• Home
  • »
  • News
  • »
  • sports
  • »
  • Team India: ಟೀಮ್ ಇಂಡಿಯಾಗೆ ಎಂಟ್ರಿ ಕೊಟ್ಟ ಯುವ ಸ್ವಿಂಗ್ ಬೌಲರ್..!

Team India: ಟೀಮ್ ಇಂಡಿಯಾಗೆ ಎಂಟ್ರಿ ಕೊಟ್ಟ ಯುವ ಸ್ವಿಂಗ್ ಬೌಲರ್..!

Arzan Nagwaswalla

Arzan Nagwaswalla

ಅತ್ತ ಐಪಿಎಲ್ ಆಡದೇ, ದೇಶೀಯ ಅಂಗಳದಲ್ಲಿ ಆಡಿದ ಕೆಲವೇ ಪಂದ್ಯಗಳ ಭರ್ಜರಿ ಪ್ರದರ್ಶನದ ಮೂಲಕ ಅರ್ಜಾನ್ ಟೀಮ್ ಇಂಡಿಯಾ ಬಳಗ ಸೇರಿಕೊಂಡಿದ್ದಾರೆ.

  • Share this:

    ಕೆಲವರು ಹಾಗೆ...ಅವರು ಎಂಟ್ರಿ ಕೊಡುವ ತನಕ ಇಂತವರೊಬ್ಬರು ಇದ್ದಾರೆ ಎಂಬುದೇ ತಿಳಿದಿರುವುದಿಲ್ಲ. ಅಂತಹ ಸಾಲಿಗೆ ಹೊಸ ಸೇರ್ಪಡೆ ಅರ್ಜಾನ್ ನಾಗ್ವಾಸ್ವಲ್ಲಾ. ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಹಾಗೂ ಇಂಗ್ಲೆಂಡ್ ವಿರುದ್ದದ ಟೆಸ್ಟ್ ಸರಣಿಗಾಗಿ ಆಯ್ಕೆ ಮಾಡಲಾದ ಸ್ಟ್ಯಾಂಡ್ ಬೈ ಆಟಗಾರರಲ್ಲಿ ಅರ್ಜಾನ್ ಕೂಡ ಒಬ್ಬರು. ಇನ್ನುಳಿದವರು ಅಭಿಮನ್ಯು ಈಶ್ವರನ್, ಪ್ರಸಿದ್ಧ್ ಕೃಷ್ಣ, ಅವೇಶ್ ಖಾನ್. ಈ ಮೂವರು ಈಗಾಗಲೇ ಐಪಿಎಲ್ ಹಾಗೂ ಇನ್ನಿತರ ಟೂರ್ನಿಗಳ ಮೂಲಕ ಎಲ್ಲರಿಗೂ ಗೊತ್ತಿರುವವರೇ. ಆದರೆ ಐಪಿಎಲ್​ನಲ್ಲಿ ಕಾಣಿಸಿಕೊಳ್ಳದೇ ಇದೀಗ ದಿಢೀರಣೆ ಟೀಮ್ ಇಂಡಿಯಾ ಬಳಗಕ್ಕೆ ಎಂಟ್ರಿ ಕೊಟ್ಟು ಎಲ್ಲರ ಗಮನ ಸೆಳೆದಿದ್ದಾರೆ ಅರ್ಜಾನ್.


    23 ವರ್ಷದ ಅರ್ಜಾನ್ ಗುಜರಾತ್​ ಮೂಲದವರು. ಎಡಗೈ ವೇಗದ ಬೌಲಿಂಗ್ ಮೂಲಕ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಕ್ರಿಕೆಟ್ ಭರ್ಜರಿ ಪ್ರದರ್ಶನ ನೀಡಿದ್ದರು. ಅದರಲ್ಲೂ ಮುಖ್ಯವಾಗಿ ಮಹಾರಾಷ್ಟ್ರ ವಿರುದ್ಧದ ಪಂದ್ಯದಲ್ಲಿ ಕೇವಲ 19 ರನ್‌ಗಳಿಗೆ 6 ವಿಕೆಟ್‌ ಉರುಳಿಸಿದ್ದರು. ಈ ಮಾರಕ ದಾಳಿಯಿಂದ ಆ ಪಂದ್ಯವನ್ನು ಗುಜರಾತ್ 29 ರನ್‌ಗಳಿಂದ ಗೆದ್ದುಕೊಂಡಿತ್ತು. ಅಂದೇ ಬಿಸಿಸಿಐ ಆಯ್ಕೆಗಾರರು ಈ ಯುವ ವೇಗಿಯ ಮೇಲೆ ಕಣ್ಣಿಟ್ಟಿದ್ದರು.


