BBL: ಒಂದೇ ಎಸೆತದಲ್ಲಿ ಒಬ್ಬ ಬ್ಯಾಟ್ಸ್​ಮನ್​ ಎರಡೂ ಕಡೆ ರನೌಟ್: ಹೇಗೆ?, ಈ ವಿಡಿಯೋ ನೋಡಿ

10ನೇ ಓವರ್​ರಲ್ಲಿ ಈ ಘಟನೆ ನಡಿದಿದೆ. ಕ್ರಿಸ್​ ಗ್ರೀನ್ ಬೌಲಿಂಗ್​ನಲ್ಲಿ​ ಅಡಿಲೇಡ್​ ತಂಡದ ಪೀಟರ್ ಸಾಲ್ಟ್​ ಚೆಂಡನ್ನು ಸ್ಟ್ರೇಟ್​ ಡ್ರೈವ್​ ಮಾಡಿದರು. ಗ್ರೀನ್​ ಆ ಚೆಂಡನ್ನು ತಡೆಯುವ ಪ್ರಯತ್ನ ಮಾಡಿದರು.

Big Bash League

Big Bash League

  • Share this:
    ಕ್ರಿಕೆಟ್ ಕ್ರೀಡೆಯಲ್ಲಿ ಒಂದಲ್ಲ ಒಂದು ಚಿತ್ರ ವಿಚಿತ್ರ ಘಟನೆಗಳು ನಡೆಯುತ್ತಿರುತ್ತವೆ. ಅದು ಪಂದ್ಯ ಗೆಲ್ಲುವ ಪರಿ ಇರಬಹುದು ಅಥವಾ ಕ್ಯಾಚ್, ಔಟ್ ಆಗಿರಬಹುದು. ಇದೇರೀತಿ ಅಭಿಮಾನಿಗಳನ್ನು ದಂಗಾಗಿಸಿದ ಅಪರೂಪದ ಘಟನೆಯೊಂದು ಆಸ್ಟ್ರೇಲಿಯಾದಲ್ಲಿ ಸಾಗುತ್ತಿರುವ ಬಿಗ್​ ಬ್ಯಾಷ್ ಟಿ-20 ಲೀಗ್​ನಲ್ಲಿ ನಡೆದಿದೆ. ಒಂದು ಎಸೆತದಲ್ಲಿ ಒಬ್ಬ ಬ್ಯಾಟ್ಸ್​ಮನ್​ ಎರಡೂ ಕಡೆ ಔಟ್ ಆದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.

    ಭಾನುವಾರ ಸಿಡ್ನಿ ಥಂಡರ್ ವಿರುದ್ಧದ ಬಿಗ್ ಬ್ಯಾಷ್ ಲೀಗ್ ಪಂದ್ಯದ ವೇಳೆ ಅಡಿಲೇಡ್ ಸ್ಟ್ರೈಕರ್ಸ್ ತಂಡದ ಆರಂಭಿಕ ಬ್ಯಾಟ್ಸ್​ಮನ್​ ಜೇಕ್ ವೆದರ್ಲ್ಯಾಂಡ್​ ಅವರು ಪಿಚ್‌ನ ಎರಡೂ ತುದಿಗಳಲ್ಲಿ ಕ್ರೀಸ್‌ನ ಎರಡು ಕಡೆ ಔಟಾದ ಕುಖ್ಯಾತಿಗೆ ಪಾತ್ರರಾದರು.

