CPL 2020: ರಶೀದ್ ಖಾನ್‌ ಕೆಣಕಿದ ಆಂಡ್ರೆ ರಸೆಲ್: ವೀಡಿಯೋ ವೈರಲ್

ವೆಸ್ಟ್ ಇಂಡೀಸ್​ನಲ್ಲಿ ನಡೆಯುತ್ತಿರುವ ಕೆರಿಬಿಯನ್ ಪ್ರೀಮಿಯರ್ ಲೀಗ್​ನ 28ನೇ ಪಂದ್ಯವು ರೋಚಕ ದೃಶ್ಯಕ್ಕೆ ಸಾಕ್ಷಿಯಾಯಿತು. ಭಾರೀ ಕುತೂಹಲ ಮೂಡಿಸಿದ್ದ ಬಾರ್ಬಡೋಸ್ ಟ್ರೈಡೆಂಟ್ಸ್ ಮತ್ತು ಜಮೈಕಾ ತಲೈವಾಸ್ ನಡುವಣ ಪಂದ್ಯದಲ್ಲಿ ಆಂಡ್ರೆ ರಸೆಲ್ ಹಾಗೂ ರಶೀದ್ ಖಾನ್ ಎಲ್ಲರ ಗಮನ ಸೆಳೆದರು. ಪಂದ್ಯದ ವೇಳೆ 17ನೇ ಓವರ್‌ನಲ್ಲಿ ರಶೀದ್ ಖಾನ್ ಎಸೆದ ಗೂಗ್ಲಿ ಎಸೆತಕ್ಕೆ ರಸೆಲ್ ದೊಡ್ಡ ಹೊಡೆತಕ್ಕೆ ಮುಂದಾದರು. ಆದರೆ ಚೆಂಡು ರಸೆಲ್​ರನ್ನು ವಂಚಿಸಿ ಸ್ಟಂಪ್​ಗೆ ತಾಗಿ ಹಾದು ಹೋಯಿತು. ಅತ್ತ ವಿಕೆಟ್​ಗೆ ತಾಗಿದರೂ ಬೇಲ್ಸ್ ಬೀಳದ ಕಾರಣ ರಸೆಲ್ ಬಚಾವಾದರು.

ಆದರೆ ಇತ್ತ ರಸೆಲ್ ವಿಕೆಟ್ ಸಿಕ್ತು ಎನ್ನುವಷ್ಟರಲ್ಲಿ ಬೇಲ್ಸ್ ಬೀಳದೆ ರಶೀದ್ ಖಾನ್ ನಿರಾಶರಾದರು. ಇದನ್ನು ನೋಡಿದ ರಸೆಲ್ ಅಫ್ಘಾನ್ ಸ್ಪಿನ್ನರ್​ರನ್ನು ಅವರ ವಿಕೆಟ್ ಕಿತ್ತಾಗ ಸಂಭ್ರಮಿಸುವ ಸೆಲೆಬ್ರೇಷನ್ ಮೂಲಕ ಅಣಕಿಸಿದರು.

ಇದೇ ವೇಳೆ ರಶೀದ್ ಖಾನ್ ಕೂಡ ತನ್ನ ಆತ್ಮೀಯ ರಸೆಲ್​ರನ್ನು ಒದೆಯುವ ಪ್ರಯತ್ನ ಮಾಡಿದ್ದರು. ಮರುಕ್ಷಣವೇ ಇಬ್ಬರೂ ಚಿಯರ್​ ಅಪ್ ಮಾಡಿ ಗಮನ ಸೆಳೆದರು. ಈ ವಿಡಿಯೋ ಇದೀಗ ಭಾರೀ ವೈರಲ್ ಆಗುತ್ತಿದೆ.

THE LIGHTS ARE ON.... Dre Russ has a lucky escape. #CPL20 #JTvBT #CricketPlayedLouder pic.twitter.com/EcQ1TM8eog

— CPL T20 (@CPL) September 5, 2020

ಈ ಪಂದ್ಯದಲ್ಲಿ 28 ಎಸೆತಗಳಲ್ಲಿ ರಸೆಲ್ 54 ರನ್​ ಬಾರಿಸಿ ತಂಡದ ಮೊತ್ತವನ್ನು 161 ರನ್​ಗೆ ತಂದು ನಿಲ್ಲಿಸಿದರು. ಆದರೆ ಜಮೈಕಾ ನೀಡಿದ ಗುರಿಯನ್ನು ಯಶಸ್ವಿಯಾಗಿ ಚೇಸ್ ಮಾಡಿದ ಬಾರ್ಬಡೋಸ್ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದರು.

ಇದನ್ನೂ ಓದಿ: IPLನಲ್ಲಿ ದ್ವಿಶತಕ ಬಾರಿಸಬಲ್ಲ ಬ್ಯಾಟ್ಸ್​ಮನ್​​ನ ಹೆಸರಿಸಿದ ಡೇವಿಡ್ ಹಸ್ಸಿ..!