Deepak Chahar: ಟಿ20ಯಲ್ಲಿ ಹ್ಯಾಟ್ರಿಕ್ ಪಡೆದ ಚಹಾರ್​​ ಹೊಗಳಲು ಹೋಗಿ ಎಡವಟ್ಟು ಮಾಡಿಕೊಂಡ ಬಿಸಿಸಿಐ

ನವದೆಹಲಿ (ನ.11): ಬಾಂಗ್ಲಾದೇಶ ವಿರುದ್ಧದ ಕೊನೆಯ ಟಿ-20 ಪಂದ್ಯದಲ್ಲಿ ಭಾರತದ ಬೌಲರ್​ ದೀಪಕ್​ ಚಹಾರ್​ ಹ್ಯಾಟ್ರಿಕ್​ ಪಡೆದಿದ್ದಾರೆ. ಅವರ ಸಾಧನೆಗೆ ಇಡೀ ದೇಶವೇ ಮೆಚ್ಚುಗೆ ವ್ಯಕ್ತಪಡಿಸುತ್ತಿದೆ. ಆದರೆ, ಅವರನ್ನು ಹೊಗಳಲು ಹೋಗಿ ಬಿಸಿಸಿಐ ಎಡವಟ್ಟು ಮಾಡಿಕೊಂಡಿದೆ.

ನಾಗ್ಪುರದಲ್ಲಿ ನಡೆದ ಬಾಂಗ್ಲಾ ವಿರುದ್ಧದ ಮೂರನೇ ಟಿ-20 ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲ್ಲುವ ಮೂಲಕ ಸರಣಿಯನ್ನು ತನ್ನದಾಗಿಸಿಕೊಂಡಿತ್ತು. ಮೊದಲು ಬ್ಯಾಟ್​ ಮಾಡಿದ್ದ ಭಾರತ ಆರಂಭಿಕ ಆಘಾತ ಎದುರಿಸಿತ್ತು. ರೋಹಿತ್​ ಶರ್ಮಾ 2 ರನ್​ಗೆ ಔಟ್​ ಆದರೆ, ಶಿಖರ್​ ದವನ್​ 19ರನ್​ಗೆ ಪೆವಿಲಿಯನ್​ ಸೇರಿದರು. ನಂತರ ಕನ್ನಡಿಗ ಕೆಎಲ್​ ರಾಹುಲ್ (52) ಹಾಗೂ ಶ್ರೇಯಸ್​ ಐಯ್ಯರ್​ (62) ಎಚ್ಚರಿಕೆಯ ಆಟವಾಡಿದರು. ಭಾರತ 20 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 174 ರನ್​ ಗಳಿಸಿತು.

ಇದನ್ನು ಬೆನ್ನತ್ತಿ ಹೊರಟ ಬಾಂಗ್ಲಾಗೆ ಶಾಕ್​ ನೀಡಿದ್ದು ದೀಪಕ್​ ಚಹಾರ್​. ಅವರು ಎಸೆದ 3.2 ಓವರ್​ಗಳಲ್ಲಿ 7 ರನ್​ ಕೊಟ್ಟು 6 ವಿಕೆಟ್​ ಕಬಳಿಸಿದ್ದರು. ಇದನ್ನು ಶ್ಲಾಘಿಸಿ ಟ್ವೀಟ್​ ಮಾಡಿರುವ ಬಿಸಿಸಿಐ ‘ಟಿ20ಯಲ್ಲಿ ಮೊದಲ ಹ್ಯಾಟ್ರಿಕ್​ ಪಡೆದ ಆಟಗಾರ ಎನ್ನುವ ಖ್ಯಾತಿಗೆ ಚಹಾರ್​ ಭಾಗಿಯಾಗಿದ್ದಾರೆ’ ಎಂದಿತ್ತು. ಇದಕ್ಕೆ ಅನೇಕರು ಶ್ಲಾಘನೆ ವ್ಯಕ್ತಪಡಿಸಿ ಟ್ವೀಟ್ ಮಾಡಿದ್ದರು.

