Ashes 2019: ಟೆಸ್ಟ್​ ಕ್ರಿಕೆಟ್​ಗೆ ಹೊಸ ಲುಕ್: ಜೆರ್ಸಿಯಲ್ಲಿ ಆಟಗಾರರ ಹೆಸರು ಮತ್ತು ನಂಬರ್

Ashes 2019: ಐಸಿಸಿ ಕೂಡ ತನ್ನ ಸಾಮಾಜಿಕ ಖಾತೆಯಲ್ಲಿ ಮೊಯೀನ್ ಅಲಿ ಹಾಗೂ ಸ್ಟುವರ್ಟ್ ಬ್ರಾಡ್ ಅವರ ಹೊಸ ಜೆರ್ಸಿ ಲುಕ್​ ಅನ್ನು ಪ್ರದರ್ಶಿಸುವ ಮೂಲಕ ಟೆಸ್ಟ್​ ಕ್ರಿಕೆಟ್​ನ ನೂತನ ಉಡುಪಿನ ಬದಲಾವಣೆಯನ್ನು ದೃಢಪಡಿಸಿದೆ.

news18
Updated:July 24, 2019, 3:44 PM IST
Ashes 2019: ಟೆಸ್ಟ್​ ಕ್ರಿಕೆಟ್​ಗೆ ಹೊಸ ಲುಕ್: ಜೆರ್ಸಿಯಲ್ಲಿ ಆಟಗಾರರ ಹೆಸರು ಮತ್ತು ನಂಬರ್
ಜೋ ರೂಟ್
  • News18
  • Last Updated: July 24, 2019, 3:44 PM IST
  • Share this:
ಟೆಸ್ಟ್​ ಕ್ರಿಕೆಟ್​ನ ರಣರಂಗ ಆ್ಯಶಸ್ ಸರಣಿಗಾಗಿ ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳು ಭರ್ಜರಿ ತಯಾರಿಯಲ್ಲಿದೆ. ಈ ಕುತೂಹಲಕಾರಿ ಸರಣಿ ಮೂಲಕವೇ ಟೆಸ್ಟ್​ ಕ್ರಿಕೆಟ್​ಗೆ ಹೊಸ ಲುಕ್ ನೀಡಲು ಐಸಿಸಿ ನಿರ್ಧರಿಸಿದೆ. ಅದರಂತೆ ಇದೇ ಮೊದಲ ಬಾರಿಗೆ ಟೆಸ್ಟ್​ ಪಂದ್ಯದಲ್ಲಿ ಆಟಗಾರರ ಜೆರ್ಸಿ ಮೇಲೆ ಹೆಸರು ಮತ್ತು ನಂಬರ್ ಮುದ್ರಣವಾಗಲಿದೆ.

ವಿಶ್ವವೇ ಕಾತುರದಿಂದ ಕಾಯುತ್ತಿರುವ ಆ್ಯಶಸ್ ಸರಣಿ ಮೂಲಕ ಇಂತಹದೊಂದು ಪ್ರಯೋಗ ಮಾಡಲಾಗುತ್ತಿದ್ದು, ಏಕದಿನ ಮತ್ತು ಟಿ20 ಮಾದರಿಯಲ್ಲಿ ಇನ್ಮುಂದೆ ಟೆಸ್ಟ್​ ಪಂದ್ಯಕ್ಕೂ ಹೆಸರು ಮತ್ತು ಸಂಖ್ಯೆಯನ್ನು ಮುದ್ರಿಸಲಾಗುತ್ತದೆ ಎಂದು ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಸ್ಪಷ್ಟಪಡಿಸಿದೆ.

ಈ ಸುದ್ದಿ ಹೊರ ಬೀಳುತ್ತಿದ್ದಂತೆ ಇಂಗ್ಲೆಂಡ್‌ ಕ್ರಿಕೆಟ್‌ ತನ್ನ ಟ್ವಿಟರ್‌ ಖಾತೆಯಲ್ಲಿ ಜೋ ರೂಟ್‌ ಅವರ ಜೆರ್ಸಿಯಲ್ಲಿ ಹೆಸರು ಮತ್ತು ನಂಬರ್‌ ಪ್ರದರ್ಶಿಸಿದೆ. ಹಾಗೆಯೇ ಐಸಿಸಿ ಕೂಡ ತನ್ನ ಸಾಮಾಜಿಕ ಖಾತೆಯಲ್ಲಿ ಮೊಯೀನ್ ಅಲಿ ಹಾಗೂ ಸ್ಟುವರ್ಟ್ ಬ್ರಾಡ್ ಅವರ ಹೊಸ ಜೆರ್ಸಿ ಲುಕ್​ ಅನ್ನು ಪ್ರದರ್ಶಿಸುವ ಮೂಲಕ ಟೆಸ್ಟ್​ ಕ್ರಿಕೆಟ್​ನ ನೂತನ ಉಡುಪಿನ ಬದಲಾವಣೆಯನ್ನು ದೃಢಪಡಿಸಿದೆ.


ಆದರೆ ಇಲ್ಲಿ ಜೆರ್ಸಿಯ ಬಣ್ಣದಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಹಳೆಯ ಮಾದರಿ ಬಿಳಿ ಸಮವಸ್ತ್ರದ ಮೇಲೆ ನಂಬರ್ ಹಾಗೂ ಹೆಸರನ್ನು ಮಾತ್ರ ಮುದ್ರಿಸಲಾಗಿದೆ. ಇನ್ನು ಆಸ್ಟ್ರೇಲಿಯಾ ತಂಡ ಕೂಡ ಇದೇ ಮಾದರಿಯನ್ನು ಅನುಸರಿಲಿದೆಯೇ ಅಥವಾ ಹೆಸರು ಮತ್ತು ನಂಬರ್​ಗೆ ಮತ್ತೊಂದು ಹೊಸ ಟಚ್ ನೀಡಲಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ.



ಆಗಸ್ಟ್​ 1 ರಿಂದ ಪ್ರತಿಸ್ಠಿತ ಆ್ಯಶಸ್ ಟೆಸ್ಟ್​ ಸರಣಿ ಆರಂಭವಾಗಲಿದ್ದು, ತವರಿನಲ್ಲಿ ನಡೆಯುವ ಈ ಸಿರೀಸ್​ನಲ್ಲಿ ಇಂಗ್ಲೆಂಡ್ ತಂಡ ಆಸ್ಟ್ರೇಲಿಯಾ ವಿರುದ್ಧ 5 ಟೆಸ್ಟ್​ ಪಂದ್ಯಗಳನ್ನು ಆಡಲಿದೆ.

First published:July 24, 2019
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