(Video): 2025ರಲ್ಲಿ ಪಾಕಿಸ್ತಾನ ಪರ ವಿರಾಟ್ ಕೊಹ್ಲಿ ಕಣಕ್ಕೆ; ನಾಚಿಕೆಗೇಡಿನ ವಿಡಿಯೋ ಮಾಡಿದ ಪಾಕ್​

ಈ ವಿಡಿಯೋ ಪ್ರಕಾರ ಭಾರತ ಹಾಗೂ ಪಾಕಿಸ್ತಾನ ನಡುವೆ ಯುದ್ಧ ನಡೆಯುತ್ತದೆ. ಇದರಲ್ಲಿ ಪಾಕಿಸ್ತಾನ ಜಯ ಸಾಧಿಸಿ ಭಾರತವನ್ನು ವಶ ಪಡಿಸಿಕೊಳ್ಳುತ್ತದೆ. ಹೀಗಾಗಿ ವಿರಾಟ್ ಕೊಹ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರನಾಗಿ ಬಿಡುತ್ತಾರೆ.

Vinay Bhat | news18-kannada
Updated:September 6, 2019, 12:28 PM IST
(Video): 2025ರಲ್ಲಿ ಪಾಕಿಸ್ತಾನ ಪರ ವಿರಾಟ್ ಕೊಹ್ಲಿ ಕಣಕ್ಕೆ; ನಾಚಿಕೆಗೇಡಿನ ವಿಡಿಯೋ ಮಾಡಿದ ಪಾಕ್​
ಪಾಕಿಸ್ತಾನ ಕ್ರಿಕೆಟ್ ತಂಡದಲ್ಲಿ ವಿರಾಟ್ ಕೊಹ್ಲಿ
Vinay Bhat | news18-kannada
Updated: September 6, 2019, 12:28 PM IST
ನೆರೆಯ ಪಾಕಿಸ್ತಾನದವರು ಭಾರತವನ್ನು ಸದಾ ಕೆಣಕುವ ಕೆಲಸದಲ್ಲಿ ನಿರತರಾಗಿರುತ್ತಾರೆ. ಪುಲ್ವಾಮಾ ದಾಳಿ ನಂತರದಲ್ಲಿ ಉಭಯ ದೇಶಗಳ ಸಂಬಂಧ ಹದಗೆಟ್ಟಿದೆ. ಪಾಕ್​ ಪ್ರಧಾನಿ ಇಮ್ರಾನ್​ ಖಾನ್​ ಭಾರತದ ವಿರುದ್ಧ ಒಂದೊಂದೇ ಹೇಳಿಕೆ ನೀಡುತ್ತಿದ್ದರೆ, ಅತ್ತ ಅವರ ದೇಶದ ನಾಗರಿಕರು ನಾಚಿಕೆಗೇಡಿನ ವಿಡಿಯೋ ಮಾಡುವ ಮೂಲಕ ಭಾರತದವರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಗಡಿಯಲ್ಲಿ ಮೃತಪಟ್ಟ ಯೋಧರ ನೆನಪಿಗಾಗಿ ಪಾಕಿಸ್ತಾನದಲ್ಲಿ ಇಂದು (ಸೆ. 06) ರಕ್ಷಣಾ ದಿನವನ್ನು ಆಚರಿಸಲಾಗುತ್ತಿದೆ. ಈ ದಿನಕ್ಕಾಗಿ ಪಾಕಿಸ್ತಾನದಿಂದ ವಿಡಿಯೋವೊಂದು ಬಿಡುಗಡೆಯಾಗಿದ್ದು, ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಇಡೀ ಭಾರತ ಪಾಕಿಸ್ತಾನದ ಒಂದು ಭಾಗ ಎಂದು ಬಣ್ಣಿಸಲಾಗಿದ್ದು, ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪಾಕ್​ ತಂಡದ ಆಟಗಾರು ಎಂದು ಚಿತ್ರಿಸಲಾಗಿದೆ.

ಈ ವಿಡಿಯೋ ಪ್ರಕಾರ ಭಾರತ ಹಾಗೂ ಪಾಕಿಸ್ತಾನ ನಡುವೆ ಯುದ್ಧ ನಡೆಯುತ್ತದೆ. ಇದರಲ್ಲಿ ಪಾಕಿಸ್ತಾನ ಜಯ ಸಾಧಿಸಿ ಭಾರತವನ್ನು ವಶ ಪಡಿಸಿಕೊಳ್ಳುತ್ತದೆ. ಹೀಗಾಗಿ ವಿರಾಟ್ ಕೊಹ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಆಟಗಾರನಾಗಿ ಬಿಡುತ್ತಾರೆ.