    ವಿಮಾನ ದುರಂತ: ಫುಟ್​​ಬಾಲ್ ಆಟಗಾರರ ದುರಂತ ಸಾವು

    10ನೇ ಓವರ್​ರಲ್ಲಿ ಈ ಘಟನೆ ನಡಿದಿದೆ. ಕ್ರಿಸ್​ ಗ್ರೀನ್ ಬೌಲಿಂಗ್​ನಲ್ಲಿ​ ಅಡಿಲೇಡ್​ ತಂಡದ ಪೀಟರ್ ಸಾಲ್ಟ್​ ಚೆಂಡನ್ನು ಸ್ಟ್ರೇಟ್​ ಡ್ರೈವ್​ ಮಾಡಿದರು. ಗ್ರೀನ್​ ಆ ಚೆಂಡನ್ನು ತಡೆಯುವ ಪ್ರಯತ್ನ ಮಾಡಿದರು. ಅವರ ಬೆರಳಿಗೆ ಬಿದ್ದ ಚೆಂಡು ನೇರವಾಗಿ ಸ್ಟಂಪ್​ಗೆ ಅಪ್ಪಳಿಸಿತು. ಆಷ್ಟರಲ್ಲಿ ವೆದರ್ಲ್ಯಾಂಡ್​ ಕ್ರೀಸ್​ ಬಿಟ್ಟಿದ್ದರಿಂದ ಗ್ರೀನ್​ ರನ್​ಔಟ್​ಗೆ ಅಪೀಲ್​ ಮಾಡಿದರು.

    ಮತ್ತೆ ಚೆಂಡು ಸ್ಟಂಪ್​ಗೆ ಬಡಿದ ನಂತರ ಪೀಟರ್ ಸಾಲ್ಟ್​ ಒಂದು ರನ್​ಗಾಗಿ ಕರೆ ಮಾಡಿದರು. ವೆದರ್ಲ್ಯಾಂಡ್​ ಮತ್ತೆ ಓಡಿದರು. ಆದರೆ ಫೀಲ್ಡರ್​ ಕೀಪರ್​ಗೆ ಚೆಂಡನ್ನು ಸರಿಯಾದ ಸಮಯಕ್ಕೆ ನೀಡಿದ್ದರಿಂದ ಅಲ್ಲೂ ಕೂಡ ಕ್ರೀಸ್​ ಮುಟ್ಟುವಲ್ಲಿ ಅವರು ವಿಫಲರಾದರು. ಮೂರನೇ ಅಂಪೈರ್​ ಟಿವಿ ರೀಪ್ಲೇ ವೀಕ್ಷಿಸಿದಾಗ ವೆದರ್ಲ್ಯಾಂಡ್​ ಎರಡೂ ಕಡೆ ರನ್​ಔಟ್​ ಆಗಿರುವುದು ಸ್ಪಷ್ಟವಾಗಿತ್ತು.





    ಆದಾಗ್ಯೂ ಕ್ರಿಕೆಟ್​ನಲ್ಲಿ ಒಬ್ಬ ಬ್ಯಾಟ್ಸ್‌ಮನ್‌ನನ್ನು ಒಂದು ಎಸೆತದಲ್ಲಿ ಎರಡು ಬಾರಿ ಔಟ್ ಎಂದು ಘೋಷಿಸಲು ಸಾಧ್ಯವಿಲ್ಲ ಆದ್ದರಿಂದ ನಾನ್ ಸ್ಟ್ರೈಕ್ ನಲ್ಲಿದ್ದ ವೀಥರಾಲ್ದ್ ಅವರನ್ನು ಔಟ್ ಎಂದು ಘೋಷಿಸಲಾಯಿತು.

    India vs England: ಭಾರತ-ಇಂಗ್ಲೆಂಡ್ ಟಿ-20 ಸರಣಿ ರೋಚಕತೆ ಸೃಷ್ಟಿಸಲು ಬಿಸಿಸಿಐ ಮಾಸ್ಟರ್ ಪ್ಲ್ಯಾನ್

    ಈ ಪಂದ್ಯದಲ್ಲಿ ಅಡಿಲೇಡ್​ ಸ್ಟ್ರೈಕರ್ಸ್​ 159 ರನ್ ​ಗಳಿಸಿದರೆ, ಇದನ್ನು ಹಿಂಬಾಲಿಸಿದ ಸಿಡ್ನಿ ಥಂಡರ್​ 153 ರನ್​ಗಳನ್ನಷ್ಟೇ ಗಳಿಸಿಲು ಶಕ್ತವಾಗಿ 6 ರನ್​ಗಳ ಸೋಲು ಕಂಡಿತು.
    Published by:Vinay Bhat
    First published: