AUS vs PAK: ತನ್ನದೆ ತಂಡದ ಆಟಗಾರನ ವಿರುದ್ಧ ಮೈದಾನದಲ್ಲೇ ರೊಚ್ಚಿಗೆದ್ದ ಪಾಕ್ ನಾಯಕ ಬಾಬರ್!

7 ವಿಕೆಟ್​ಗಳ ಭರ್ಜರಿ ಜಯದೊಂದಿಗೆ ಆಸ್ಟ್ರೇಲಿಯಾ ಮೂರು ಪಂದ್ಯಗಳ ಟಿ-20 ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಮೊದಲ ಟಿ-20 ಪಂದ್ಯ ಮಳೆಗೆ ಆಹುತಿಯಾಗಿತ್ತು.

Vinay Bhat | news18-kannada
Updated:November 6, 2019, 10:01 AM IST
AUS vs PAK: ತನ್ನದೆ ತಂಡದ ಆಟಗಾರನ ವಿರುದ್ಧ ಮೈದಾನದಲ್ಲೇ ರೊಚ್ಚಿಗೆದ್ದ ಪಾಕ್ ನಾಯಕ ಬಾಬರ್!
ಮೈದಾನದಲ್ಲೆ ರೊಚ್ಚಿಗೆದ್ದ ಬಾಬರ್ ಅಜಮ್
Vinay Bhat | news18-kannada
Updated: November 6, 2019, 10:01 AM IST
ಬೆಂಗಳೂರು (ನ. 06): ಆಸ್ಟ್ರೇಲಿಯಾ ಪ್ರವಾಸದಲ್ಲಿರುವ ಪಾಕಿಸ್ತಾನ ಕ್ರಿಕೆಟ್ ತಂಡ ಟಿ-20 ಸರಣಿ ಆಡುತ್ತಿದೆ. ನಿನ್ನೆ ನಡೆದ ಎರಡನೇ ಟಿ-20 ಪಂದ್ಯದಲ್ಲಿ ನಂಬರ್ ಒನ್ ಟಿ-20 ತಂಡ ಪಾಕಿಸ್ತಾನಕ್ಕೆ ಸೋಲುಣಿಸಿದ ಕಾಂಗರೂ ಪಡೆ 7 ವಿಕೆಟ್​ಗಳಿಂದ ಗೆದ್ದು ಬೀಗಿತು.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಪಾಕಿಸ್ತಾನ ತಂಡದ ನೂತನ ನಾಯಕ ಬಾಬರ್ ಅಜಮ್ ಲೆಕ್ಕಾಚಾರವನ್ನು ಆಸೀಸ್ ಆರಂಭದಲ್ಲೇ ತಲೆಕೆಳಗಾಗಿಸಿತು. ಫಖರ್ ಜಮನ್ 2 ರನ್​ಗೆ ಔಟ್ ಆದರೆ, ಹ್ಯಾರಿಸ್ ಸೊಹೈಲ್ 6 ರನ್ ಗಳಿಸಿ ನಿರ್ಗಮಿಸಿದರು. ಮೊಹಮ್ಮದ್ ರಿಜ್ವಾನ್ ಕೂಡ 14 ರನ್​ಗೆ ಸುಸ್ತಾದರು.

ಹೀಗೆ ಪವರ್ ಪ್ಲೇನಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಂಡರು ಓಪನರ್ ಪಾಕ್ ನಾಯಕ ಬಾಬರ್ ಅಜಮ್ ಮಾತ್ರ ಎಚ್ಚರಿಕೆಯಿಂದ ಬ್ಯಾಟ್ ಬೀಸುತ್ತಿದ್ದರು. ಆದರೆ, ಯಾವೊಬ್ಬ ಬ್ಯಾಟ್ಸ್​ಮನ್​ ಇವರಿಗೆ ಸಾತ್ ನೀಡಲಿಲ್ಲ. 4ನೇ ವಿಕೆಟ್​ಗೆ ಬಾಬರ್ ಜೊತೆಯಾದ ಅಸಿಫ್ ಅಲಿ ವಿರುದ್ಧ ಮೈದಾನದಲ್ಲೇ ಬಾಬರ್ ಹರಿಹಾಯ್ದರು.

IPL 2020: ಡೆಲ್ಲಿ ಪಾಲಾದ ಆರ್ ಅಶ್ವಿನ್; ಪಂಜಾಬ್​ಗೆ ಕನ್ನಡಿಗ ಸಾರಥಿ?

ನಿಂತು ಆಡುವಂತೆ ಅಲಿಗೆ ಬಾಬರ್ ಸೂಚಿಸಿದ್ದರು. ಆದರೆ, ಬಿರುಸಿನ ಹೊಡೆತಕ್ಕೆ ಮಾರುಹೋದ ಅಲಿ ಕೇವಲ 4 ರನ್​ಗಳಿಸಿ ಪ್ಯಾಟ್ ಕಮಿನ್ಸ್​ಗೆ ಕ್ಯಾಚ್ ನೀಡಿ ಔಟ್ ಆದರು. ಈವೇಳೆ ತಾಳ್ಮೆ ಕಳೆದುಕೊಂಡ ಬಾಬರ್ ಮೈದಾನದಲ್ಲೇ ಅಲಿ ವಿರುದ್ಧ ರೊಚ್ಚಿಗೆದ್ದರು.

 



ಬಾಬರ್ 38 ಎಸೆತಗಳಲ್ಲಿ 50 ರನ್ ಗಳಿಸಿ ರನೌಟ್​ಗೆ ಬಲಿಯಾದರು. ಅಂತಿಮ ಹಂತದಲ್ಲಿ ಇಫ್ತಿಕರ್ ಅಹ್ಮದ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಪರಿಣಾಮ ಪಾಕಿಸ್ತಾನ 20 ಓವರ್​ಗೆ 6 ವಿಕೆಟ್ ಕಳೆದುಕೊಂಡು 150 ರನ್ ಬಾರಿಸಿತು. ಇಫ್ತಿಕರ್ 34 ಎಸೆತಗಳಲ್ಲಿ 5 ಬೌಂಡರಿ, 3 ಸಿಕ್ಸರ್ ಸಿಡಿಸಿ ಅಜೇಯ 62 ರನ್ ಚಚ್ಚಿದರು. ಆಸೀಸ್ ಪರ ಅಸ್ಟನ್ ಅಗರ್ 2, ರಿಚರ್ಡಸನ್ ಹಾಗೂ ಕಮಿನ್ಸ್​ ತಲಾ 1 ವಿಕೆಟ್ ಪಡೆದರು.

151 ರನ್​ಗಳ ಗುರಿ ಬೆನ್ನಟ್ಟಿದ ಆಸೀಸ್​ಗೆ ಇದು ಸವಾಲಾಗಿ ಪರಿಣಮಿಸಲೇ ಇಲ್ಲ. 18.3 ಓವರ್​ನಲ್ಲೇ ಆಸ್ಟ್ರೇಲಿಯಾ 3 ವಿಕೆಟ್ ಕಳೆದುಕೊಂಡು 151 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು. ಆರ್ಭಟಿಸಿದ ಸ್ಮಿತ್ ಕೇವಲ 51 ಎಸೆತಗಳಲ್ಲಿ 11 ಬೌಂಡರಿ, 1 ಸಿಕ್ಸರ್ ಸಿಡಿಸಿ ಅಜೇಯ 80 ರನ್ ಬಾರಿಸಿದರು.

ಭಾರತ- ಬಾಂಗ್ಲಾ ಡೇ ನೈಟ್ ಟೆಸ್ಟ್​​ನಲ್ಲಿ ಇದೇ ಮೊದಲ ಬಾರಿಗೆ ಕಾಮೆಂಟೇಟರ್ ಆಗಿ ಎಂಎಸ್ ಧೋನಿ

 



7 ವಿಕೆಟ್​ಗಳ ಭರ್ಜರಿ ಜಯದೊಂದಿಗೆ ಆಸ್ಟ್ರೇಲಿಯಾ ಮೂರು ಪಂದ್ಯಗಳ ಟಿ-20 ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಮೊದಲ ಟಿ-20 ಪಂದ್ಯ ಮಳೆಗೆ ಆಹುತಿಯಾಗಿತ್ತು.

 

First published:November 6, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...