ಎದುರಾಳಿಗಿಂತ 51 ರನ್ ಅಧಿಕ ಬಾರಿಸಿದರೂ ಸೋತ ಭಾರತ ಎ; ಹರಿಣಗಳಿಗೆ 4 ರನ್​ಗಳ ರೋಚಕ ಜಯ!

ಪಾಕಿಸ್ತಾನ ಪತ್ರಕರ್ತೆ ನೈಲಾ ಇನಾಯತ್ ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ‘ಶ್ರೀನಗರದಲ್ಲಿ ಪಾಕಿಸ್ತಾನ ತಂಡ ಕ್ರಿಕೆಟ್ ಆಡುತ್ತಿದೆ. ವಿರಾಟ್ ಕೊಹ್ಲಿ ಪಾಕ್ ಪರ ಕಣಕ್ಕಿಳಿಯುತ್ತಿದ್ದಾರೆ. ಇದೊಂದು ಸಾಮಾನ್ಯ ನಿರ್ಧಾರ ಅಷ್ಟೆ’ ಎಂದು ಬರೆದುಕೊಂಡಿದ್ದಾರೆ.

 



ಇದು 2025 ರಲ್ಲಿ ಶ್ರೀನಗರ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಾಕಿಸ್ತಾನ ಹಾಗೂ ಇಂಗ್ಲೆಂಡ್ ನಡುವಣ ಟಿ-20 ವಿಶ್ವಕಪ್ ಫೈನಲ್​ ಪಂದ್ಯವಾಗಿದೆ. ಈ ವಿಡಿಯೋದಲ್ಲಿ ಕಮೆಂಟೇಟರ್ ಕೂಡ ಮಾತನಾಡಿದ್ದು, 'ಪಾಕಿಸ್ತಾನ ತಂಡದ ಇಬ್ಬರು ದಿಗ್ಗಜರಾದ ಬಾಬರ್ ಅಜಾಮ್ ಮತ್ತು ವಿರಾಟ್ ಕೊಹ್ಲಿ ಓಪನರ್ ಆಗಿ ಕಣಕ್ಕಿಳಿಯುತ್ತಿದ್ದಾರೆ' ಎಂದು ಮಾತನಾಡುತ್ತಾರೆ.

ನಂತರ ಈ ವಿಡಿಯೋದಲ್ಲಿ ಒಬ್ಬಳು ‘ವಿರಾಟ್ ಕೊಹ್ಲಿ ಈ ಪಂದ್ಯವನ್ನು ನಮಗೋಸ್ಕರ ಗೆಲ್ಲಿಸಿ ಕೊಡುತ್ತಾರೆ, ನೋಡಿ’ ಎಂದು ಹೇಳುತ್ತಾಳೆ. ಇದಕ್ಕೆ ಆಕೆಯ ತಂದೆ ‘ವಿರಾಟ್ ಕೊಹ್ಲಿ ಈ ಹಿಂದೆ ಭಾರತ ಕ್ರಿಕೆಟ್ ತಂಡದಲ್ಲಿ ಆಡಿದ್ದರು’ ಎನ್ನುತ್ತಾರೆ. ಇದಕ್ಕೆ ಆಕೆ ‘ಯಾರು ಈ ಭಾರತ’ ಎಂದು ಪ್ರಶ್ನಿಸುತ್ತಾಳೆ. ಆಗ ತಂದೆ ಅಹಂಕಾರದ ನಗೆ ಬೀರುತ್ತಾರೆ.

ಬೆಂಗಳೂರಿನಲ್ಲೂ ನಡೆಯಲಿದೆ ಭಾರತ-ಆಫ್ರಿಕಾ ಟಿ-20 ಹೈವೋಲ್ಟೇಜ್ ಪಂದ್ಯ; ಟಿಕೆಟ್ ಬೇಕಾದರೆ ಹೀಗೆ ಮಾಡಿ

ಕಳೆದ 11 ವರ್ಷಗಳಲ್ಲಿ ಕೊಹ್ಲಿ ಪಾಕಿಸ್ತಾನ ವಿರುದ್ಧ ಒಂದೇ ಒಂದು ಟೆಸ್ಟ್​ ಪಂದ್ಯಗಳನ್ನು ಆಡಿಲ್ಲ. ಈವರೆಗೆ ಪಾಕಿಸ್ತಾನ ಮಣ್ಣಿನಲ್ಲಿ ಒಂದೂ ಪಂದ್ಯವನ್ನಾಡಿಲ್ಲ. ಸದ್ಯ ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಭಾರೀ ಹರಿದಾಡುತ್ತಿದ್ದು, ಭಾರತೀಯ ಕೆಂಗಣ್ಣಿಗೆ ಗುರಿಯಾಗಿದೆ.

 



 















First published:September 6, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...