀಲಂಕಾ ವಿರುದ್ಧ ಆರಂಭಗೊಳ್ಳಲಿರುವ ಟಿ20 ಕ್ರಿಕೆಟ್ ಸರಣಿಗಾಗಿ ವೆಸ್ಟ್​ ಇಂಡೀಸ್ ತಂಡವನ್ನು ಪ್ರಕಟಿಸಲಾಗಿದೆ. ತಂಡದಲ್ಲಿ 41 ವರ್ಷದ ಕ್ರಿಸ್​ ಗೇಲ್​ ಹಾಗೂ 39 ವರ್ಷದ ಫಿಡೆಲ್ ಎಡ್ವರ್ಡ್ಸ್ ಸ್ಥಾನ ಪಡೆದಿದ್ದಾರೆ. ಗೇಲ್ 2019 ರಲ್ಲಿ ಇಂಗ್ಲೆಂಡ್ ವಿರುದ್ಧ ಕೊನೆಯ ಟಿ20 ಅಂತಾರಾಷ್ಟ್ರೀಯ ಪಂದ್ಯವನ್ನಾಡಿದ್ದರು. ಇದೀಗ 3 ವರ್ಷಗಳ ಬಳಿಕ ರಾಷ್ಟ್ರೀಯ ತಂಡಕ್ಕೆ ಯುನಿವರ್ಸ್ ಬಾಸ್ ರಿ ಎಂಟ್ರಿ ಕೊಟ್ಟಿದ್ದಾರೆ. ಅಲ್ಲದೆ ಮುಂಬರುವ ಟಿ20 ವಿಶ್ವಕಪ್​ನಲ್ಲೂ ಕೆರಿಬಿಯನ್ ದೈತ್ಯ ಬ್ಯಾಟ್ಸ್​ಮನ್ ಕಣಕ್ಕಿಳಿಯುವುದು ಬಹುತೇಕ ಖಚಿತವಾಗಿದೆ.

ಇನ್ನು 2012 ರಲ್ಲಿ ಕೊನೆಯ ಬಾರಿ ಟಿ20 ಪಂದ್ಯವನ್ನಾಡಿರುವ ಫಿಡೆಲ್ ಎಡ್ವರ್ಡ್ಸ್ 9 ವರ್ಷಗಳ ಬಳಿಕ ತಂಡದಲ್ಲಿ ಸ್ಥಾನ ಪಡೆದು ಅಚ್ಚರಿ ಮೂಡಿಸಿದ್ದಾರೆ. ಕಳೆದ ಬಾರಿ ಕೆರಿಬಿಯನ್ ಪ್ರೀಮಿಯರ್ ಲೀಗ್​ನಲ್ಲಿ ಮಿಂಚಿದ್ದ ಫಿಡೆಲ್ ಇತ್ತೀಚೆಗಷ್ಟೇ ರಾಷ್ಟ್ರೀಯ ತಂಡಕ್ಕೆ ಮರಳುವ ವಿಶ್ವಾಸ ವ್ಯಕ್ತಪಡಿಸಿದ್ದರು. ಇನ್ನು ವೆಸ್ಟ್ ಇಂಡೀಸ್ ತಂಡವನ್ನು ಕೀರನ್ ಪೊಲಾರ್ಡ್ ಮುನ್ನಡೆಸಲಿದ್ದು, ಉಪನಾಯಕನಾಗಿ ನಿಕೋಲಸ್ ಪೂರನ್ ಆಯ್ಕೆಯಾಗಿದ್ದಾರೆ.

ವೆಸ್ಟ್ ಇಂಡೀಸ್​ನ ಅಂಟಿಗುವಾದಲ್ಲಿ ಮಾರ್ಚ್​ 3 ರಂದು ಮೊದಲ ಟಿ20 ಪಂದ್ಯ ನಡೆಯಲಿದ್ದು, 2ನೇ ಪಂದ್ಯವು 5 ರಂದು ಜರುಗಲಿದೆ. ಹಾಗೆಯೇ ಮೂರನೇ ಟಿ20 ಪಂದ್ಯವು ಮಾರ್ಚ್ 7ರಂದು ನಡೆಯಲಿದೆ. ಇದರ ಬೆನ್ನಲ್ಲೇ ಮಾರ್ಚ್​ 10 ರಿಂದ ಏಕದಿನ ಪಂದ್ಯ ನಡೆಯಲಿದೆ.

ವೆಸ್ಟ್ ಇಂಡೀಸ್ ಟಿ 20 ತಂಡ : ಕೀರನ್ ಪೊಲಾರ್ಡ್​(ನಾಯಕ) ನಿಕೋಲಸ್ ಪೂರನ್​(ಉಪ ನಾಯಕ), ಫ್ಯಾಬಿಯನ್​ ಅಲೆನ್​, ಡ್ವೇನ್​ ಬ್ರಾವೋ, ಫಿಡೆಲ್​ ಎಡ್ವರ್ಡ್ಸ್​​, ಆಂಡ್ರೆ ಫ್ಲೆಚರ್​, ಕ್ರಿಸ್ ಗೇಲ್​, ಜೇಸನ್ ಹೋಲ್ಡರ್​, ಅಕೀಲ್ ಹೊಸೈನ್​, ಎವಿನ್ ಲೂಯಿಸ್​, ಒಬೆಡ್ ಮೆಕಾಯ್​, ರೋವ್ಮನ್ ಪೊವೆಲ್, ಲೆಂಡ್ಲ್​ ಸಿಮನ್ಸ್​, ಕೆವಿನ್ ಸಿಂಕ್ಲೇರ್​

ಏಕದಿನ ತಂಡ : ಕೀರನ್​ ಪೊಲಾರ್ಡ್​(ನಾಯಕ), ಶಾಹ್ ಹೋಪ್​(ಉಪ ನಾಯಕ) ಫ್ಯಾಬಿಯನ್ ಅಲೆನ್​, ಡೇರನ್​ ಬ್ರಾವೋ, ಜೇಸನ್ ಹೋಲ್ಡರ್​, ಅಕೀಲ್ ಹೊಸೈನ್​, ಅಲ್ಜಾರಿ ಜೋಸೆಫ್​, ಎವಿನ್​ ಲೂಯಿಸ್​, ಕೈಲ್​ ಮೇಯರ್ಸ್​,ಜೇಸನ್ ಮೊಹಮ್ಮದ್​, ನಿಕೋಲಸ್ ಪೂರನ್​, ಶೆಫರ್ಡ್​, ಕೆವಿನ್ ಸಿಂಕ್ಲೇರ್​