    ಏಕೆಂದರೆ ಈತ ಇದುವರೆಗೆ ಕೇವಲ 16 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದರೂ ಉರುಳಿಸಿದ್ದು ಬರೋಬ್ಬರಿ 62 ವಿಕೆಟ್​ಗಳು. ಜೊತೆಗೆ 15 ಟಿ20 ಪಂದ್ಯಗಳಿಂದ 21 ವಿಕೆಟ್ ಪಡೆದಿದ್ದಾರೆ. ಇನ್ನು ವಿಜಯ್ ಹಜಾರೆ ಟ್ರೋಫಿಯಲ್ಲಿಯೂ ಅದ್ಭುತ ಪ್ರದರ್ಶನ ನೀಡಿದ್ದರು. ಕ್ವಾರ್ಟರ್ ಫೈನಲ್‌ನಲ್ಲಿ ಗುಜರಾತ್‌ನ ಗೆಲುವಿನಲ್ಲಿ ಅರ್ಜಾನ್ ಪ್ರಮುಖ ಪಾತ್ರ ವಹಿಸಿದ್ದರು. ಆಂಧ್ರ ವಿರುದ್ಧದ ಆ ಪಂದ್ಯದಲ್ಲಿ 28 ರನ್‌ಗಳಿಗೆ 4 ವಿಕೆಟ್ ಪಡೆದು ಮಿಂಚಿದ್ದರು.


    ಇನ್​ಸ್ವಿಂಗ್ ಮತ್ತು ಔಟ್ ಸ್ವಿಂಗ್ ಮೂಲಕ ಬ್ಯಾಟ್ಸ್​ಮನ್​ಗಳನ್ನು ಕಾಡುವ ಈ ಯುವ ಎಡಗೈ ವೇಗಿಯ ಹೆಸರು ಈ ಬಾರಿ ಐಪಿಎಲ್​ ನೋಂದಣಿ ಪಟ್ಟಿಯಲ್ಲಿ ಕಾಣಿಸಿಕೊಳ್ಳದಿರುವುದು ಅಚ್ಚರಿಗೆ ಕಾರಣವಾಗಿತ್ತು. ಇದಾಗ್ಯೂ ಈತನ ಮೇಲೆ ಆಯ್ಕೆಗಾರರು ಒಲವು ಹೊಂದಿದ್ದರು. ಇತ್ತ ಎಡಗೈ ವೇಗಿ ನಟರಾಜನ್ ಕೂಡ ಗಾಯಗೊಂಡಿದ್ದಾರೆ. ಅವರ ಸ್ಥಾನದಲ್ಲಿ ಮತ್ತೋರ್ವ ಎಡಗೈ ವೇಗಿಯ ಹುಡುಕಾಟದಲ್ಲಿದ್ದಾಗ ಕಂಡಿದ್ದೇ ಅರ್ಜಾನ್ ಎಂಬ ಸ್ವಿಂಗ್ ಮಾಂತ್ರಿಕ.


    ಅತ್ತ ಐಪಿಎಲ್ ಆಡದೇ, ದೇಶೀಯ ಅಂಗಳದಲ್ಲಿ ಆಡಿದ ಕೆಲವೇ ಪಂದ್ಯಗಳ ಭರ್ಜರಿ ಪ್ರದರ್ಶನದ ಮೂಲಕ ಅರ್ಜಾನ್ ಟೀಮ್ ಇಂಡಿಯಾ ಬಳಗ ಸೇರಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಈ ಯುವ ಎಡಗೈ ವೇಗಿಯ ಬೌಲಿಂಗ್​ನ್ನು ಇರ್ಫಾನ್ ಪಠಾಣ್ ಸ್ವಿಂಗ್​ಗೆ ಹೋಲಿಸಲಾಗುತ್ತಿದೆ. ಹೀಗಾಗಿ ಮುಂದೊಂದು ದಿನ ಅರ್ಜಾನ್ ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆದರೂ ಅಚ್ಚರಿಪಡಬೇಕಿಲ್ಲ.  ಹೀಗೆ ಅವಕಾಶ ಪಡೆದರೆ ಪಾರ್ಸಿ ಸಮುದಾಯದಿಂದ ಟೀಮ್ ಇಂಡಿಯಾವನ್ನು ಪ್ರತಿನಿಧಿಸುವ ಮೊದಲ ಕ್ರಿಕೆಟರ್ ಎಂಬ ಹೆಗ್ಗಳಿಕೆ ಅರ್ಜಾನ್  ನಾಗ್ವಾಸ್ವಲ್ಲಾ ಪಾಲಾಗಲಿದೆ.

    Published by:zahir
    First published: