Virat Kohli: ವಾಟ್ಸ್​ಅಪ್ ಸ್ಟೇಟಸ್​ಗಳ ಪ್ರವಾಹಕ್ಕೆ ಕಿಂಗ್ ಕೊಹ್ಲಿಯೇ ಕಾರಣ!

ವಿರಾಟ್ ಕೊಹ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಸುದೀರ್ಘ ಸಮಯದ ನಂತರ ಅಂತೂ ಒಂದು ಶತಕ (Virat Kohli Century) ಬಾರಿಸಿದ್ದಾರೆ. ಬರೋಬ್ಬರಿ 1021 ದಿನಗಳ ನಂತರ ಅವರು ಏಷ್ಯಾ ಕಪ್​ನ (Asia Cup 2022) ಅಪ್ಘಾನಿಸ್ತಾನದ ತಂಡದ (India vs Afghanistan) ವಿರುದ್ಧ ಸೆಂಚುರಿ ಬಾರಿಸಿದ್ದಾರೆ. ಏಷ್ಯಾ ಕಪ್​ನಲ್ಲಿ ಭಾರತದ ಕೊನೆಯ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ 61 ಎಸೆತಗಳಲ್ಲಿ 122 ರನ್ ಗಳಿಸಿದ ವಿರಾಟ್ ಕೊಹ್ಲಿ ಔಟ್ ಆಗದೇ ಅಜೇಯರಾಗಿ ಉಳಿದು ಅಭಿಮಾನಿಗಳ ವಾಟ್ಸ್​ಆ್ಯಪ್ ಸ್ಟೇಟಸ್​ಗೆ ಕಾರಣವಾಗಿದ್ದಾರೆ. ವಿರಾಟ್ ಕೊಹ್ಲಿ ಸೆಂಚುರಿ ಅವರ ಅಭಿಮಾನಿಗಳಲ್ಲಿ (Virat Kohli Fans Reactions) ಹರ್ಷೋದ್ಘಾರ ಮೂಡಿಸಿದ್ದು ವಾಟ್ಸ್​ಆ್ಯಪ್, ಫೇಸ್​ಬುಕ್, ಟ್ವಿಟರ್​ಗಳ ತುಂಬಾ ಕಿಂಗ್ ಕೊಹ್ಲಿಯ ಆರ್ಭಟ ಜೋರಾಗಿದೆ.  ಅಪ್ಘಾನಿಸ್ತಾನ ವಿರುದ್ಧ ಭಾರತ 101 ರನ್​ಗಳ ಭರ್ಜರಿ ಜಯ ಗಳಿಸಿದೆ.

ವಿರಾಟ್ ಕೊಹ್ಲಿ 3 ವರ್ಷಗಳ ನಂತರ ಅಂದರೆ ನಿಖರವಾಗಿ 1020 ದಿನಗಳ ನಂತರ ಅಫ್ಘಾನಿಸ್ತಾನದ ವಿರುದ್ಧ ಅಂತರರಾಷ್ಟ್ರೀಯ ಪಮದ್ಯವೊಂದರಲ್ಲಿ ಭಾರತಕ್ಕಾಗಿ ಶತಕ ಸಿಡಿಸಿದ್ದಾರೆ. ಮೊಹಮ್ಮದ್ ನಬಿ ಟಾಸ್ ಗೆದ್ದು ಅಫ್ಘಾನಿಸ್ತಾನ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ನಂತರ ಭಾರತ 2 20 ಓವರ್‌ಗಳಿಗೆ 212 ರನ್ ಗಳಿಸಿದ್ದರೆ ಅದರ ಪೈಕಿ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರ  61 ಎಸೆತಗಳಲ್ಲಿ ಔಟಾಗದೆ 122 ರನ್ ಗಳಿಸಿದ ರನ್​ಗಳೇ ಇದ್ದವು.

ರಿಕಿ ಪಾಂಟಿಂಗ್​ ಸರಿಗಟ್ಟಿದ ಕಿಂಗ್ ಕೊಹ್ಲಿ
ಈ ಶತಕದೊಂದಿಗೆ ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕಗಳ ಪಟ್ಟಿಯಲ್ಲಿ ರಿಕಿ ಪಾಂಟಿಂಗ್‌ರನ್ನು ಸರಿಗಟ್ಟಿದ್ದಾರೆ. ಇದಕ್ಕೂ ಮುನ್ನ ಕೊನೆಯದಾಗಿ 2019 ರ ನವೆಂಬರ್‌ನಲ್ಲಿ ಈಡನ್ ಗಾರ್ಡನ್ಸ್‌ನಲ್ಲಿ ಬಾಂಗ್ಲಾದೇಶ ವಿರುದ್ಧದ ಹಗಲು-ರಾತ್ರಿ ಟೆಸ್ಟ್‌ನಲ್ಲಿ ವಿರಾಟ್ ಕೊಹ್ಲಿ ಕೊನೆಯ ಬಾರಿಗೆ ಅಂತರಾಷ್ಟ್ರೀಯ ಶತಕ ಗಳಿಸಿದ್ದರು.

ಪತ್ನಿ ಮತ್ತು ಮಗಳಿಗೆ ಶತಕ ಅರ್ಪಣೆ
ಅಲ್ಲದೇ ಇಂದಿನ ಈ ಅಜೇಯ ಭರ್ಜರಿ ಶತಕವನ್ನು ವಿರಾಟ್ ಕೊಹ್ಲಿ ತಮ್ಮ ಪತ್ನಿ ಅನುಷ್ಕಾ ಶರ್ಮಾ ಮತ್ತು ಮಗಳು ವಾಮಿಕಾಗೆ ಅರ್ಪಿಸಿದ್ದಾರೆ. ತಮ್ಮ ಶತಕದ ಹಿಂದಿನ ಸ್ಪೂರ್ತಿ ಅನುಷ್ಕಾ ಶರ್ಮಾ ಎಂದಿದ್ದಾರೆ ಕಿಂಗ್ ಕೊಹ್ಲಿ.

ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದವರಿವರು
ಸಚಿನ್ ತೆಂಡೂಲ್ಕರ್ - 664 ಪಂದ್ಯಗಳಲ್ಲಿ 100

ರಿಕಿ ಪಾಂಟಿಂಗ್ - 560 ಪಂದ್ಯಗಳಲ್ಲಿ 71 ಶತಕ

ವಿರಾಟ್ ಕೊಹ್ಲಿ - 468 ಪಂದ್ಯಗಳಲ್ಲಿ 71 ಶತಕ

ಏಷ್ಯಾಕಪ್ ಪಂದ್ಯದಲ್ಲಿ ನಾಯಕ ರೋಹಿತ್ ಶರ್ಮಾ ವಿಶ್ರಾಂತಿ ಪಡೆದ ನಂತರ ವಿರಾಟ್ ಕೊಹ್ಲಿ ಭಾರತದ ಇನ್ನಿಂಗ್ಸ್ ಆರಂಭಿಕರಾಗಿ ಕಣಕ್ಕಿಳಿದಿದ್ದರು.

ಇದನ್ನೂ ಓದಿ: Urvashi Rautela: ಪಂತ್ ಆಯ್ತು, ಈಗ ಪಾಕ್ ಆಟಗಾರನೇ ಬೇಕಂತೆ! ಬಾಲಿವುಡ್​ ನಟಿ ರೀಲ್ಸ್​ ವಿಡಿಯೋ ವೈರಲ್​

ಏಳು ಬಾರಿ ಏಷ್ಯಾ ಕಪ್ ಅನ್ನು ಗೆದ್ದಂತಹ ಭಾರತ ಕ್ರಿಕೆಟ್ ತಂಡದ ಮೇಲೆ ಅಭಿಮಾನಿಗಳು ತುಂಬಾನೇ ಭರವಸೆ ಇಟ್ಟಿಕೊಂಡಿದ್ದು, ಈಗ ಎಂಟನೇ ಬಾರಿಗೆ ಭಾರತ ಕ್ರಿಕೆಟ್ ತಂಡವು ಈ ಏಷ್ಯಾ ಕಪ್ ಅನ್ನು ತನ್ನ ಮುಡಿಗೇರಿಸಿಕೊಳ್ಳುತ್ತದೆ ಅಂತ ತುಂಬಾನೇ ಕುತೂಹಲದಿಂದ ಕಾಯುತ್ತಿದ್ದರು.. ಈಗಾಗಲೇ ಸೂಪರ್ ಫೋರ್ ಸುತ್ತಿನಲ್ಲಿ ಸತತವಾಗಿ ಆಡಿದ ಎರಡು ಪಂದ್ಯಗಳಲ್ಲಿ ಎರಡನ್ನೂ ಸೋತಿರುವಂತಹ ಭಾರತ ತಂಡಕ್ಕೆ ಇನ್ನೆಲ್ಲಿದೆ ಏಷ್ಯಾ ಕಪ್ ಫೈನಲ್​ಗೆ ಹೋಗುವ ಅವಕಾಶ ಅಂತ ಬಹುತೇಕರಿಗೆ ಅನ್ನಿಸುತ್ತಿರಬಹುದು.

ಇದನ್ನೂ ಓದಿ: Asia Cup 2022: ಮೈದಾನದಲ್ಲಿ ಅಫ್ಘಾನ್​ ಬೌಲರ್​ಗೆ ಬ್ಯಾಟ್​ ಬೀಸಿದ ಪಾಕ್​ ಆಟಗಾರ, ಸ್ಟೇಡಿಯಂನಲ್ಲಿ ಬಡಿದಾಡಿಕೊಂಡ ಫ್ಯಾನ್ಸ್

ಈ ಬಾರಿಯ ಏಷ್ಯಾ ಕಪ್ ನ ಎಲ್ಲಾ ಲೀಗ್ ಪಂದ್ಯಗಳನ್ನು ಗೆದ್ದುಕೊಂಡಿರುವ ಭಾರತ ತಂಡ, ಸೂಪರ್ ಫೋರ್ ಸುತ್ತಿನಲ್ಲಿಯೂ ಸಹ ಅದನ್ನೇ ಮುಂದುವರೆಸುತ್ತೆ ಅಂತ ಅಭಿಮಾನಿಗಳು ತುಂಬಾನೇ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದರೆ ಸೂಪರ್ ಫೋರ್ ಸುತ್ತಿನಲ್ಲಿ ಮೊದಲ ಪಂದ್ಯವೇ ತನ್ನ ಕಟ್ಟಾ ಎದುರಾಳಿ ಪಾಕಿಸ್ತಾನದೊಂದಿಗೆ ನಡೆದಿತ್ತು. ಎಲ್ಲರಿಗೂ ತಿಳಿದಿರುವಂತೆ ಆ ಪಂದ್ಯದಲ್ಲಿ ಭಾರತದ ವಿರುದ್ಧ 182 ರನ್ ಗಳ ಗುರಿಯನ್ನು ಬೆನ್ನಟ್ಟಿದ ಪಾಕಿಸ್ತಾನ ತಂಡವು 5 ವಿಕೆಟ್ ಗಳ ಭರ್ಜರಿ ಜಯ ಸಾಧಿಸಿತು. ಹೀಗಾಗಿ ಭಾರತ ಏಷ್ಯಾ ಕಪ್​ನಿಂದ ಹೊರಬಿದ್ದಿತ್ತು.