.@deepak_chahar9 today became the first Indian to pick up a hat-trick in T20Is 🙌👏 pic.twitter.com/qNctKUVgmF

— BCCI (@BCCI) November 10, 2019

ಇದನ್ನೂ ಓದಿ: ಚಹಾರ್​ ಹ್ಯಾಟ್ರಿಕ್​, ಭಾರತದ ವಿರುದ್ಧ ಮಂಡಿಯೂರಿದ ಬಾಂಗ್ಲಾ; ಟೀಂ ಇಂಡಿಯಾಗೆ ಟಿ20 ಸರಣಿ

Best T20I spell in the history !

6 Wickets
7 runs
14 dots

- first Indian to take hat-trick in T20I

Deepak Chahar 🔥

A new Star is Born ✌️👊💪#INDvBAN pic.twitter.com/pNMuKuvnYt

— V I P E R™ (@Offl_TheViper) November 10, 2019

ಆದರೆ, ಈ ಟ್ವೀಟ್​ನಲ್ಲೊಂದು ತಪ್ಪಿದೆ. ಟಿ20ಯಲ್ಲಿ ಹ್ಯಾಟ್ರಿಕ್​ ಪಡೆದ ಭಾರತದ ಆಟಗಾರರ ಸಾಲಿನಲ್ಲಿ ದೀಪಕ್​ ಎರಡನೇ ಸ್ಥಾನದಲ್ಲಿ ನಿಲ್ಲುತ್ತಾರೆ. ಮೊದಲಿಗರಾಗಿ ಏಕ್ತಾ ಬಿಷ್ಟ್​ ಇದ್ದಾರೆ. ಹೌದು, ಭಾರತದ ಮಹಿಳಾ ಕ್ರಿಕೆಟ್​ ತಂಡ ಪ್ರತಿನಿಧಿಸಿದ್ದ ಏಕ್ತಾ ಭಿಷ್ಟ್​ 7 ವರ್ಷಗಳ ಹಿಂದೆಯೇ ಹೀಗೊಂದು ಸಾಧನೆ ಮಾಡಿದ್ದರು.

Incorrect.
Ekta Bisht.
3/16 vs Sri Lanka in 2012.
First Indian to take a hat-trick in T20s. https://t.co/7TxmKegibQ

— Suprita Das (@suprita2009) November 10, 2019

2012ರಲ್ಲಿ ನಡೆದ ಮಹಿಳಾ ಟಿ20 ವಿಶ್ವಕಪ್​ನಲ್ಲಿ ಶ್ರೀಲಂಕಾ ವಿರುದ್ಧ ಏಕ್ತಾ ಹ್ಯಾಟ್ರಿಕ್​ ಪಡೆದಿದ್ದರು. ಹೀಗಾಗಿ ಬಿಸಿಸಿಐ ತಪ್ಪಾಗಿ ಟ್ವೀಟ್ ಮಾಡಿದೆ. ಇದನ್ನು ತಿದ್ದಿಕೊಳ್ಳಿ ಎಂದು ಕೆಲವರು ಸೂಚನೆ ನೀಡಿದ್ದಾರೆ. ಇನ್ನೂ ಕೆಲವರು ಮಹಿಳೆಯರನ್ನು ಕಡೆಗಣಿಸಲಾಗುತ್ತಿದೆ ಎಂದು ಆಕ್ರೋಶ ಹೊರಹಾಕಿದ್ದಾರೆ.

Let’s correct this.

Deepak Chahar is the first Indian to take a hat-trick in Men’s T20Is.

Ekta Bisht is the first Indian (Man/Woman) to take a hat-trick in T20Is (2012).

(P.S. Ekta Bisht holds an Indian passport) https://t.co/jXkTyKw9NB

— Yash Lahoti (@YvLahoti) November 11, 2019